ما رايكم في هذا الموضوع يا ناس الغربة؟؟؟

الحالة
مغلق ولا يسمح بالمزيد من الردود.
ارى ان المنتدى تاع الغربة و ناسها عيان .............وين راكم يا ناس لغربة ؟؟ وا ش قتلتكم الغربة؟؟

ما رايكم في هذا الموضو ع ..........و هو شيء اراه هنا للاسف في بعض الناس تاع الغربة(جزائريين)

و هو بلهجتنا .............(النا س اللي كيما نقولو :يقلبو الفيستا ؟؟؟!!!!يعني البلاد ما تمثل لهم والو .....ils sont completement changes

لا هدرة البلاد يهدروها مع اولادهم و لا تقاليد تاععهم يديروها ..............زد على ذلك اذا هدرت لهم على البلاد بكل و طنية و حب و تبين لهم تمسكك بذلك ........يعتبروك متخلف..........لم تندمج بعد في الوسط الاوروبي...........يقولولك :خلينا من البلاد .........و يتجنبوك.............منهم والله من جاؤوا من البلاد ناس ذو افكار دينية و سياسية مليحة ..........كانو يكافحو من اجلها في البلاد ..............لكن عجبا ..........على التغيير المفاجئء.....و لا ذرة من ريحة البلاد فيهم ..................................
ما رايكم في هذا الموضوع و هل تواجهون نا س كيما هاك في حياتكم؟؟؟؟؟؟؟؟؟؟؟؟؟
 
والله نتأسفو على هاذ الناس يا أختي منبصح إيجي النهار لي ينطحو فيه الحيط ما سمعتيش واش قال دحمان الحراشي : يا الرايح وين مسافر تروح تعي و تولي :rolleyes: و شكرا ليك على هاذ الموضوع
 
سلام ...

عزيزتي كاين وكاين ماشي كامل اللي يتغرب ينسى بلاده وينكرها
مهما طال عليه الزمان " بلادي بلادي وأصلك أصلك "

وأنا عايشة طول حياتي برا ونتشوق للنهار اللي نجي فيه للجزاير ونشم ريحة البلاد

وكيما يقولو بلادنا ولافة .. .. وولفها صعيب

الله يحفظها بيها بشعبها

^_^
 


و الله الموضع عجبني بزاف لأني بصفتي مغترب أيظا عن البلاد و الحمد لله لست في بلد اجنبي كافر

يعني نعيش في بلادي و لا في اي بلاد مسلم كيفكيف كلها ارض الله لكن الفرق الوحيد بينهم انو بلادي الجزائر هي بلادي مهما صار تبقى بلادي اللي ولدتني و اللي حضنتني من أول ما خلقت و فيها اهلي و عائلتي و انتوما يا اغلى ناس


و لكن مع هذي الغربة لا و لن انسى اصلي و فصلي و عقيدتي و عاداتنا و تقاليدنا

و اقولها و بكل فخر و بصوت عالى انا جزائري جزائري بكل قطرة دم تسري بعروقي


تحياتي و شكرا لكي
يا غزالة على الموضوع الرائع

و حبيت نقلك في الاخير المنتدى لجميع الجزائرين اكانو مغتربي او لا ;)


و دمتي بخير
 
هوا فيه حد فاهم غير كده واخي ابن الجزائر انت رجل والرجال قليل لانك بصح تعرف معنى انك ولد بلادك
 
أظن أن ناس الغربة لي تقصديهم هم من في أوروبا , لأنه الحمد لله في منتدانا أبناء الجزائر في الدول العربية حتو ولو قلال راهم ناشطين .
أما الي في أوروبا نعذروهم عندهم مشكل اللغة فتجدهم في منتديات باللغة الي هم في منطقتها .
و خاصة أبناء الجزائريين في فرنسا راهم في النت بقوة في المواقع البلجيكية و الفرنسية و الكندية و الكثير منهم يتحدث على العادات و التقاليد تاع منطقته في الجزائر عادي حتى مع الهنود الحمر .
لأننا جزائريين كلنا فخورين بهاد الوطن و حتى لو كرهناه يوما و هربنا منه , فأعتقد أن جميع من سافر الى الغربة يحمل معه حلم العودة .
 
قال Nadir:
أظن أن ناس الغربة لي تقصديهم هم من في أوروبا , لأنه الحمد لله في منتدانا أبناء الجزائر في الدول العربية حتو ولو قلال راهم ناشطين .
أما الي في أوروبا نعذروهم عندهم مشكل اللغة فتجدهم في منتديات باللغة الي هم في منطقتها .
و خاصة أبناء الجزائريين في فرنسا راهم في النت بقوة في المواقع البلجيكية و الفرنسية و الكندية و الكثير منهم يتحدث على العادات و التقاليد تاع منطقته في الجزائر عادي حتى مع الهنود الحمر .
لأننا جزائريين كلنا فخورين بهاد الوطن و حتى لو كرهناه يوما و هربنا منه , فأعتقد أن جميع من سافر الى الغربة يحمل معه حلم العودة .

شكرا على الرد.....
نعم اقصد من هم في اوروبا و يوجدللاسف من ذلك الصنف .........

قلت ا نه في منتدانا فقط من الجزائر و من الدول العربية .............يعني راني غير وحدي :eek:
على ذيك ما فهمتونيش و لا رايحين تفهموني :eek:

طبعا من هم في دولة عربية الغربة اخف او منعدمة..........لانه بين اخوة عرب ......

صحيح يوجد من يتحدث عن بلده مع الاخرين و يعرفهم بها .........و عامل اللغة ليس مهم المهم القلب الصافي و الوطنية الحقة .
و انا اساهم بذلك و الحمد لله.........بكل لغة اعرفها .........فالجزائر في القلب دوما.
 
thanks.... bent alblad

مرحبا....بنت البلاد أوافقك الرأي بأن من هو موجود في بلاد عربي ستكون غربته أخف ولكن ليست منعدمة..صحيح أنه سينتمي الى مجتمع العروبة ولكن الارض ليست ارضه ولن يجد أهله هناك..لان البد الاصلي واحد لا رفيق له..مكانه مغروس في القلب وحبه لن يتزحزح أبدا مادمن نؤمن بالوطنية...فالغربة تزيدنا حبا لوطننا وتعلقا بأرضنا...بعدنا عن مسقط رأسنا يجعل عشقنا لارضنا اكبر واكبر........!!!!
ربما لا اوافقك الرأى عما قلته عن تلك الشريحة من المغتربين الذي يكرهون وطنهم..يهربون من عروبتهم ويغيرون لغتهم..لان كل جزائري يحب الجزائر ويستحال ان يكره هذا الوطن الغالي والعزيز....لا أنفي عدم وجود فئة من هؤلاء ولكن اكيد هم قليلون وقد نعتبرهم شواذ...لان من باع وطنه فالوطن سيبعه أولا...وأنا شخصيا لم أصادف أناس من هذا النوع...فكل من أعرفهم يحبون الجزائر ويكنون لها كل الاحترام والجميل...
"بنت البلاد" تقبلي رأيي المتواضع...وشكرا جزيلا على طرحك لهذا الموضوع المتميز...تحياتي


وكلنا متشوقين للعودة الى وطننا واستنشاق ريحة البلاد....!!!:rolleyes: :)

أختك جوجوكوستا:) :)
 
thanks.... bent alblad

مرحبا....بنت البلاد أوافقك الرأي بأن من هو موجود في بلاد عربي ستكون غربته أخف ولكن ليست منعدمة..صحيح أنه سينتمي الى مجتمع العروبة ولكن الارض ليست ارضه ولن يجد أهله هناك..لان البلد الاصلي واحد لا رفيق له..مكانه مغروس في القلب وحبه لن يتزحزح أبدا مادمن نؤمن بالوطنية...فالغربة تزيدنا حبا لوطننا وتعلقا بأرضنا...بعدنا عن مسقط رأسنا يجعل عشقنا لارضنا اكبر واكبر........!!!!
ربما لا اوافقك الرأى عما قلته عن تلك الشريحة من المغتربين الذي يكرهون وطنهم..يهربون من عروبتهم ويغيرون لغتهم..لان كل جزائري يحب الجزائر ويستحال ان يكره هذا الوطن الغالي والعزيز....لا أنفي عدم وجود فئة من هؤلاء ولكن اكيد هم قليلون وقد نعتبرهم شواذ...لان من باع وطنه فالوطن سيبعه أولا...وأنا شخصيا لم أصادف أناس من هذا النوع...فكل من أعرفهم يحبون الجزائر ويكنون لها كل الاحترام والجميل...
"بنت البلاد" تقبلي رأيي المتواضع...وشكرا جزيلا على طرحك لهذا الموضوع المتميز...تحياتي


وكلنا متشوقين للعودة الى وطننا واستنشاق ريحة البلاد....!!!:rolleyes: :)

أختك جوجوكوستا:) :)
 
موضوع مليح يا بنت البلاد
شوفي هادي تعود للتربية في الدار انا ولدت و تربيت في بلاد العم صام بصح ولله الحمد الوالدين ربي يحفظهم علمونا لغتنا ولهجتنا بالخصوص بارسكو الاصل هو الجذور تاعك اللي لازم تحكم فيهم كاشما شفتي نتي شجرة
تبقى واقفة بلا جذور ؟؟؟؟؟؟؟؟؟؟؟ نظن مكانش ... و الناس لي تهدري عليهم نتي تاع مايهدروش لهجتنا و يفرح كي يشوف ولدو يهدر لغة اجنبية خاصة كي يجي للبلاد في الصيف تبالو يفوخ ويزوخ من جماعة redwan come on ولا hey dido viens ici

et toi la vache tu parles la france mieux que je ههههههههههههههه هادوك يا بنت البلاد ناس مخلوعين وملهوفين و خالعتهم الدنيا و ماديهم الهف و الزف ياخي شفتي الفيلم تاع " عايش بالهف" مالا هادوك هوما كاينة وحدة من لافامي ربي يستر عليها ولدها مداير فلوكة " تكلولة ولا منقوشة باش بكل تفهموا ههههه"
في وذنو هوما زماقرا تاع فرنسا كي تقولها علاه مدايرتهم تقولك c juste pour avoir de la chance
نتا واش دير في حالة كيما هادي شهد و استغفر ووامشي القدام و مادورش وراك :D
 
قال عاقل و ناس ملاح:
موضوع مليح يا بنت البلاد
شوفي هادي تعود للتربية في الدار انا ولدت و تربيت في بلاد العم صام بصح ولله الحمد الوالدين ربي يحفظهم علمونا لغتنا ولهجتنا بالخصوص بارسكو الاصل هو الجذور تاعك اللي لازم تحكم فيهم كاشما شفتي نتي شجرة
تبقى واقفة بلا جذور ؟؟؟؟؟؟؟؟؟؟؟ نظن مكانش ... و الناس لي تهدري عليهم نتي تاع مايهدروش لهجتنا و يفرح كي يشوف ولدو يهدر لغة اجنبية خاصة كي يجي للبلاد في الصيف تبالو يفوخ ويزوخ من جماعة redwan come on ولا hey dido viens ici

et toi la vache tu parles la france mieux que je ههههههههههههههه هادوك يا بنت البلاد ناس مخلوعين وملهوفين و خالعتهم الدنيا و ماديهم الهف و الزف ياخي شفتي الفيلم تاع " عايش بالهف" مالا هادوك هوما كاينة وحدة من لافامي ربي يستر عليها ولدها مداير فلوكة " تكلولة ولا منقوشة باش بكل تفهموا ههههه"
في وذنو هوما زماقرا تاع فرنسا كي تقولها علاه مدايرتهم تقولك c juste pour avoir de la chance
نتا واش دير في حالة كيما هادي شهد و استغفر ووامشي القدام و مادورش وراك :D


شكرا اخي العاقل على هذا الكلام .......و هو كلام صحيح .......
صحيح راجع للتربية ,و ايضا للعقلية تاعهم و درجة ثقافتهم .....

على العموم كيما قلت :في حالة كيما هكا شهدي و استغفري و امشي القدام........./انا ماشي اسغفرت برك ,قطعت كاع العلاقة معاهم .......لان ها ذ الناس كثرتهم مستواهم هابط بزاف ...و هذا ماشي تكبر مني لكنه الواقع.......................و الحمد لله عندي ناس اقارب ..لكن جو الدراسة خلاني نشوف هاذ العقلية تاع هاذ الناس ........../
و العكس نعرف ناس كيفك زادوا هنا و تربوا هنا و ما شاء الله عليهم كلي ولاد البلاد......و هنا طبعا راجع للتربية .

شكرا اخي على مرورك و انك احييت هذا المنتدى تاع الغربة من جديد.
 
شوفي يا اختي بنت البلاد يقولك الباب اللي يجيك منو الريح اقفلوا واستريح

وناس كيما هادو ماعندك ماديرو بيهم كيما يقول المتل " تحبني مابنيتلي قصر تكرهني ماحفرتلي قبر"

هو مليح كي تتلقاي مع ناس كيما هادو باش تتعلمي و تعرفي العقليات pour l`eviter في المستقبل

وانتي اقراي وربي يوفقك ...
 
السلام عليكم
عندكم الحق وخاصة اخي عاقل وناس ملاح راه اصاب الهدف
انا شفت ناس في الغربة جاو من بلدان عربية
و تجيهم حشمة كي يهدروا بالعربية او البلهجة المغاربية
واعلاه
لانو في اوروبا فارضة علينا الاندماج في المجتمع الاوروبي باش تحمي روحها من الغزو الثقافي الاسلامي لانه معظم مثقفيها يحبذون الهوية الاسلامية
بل اندمجوا مع الثقافة الاسلامية و خاصة المغاربية
اما المغتربين الي تحكي عليهم حاشى البعض راهم ما عندهم والو في الراس
و ما شافو والو على هاذيك راهم مخلوعين
لانه كما قال اخونا ناس ملاح و عاقل ما عندوش جذور و اسس و علم يمشي بيه
من ناحية انا ما نخالطهمش و ما يقعدوش معايا
و الي يغلط يخلص لاني بكل صراحة نكرهم و السبب هو الجهل الي عايشين في وسطو
حتى الاوروبيين كي يشوفوه ما عندوش مبادىء و شخصية يكرهوه
حتى و لو لبس كيفهم وو هدر كيفهم و عمل كيفهم يبقى محقور في وسطهم
العربي عربي و لو كان الكو لونال بن داود

 
bon soir cher frere akel we nasse mllah tu a raison pour les immegres en france en generale il se cois beaucoup meme la s il son de la meme famille moi je suporte pas sa el kebriaa lilaah et meme je connais des gens qui n aime pas l islam
 
السلام عليكم ..
الحمد لله أنا في الغربة .. لكن هذا لا يعني أنني كما قلت ..
نتكلم بلهجتنا .. و عاداتنا و تقاليد كالجزائر تماما مما يوافق عليها الشرع طبعا ..
والحمد لله .. الجزائر في قلوبنا مكانها لن تأخذه أي دولة مهما تغربنا ..

وليس كل من اغترب يعني ذلك انه مجرم أو خاطئ ..
لا فالغربة أحيانا تفيد كثيرا ..
وغربتي فادتني كثيرا ..
فالحمد لله .. حجيت و اعتمرت 30 عمرة أو أكثر ..
برأيك غربتي ممدوحة أو مذمومة ..
أحيانا يا أخي الذي يخفف علينا في الغربة .. هو نصرتنا و تطبيقنا لديننا الحبيب ..
فالدين يأتي قبل الوطن .. و مادام أننا في الدين نستزيد ونستزيد .. فلا أجد في ذلك حرجا من بقائنا في الغربة ..
و لكل إنسان سبب و ظروف لغربته .. فالذي هرب ليس كالذي سافر من أجل طلب العلم .. أو كالذي سافر من أجل نشر كلمة الحق .. و الذي سافر من أجل ظروف أجبرته على الخروج ..
لذلك كل انسان و قضيته .

تقبل كلماتي ..
في أمان الله .
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top