مساعدة من فضلكم....انا محتار..........

الحالة
مغلق ولا يسمح بالمزيد من الردود.
شكرا ايمان على تواجدك وتقاسمك معي مشكلتي..................
​
 
انا نقلك بطل هدا هو الحل
 
واش راك تهدر اخي
الصحافة راهي غازية البلاد غير الاذاعة وحدها ماشاء الله
وزيد شوف ماشي غير تخدم صحافي
اما التاريخ قولي وش حتدير بيه رايح تقري ابتدائي

من عندي ومن عند وحدة متخرجة دير صلاة استخارة وفرات
والصحافة مجالها خير من التاريخ
 
يعني حقيقة انا تشاورت مع الاهل والاصدقاء ومعكم وخرجت بان

ذبت الى الجامعة زقدمت طلب تحويل من الاعلام والاتصال الى التاريخ

شكرا لكم ولكل من تفضل وشارك ولو بكلمة واحدة شكرا لكم

والله ولي التوفيق
​
 
يعني مافهمتش تخلي الصحافة وتروح لتاريخ الي اسوء واش راك حدير بالتاريخ انا كنت كيفك خايفة من الصحافة مع اني نحبها بصح بمجرد اني قريتها عام واحد راني مانبدلهاش باي حاجة .بالاضافة الى ان الصحافة ليس كما يعتقد كل الناس انك ياتعمل فالجريدة يا تعمل فالراديو ياتعمل فالتلفزيون وهدا خطئ الصحافة اكتر من كدا خاصة وادا كنت تدرس في العاصمة او عنابة او المناطق الساحلية او حتى قسنطينة حيث بعد التخرج يمكن ان تعمل فالشركات .ونزيد نقولك الي يقولك بلي مافيهاش الخدمة واشي هي الحاجة الي يقراوها فالجامعة ويلقاو بيها الخدمة يخي كلشي ولا بالمعريفة.نصيحتي ليك دير واش حاب انت ماش واش يحبو الناس الشئ الي تحبو انت تقراه .اتمنالك النجاح في مشوارك الجامعي ومبروك الباك
 
سلام.
شوف خويا تبع واش حبيت نتا وماتبعش راي الناس,باسكو يهدرو برك .أنا كي ديت الباك حبييت الترجمة وقالولي ماكانش ترجمة في بلادنا و...و.....,مي أنا ماتبعتهمش وقريتها خاطر كان حلم حياتي نقرا هاذ الفرع.وبالنسبة للتاريخ في رايي ماديروش صحاباتي لي يقراوه كامل ماعجبهمش وكرهوا باسكو قراية جامدة مافيهاش تجديد,وأنا شخصيا ننصحك بالصحافة هايلة بزااااااااااااااااااف خويا يقراها في جامعة الجزائر,وما تخممش من درةا في الخدمة منا لذاك الوقت تكون عندكم حظوظ بزاف نشاالله.بالتوفيق
 
اشكرك الاخت حنينة على طرحك وارائك وان شاءالله ربي يوفق

*****************************************
امل حياتي لك مني كامل التقدير والشكر على نصيحتك ونتمى ان يوفق
الانسان في حياته الدراسية

شكرا لكم جميعا

​
 
المهم ادير حاجة تحبها ادا تحب صحافة دير صحافة
 
صمت الذكريات شكرا على تواجدك ......
​
 
شوف شريكي اخطيك من kودير واش حبيت
 
شوف خويا اذا حبيت تنجح صح في قرايتك باعد علىkaka ودير واش حبيت
 
شريكي كاكا قروند جوار هو الصح خويا
هههههههههه حسان هههههههههههه

​
 
واصل اخي وادرس الصحافة فيها مستقبل باهر ودراهم ياسر سقسيني انا نقلك راو عمي صحفي ومتهني

وشكرا
 
شكرا صديقي بيبس على المرور والنصيحة
​
 
النصيحة قدام الناس فظيحة انا من رايى اول حاجة تديرها
1 عاود الباك بلاك تجيب معدل اكبر من هدا و بالتالى تتزايد فرص الدخول الى الجامعة لى تحبها
2 خطيك من التاريخ فى المستقبل ما تلقاش خدمة بيه ابار التعليم انا منك دير انفورماتيك او المحاسبة او علم النفس المدرسة التكوين الشبه الطبى الهندسة المعمارية ........
و الله يسهل و تفرح بالخدمة ان شاء الله على خاطرش الديبلوم فى الجزائر ساهل بلخف يعقبوك للسنة الموالية
 
شكرا شكرا لكم جميعا يعطيكم العافية
دخت ودوختوني انا نحوس على دليل على شخص يعيش
الحدث
​
 
اسمع خويا
كشما بقات صحافة في بلادنا و الله ما يسلك غير التعليم هو لي فيه الخدمة والباقي ما كاين خدمة ما والو
انا تاني لاحوني تاريخ في المسيلة وحبيت نبدل
وكي سقسيت على التاريخ قالولي مليح وجيب عوامك بالساهل ودبر راسك .
 
شكرا منى على مرورك وان شاء الله لا لحوني تاريخ
رانا كونو زملاء وقبل ما كونو زملاء نكونو اصدقاء
في اللمة شكرا لك
​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top