الدخول المدرسي.. بين فرحة الأولاد و وجع الجيوب🎒📒📚

[أم إسراء]

نظن ان السعر مبالغ فيه بزاف كان التجار انتهازيين وكل واحد تجيه فرصة ما يرحمش الشعب والغلاء راه فاحش جدا
كاين مكتبات أسعارها مهقولة ويهمها سمعة المحل أكثر من المضاربة
لو نقارن الاسعار فقط منذ بدايتي في التعليم يعني سنوات 2017/2018 مع الاسعار الحالية الفرق كبير نعطيك مثال كنت كي يبقاو تلاميذ بعد أسبوعين من الدخول المدرسي ما يشروش ادوات كنت نشريلهم محفظة بادواتها بلا ما نحس بحتى ارهاق مادي في سنتين الآخيرتين بديت نشري فقط ادوات المادة تاعي فقط للتلاميذ لي يقعدو اكثر من اسبوعين ما يشروش لان غلاء الاسعار خلاك تحسب الف مرة قبل ما تشري
بالنسبة لاولادي شريتلهم المحفظة والمئزر وملابس يدخلو فها براتب شهر اوت اما الادوات راح نشريلهم في شهر سبتمبر وربي يقدرنا ان شاء الله

بالفعل غلاء الأسعار رجع كارثة و في كلشي للأسف درك حتى مع الملابس و المآزر راهم نار، و نظن جنون التهاب الأسعار صرا بالخصوص بعد جائحة الكوفيد_19.
ربي يعين الأولياء، و ربي يجازيك خير الجزاء على التفاتتك مع تلاميذك

 

[فادي محمد]

في ظل الظروف الراهنة التي يمر بها المواطن من غلاء المعيشة وبعد معاناه في عيد الأضحى وفاتورة الكهرباء والغاز يأتي الدخول المدرسي