لا تستعملوا ماء جافيل مع سائل غسيل الأواني لنتعرف معا على السبب

[faith8]

السلام عليكم ورحمة الله وبركاته

مكانش فيكم لي مدارتش جافال في رغوة المواعن .. علابالك راكي تدمري في صحتك و صحة عايلتك؟!

بزاف سيدات يخلطو جافال مع رغوة الصحون ظنًّا منهم انو ينظف و يعقم

جيت نثبتلكم العكس .. تبعوني

الجافال فيه مادة هيبوكلوريت الصوديوم NaClO . مادة مطهرة قوية نستعملوها في حالة التنظيف العميق فقط للاسطح

كي نستعملوها في غسل المواعن هاه وش يصرا

-بقايا الجافال رح يترسبو في الصحون : حتى لو شطفتيهم ، جزئيات صغيييرة من الكلور النشط رح تبقى ملتصقة في الاواني لي ناكلو فيهم

-هنا الكلور رح يدخل لجسمنا عبر الاكل و مع تكرار التعرض ، الجسم يبدا يمتص كميات صغيرة منو

و على المدى البعيد يقدر يتسبب في :

-تهيج الاغشية المخاطية لي هوما الفم و المعدة

- يصراولنا اضطرابات هضمية مزمنة

الكبد و الكلى رح يصرالهم اجهاد بسبة انو يحاولو تصفية السموم
يرتفع خطر الاصابة بامراض مزمنة

- نزيدكم بلي الكلور يتفاعل مع بقايا عضوية( تاع الدهون ، الاكل .. ) يقدر ينتج مركبات سامة نعيطولها Trihalomethanes (THMs)

دراسات عديدة داروها العلماء لقاو بلي هاذ المركبات يزيدو احتمال الإصابة ب:

سرطان ( خاصة القولون و المثانة )
مشاكل في الرئة و الجلد

مع الوقت اكيد

لذلك سيدتي الجافال يستعمل فقطططط في تعقيم الاسطح ، الحوض ،و الاسفنجة لي تغسلي بيها

و اشطفي المواعين ملييييح بعد ماتراغيهم


وما تنساوش صحتكم بين يديكم

دمتم

و اذا بغيتي تتخلصي من كاش رائحة استعملي الخل الابيض + مع بيكاربونات الصوديوم . آمنين و فعالين ​

 

[ام أمينة]

موضوع في غاية الأهمية و يبين خطورة المواد الكيميائية المستعملة في مواد التنظيف من بينهم الجافيل

مشكورة موضوع مفيد أتمنى من الجميع وضع هذه المعلومات بعين الإعتبار و أخد الحيطة و الحذر عند إستعمال مواد التنظيف

 

[إلياس]

بورك فيك على هذه المعلومة لم أكن اعرفها جزيت خيرا

 

[faith8]

موضوع في غاية الأهمية و يبين خطورة المواد الكيميائية المستعملة في مواد التنظيف من بينهم الجافيل

مشكورة موضوع مفيد أتمنى من الجميع وضع هذه المعلومات بعين الإعتبار و أخد الحيطة و الحذر عند إستعمال مواد التنظيف

العفو لا شكر على واجب
الشكر لك لمرورك الكريم

 

[faith8]

بورك فيك على هذه المعلومة لم أكن اعرفها جزيت خيرا

وفيك بارك الله
أخبروا الأشخاص في محيطكم يجب أن ننشر الوعي والله المستعان