الدخول المدرسي.. بين فرحة الأولاد و وجع الجيوب🎒📒📚

أم إسراء

✍️ Top 5 👑
أحباب اللمة
السلام عليكم و رحمة الله و بركاته إخواني و أخواتي اللماويين 🌸

و حنا على بعد أسابيع قليلة من الدخول المدرسي، بدات العروض على الأدوات و المحافظ و غيرها.. بصراحة الأشكال و الألوان راهي تسرّ الناظرين، حتى حنا الكبار انبهرنا بجمالها، فما بالك بالطفل الصغير لي بطبعه يحب البهرجة و الزينة في أشياؤه.

أنا كالعادة، متبعة وحدة من أشهر المكتبات في مدينتي، عجبتني محفظة بزاف ✨. كي حبيت نشوف سعرها، تلاقيت صدفة مع منشور لإحدى الإعلاميات وكانت تطرح نفس الموضوع: "وش رايكم في المحافظ لي وصلو لمليون و800 ولا حتى زوج ملاين؟".
وللمفارقة نفس المحفظة لي عجبتني لقيتها داخلة في هذي الأسعار! 🤯
بالفعل تصدمت للغلاء الفاحش، و قلت في نفسي: كيفاه محفظة يقدرو يثمنوها بالسوم هذا؟ واش هو السر؟ النوعية فعلا تستاهل؟ ولا مجرد استغلال لأنو الدخول المدرسي موسم مضمون؟

هنا يطرح السؤال:
– هل الأسعار هذي مبرّرة بالنوعية و "الماركات"؟
– ولا التجار راهم يستغلو المناسبة باش يضربو فالجيوب؟
– واش دور الرقابة و حماية المستهلك في كل هذا؟

وأنتوما إخوتي، كيفاش تتحضرو للدخول المدرسي؟
هل تفضلو تشرو حاجة غالية "تدوم"؟ ولا المعقول يكفي بما أنو الأولاد في كل عام يحبّو يبدلو أدواتهم؟

بانتظار آرائكم و تجاربكم.
و الأساتذة لي معنا.. أحكولنا على نفسية الأولاد مع وجود المفارقات في المستوى المعيشي عندنا. نظرا لاحتكاكم مع مختلف الطبقات في المجتمع
1755862560801.gif
 
آخر تعديل بواسطة المشرف:
توقيع أم إسراء
المحافظ و الأدوات المدرسية ولات غالية بزاف و نلقاو منها غير الزينة و فيها رسوم لشخصيات كرتونية معروفة و الثمن ما يعكسش الجودة دائمًا
التجار يستغلو الدخول المدرسي باش يربحو و الرقابة راهي غايبة و لا منعدمة
أنا كأم نشري فالمعقول حاجة تفرّح الأولاد و تشّد العام بلا ما نطيح فالمظاهر و التفاخر
و الأساتذة لازم يراعو الفوارق بين التلاميذ و يغرسو فيهم روح القناعة و التقدير مش المقارنة و الشكليات

مشكورة على الموضوع
اتمنى رؤية مشاركة الآخرين لمزيد من الآراء
 
توقيع ام أمينة
موضوع هايل يعطيك الصحة ..
للأسف التجّار هذو يستغلو المواسم باش يزيدو الأسعار الأمر ما عندو علاقة لا بماركة معينة لا بلد صنع معين
يجي رمضان تلهب أسعار الخضر والفواكه واللحوم يجي العيد الصغير تلهب أسعار صوالح الڨاطو وإذا جا العيد الكبير ما نهدروش على الأضحية لي الزوالي مسكين يشوف بعينيه وما يقدرش يشري
يلحق الدخول المدرسي تشعل أسعار المحافظ والأدوات بصفة عامّة ، لاه الكرطاب تع مليون هو يرفد الطفل ولا الطفل يرفده ؟ تحيري، ويبقى الأب البسيط مسكين مغلوب على أمرو بين جيبو لي ما يسمحلوش يوفر كل الحاجيات ، بين التاجر المستغل ، وبين فرحة ابنو ولا بنتو أمام رفاقهم في المدارس
 
وعليكم السلام ورحمة الله وبركاته

الأدوات راهي غالية بزاف
لكن كاين أدوات أسعارها أقل
كيما ماركة تيكنو ماركة مليحة وأدواتها غاليين
كل واحد يشري قد مقدورو وميكلفش نفسو
لأنو لي يقرا يقرا بأدوات غالية أو رخيسة
المحافظ صح غاليين واصلين للمليون والزوج
صراحة منشريهمش لأولادي
نفضل كل عام نشري محفظة بسعر معقول
290الف او 300الف كحد أقصى
(لبنتي هذا العام ان شاءالله سنة رابعة)
منين دخلت تحضيري واولى قرات بنفس المحفظة
السعر كان 150الف
والثانية بروموسيون 200الف
كملت بيها الثالثة
وهاذ العام ان شاءالله للرابعة والخامسة ان شاءالله نفس المحفظة.
اما خوها يقرا بتاع التحضيري باذن الله.

والادوات المزركشة وباشكال حيوانات معندها حتى فايدة
غير تضيع تركيز الطفل
الواحد يشريلهم أدوات عادية
الالوان فقط نحب نشري علبة كبيرة تاع 12
ماركة تيكنو باه تشد عام كامل
ونزيدكم المسطرة لبنتي مسطرة لي تطوط
من سنة أولى وهي بيها مازالت لدرك
😁


ياحي وقتنا كيفاه فوتناه
ادوات بسيطة مكناش عندنا هاذ الادوات الغريبة


تقبلي مروري عزيزتي
 
توقيع السلطانة
وعليكم السلام
صراحة تشوكيت كي شفت السعر تاع هذوك المحافظ مفهمتش على أي أساس حطو هذا السعر
وكيما معروف كل عام النار شاعلة في أسعار الأدوات المدرسية الكراس تاع 96ورجع بشانو.. وانا نفضل نشري محفظة تاع 200وحاجة الى 300الف خير وخير وزيد والله غير هوما شابين اكثر من تاع مليون وزوج هههه
الله المستعان ربي يكون في عون الأولياء
مشكورة ياغالية💛
 
توقيع *amani*
هذا الموضوع يسيل كثيرا من الحبر في كل عام دراسي جديد حيث الغلاء الفاحش في الأدوات المدرسية و المآرز ، على الدولة ضرب بيد من حديد من يقوم والمضاربة في الأدوات يصدقها العقل محفظة توصل حتى مليون دج كيف لعندو ثلاثة و حتى خمسة يقروا كيفاش يدري معاهم و القدرة الشرائية للمواطن في انهيار كامل غلاء في كل شيء
الى متى ذلك في كل عام
بورك فيك على طرحك القيم أختاه
 
وعليكم السلام
صراحة تشوكيت كي شفت السعر تاع هذوك المحافظ مفهمتش على أي أساس حطو هذا السعر
وكيما معروف كل عام النار شاعلة في أسعار الأدوات المدرسية الكراس تاع 96ورجع بشانو.. وانا نفضل نشري محفظة تاع 200وحاجة الى 300الف خير وخير وزيد والله غير هوما شابين اكثر من تاع مليون وزوج هههه
الله المستعان ربي يكون في عون الأولياء
مشكورة ياغالية💛

هادي المحفظة تاع مليون ونص
قالي البائع اوغتوبيديك
😌🙄قلتلو زعم وش قالي وليدك كي يرفدها ميوجعوش ظهرو وتشدلو عوام

وانا حسبتها محفطة ذكية هههه قلت بلاك كاشما تتفتح وتتغلق وحدها تمشي بالذكاء الاصطناعي
 
توقيع السلطانة
السلام عليكم و رحمة الله و بركاته إخواني و أخواتي اللماويين 🌸

و حنا على بعد أسابيع قليلة من الدخول المدرسي، بدات العروض على الأدوات و المحافظ و غيرها.. بصراحة الأشكال و الألوان راهي تسرّ الناظرين، حتى حنا الكبار انبهرنا بجمالها، فما بالك بالطفل الصغير لي بطبعه يحب البهرجة و الزينة في أشياؤه.

أنا كالعادة، متبعة وحدة من أشهر المكتبات في مدينتي، عجبتني محفظة بزاف ✨. كي حبيت نشوف سعرها، تلاقيت صدفة مع منشور لإحدى الإعلاميات وكانت تطرح نفس الموضوع: "وش رايكم في المحافظ لي وصلو لمليون و800 ولا حتى زوج ملاين؟".
وللمفارقة نفس المحفظة لي عجبتني لقيتها داخلة في هذي الأسعار! 🤯
بالفعل تصدمت للغلاء الفاحش، و قلت في نفسي: كيفاه محفظة يقدرو يثمنوها بالسوم هذا؟ واش هو السر؟ النوعية فعلا تستاهل؟ ولا مجرد استغلال لأنو الدخول المدرسي موسم مضمون؟

هنا يطرح السؤال:
– هل الأسعار هذي مبرّرة بالنوعية و "الماركات"؟
– ولا التجار راهم يستغلو المناسبة باش يضربو فالجيوب؟
– واش دور الرقابة و حماية المستهلك في كل هذا؟

وأنتوما إخوتي، كيفاش تتحضرو للدخول المدرسي؟
هل تفضلو تشرو حاجة غالية "تدوم"؟ ولا المعقول يكفي بما أنو الأولاد في كل عام يحبّو يبدلو أدواتهم؟

بانتظار آرائكم و تجاربكم.
و الأساتذة لي معنا.. أحكولنا على نفسية الأولاد مع وجود المفارقات في المستوى المعيشي عندنا. نظرا لاحتكاكم مع مختلف الطبقات في المجتمع


بصراحة الأسعار مبالغ فيها بزاف وبزيادة تاني وحتى لو كانت النوعية مليحة ما يبررش يوصلو لملاين غالبا التجار يستغلو الموسم مثل كل المواسم الأعياد رمضان ووو لأنو الطلب كبير وما عندكش خيار
الرقابة لازم يكون عندها دور أقوى في حماية المستهلك وكل عام يقولو كاين رقابة ولا حياة لمن تنادي انا شخصيا نحب نختار حاجة متوسطة في كل حاجة ماشي رخيصة بزاف باه تخسر تمتم وماشي غالية بزاف لأنو كل عام الأولاد يحبو يبدلو
وربي يعين كل الأولياء
 
توقيع Oktavio_hinda
المحافظ و الأدوات المدرسية ولات غالية بزاف و نلقاو منها غير الزينة و فيها رسوم لشخصيات كرتونية معروفة و الثمن ما يعكسش الجودة دائمًا
التجار يستغلو الدخول المدرسي باش يربحو و الرقابة راهي غايبة و لا منعدمة
أنا كأم نشري فالمعقول حاجة تفرّح الأولاد و تشّد العام بلا ما نطيح فالمظاهر و التفاخر
و الأساتذة لازم يراعو الفوارق بين التلاميذ و يغرسو فيهم روح القناعة و التقدير مش المقارنة و الشكليات

مشكورة على الموضوع
اتمنى رؤية مشاركة الآخرين لمزيد من الآراء
بالفعل كثر التزوييق و التلميع في هذه الأدوات حتى سيالة العادية رجعو يجسدو و يشكلوهم بأشكال اللعب للشخصيات الدارجة (ستيتش و لابوبو..).. و مرة بنتي شرات قلم من أجل اللعبة لي فيه فقط و حتى جودة القلم جدا سيئة.
يعطيك الصحة أختي على مداخلتك في الموضوع
 
توقيع أم إسراء
موضوع هايل يعطيك الصحة ..
للأسف التجّار هذو يستغلو المواسم باش يزيدو الأسعار الأمر ما عندو علاقة لا بماركة معينة لا بلد صنع معين
يجي رمضان تلهب أسعار الخضر والفواكه واللحوم يجي العيد الصغير تلهب أسعار صوالح الڨاطو وإذا جا العيد الكبير ما نهدروش على الأضحية لي الزوالي مسكين يشوف بعينيه وما يقدرش يشري
يلحق الدخول المدرسي تشعل أسعار المحافظ والأدوات بصفة عامّة ، لاه الكرطاب تع مليون هو يرفد الطفل ولا الطفل يرفده ؟ تحيري، ويبقى الأب البسيط مسكين مغلوب على أمرو بين جيبو لي ما يسمحلوش يوفر كل الحاجيات ، بين التاجر المستغل ، وبين فرحة ابنو ولا بنتو أمام رفاقهم في المدارس
بالفعل التجارات الموسمية هذي تلقاهم النار يشعلوها تفوت فترة يديرو مايسمى بالصولد و نصف السعر تاع البضائع.. و يقول نبيع بالخسارة عادي.. و ديما نقولها أنهم ولو بالصولد جايبين حق الربح و محال الخدع لي يخدعو فيها.
وصلنا لوقت الشعب تاعنا يستنى برك وقتاش خوه يجي في يدو باش مايرحموش للاسف الشديد
ربي يعين الزوالي و محدودي الدخل.
 
توقيع أم إسراء
بالفعل كثر التزوييق و التلميع في هذه الأدوات حتى سيالة العادية رجعو يجسدو و يشكلوهم بأشكال اللعب للشخصيات الدارجة (ستيتش و لابوبو..).. و مرة بنتي شرات قلم من أجل اللعبة لي فيه فقط و حتى جودة القلم جدا سيئة.
يعطيك الصحة أختي على مداخلتك في الموضوع
للتوضيح أن الستيتش ولابوبو أصلا شرعا لا يجوز
ف انا تبانلي الانسان العاقل ما يرميش دراهمو في حاجة ما تستاهلش وزيد حرام
 
بالفعل التجارات الموسمية هذي تلقاهم النار يشعلوها تفوت فترة يديرو مايسمى بالصولد و نصف السعر تاع البضائع.. و يقول نبيع بالخسارة عادي.. و ديما نقولها أنهم ولو بالصولد جايبين حق الربح و محال الخدع لي يخدعو فيها.
وصلنا لوقت الشعب تاعنا يستنى برك وقتاش خوه يجي في يدو باش مايرحموش للاسف الشديد
ربي يعين الزوالي و محدودي الدخل.
احي على الصولد..
اذا دارو حاجة صولد معناها راهي رايحة تفسد
الشعبي ما يرحمش شعبي كيفو
تجي تفهم تدوخ
الله يهديهم
 
للتوضيح أن الستيتش ولابوبو أصلا شرعا لا يجوز
ف انا تبانلي الانسان العاقل ما يرميش دراهمو في حاجة ما تستاهلش وزيد حرام
لكن الأدهى و الأمر كان يشتريها والله علابالوا لازم التوعية في ذلك حول مخاطر و توعية بالحلال أو الحرام الله المستعان
 
احي على الصولد..
اذا دارو حاجة صولد معناها راهي رايحة تفسد
الشعبي ما يرحمش شعبي كيفو
تجي تفهم تدوخ
الله يهديهم
كلامك صواب لاني اي حاجة صولد انتهت صلاحيتها حاب يجيب جديد لا يبالوا في ذلك
ربي يهدينا و يهديهم هؤلاء التجار
 
وعليكم السلام ورحمة الله وبركاته

الأدوات راهي غالية بزاف
لكن كاين أدوات أسعارها أقل
كيما ماركة تيكنو ماركة مليحة وأدواتها غاليين
كل واحد يشري قد مقدورو وميكلفش نفسو
لأنو لي يقرا يقرا بأدوات غالية أو رخيسة
المحافظ صح غاليين واصلين للمليون والزوج
صراحة منشريهمش لأولادي
نفضل كل عام نشري محفظة بسعر معقول
290الف او 300الف كحد أقصى
(لبنتي هذا العام ان شاءالله سنة رابعة)
منين دخلت تحضيري واولى قرات بنفس المحفظة
السعر كان 150الف
والثانية بروموسيون 200الف
كملت بيها الثالثة
وهاذ العام ان شاءالله للرابعة والخامسة ان شاءالله نفس المحفظة.
اما خوها يقرا بتاع التحضيري باذن الله.

والادوات المزركشة وباشكال حيوانات معندها حتى فايدة
غير تضيع تركيز الطفل
الواحد يشريلهم أدوات عادية
الالوان فقط نحب نشري علبة كبيرة تاع 12
ماركة تيكنو باه تشد عام كامل
ونزيدكم المسطرة لبنتي مسطرة لي تطوط
من سنة أولى وهي بيها مازالت لدرك
😁


ياحي وقتنا كيفاه فوتناه
ادوات بسيطة مكناش عندنا هاذ الادوات الغريبة


تقبلي مروري عزيزتي
ماشاء الله ربي يحفظلك أولادك يا رب.. و هذا ما يجب علينا كأولياء نربو أولادنا عليه القناعة بالموجود، و بما يمكن توفيره.
وقتنا كنا البساطة و نفرجو برائحة الكتب و الكراريس الجديدة مهما كانت ماركتها الان رجعنا البهرجة و أحيانا الجودة سيئة.. و في الغالب تقول ولدي ولا بنتي يسخف نشريلو شيء لي يحب..
مشكورة أختي على المشاركة في الموضوع.
 
توقيع أم إسراء
وعليكم السلام
صراحة تشوكيت كي شفت السعر تاع هذوك المحافظ مفهمتش على أي أساس حطو هذا السعر
وكيما معروف كل عام النار شاعلة في أسعار الأدوات المدرسية الكراس تاع 96ورجع بشانو.. وانا نفضل نشري محفظة تاع 200وحاجة الى 300الف خير وخير وزيد والله غير هوما شابين اكثر من تاع مليون وزوج هههه
الله المستعان ربي يكون في عون الأولياء
مشكورة ياغالية💛
الأسعار كل عام تزيد شوي ربي يكون في عون الأولياء..
بالفعل المحفظة أنا ثان اخر سعر نقولو 300الف.. بالخصوص لجماعة الابتدائي، ماعندهمش الحس تاع أنهم يحافظو على اشياء هم، و بالذات طبيعة الجو تاعهم اللعب و كلش في الغالب تلقى تلف الأشياء بسرعة. و ساعات تدوم تاع 200الف و تاع 2ملايين الدايم الله
العفو نورتي الموضوع بردك ،
 
توقيع أم إسراء
هذا الموضوع يسيل كثيرا من الحبر في كل عام دراسي جديد حيث الغلاء الفاحش في الأدوات المدرسية و المآرز ، على الدولة ضرب بيد من حديد من يقوم والمضاربة في الأدوات يصدقها العقل محفظة توصل حتى مليون دج كيف لعندو ثلاثة و حتى خمسة يقروا كيفاش يدري معاهم و القدرة الشرائية للمواطن في انهيار كامل غلاء في كل شيء
الى متى ذلك في كل عام
بورك فيك على طرحك القيم أختاه
واللع كلامك صحيح، مش الادوات فقط حتى اللباس، نتذكر زمان كنا مثلا نقنعو أنه لباس العيد نلبسوه في بداية العام الدراسي او العكس أما الجيل تاع درك مش الاطفال بالخصوص الأولياء تلقاهم يقولك لاا نشري و نجيب وش يحبو ولو نسلف و كلشي.
ربي يعين الشعب و مشكور على مرورك بالموضوع أخي.
 
توقيع أم إسراء
هادي المحفظة تاع مليون ونص
قالي البائع اوغتوبيديك
😌🙄قلتلو زعم وش قالي وليدك كي يرفدها ميوجعوش ظهرو وتشدلو عوام

وانا حسبتها محفطة ذكية هههه قلت بلاك كاشما تتفتح وتتغلق وحدها تمشي بالذكاء الاصطناعي
صديقة علقت على هذي المحفظة، ولدي لي يحملها ولا هي تحملو بيه بالادوات..😂
كل مرة يضيفو كذبة جديدة و هيا رايحة
 
توقيع أم إسراء
للتوضيح أن الستيتش ولابوبو أصلا شرعا لا يجوز
ف انا تبانلي الانسان العاقل ما يرميش دراهمو في حاجة ما تستاهلش وزيد حرام
المشكل العديد يعرف حكمهم ولكن في الغالب تلقى العاطفة تقول نشريلو المهم مايشوفش أنه فلان خير منه، ولا لما يكون الطفل صغير جدا.. يعني ترجع تقنعو بالحاجة و كل مرة بشيء، كيما أنا درك بنتي الكبيرة قدرت نقنعها أنه لابوبو ماشي مليح و ووو بصح الستيتش ماقدرتش، بالخصوص مع احتكاكها ببنات عماتها في بيت العائلة.
احي على الصولد..
اذا دارو حاجة صولد معناها راهي رايحة تفسد
الشعبي ما يرحمش شعبي كيفو
تجي تفهم تدوخ
الله يهديهم
بالفعل ربي يهدينا
لكن الأدهى و الأمر كان يشتريها والله علابالوا لازم التوعية في ذلك حول مخاطر و توعية بالحلال أو الحرام الله المستعان
الأكيد التوعية و حتى ولو كان العون من المؤسسات التربوية أنها تمنع مثل الأدوات اللي تحمل ألعاب و غيرها باش الولي ولو يجادله ولده يقولو ممنوع ماتقدرش تدخلهم.
كلامك صواب لاني اي حاجة صولد انتهت صلاحيتها حاب يجيب جديد لا يبالوا في ذلك
ربي يهدينا و يهديهم هؤلاء التجار
و يبقى الصولد كلمة تسرق عقول الشعب، للأسف.
 
توقيع أم إسراء
نظن ان السعر مبالغ فيه بزاف كان التجار انتهازيين وكل واحد تجيه فرصة ما يرحمش الشعب والغلاء راه فاحش جدا
كاين مكتبات أسعارها مهقولة ويهمها سمعة المحل أكثر من المضاربة
لو نقارن الاسعار فقط منذ بدايتي في التعليم يعني سنوات 2017/2018 مع الاسعار الحالية الفرق كبير نعطيك مثال كنت كي يبقاو تلاميذ بعد أسبوعين من الدخول المدرسي ما يشروش ادوات كنت نشريلهم محفظة بادواتها بلا ما نحس بحتى ارهاق مادي في سنتين الآخيرتين بديت نشري فقط ادوات المادة تاعي فقط للتلاميذ لي يقعدو اكثر من اسبوعين ما يشروش لان غلاء الاسعار خلاك تحسب الف مرة قبل ما تشري
بالنسبة لاولادي شريتلهم المحفظة والمئزر وملابس يدخلو فها براتب شهر اوت اما الادوات راح نشريلهم في شهر سبتمبر وربي يقدرنا ان شاء الله
 
توقيع la lune rose
العودة
Top Bottom