صندوق يحمل اسمك... لكنه قادم من المستقبل

[Oktavio_hinda]

جبتلكم موضوع خيالي يفتح بابا واسعا للقصص والتأملات والنقاشات وكل عضو سيصنع حكاية مختلفة من خياله



وجدت صندوقا في منزلك... عليه اسمك وتاريخ فتحه بعد 100 سنة!
أثناء ترتيب أحد أركان المنزل تعثر على صندوق قديم مغلق بإحكام والمفاجأة أن عليه اسمك بخط واضح ومكتوب:
يُمنع فتح هذا الصندوق قبل مرور 100 سنة
لكن لا يوجد أحد يراقبك ويمكنك فتحه الآن إن أردت

هل ستلتزم بالتعليمات أم ستفتحه؟
ماذا تتوقع أن تجد بداخله؟
من الشخص الذي وضعه؟ ولماذا يحمل اسمك؟
وإذا علمت أن ما بداخله سيغير حياتك بالكامل هل ستغامر؟

 

[نجـود]

الي كتب 100 عام معناها حاب يتاستي فضولي فقط... لذلك عندي زوج احتمالات:
يا رح نلقى ورقة بيضا
يا رح نلقى سرد لحياتي من الولادة الى الممات.. بصح كيفاه عرفها ماعلاباليش

تسمى ماكالاه نحلو وخلاص

الورقة البيضا تفشلك
ومحاولة معرفة تفاصيل عن حياتي القادمة أسوأ حاجة ممكن نديرها... قادر تلقى روحك رح تتعرض لمأزق تعيش في دوامة المأزق قبل وقوعه... واذا رح تجيك الفرحة تكون ديجا عارف تصماطلك.. لهذا أومن دايما بأن عدم معرفتنا للغيب رحمة كبيرة بنا.

 

[Oktavio_hinda]

الي كتب 100 عام معناها حاب يتاستي فضولي فقط... لذلك عندي زوج احتمالات:
يا رح نلقى ورقة بيضا
يا رح نلقى سرد لحياتي من الولادة الى الممات.. بصح كيفاه عرفها ماعلاباليش

تسمى ماكالاه نحلو وخلاص

الورقة البيضا تفشلك
ومحاولة معرفة تفاصيل عن حياتي القادمة أسوأ حاجة ممكن نديرها... قادر تلقى روحك رح تتعرض لمأزق تعيش في دوامة المأزق قبل وقوعه... واذا رح تجيك الفرحة تكون ديجا عارف تصماطلك.. لهذا أومن دايما بأن عدم معرفتنا للغيب رحمة كبيرة بنا.

تحليل رائع وتوقعات أروع

صدقتي ممكن أن تفتحيه فتفقدي سحره وتخشي ألا تفتحيه فتقضي عمرك تتساءلي لذلك أبقيه بجانبك صندوقا مغلقا يذكرك أن ليس كل ما نجهله يجب أن نعرفه. ​

 

[فادي محمد]

طبعا افتحه ممكن فيه خير و بركة ورزق ممكن فيه سر ....
لا ندري ماذا يوجد به لكن فصول الانسان يخليه يفتحه
شكرا لك اختي الطيبة على هذا الموضوع

 

[Oktavio_hinda]

طبعا افتحه ممكن فيه خير و بركة ورزق ممكن فيه سر ....
لا ندري ماذا يوجد به لكن فصول الانسان يخليه يفتحه
شكرا لك اختي الطيبة على هذا الموضوع

نعم لما لا...
لتعرف أي قصة قادت هذا الصندوق إليك ففي النهاية نحن لا نبحث عن الأشياء بل عن الحكايات التي تختبئ خلفها

 

[فادي محمد]

نعم لما لا...
لتعرف أي قصة قادت هذا الصندوق إليك ففي النهاية نحن لا نبحث عن الأشياء بل عن الحكايات التي تختبئ خلفها

هناك حكايات حزينة جدا لا يمكن ذكرا لأنني كل ما اتذكرها أبكي

 

[أبو خديجة]

نفتحوا بسرعة ونشوف واش فيه

إذا فيه كنز اللهم بارك وإذا أي حاجة خاصة بوالديا ربي يرحمهم نستحفظ عليها
من غير هذو نرفد الصندوق ونرميه

 

[الامين محمد]

هههههه والله اختي هندو هاذي ماهيش قاع هدرة هههههه
راح الفضول يقتلني لأني اشك انه المليار تاعي خباهلي جدي
لكن هناك من لعب بالوصية حابني حتى نموت يدي الامانة ههههه
لاا اختي انا نفتحه اذا خير فراح اعيش بقية عمري غني
و اذا فيه الرهج او السحر فأنا ميت ميت و ربي كاتبلي نموت في هاذ الوقت ههههه

يعني ما نقدرش نصبر ساعة و ليس سنوات هههههه
بناتنا والله اذا لقيته المليار و الله نشري ليك كيوكيو بصح عدلي الموضوع
و عدلي الوصية ههههههه

 

[إلياس]

لم اجد ما اقول سبقتوني في كل شيء

 

[ام أمينة]

نخليه مغلوق و نحاول نفهم الحكاية من بعيد و نوريه لواحد من العائلة يمكن يبانلو شيء أنا ما انتبهتلوش
ماشي كل حاجة غامضة لازم نكتشفوها فورًا
مرات عدم المعرفة يكون آمن من الحقيقة​

 

[Oktavio_hinda]

نفتحوا بسرعة ونشوف واش فيه

إذا فيه كنز اللهم بارك وإذا أي حاجة خاصة بوالديا ربي يرحمهم نستحفظ عليها
من غير هذو نرفد الصندوق ونرميه
مشاهدة المرفق 190653

لكن يقول ان الصندوق في حاجات تخص حياتك القادمة ممكن تكون مليحة وممكن بعيد الشر تكون مش مليحة وتخليك تعيش في حيرة وقلق
انا اظن انك تخليه مغلق خير ماتلقى خبر ان اوكتافيو ستفوز بالمرتبة الأولى طوال الاشهر القادمة فتصاب بالقلق وماترقدش اليالي ونتا تخمم خليه مغلق خير خوذ رايي

 

[Oktavio_hinda]

هههههه والله اختي هندو هاذي ماهيش قاع هدرة هههههه
راح الفضول يقتلني لأني اشك انه المليار تاعي خباهلي جدي
لكن هناك من لعب بالوصية حابني حتى نموت يدي الامانة ههههه
لاا اختي انا نفتحه اذا خير فراح اعيش بقية عمري غني
و اذا فيه الرهج او السحر فأنا ميت ميت و ربي كاتبلي نموت في هاذ الوقت ههههه

يعني ما نقدرش نصبر ساعة و ليس سنوات هههههه
بناتنا والله اذا لقيته المليار و الله نشري ليك كيوكيو بصح عدلي الموضوع
و عدلي الوصية ههههههه

إذا فيها المليار ماتنساش اختك اوكتافيو
واذا حاجة مش مليحة خليه مغلق احسن وابعد عنا الشر وغنيلو
من الأحسن خليه مغلق ماتيسر راسك ماوالو والي يجبها ربي فيها خير
اوااااه الموضوع مايتعدلش يبقى كيما راه ونتا الي تعدل وخليه مغلق احسنلك

 

[Oktavio_hinda]

لم اجد ما اقول سبقتوني في كل شيء

احسن ما فعلت خويا إلياس اسكت وخليه مغلق احسن ياودي حنا زهرنا شوي شوي خلي الأمور نقابلها بشوية خير ما نعلمو بيها ضربة وحدة
خلي الصندوق مغلق واغفر حفرة وخليه كيما درت انا

 

[Oktavio_hinda]

نخليه مغلوق و نحاول نفهم الحكاية من بعيد و نوريه لواحد من العائلة يمكن يبانلو شيء أنا ما انتبهتلوش
ماشي كل حاجة غامضة لازم نكتشفوها فورًا
مرات عدم المعرفة يكون آمن من الحقيقة​

صحيتي احسن ما فعلتي
ماشي كل حاجة نحبو نعرفوها ونفهموها
خلي البير بغطاه احسن
وكل حاجة تجي في وقتها
ماشي كيما ابو خديجة يحب يجيب وجع الراس لعمرو هههههه