من الدارجة الى الفصحى ..لنغص في بحر الكلمات🏊‍♀️

[نجـود]

لا لا ما هي مقلق ما هي مضغوط

هذي صفة يقولوها على شخص يدير وحد العفسة بصح شغل بلكنة الانتقاد

نقولو مهروج للذكر مهروجة للانثى

مثلا قادر ام اسراء تقول لاسراء : مالكي اليوم انهرجتي قاع هاكا ؟

 

[لمعانُ الأحداق]

يتحرك بزاف ؟ شغل عندو نشاط و حيوية زيادة ؟

 

[أم إسراء]

لا لا ما هي مقلق ما هي مضغوط

هذي صفة يقولوها على شخص يدير وحد العفسة بصح شغل بلكنة الانتقاد

نقولو مهروج للذكر مهروجة للانثى

مثلا قادر ام اسراء تقول لاسراء : مالكي اليوم انهرجتي قاع هاكا ؟

تلفتلي هااا ان شاء الله نلقاو اللي يجاوبنا

 

[نجـود]

لا لا يا إكرام لا علاقة بالحركة

عندها علاقة بحاجة يهدر عليها الأمين محمد بزاف

 

[لمعانُ الأحداق]

همممم الماكلة ؟
زعما الشخص يولي ياكل بزاف ؟

 

[نجـود]

أيواااه هذيك هي بالذات والصفات

ياكل بزاف ... نَهِم

 

[اليمامة_الزرقاء]

أيواااه هذيك هي بالذات والصفات

ياكل بزاف ... نَهِم

حنا هذاك نقولولو مرهوج ماشي مهروج

 

[أم إسراء]

حنا هذاك نقولولو مرهوج ماشي مهروج

حنا ثان نقولو عليه مرهوج

 

[نجـود]

ههه
علابالكم راه علم كبير ودقيق

المرهوج عندنا هو السخًاف.. زعما تحط حاجة يمد يدو ديراكت يذوق منها أيا كان حالها
بصح المهروج يحط الطبسي بين يديه ويطيح فيه.. كما تقولي صحبتي كليت كليت حتى خرجت على الوردة( تقصد الوردة المرسومة على الطبسي )

 

[أمير جزائري حر]

./

من التالي
إكرام @لمعانُ الأحداق
ضعي لنا كلمة جديدة..
وتكون ساهلة.. مشي من فئة مهروج ومرهوج..

 

[لمعانُ الأحداق]

بروحي مانعرفش كلمات ..

أترك لكم الخط

 

[نجـود]

بروحي مانعرفش كلمات ..

أترك لكم الخط

وين راكي عايشة اكرام وبأي لغة تتعاملين

 

[لمعانُ الأحداق]

وين راكي عايشة اكرام وبأي لغة تتعاملين

نتعامل غير بالكلمات الساهلين

 

[نجـود]

نعطيكم كلمة جديدة:

تْسَنَّت..

 

[لمعانُ الأحداق]

استمع ؟

 

[نجـود]

استمع ؟

كلا..
حاجة عندها ارتباط بكوكب زمردة غالبا

 

[لمعانُ الأحداق]

نبدا نستسلم على البكري

 

[أمير جزائري حر]

نعطيكم كلمة جديدة:
تْسَنَّت..

تحجّبت.. يعني أصبحت تحتجب ولا تخرج من البيت...والله أعلم

 

[نجـود]

نعم هذا هو المعنى أمير