أسلم على من أعرف .... و على من لا أعرف

[آمِيْرَتُه]

السلام عليكم ورحمة الله تعالى و بركاته
عطلة سعيدة و ربي يقدركم أمهات
..............................

موضوعي هو درس السنة الأولى التحية
يقولك في آداب التحية أسلم على من أعرف و على من لا أعرف
ولدي كما دارت معاه المعلمة وشرحتله أنا قالنا العبارة خاطئة
عييت نحفظله فيها يهز راسه تاع أهدري برك
اليوم جاتهم في التربية الإسلامية أجب بصحيح أو خطأ
أسلم على من أعرف و على من لا أعرف كتبلها خ
كي جا لدار قاتله جدته وعلاه راهي ص
قالها مالا أسلم على رجل منعرفهش باه يسرقني و يقتلني
نقول السلام عليكم غير للرجال لنعرفهم البرا
قاتلي جدته خلاص هذاك هو المنطق الصحيح ههههه
حتى هي استسلمت و اقتنعت
شتوا الوقت لوصلنا ليه أمور تاع دين ولينا نخافوا كي نطبقوهم
الشارع رجع مايرحمش و الإنسان مايرحمش أكثر منه
ربي يجيب الخير و يلطف بينا ويحمي وليداتنا
عطونا رايكم في تفكير ولدي
والسلام على من أعرف ههههه

​

 

[الامين محمد]

ههههههه
و الله رد خلاني نعاود الحساب هههههه
الان الاجابة تاعه صحيحة من جيهة و خطا من جيهة هههههه

ولادها رهم عايشين مع الرعب تاع والديهم هههههههه

 

[إلياس]

هههههه ربي يجيب الخير.

 

[أم إسراء]

بسم الله ماشاء الله ربي يحفظه ويحميه..
أراه ذكي وربط توصياتك مع الدرس.. فكيف يعقل حقا لصغير في هذا العمر وتوصياتنا لهم بعدم التحظث مع الغرباء أن يفهموا هذا الدرس هههه
و ولدك راسوا كيما بنتي الظاهر رح نلقى نفس الاشكال معها وتحطوا خطأ

 

[فادي محمد]

الولد معه حق في الظروف التي يعيشها محتمعنا اليوم

 

[فريد أبو فيصل]

ربي يبارك فيه ويفرحك بيه.

لا خلاف حول الحذر من الغرباء وحتى مع المعروفين للاسف
على الهامش يوجد أمور يجب ان تصارح فيها الام خاصة بنتها او ولدها لتفادي المخاطر والوقاية من التصرفات الخاطئة.

نصيحة للفائدة الضرورية تشرحولو حديث "'.. أفشوا السلام بينكم.." حتى تتوضح له الامور ويفرق بين السلام والتحية اللي نصحنا بها الرسول عليه الصلاة والسلام والغفلة او السذاجة في التعامل مع الغرباء.

هو صحيح الزمن صعاب لكن هذا لا يمنع تصحيح الخطأ خاصة في المعاملات لانه الرجولة والاخلاق والفهامة تنقش في الصغر ولازم نتمسكوا بالمعاملات الحسنة حتى لا نفتقدها من حياتنا كليا بسبب كل واحد قاري حذره من الاخر... الجار والقريب والبائع والسائق ووو

ربي يبارك فيه.

 

[ام أمينة]

ماشاء الله
وليدك راهو واعي بزاف بالنسبة لعمره
كأن علابالو بلي المجتمع تع الآن ماشي نفسه تع بكري
حنا كي يكونو صغار نعلموهم الأمور سطحية و بسيطة باش يستوعبوها و مع الوقت كي يكبرو نزيدو نوعيوهم أكثر و نشرحولو المعاني بعمق و نربطوها بالواقع و كاين لي يتعلموها في المدرسة
ربي يحفظ وليدك و يجعله من الصالحين
....​