انويو و اعقدو و قولو بسم الله
الناس كسبت الشطب والحطب وأنا كسبت الطير ليمنقارو فضة وريشو ذهب.
الناس كسبت الشطب والحطب وأنا كسبت الطير ليمنقارو فضة وريشو ذهب.
يا قايدين الشموع هاكوا شمعة قيدوها بالاك الغايب يعود والفرحة نعاودها.
رديت طاقتي دفة على دفة، وطويت فراشي لفة على لفة، أنتا سعدي شمعة لا تطفى.
عمتي يا عمتي واشبيك غضبانة، إذا بيك على الطعام راني شبعانة، وإيذا بيك على الماء راني رويانة، وإيذا بيك على كحل العين ما ندّيه غير أنايا.
اللي بيناتنا واش جابو للناس، عرض بني أدم كي الرصاص إذا ذاب خلاص.
دخلت للدّار لقيت خطّابة فالبيت، شدّيت مشوارة وبكيت وأنا في قلبي حبّيت.
عيونك توت وحواجبك ياقوت، أنا نحب خليلي واللي حاب يموت يموت.
شوف زين ذيك الغزالة شافها الوزير قال ندّيها، شافها السلطان قال نغنيها، شافها ذاك الشباب قال نفنا ونموت عليها.
خارجة من الحمام وخدودهـا يحمـاروا اللـي وريلـي دارها يعمرولوا داروا.
بابا بغى لي ولد عمي ويمّا بغاتلي ولد خالي وأنا قلتلها مانحذش غير اللي يواتيني.
