||~ يبانلي الباك overrated .. و انت وش تقول ؟ ~||

[لمعانُ الأحداق]

السلام عليكم و رحمة الله

وش احوالكم ؟
إن شاء الله تكونو كامل بخير

بما أنو اليوم نتائج البكالوريا
حبيت نمد رايي في هذا الامتحان بالضبط
و باين يبقى مجرد رأي
المهم لطالما شفت بلي الباك في بلادنا " مجتمعيا " overrated
يعني مبالغ في تقديره
يتعامل معاه كأنه أهم حدث في حياة الانسان
مع أنه مجرد مرحلة للانتقال إلى التعليم الجامعي
و أحيانا يُربط نجاح الشخص أو فشله بنتيجة هذا الامتحان
بينما الحياة المهنية تعتمد لاحقًا على المهارات و الخبرة و الاجتهاد أكثر من معدل البكالوريا
شحال من واحد رسب فيه بصح ناجح عمليا و العكس
نشوف فيه مجرد معلومات تاخذهم تحاول تفهمهم و تحل عليهم تمارين و نماذج
و بصحتك الباك
نفس الأفكار قاعدة تتعاود ، و المصادر لي تقدر تجيب منهم المعلومات راهم بزاف و بسهولة تقدر تتحصل على الدروس
و التمارين و الامتحانات
يعني من السيء أنو نحكمو على انسان من نقطتو في هذا الامتحان
ماتقدرش تحكم بيه على ذكاء الفرد ثاني
تلميذ جاب 18 مش بالضرورة يكون ذكي يقدر يكون قرا و اجتهد و دار مجهود كبير
بما أنو فيه كيما قلت تمارين و أفكار و منهجية
و يعتمد ذلك على الامكانيات لي موفرينها ليه ثاني
واحد موفرلو كلش و يقرا في أحسن الظروف
ماراهش كيما واحد يسكن بعيد عن المدينة و يعيش في بيت صغير و بالكاد يتوفر له قوت اليوم

مارانيش نقول أنو النجاح فيه سهل و لا يليق تكون ذكي
و مارانيش نشجع على عدم الدراسة و لا نقول ماعندوش أهمية و غير زيادة
صح ماراهش حاجة ساهلة ولا كان الجميع يقدر يتفوق فيه
و صح بيه تقدر تعرف الجامعة لي رح تستقبلك و عندو أهمية في هذا الجانب
و لهذا قلت " مجتمعيا أوفر رايتد " أما " أكاديميا " فـ لا .. راه مهم و يحدد مسارك لسنوات

إنما المجتمع تاعنا مكبرينو بزاف هذا القصد
يستاهل الفرحة نعم راه نجاح و مش أي واحد ينجح
لكن ماشي للدرجة تاع المبالغة في الاحتفالات و الضجيج و غيرها
لأنو وش يستنى في التلميذ بعد الباك حياة أخرى أصعب
المختصر ..
في الجزائر تُعامل البكالوريا أحيانًا و كأنها تحدد مصير الإنسان كله
يعيش بعض التلاميذ و أسرهم ضغط كبير
تولي غير تسمع " فلان عندو الباك " " الباك " " كون ماتديهش خلات "
و هذا تصور مبالغ فيه
صح يحدد تخصصك الجامعي
لكنه لا يحدد قيمتك و لا مستقبلك المهني بشكل نهائي

و زيد عليها الضغط النفسي و الإعلامي حولها
حتى أصبح بعض الطلاب يشعرون أن الرسوب خلاص راه معيار للفشل و النهاية

ممكن الآن راني نحكي هك
نبان انسان ماداش الباك و قاعد يحسد ولا يغير من الناس الفرحانة بيه


وش رايكم أنتم ؟ هل تشوفو أن المجتمع الجزائري بالغ فعلًا في إعطاء البكالوريا هذه المكانة ،
أم أنها تستحق كل هذا الاهتمام ؟

مدولي آراءكم ..

[ لمعانُ الأحداق ]

 

[لمعانُ الأحداق]

المُعرّفات باللغة العربية:

@الامين محمد @حفياد آدم @ام أمينة
@إيمان~ @ذكريات @الطيب الجزائري84
@سعد نايلي @الصقر الأبيض @الديباج الرقيق @فريد أبو فيصل @طمطومة مصطفى @العَنْقَاءُ @امبارك جميلة @ناي . . @سجينة الصمت @فادي محمد @المصممة حنان @ريحان @زاد الرحيل @أحمدوا @أم أُنٌَيسة @شجـ الروح ـون @زهور الشوق @الرومنسي الجاد @النجم البعيد @إلياس @أم أنس جنيد @سـارة @عاشق اللمة. @الروسي @بوعزة عامر 77 @أحلامي @الصراحة راحة @بسمة القلوب @سكون الفجر @سعيد2 @زهيرة تلمسان @جيهان جوجو @باتنية و نص @جمــآنــة @لمعانُ الأحداق @وۣۗهۣۗہۣۗم @النورس @جليلوس @وائل المنزلاوي @بلبالي اسماعيل @يوسےفے @أفنانوه @{هِشام} @أشرقت @السلطانة @رياض تت @تشلسي4 @زاهية بنت البحر @ديكتاتــــــور @نورالدين19 @لاريمان @موناليزا @أم عبد الله @عمار اعمر @طموحة @أم عبد الواحد @اسلام 25 @ديسق @الحلم الوردي @زيــن @إعصار @اميرة اميرة 89 @امورة المنتدى @هواري بومدين. @المقنع @جزائرية توب @امحمد خوجة @أم الصبيان @هدوء المطر @الورد الأحمر @خديجة ph @ليليا مرام @مباركي أسامة @البشير البشير @فاتن سيلين @جمال عبدلي @نجـود @ذات الشيم @أم إسراء @أبو خديجة @أمير جزائري حر @صهيب الرومي @أم السوس @سفير بلد طيب @مرسال الشوق @ابو مازن @{مُدَلَّلَتُهُ} @عبدالمصور لعجاج @أكوتبر @جولينا ناصر @لخضر dz @ولّادة @غسق الليل @اليمامة_الزرقاء @سحائب الشوق @الملك الظليل @نبيل مسلم @أحلامي @نسرين عزوز @يَقِين؟ @اجمل سمبوسة @الخلوي @كاميليا الثلج @بدر شاكر @آمِيْرَتُه

المُعرّفات بالحروف اللاتينية:

@rycerz @Fethi.dz @Ēya Ēljana @Soumia hadj mohammed @saddek06000 @afnene @barca.moha @lotfi12 @amar hattab @dahman kz @ALGERIA DZ @Hakan @Tama Aliche @sami120 @Moha le sage @Oktavio_hinda @elmaalii @Amoona @adam 05_27 @space-cowboy @la lune rose @momoam @*amani* @maryou1980 @EL Aìd Nh @CreativePs @secret de coeur @963Mira @Mehdidaoud @Needforspeede @ala3eddine @Ma$Ter @angeblue @smiley daily @Amine7N @Zili Na @doaausef3li @mbcsat @Amine ouar @faith8 @hich86 @karim4algeria @mohalia @YOUSRAyousra @4LI_4LGERI4 @ADLANE44 @dridi @Iamdetector @NOUR.DZ @Bouchra zarat @mounaim05 @abdellahtlemcen @chayat @HAMZA USMA @saied @Martech @tamadhhor @Maria bnr @SINMAR44 @abdoulee20 @rasha holwa @skynssine @Abdelghani03 @nadjibdz12 @bouziddz @Yacine info @afrah djm @Mohamed elshemy @ch zaki @hassane1987 @Bilal Manou @Madjid Farid @Alaa_Eldin @nobledz @Mohamedzri @Karim megrous @midou@1 @Qusay Legend @safouan @Rahal Oualid @w@hab_39 @ali_elmilia @Imed703 @elhadi98 @aljentel @Oussama.GF @rezamine @MARYTA @ouafi @missoum31 @rafid2 @nebbati @sofiane55 @Abde jalil20 .@Rochdi.dz @Mokhito @Silent Hill @Adam120 @ZICO_40 @MiRInGI ALGeRia @4algeria @okbadz @★Dαяĸ-Sтαя★ @tunisien93 @Yousra sa @Adem4dz @osama305 @bousaid @taleb2011 @jamal1984 @Kramkamel @MrRobot @NAASTAREK BBR @latif50 @ABOU RAID @jansenmuller @taleb2011 @Charaf Mammeri @BOUTEBEL02DZ @hani05 @habib2 @zaamsam @zimo03 @karbi @Sarah89 @"viola" @Fatimasli @Souhil92. @mohamed-riadh @Achraf17 @sana.brh07 @NoLongerHer

 

[إلياس]

لي رجعة إن شاء الله

 

[نسرين عزوز]

السلام عليكم و رحمة الله

وش احوالكم ؟
إن شاء الله تكونو كامل بخير

بما أنو اليوم نتائج البكالوريا
حبيت نمد رايي في هذا الامتحان بالضبط
و باين يبقى مجرد رأي
المهم لطالما شفت بلي الباك في بلادنا " مجتمعيا " overrated
يعني مبالغ في تقديره
يتعامل معاه كأنه أهم حدث في حياة الانسان
مع أنه مجرد مرحلة للانتقال إلى التعليم الجامعي
و أحيانا يُربط نجاح الشخص أو فشله بنتيجة هذا الامتحان
بينما الحياة المهنية تعتمد لاحقًا على المهارات و الخبرة و الاجتهاد أكثر من معدل البكالوريا
شحال من واحد رسب فيه بصح ناجح عمليا و العكس
نشوف فيه مجرد معلومات تاخذهم تحاول تفهمهم و تحل عليهم تمارين و نماذج
و بصحتك الباك
نفس الأفكار قاعدة تتعاود ، و المصادر لي تقدر تجيب منهم المعلومات راهم بزاف و بسهولة تقدر تتحصل على الدروس
و التمارين و الامتحانات
يعني من السيء أنو نحكمو على انسان من نقطتو في هذا الامتحان
ماتقدرش تحكم بيه على ذكاء الفرد ثاني
تلميذ جاب 18 مش بالضرورة يكون ذكي يقدر يكون قرا و اجتهد و دار مجهود كبير
بما أنو فيه كيما قلت تمارين و أفكار و منهجية
و يعتمد ذلك على الامكانيات لي موفرينها ليه ثاني
واحد موفرلو كلش و يقرا في أحسن الظروف
ماراهش كيما واحد يسكن بعيد عن المدينة و يعيش في بيت صغير و بالكاد يتوفر له قوت اليوم

مارانيش نقول أنو النجاح فيه سهل و لا يليق تكون ذكي
و مارانيش نشجع على عدم الدراسة و لا نقول ماعندوش أهمية و غير زيادة
صح ماراهش حاجة ساهلة ولا كان الجميع يقدر يتفوق فيه
و صح بيه تقدر تعرف الجامعة لي رح تستقبلك و عندو أهمية في هذا الجانب
و لهذا قلت " مجتمعيا أوفر رايتد " أما " أكاديميا " فـ لا .. راه مهم و يحدد مسارك لسنوات

إنما المجتمع تاعنا مكبرينو بزاف هذا القصد
يستاهل الفرحة نعم راه نجاح و مش أي واحد ينجح
لكن ماشي للدرجة تاع المبالغة في الاحتفالات و الضجيج و غيرها
لأنو وش يستنى في التلميذ بعد الباك حياة أخرى أصعب
المختصر ..
في الجزائر تُعامل البكالوريا أحيانًا و كأنها تحدد مصير الإنسان كله
يعيش بعض التلاميذ و أسرهم ضغط كبير
تولي غير تسمع " فلان عندو الباك " " الباك " " كون ماتديهش خلات "
و هذا تصور مبالغ فيه
صح يحدد تخصصك الجامعي
لكنه لا يحدد قيمتك و لا مستقبلك المهني بشكل نهائي

و زيد عليها الضغط النفسي و الإعلامي حولها
حتى أصبح بعض الطلاب يشعرون أن الرسوب خلاص راه معيار للفشل و النهاية

ممكن الآن راني نحكي هك
نبان انسان ماداش الباك و قاعد يحسد ولا يغير من الناس الفرحانة بيه


وش رايكم أنتم ؟ هل تشوفو أن المجتمع الجزائري بالغ فعلًا في إعطاء البكالوريا هذه المكانة ،
أم أنها تستحق كل هذا الاهتمام ؟

مدولي آراءكم ..

[ لمعانُ الأحداق ]

أحسنت أختي ماقلته هو رأيي
المهم العرس التربوي طاغي هههخخخخخ

 

[ام أمينة]

السلام عليكم
في رأيي الباك يستاهل الإهتمام لأنه نتيجة تعب و سنوات قراية
بصح ما لازمش نخلّيوه أكبر من حجمه
النجاح فيه إنجاز و الرسوب ما يعنيش الفشل لأن الإنسان يقدر ينجح في بزاف مجالات بطرق مختلفة
الأهم هو الإستمرار و التعلم و تطوير النفس بعد هذه المرحلة

شكرا لكِ على الموضوع
و ألف مبروك لكل الناجحين و حظ أوفر للباقين
.....​

 

[ذات الشيم]

حتى طريقة الاحتفال به غريبة جدا وتاني طريقة الحزن غير منطقية ..
وكأنو امتحان مصيري خلاص
لي جابو راهو من السعداء ولي ما جابوش راح فيها ..
على كل حال فرحة وفايتة.. منقدروش نقللو منها بما أنو كامل فتنا عليها وفرحنا لأنو مهما يكن يبقى امتحان اللي يحددلك توجهك الجامعي ومسارك الأكاديمي..
___________________________________

المشاعر المبالغ فيها لي راني نشوفها تخليني نحس أنو عايشين في أوروبا، كي تجيب الباك ضمنت حياتك المهنية وهي فلخر تطلع تتمرمد فالجامعة وتلقى شبح البطالة يقابل فيك بعد التخرج ..
حقيقة لا تُدرك إلا متأخرا

نرجع ونقول ، ألف مبارك للناجحين وهاردلك للراسبين .. مزال كاين فرص ​

 

[لمعانُ الأحداق]

يشاهد حاليًا هذا الموضوع:​

• ام أمينة
• الطيب الجزائري84
• نجـود
• لمعانُ الأحداق
• نسرين عزوز

المجموع: 9 (الأعضاء: 5, الزوار: 4)

 

[نجـود]

ممكن لأنه حتى في كرت تعريف البنادم مجتمعيا .. تخصصه!
ولذلك الباك هو بداية تشكل هذه البصمة وتوجهها عمليا
مع انو كما تفضلت الحظوظ المستقبلية والأثر الحقيقي ماعندوش علاقة مباشرة بالنقطة .. كاين ناس تألقت وتميزت في تخصصات حرة غير أكاديمية..

لكن كل واحد من التلاميذ ممكن عندو حلم معين يشوف نفسو فيه... وبوابة هذا الحلم نُقطة..

المهم مانكذبش عليكم من العام للعام عندي نهار نتبرونشا فيه مع الفيديوهات وخاصة صحاب عشرة وحداعش فرحتهم مُفرحة


بالتوفيق للجميع

 

[نجـود]

شفتي يا إكرام دخلتي جبتي الخير معاك
وهاهي الست شيماء تطل أيضا

 

[ذات الشيم]

شفتي يا إكرام دخلتي جبتي الخير معاك
وهاهي الست شيماء تطل أيضا

 

[إلياس]

الف مبروك لكل الناجحين في الباك

 

[أفنانوه]

مبالغ فيه بزاف بزاف
هوا والله ساهل
السبب فالفشل مقريتش ولا حكماتك خلعة تلفتلك دنيا كامل
وكما اي امتحان هو حصاد للسنة كاملة
ولكان مش الضجة والتهويل والله تكون نسب كبيرة من الناجحين كما اي نسبة مدرسة عادية
يتصفاو كما يقولو يبقاو غير لمشاغبين لي شادين لحيوط برك

 

[آمِيْرَتُه]

الباك بكري كان مجرد فرحة تدوم دقاىق و تنتهي
الآن أصبح الاحتفال به فيها القليل من الجنون
هو صحيح فرحة كبيرة لكن ليست لهذه الدرجة
و أصبح كذلك مبالغ فيه من حيث أنه عرس تربوي كما نقولو رجعوا يخوفو التلميذ أكثر

 

[فادي محمد]

الباك في وقتنا الحالي هو مستقبل. كل شاب و شابة لأنه يفتح له باب الجامعة او معهد حتى يضمن مستقبلو والاحتفال به امر عادي لكن في بعض الأحيان مبالغ فيه اما من ستحصل على معتدل 18 وما فوق فهو طبعا ذكي ومحتعد