محاجب حارين وسخونين ..

[الديباج الرقيق]

ابدأها ببسم الله ..


اولا حضرت العجينة ..

زوج كيلات سميد وكيلة فرينة ..
شوية سكر شوية ملح ..عجنت بالعجانة الكهربائية نحبها تكون معجونة ملي مليح ...
قسمتها الى كريات وحطيتهم يرتاحو ..

مريت الى الحشو ..درت بصل طوماطيش .زيت ملح توم فلفل معدنوس فلفل اخضر واحمر ..كل وحدة واش تحب دير ..حسب ذوقها ..لضيق الوقت ماصورتش الا لحظات الاخيرة ..بعد ماطيبت لاصوص وخليتها بردت ..زدت فورماج رابي

زيتون مقطع

فورماج شاف

وطو

وخلطت ..
هدو انا نديرهم من تالي مانطيبهمش ..بش الذوق تاعهم يبقى باين ..
هنا طيبتها صورتلكم حبة باش تشوفها كيفاش ...

بعد ماطابت كيفاش هداك الفورماج ذاب في وسطها ...

وبصحتكم ..
​

 

[الديباج الرقيق]

المراحل جاو مخلطين شوية

 

[الديباج الرقيق]

يشاهد حاليًا هذا الموضوع:​

• الديباج الرقيق

المجموع: 7 (الأعضاء: 1, الزوار: 6)

اهلا وسهلا بزوارنا الكرام ..تفضلوا

 

[غسق الليل]

ماشاء الله تبارك الرحمن سلمت الايادي اختي
يعطيك صحة

 

[ذات الشيم]

هايلين يعطيك الصحة
نحبهم بزاف
فقط ملاحظة
اختي كارينا لافاش كيري مقاطعة
لو نستبدلها بنوع آخر يكون أفضل
سينون يسخفو يرحم ذيك اليد لي جهزتهم ​

 

[أم إسراء]

الله يبارك عليك فحلة و نص كارينا

 

[ام أمينة]

يعطيك الصحة
جاو يشهو
مناسبة مع الشتاء و البرد تع اليوم
في انتظار وصفات مميزة اخرى من مطبخك
....​

 

[إلياس]

يعطيك الصحة طباخة المنتدى

 

[لمعانُ الأحداق]

بارك الله فيك كــارين
سلمت يداك ..

 

[الديباج الرقيق]

ماشاء الله تبارك الرحمن سلمت الايادي اختي
يعطيك صحة

الله يسلمك ..شكرا على المروور اللطيف

 

[الديباج الرقيق]

هايلين يعطيك الصحة ​

الله يسلمك

نحبهم بزاف ​

كيف كيف

فقط ملاحظة
اختي كارينا لافاش كيري مقاطعة
لو نستبدلها بنوع آخر يكون أفضل ​

ايه ..بصح هاد المتوفر عند الحانوت لي نتعاملو معاه للاسف ...

سينون يسخفو يرحم ذيك اليد لي جهزتهم ​

يرحم والديك وربي يحفظك

 

[الديباج الرقيق]

الله يبارك عليك فحلة و نص كارينا

يبارك فيك ..حبيبتي ..شكرا ربي يجازيك خير جزاء

 

[الديباج الرقيق]

يعطيك الصحة ​

الله يسلمك

جاو يشهو
مناسبة مع الشتاء و البرد تع اليوم ​

ايه غير هوما لي يليقو في هاد الررد ..

في انتظار وصفات مميزة اخرى من مطبخك
....​

ان شاء الله ..مشكوورة على المروور الرائعو

 

[الديباج الرقيق]

يعطيك الصحة طباخة المنتدى

الله يسلمك ..فخر ليا كلامك ..شكرا على مرورك نوورت

 

[الديباج الرقيق]

بارك الله فيك كــارين

وفيك بارك الله

سلمت يداك ..

تسلمي ..ومروورك ..زاد الموضوع جمالا

 

[أمير جزائري حر]

المعدنوس.. الزيتون.. غير مألوفة..
الطون.. ممكن.. لكن لحم مرحي أفضل بديل
يعطيك الصحة...

 

[الديباج الرقيق]

المعدنوس.. الزيتون.. غير مألوفة..
الطون.. ممكن.. لكن لحم مرحي أفضل بديل
يعطيك الصحة...

كانت بكري لمحاجب فعلا محاجب .اما اليوم ..بدلوها كامل ...ولاو يضيفو امور لاعلاقة .حلبوها احنا دارنا اذا ماكانش الفورماج والطو وهاد الصوالح ..انسى باش ياكلوها مستحيل ..لازم هادي طريقة ولا ماكانش ..وايه لحم ولا دجاج تاني يحبوه طبعا اكثر حاجه غايضتني في اطباقنا التقليدية هذا البريستيج والتحلاب ومنعرف واش ..هكذاك راح يضيعو الوصفات التقليدية مع تداول الاجيال متأكدة ..ربي يجيب لي فيها الخير وخلاص هذا واش نقولو. ..
مشكووور على المرور ومشاركتك اللطيفة ..مداخلاتك تخليني اخرج مابجعبتي

 

[سكون الفجر]

تسلم أيديكِ أختي على الوصفة الشهية، لازمني جربها حسيت طعمها رح يجي غير شكل
ريتو صحة وهنا

 

[ريحـان]

وصلتني ريحتها ....
ما شاء الله عليك
تسلم ايدك