انويو و انويو مع بوقالات تسنيم بلا حدود

[زمردة الايمان]

119* البسي اللي يواتيك جميع الناس حاروا فيك اللي عندو لعقل يديك واللي ماعندوش يصبر قلبو عليك

 

[تسنيم الهناء]

[FONT=&quot]:heh::heh:[/FONT]
[FONT=&quot]التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة[/FONT] .​

مرحبا بيكم كامل و بازيان السعد ان شاء الله و هذي مني ليكم الكل
​

 

[وردة الروح]

الطبق بين رجليا و الخاتم بين صباعتيا و الحبيب اللي راح زمان يرجع ليا و الله غير نعيش معاه حتى يتغمضوا عينيا​

 

["غزالة الجزائر"]

5* عندنا شجرة معمرة بالياقوت وعندنا فوّارة معمرة بالحوت اعطوني ابنتكم ولا نطيح نموت

يعطيك الصحة حبيبتي على البوقالات الروووووووووعة
شكراااا

 

[mister lonely]

9* يا ناس لملاح مدولي بنتكم و الا نطيح نموت..بنتنا شرطها غالي و مقامها عالي..مدوهالي و الا نشتكي بيكم لربي العالي

ههههههههههه غير نلقى البنت هذي لي تستاهل نبكي عليها هك ,مارسي ختي تسنيم .​

 

[خولة19]

* مشيتي مشية زهرية فاتو ثلث شبان عليك الاول قالك من صابك ليا و الثاني قالك من صابك حلالي و الثالث قالك من صابني الارض و انت تمشي عليا
يعطيك الصحة عالبوقالات
مرسي

 

[hadile zizou]

11* جزت على جنية ، قالت لي واش تحوسي يا ولية ، قلت لها مانى نحوّسلا على مال ولا على جاه، نحوس على من ضيّعت قولي ليّ .
شكرا لك على الموضوع​

 

[تسنيم الهناء]

:heh: صحّ فيطوركم :heh:
بازيان السعد و ان شاء الله ربي ينول كل واحد ما يتمناه بجاه الحبيب المصطفى

و هذه لكل من مر من هنا
​

''خيوط الليل ذابت و شعاع الصبح بانو الشمس فوق لاحت و ذهب عليا اللي كان
​

و اللي زمان غابت جات اليوم تبانتسقم السعد ثابت اتهنيت و الحظ زيان''

:sheer::sheer:
​

 

[وردة الروح]

نبعث لكم دموعي في مشوارازرق، و نبعث كلامي في برية تحرق، ما ننساكم يا ناسي بحق إله مكة ببلاطها لزرق.
في خاطر الجميع
صح فطوركم
​

 

[nina17]

21* مشيتي عالية وطولتي دالية شبان ورجال يتبعو فيا ويمشو مذلولين يتبعوا فيّ...ومن غير المولى وحبيبو ما في مين يعلى عليا
شكرا

 

[تسنيم الهناء]

9* يا ناس لملاح مدولي بنتكم و الا نطيح نموت..بنتنا شرطها غالي و مقامها عالي..مدوهالي و الا نشتكي بيكم لربي العالي

ههههههههههه غير نلقى البنت هذي لي تستاهل نبكي عليها هك ,مارسي ختي تسنيم .​

دير النية اوخيي
و احنا ندعيولك رمضان ابواب السما مفتوحة
ربي يرزقك بزوجة صالحة طيبة باذن الله
​

 

[تسنيم الهناء]

صح فيطوركم
:heh:

عين الشمس تمسات وخلات الضباب وراها وانا عيني عيات معلقة في سماها عينها رقدت وتهنات وانا قلبي ما نساها


​

 

[ياقوتة الصحراء]

والله انا ما نأمنش بهاد الصوالح

 

[بلقيس الجزائر]

3* السفينة اللي جات باش أنكافيها باللوز والسكر نطعم غاشيها (أي ناسها) وبالزباد والعطر نطلي سواريها ونطلب ربي العزيز للحج يدّيها


الله يعطيك الصحة​

 

[تسنيم الهناء]

والله انا ما نأمنش بهاد الصوالح

رانا غير نقصرو أ حبيبتي
ديري النية برك و هذي ليك

مشيت مشيت حتى عيت جربت مع مليح والدون بصح مازال مالقيت اللي يولمني يحمل طبايعي ويديرني امرة في البيت فرج ياربي وابعث لي الراجل لي تمنيت​

3* السفينة اللي جات باش أنكافيها باللوز والسكر نطعم غاشيها (أي ناسها) وبالزباد والعطر نطلي سواريها ونطلب ربي العزيز للحج يدّيها


الله يعطيك الصحة​

الله يسلمك حبيبة
يجعل فالك زين
​

 

[جزائرية حتى الموت]

4* بعثت لك يا شباب دموعي قرنفلة حمراء ياعدو بن عدو بدّلتني بامرأة قال لي والله يا لالة ما نبذلك بالغير محبتك في قلبي حتى يشيب الطير ​

:luve_1::luve_1:

​

 

[وردة الروح]

خرجت ليلة الجمعة ، في يدي شمعة ،خرج لي ملاك حنين قالي : يا بنت السحاب حاجتك راهي مقضية ، قلت ليه : يا سيدي طالت المدة ، قالي : روحي لدارك تصيبيها قدّامك .

الصراحة على روحي
يعني على وردة الروح
تسنيم حبيبتي
أعطني تولويلـــة​

 

[تسنيم الهناء]

خرجت ليلة الجمعة ، في يدي شمعة ،خرج لي ملاك حنين قالي : يا بنت السحاب حاجتك راهي مقضية ، قلت ليه : يا سيدي طالت المدة ، قالي : روحي لدارك تصيبيها قدّامك .

الصراحة على روحي
يعني على وردة الروح
تسنيم حبيبتي
أعطني تولويلـــة​

صح فيطورك
ان شاء الله يا حبوبة بعد رمضان هذا بجاه النبي العربي تتحقق كل امنياتك و تنالي المرغوب
والا على التولويلة(احنا نقولو تزغريتة) ما يكون الا خاطرك

يويويويويويويويويويويويويويويوووووووووووووووووووووووووووي
بازيان السعد
​

 

[girl-alg]

36* لو انت بحر انا حوتةفيك ، لو انت جنان اناوردة تبهيك، لو انت ليلة انا نجمة تضويك ، لو انت تحبني انا نموت عليك.

 

[ايمان9]

22* خرجت في الليل نطلب في الله صبت النجوم دايرين وقالولي صلي علىرسول الله *صلى الله عليه و سلم * واللي تستناهم راهم راجعين.
الله ينورك ايامك​