انويو و انويو مع بوقالات تسنيم بلا حدود

[zakialg]

5* عندنا شجرة معمرة بالياقوت وعندنا فوّارة معمرة بالحوت اعطوني ابنتكم ولا نطيح نموت
انا خيرت هادي
بارك الله فيك​

 

[nerhan]

17* لالة يالالة ياريش النعام يا اللي مربية في القطيفة والرخام ملّي شفتك وعشقتك مابقالي منام.

 

[وردة الروح]

نبعث لكم دموعي في مشوارازرق، و نبعث كلامي في برية تحرق، ما ننساكم يا ناسي بحق إله مكة ببلاطها لزرق.​

 

[وردة الروح]

بسمالله بديت وعلى النبي صليت وعلى الصحابة رضيت...غلقت عيني وشفت رؤيا شفت طير يرفرف على رف قالي فاعل الخير ديما ينسى وفاعل الشر ديما يشفى امشي بنية اذا تخلطت ديما تصفا
على حبيبتي تسنبم
أعطني تولويلة
​

 

[وردة الروح]

جابولي الرمان مغلف في وراقوا وأنا وحبيبي في بلاد وحدة والقلب مشتاقوا.
​

 

[dahbito]

امّنت بالله ، و المنام رؤية من عند الله ، حمامة بيضا جاتترفرف عليّ ، معاها حصان توقّف بين يديّ .

 

[khadidja2]

* سمعت قر الحمام في قاع السّجنة ، لا من سقاه الما ولا من عطاهشعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا.

 

[f.rose]

66* خزرت من التاقة ننفض الزربية جازوا ثلاث عزاب عليا، الأول بعثو الملك قال لو نغنيها والثاني بعثوالسلطان وقال نكسيها والثالث بعثو الحبيب وقال له نموت عليها.
واو تهبل.عجبتني بزاف

 

[وردة الروح]

خرجت ليلة الجمعة ، في يدي شمعة ،خرج لي ملاك حنين قالي : يا بنت السحاب حاجتك راهي مقضية ، قلت ليه : يا سيدي طالت المدة ، قالي : روحي لدارك تصيبيها قدّامك
على رجلي العظيم
الذي لا يتكرر
حفظه ربي و حماه
صح عيدك ​

 

[وردة الروح]

في الدار صندوق مخبيء فيه الذهب و المرجان و روبة قضيفةقالولي ليمن راك مخبيها قلتلهم لهاديك مولاة الشان و المشيةالضريفة.
على وردة الروح


​

 

[وردة الروح]

دزيت باب الحبيب دفة على دفة فراشو من حرير نرقد وندفا، بوقالو من ذهب نشرب لا نروى،وكلامو من عسل غير نسمع نشفى.
على رجل لن يتكرر
تعرف نفسك صح
الله يحفظك و يخليك

​

 

[وردة الروح]

خرجت في الليل نطلب في الله صبت النجوم دايرين وقالولي صلي علىرسول الله *صلى الله عليه و سلم * واللي تستناهم راهم راجعين
على كل بنات اللمة الحبيبات
صح عيدكم ​

 

[وردة الروح]

طلبت من الله العافي يرسي كل مغبون بمينا ،ويكسي كل عريان وحافي ويبعد لهموم علينا،رد الفال لا تخافي عندي تخلاص الغبينة، دير النية بالقلب الصافي والنية باقية في القلوب الزينة،ياربي بارك في كل وافي وغرس الخصايل فينا، بالفال تعود وافي وبالنية باقيا الدنيا زوينة

على نس اللمة الهايلين
ربي يحفظكم
و يعطيم الهنا و الخير
صح عيدكم ​