- الأوسمة
- 10
اهلااا
أنا مرانيش مليحة ، كي كنت نوقب على عمي قويدر اللبّان، شفت عجوزتي جايا من بعيد مع بنتها وهيبة ، قلبي بدا يخبط، رحت نجري لبست جبتي الحمرا ألي جابتهالي خالتي من العمرة، باش ما تلقى عجوزتي واش تقول، على خاطر نهار كامل وهي تكريتيكي فيا malgré أنا شابة بالبزاف على بنتها وهيبة ألي خلتها معاها في الدار تخدم عليها ومخلاتهاش تتزوج مع واحد القطري كان يخدم معاها وحب يخطبها ويتزوج بها ويديها لقطر بصح عجوزتي ماقبلتش بحجة البعد والعادات رغم أن وهيبة كانت قابلة ومقتنعة، بصح مسكينة من هذاك الوقت تعقدت على الزواج وماتحبش ألي يهدرلها عليه.
غير صوناو في الباب وفتحتو ليه ليه قاع مابطيتش، قالتلي عجوزي وهي متكية على عكازتها: واش يالالا ساعة باش تفتحي الباب؟؟
بلعت كلامها وسلمت عليها والبسمة مافرقتنيش، وزدت سلمت على وهيبة ، ألي هي عكس يماها تماما ماتهدرش بزاف وماذابيها واحد ما يسألها على كاش حاجة.
مزية كنت موجدة الفطور، درت شطيطحة بوزلوف كيما تحبها عجوزتي، تموت عليها رغم أن عندها la tension والكوليستيرول، خليها تاكل حتى تشبع بصحتها.
خليتهم في البيت يرتاحو ورحت نوجد الغدا في الكوزينة، شفت من النافذة سيارة حمرا حبست في الحومة أول مرة نشوفها وحبط منها الطيب راجلي، وطوّل وهو يهدر مع السائق ألي ماكانش يبانلي بلاك صاحبو في الخدمة،بصح سيارتو هو وين راهي وعلاش ماجاش فيها؟؟؟
حطيت الغدا وتغدينا كامل مع بعض ومين ذاك عجوزتي ترميلي فليشة من فلايشها المسمومة، يا سعدك يا لطرش..
الطيب كان غايس ماشي على عوايدو، ماعلاباليش واش بيه..
إذا راحت عجوزتي وماباتتش نشوف واش بيه.
أسمحولي نروح...تبقاو على خير
أنا مرانيش مليحة ، كي كنت نوقب على عمي قويدر اللبّان، شفت عجوزتي جايا من بعيد مع بنتها وهيبة ، قلبي بدا يخبط، رحت نجري لبست جبتي الحمرا ألي جابتهالي خالتي من العمرة، باش ما تلقى عجوزتي واش تقول، على خاطر نهار كامل وهي تكريتيكي فيا malgré أنا شابة بالبزاف على بنتها وهيبة ألي خلتها معاها في الدار تخدم عليها ومخلاتهاش تتزوج مع واحد القطري كان يخدم معاها وحب يخطبها ويتزوج بها ويديها لقطر بصح عجوزتي ماقبلتش بحجة البعد والعادات رغم أن وهيبة كانت قابلة ومقتنعة، بصح مسكينة من هذاك الوقت تعقدت على الزواج وماتحبش ألي يهدرلها عليه.
غير صوناو في الباب وفتحتو ليه ليه قاع مابطيتش، قالتلي عجوزي وهي متكية على عكازتها: واش يالالا ساعة باش تفتحي الباب؟؟
بلعت كلامها وسلمت عليها والبسمة مافرقتنيش، وزدت سلمت على وهيبة ، ألي هي عكس يماها تماما ماتهدرش بزاف وماذابيها واحد ما يسألها على كاش حاجة.
مزية كنت موجدة الفطور، درت شطيطحة بوزلوف كيما تحبها عجوزتي، تموت عليها رغم أن عندها la tension والكوليستيرول، خليها تاكل حتى تشبع بصحتها.
خليتهم في البيت يرتاحو ورحت نوجد الغدا في الكوزينة، شفت من النافذة سيارة حمرا حبست في الحومة أول مرة نشوفها وحبط منها الطيب راجلي، وطوّل وهو يهدر مع السائق ألي ماكانش يبانلي بلاك صاحبو في الخدمة،بصح سيارتو هو وين راهي وعلاش ماجاش فيها؟؟؟
حطيت الغدا وتغدينا كامل مع بعض ومين ذاك عجوزتي ترميلي فليشة من فلايشها المسمومة، يا سعدك يا لطرش..
الطيب كان غايس ماشي على عوايدو، ماعلاباليش واش بيه..
إذا راحت عجوزتي وماباتتش نشوف واش بيه.
أسمحولي نروح...تبقاو على خير
