2
- الأوسمة
- 32
سلام جماعة ...
زمااااان ع آخر موضوع درتو هنا، وزمان على آخر مرة شعلتلي اللومبة لحكاية معينة
وقلت هذي تاع منتدى "واش راك تهدر" هيا من شوية كنت مع اختي نحكي
وتفكرنا الصغر وتفكرت حكاية في الإبتدائي وحكيتها وضحكتا وقلت نجي
نكتبها هنا، منها نضحكوا ومنها كل واحد فيكم يمكن يتفكر شي حكاية يشاركها.
المهم هذي كي كنت سنة ثانية ابتدائي كانت تقريني جارتنا الباب للباب
كانت في حصة القراءة تنوضني أنا وجارنا هو تقولو اختار لي يقرا وكل مرة
يخير واحد ويحبسو ويقول لواحد اخر يكمل ولا وحدة وانا تقولي عسي عليهم
واتولهي بلي راهم متبعين مع القراءة ولي تلقايه مش متبع قوليلي نضربو
وهي كانت تصححلنا كراسات الرياضيات ةلا تبقى مدري واش تكتب تاع المعلمين
المهم كانوا كي يبداو يقراو أنا نبقى نعس شكون ما راهمش متبع ونفرح كي
نلقى واحد مش متبع نروح نوقف عند راسو ونقول لهذاك لي كان يقرا أحبس
ونطلب من هذاك لي مش متبع يكمل باش نعجزو ونحكم الدليل بلي مش متبع
كي نتأكد نقولو: نوض روح عند معمتي تضربك وكي ما يحبش نحكمو من ذراعو
ونبقى نجبد فيه ونقولو نوض قلتلك عند معلمتي تضربك ونبقاو هكذا أنا
نجبد وهو يجبد كي ما نقدرلوش نهز صوتي: موووعاالييماتييي راه ما
حبش يجي عندك تضربيه، تولي تهز راسها وتقولو ارواح وياخذ طريحة
وكان أي واحد ياخذها كي يجي راجع لبلاصتو يقولي اصبري برك نخرجوا نحكمك برا
وكنت كل ما تصوني باش نخرجوا نقضيها نجري باش نسبق نوصل للدار وما يحكمونيش
نشفى كانوا عندي زوج اختصارات للدار معظم التلاميذ ياخذوا الاختصار الثاني
هو الأسها وكاين الأول صعيب شوية بصح مخليتو لوقت الضيق والحصلة. كانوا
كي يجروا يسبقوني ديما نخليهم يحسوا بلي راني رح ناخذ الاختصار الثاني
يروحوا يسبقوا ليه وكي نشوفهم ونتأكد بلي وقفوا عندوا نغدرهم
ونرجع نجري للاختصار اللول ونعدي عليه وهذاك اذا عديتو يعني صايي راني في الدار
وهكذا أي اختصار يروحوا ليهم نغدرهم وناخذ الاختصار لاخر
المهم الخلاصة لي ضحكنا عليها أنا واختي اني كنت مرخس وخلاص هههه
درك لوكان نشوف بنادم داير كيما كنت دايرة نكره جدو ليوم الدين
وانتوا واش عندكم عفايس تاع الصغر؟ أحكولنا
زمااااان ع آخر موضوع درتو هنا، وزمان على آخر مرة شعلتلي اللومبة لحكاية معينة
وقلت هذي تاع منتدى "واش راك تهدر" هيا من شوية كنت مع اختي نحكي
وتفكرنا الصغر وتفكرت حكاية في الإبتدائي وحكيتها وضحكتا وقلت نجي
نكتبها هنا، منها نضحكوا ومنها كل واحد فيكم يمكن يتفكر شي حكاية يشاركها.
المهم هذي كي كنت سنة ثانية ابتدائي كانت تقريني جارتنا الباب للباب
كانت في حصة القراءة تنوضني أنا وجارنا هو تقولو اختار لي يقرا وكل مرة
يخير واحد ويحبسو ويقول لواحد اخر يكمل ولا وحدة وانا تقولي عسي عليهم
واتولهي بلي راهم متبعين مع القراءة ولي تلقايه مش متبع قوليلي نضربو
وهي كانت تصححلنا كراسات الرياضيات ةلا تبقى مدري واش تكتب تاع المعلمين
المهم كانوا كي يبداو يقراو أنا نبقى نعس شكون ما راهمش متبع ونفرح كي
نلقى واحد مش متبع نروح نوقف عند راسو ونقول لهذاك لي كان يقرا أحبس
ونطلب من هذاك لي مش متبع يكمل باش نعجزو ونحكم الدليل بلي مش متبع
كي نتأكد نقولو: نوض روح عند معمتي تضربك وكي ما يحبش نحكمو من ذراعو
ونبقى نجبد فيه ونقولو نوض قلتلك عند معلمتي تضربك ونبقاو هكذا أنا
نجبد وهو يجبد كي ما نقدرلوش نهز صوتي: موووعاالييماتييي راه ما
حبش يجي عندك تضربيه، تولي تهز راسها وتقولو ارواح وياخذ طريحة
وكان أي واحد ياخذها كي يجي راجع لبلاصتو يقولي اصبري برك نخرجوا نحكمك برا
وكنت كل ما تصوني باش نخرجوا نقضيها نجري باش نسبق نوصل للدار وما يحكمونيش
نشفى كانوا عندي زوج اختصارات للدار معظم التلاميذ ياخذوا الاختصار الثاني
هو الأسها وكاين الأول صعيب شوية بصح مخليتو لوقت الضيق والحصلة. كانوا
كي يجروا يسبقوني ديما نخليهم يحسوا بلي راني رح ناخذ الاختصار الثاني
يروحوا يسبقوا ليه وكي نشوفهم ونتأكد بلي وقفوا عندوا نغدرهم
ونرجع نجري للاختصار اللول ونعدي عليه وهذاك اذا عديتو يعني صايي راني في الدار
وهكذا أي اختصار يروحوا ليهم نغدرهم وناخذ الاختصار لاخر
المهم الخلاصة لي ضحكنا عليها أنا واختي اني كنت مرخس وخلاص هههه
درك لوكان نشوف بنادم داير كيما كنت دايرة نكره جدو ليوم الدين
وانتوا واش عندكم عفايس تاع الصغر؟ أحكولنا
