سؤال احتاج جواب من فضلكم

[.Douaa.]

السلام عليكم.. راني معروضة لعرس ولد عمتي.. أمي و اختي رافضين الذهاب.. هل يمكن الذهاب بمفردي ؟ للعلم سني 26 سنة و عزباء.

 

[.Douaa.]

عادي اختي إذا الوالد والوالدة موافقين انك تروحي روحي وكوني عاقلة هههههه ماشي وحدك وتقلبيها شطيح هههه روحي ديري الواجب هذي عمتك ماشي برانية روحي مع الوالد ماتروحيش وحدك وارجعي معاه ماترجعي مع أي أحد لا غريب ولا قريب مع الوالد
هيا رانا اعطيناك الفو فاغ هههههه

شكرا على الرد

 

[.Douaa.]

ما دام الأمر موافق عليه الوالد عادي جدا أنك تروحي معاه و تدير الواجب نيابة عن العائلة..
و لا مشكل في كونك عزباء و أمك ماحضرتش مادام العرس فيه جزء من صلة الرحم (عمتك) مش ناس برانية.
هذا رأيي و الله أعلم

ايواه بالضبط هذاك هو المشكل خفت متكونش جاية اني نروح نيابة عنهم و لازم حضور الام في هذه المواقف

 

[ام أمينة]

صح و نا خممت بهاذ المنظور.. بارك الله فيك و شكرا على الرد

الا رحتي وحدك كوني رزينة ابتسمي اعرفي واش تهدري و واش تجاوبي شوفي كيفاش ترقعي الحالة حتى تولي للدار
موفقة

 

[ذات الشيم]

قاتلي دبري راسك

ايه مادام الوالدين لم يمانعوا تقدري تروحي مع احترام الضوابط كيما قالولك الاخوات
وربي يفرحك

 

[فادي محمد]

استشيري امك في الأمر قبل اتخاذ القرار

 

[أبو عاتكة]

كان هناك خلاف قديم بين الوالدة و العمة.. اختي تكره الاختلاط بالناس يمكن ان تقولي ان لديها فوبيا من هذه المناسبات..
فبحكم أن والدي سمح لي بالذهاب لانه بالعادة لا بفعل.. و بحكم أن عمتي شخصيا جاءت و قامت بالحلف و تعيد و تكرر انها لن تسامحنا ان لم نحضر.. قررت شخصيا الذهاب.. لكن خشيت ان تكون نظرة المجتمع و العائلة تختلف ان ذهبت بمفردي و بدون أمي و أختي لانني عزباء.

روحي للعرس
على الاقل تلقى امك شكون يحكيلها على العرس

 

[Hakan]

ما تروحيش ، الطفلة بلا يماها في العرس ما تصلحش ،رايحة تجيبي لعمرك الهدرة ،تروحي تزهاي ،تلقاي روحك راجعة بالڨواتر .غير هني روحك .

 

[habib2]

انا لكان جيت في بلاصتك منروحش وانتهى .

 

[نجـود]

تبقى على حسب تمييزك لدرجة القرب من عمتك وبناتها وشخصيتك ايضا
اذا تروحي وتلقاي روحك مهمشة حاكمة بلاصة كالاغراب وناس حاطة منك العين ماكالاه
واذا انت بطبعك غير اجتماعية وجابدة روحك بزاف تاني ماكالاه..

هذا قاع ... مع وجوب الاجابة على سؤال: وأمك علاه ماجاتش؟


بصح ديرو في بالكم مادام الخطوة في التصالح جات منها ... فعدم الذهاب رح يخلي العلاقة مقطوعة ابد الآبدين..