كاين اللمة نتاعنا...وكاين القمة العربية نتاعهم

K

kamou

:: عضو فعّال ::
أحباب اللمة
كاين اللمة نتاعنا...وكاين القمة العربية نتاعهم...والفرق وين؟؟؟

:thumbup:
اهلا
خاوتي لعزاز
والله لا توحشكم بزاف​

اش راكم مع العيد لاباس
راح نغتنم الفرصة باش نعاديكم
مبرررررررررروك عيد كل عضو وعضوة
وتعيدو بلهنا​


هاد اليامات الي مادخلت فيهم للمة حكمتني القنطة وحسيت بالفراغ
حسيت بقيمة اللمة نتعنا​


اللمة نتاعنا فيها كلش
تلقا فيها المحبة...الخشونية....الردود المليحة والعيانة
مجتمعين كامل

من دزاير العاصمة...وهران الباهية....قسنطينة العالية
عنابة .....باتنة...العلمة.....تيزي وزوو...بلادي الصحراء..
الشرق الغرب...الشمال والجنوب
رانا كامل هنا

نحطوو مواضيع وردود
ونحدفووو مواضيع ونحدفو ردود
نخممو على سبل العيش
ونخممو كيفاه راح نكونو غدوة ان شاء الله​


البارح كنت قاعدة
ولقيت شبه بسيط في اللمة نتاعنا مع القمة العربية
:cursing:
شبه قليل قد يكون من سابع المستحيلات التقاه
احنا ياك رانا كامل دزيرين وكاين الي ماشي دزيين
رانا امة واحدة
المغرب.... ...تونس......ليبا.....مصر...موريطانيا....فلسطين
كلش في كلش​

هكدا يصرا في القمة العربية قع يكونو حاضرين

News_472007_74530_AM.jpg


لكن احنا الفرق بينا وبينهم
احنا عندنا فقط مواضيع
وردود
وهوما عندهم مواضيع بلا حلول
حل يجيب حل
وسنة تجيب سنة ولامور لاتزال متلما كانت
فلسطين الشقيقة في صراع..واختنا العراق..تنادي يوما بعد يوم ولا حياة للرؤساء

ماكانش الخوف اعلينا
احنا كي تخرب الحالة عندنا في اللمة
كاين الحل
وهو حدف المواضيع لي متصلحش
بصح هوما واش كاين مجرد كلام في كلام في كلام
الحالة تخرب ومايقدروو يسقمو والو​

ادن نعلمكم بلي الفرق بين القمة واللمة
انووو احنا نهدرووو..نكبتووو...نطبقو احيانا...ونردووو..ونتناقشوو..نضاربووو بعض المرات:mad:
وهوما
يهدروووو..يهدروووو...ويهدرووو
امبعد
يضااااااااااااااااااااااااااااااااااااااااااااااااااااااااااربوووو عبر الرسائل التحتية الي تكون تحت الطاولة
ولا يتناقشو مناقشات لا خاتمة فيها ولا حل يليها
للاسف
:mellow:
واقع لايمكن للطاولة المستديرة والوجوه المبتسمة والمصافحات العابرة والورود الرمزية
ان تخفيه

واقع مر ...لن يمر​
 
ههههههههههههههه
مشكورة يا اختي كامو
 
ووين ردودكم
ولا راح تقلبوها غربة....عليا
نقصد اللمة راح ترجعوها قمة نتاعهم وما تردووووووووووووش
ايا .....
 
يا كاموا كي قلتي القمة عربية قااع سكيفااو :laugh::laugh:
 
نتاع الصح...غبروووووووووووووووو
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom