إن شاء الله غدوة يرجعولي لي وخدوني فيه

[لحن الحبيب]

يا خاوتي راني عرفت لي سرقو اليوم كي حبطت ليكول عيط لي كان عندو تليفون ليما وقاللها جات طفلة تبيعهولي مديتلها 3000 وغدوة نكمللها الباقي قاللها كي تجي راني نعيطلك كي وصلت ليكول قالتلي صحبتي البارح عيطتلك ورفدلي واحد ودارتلي قالب وقالتلي دوك راكي بلا تليفون قالتلي إذا حبيتي نديبانيك بتليفون ومن بعد جات خالتي ليكول هي قريبة وين نقرا قالتلي ماتهدريش راهو عيط السيد ومن بعد جات ختي مع خو راجلها وختي قالتلها شوفي ياتحطي تليفون بالعقلية يا اليوم نحبطك للسيلولاة يعني للشرطة وبدات تعيط وتاكل في روحها وقالتنا ماشي أنا ومن بعد قالتلها ختي ماشي أنتي ملى أمشي معايا لعند السيد رانا عرفناه قالتلها مانجيش معاك مانعرفكش أنا باش أنجي معاك قلتلنا دوك نعيط لخويا قلتلها ختي عيطيلو ومن بعد دخلنا قرينا وكي جينا خارجين دخلنها للبيرو نتاع المديرة قالتلها شوفي يابنتي كامل نغلطو ماكانش لي مايغلطش قالتلها على بالي بلي بلاك راه عجبك تليفون سخفتي عليه وحبيتي تديه قالتلها ماتخافيش ماراحش تقول لحتى وحدى من بنات قالت إيه خلاص غدوة نجيبو وإن شاء الله غدوة صح تجيبو وماديرش قالب جديد مي غاظتني بزاف صحبتك دايرتها كي ختي وسيرتو أنا وياها من نفس أصل وكي تقولي سلفلي نهدر نمدلها كاش ماتقولي جامي نرجعها هكداك وخدعتني وضربتني بموس في ظهري العيباد كيفاش ولاو ربي يسطر برك وقيل ماشي وقيل عندو الحق لي قال صاحبك جيبك ماكانش لمان ربي يستر علينا برك​

 

[شمــ الجزائر ـس]

والله غير صح مكانش لمان في هاد الوقت ربي يسترنا


وان شاء الله ترجعولك غدوة

 

[لحن الحبيب]

إن شاء الله ختي إن شاء الله تعيشي
واش تحبي هذو هوما العيباد نتاع دوك ​

 

[mohamed ali 1992]

ان شاء الله يرجعلك البروطابل تاعـك أختي غدوة....
الي يصبـر ينال ....:thumbup1:



​

 

[لحن الحبيب]

شكرا صدى الماضي مرسي
و إن شاء الله ترجعو
:thumbup:​

 

[أوصاف الصافي]

شوفي في لولها قتلتني بدك وفي هذي قريب تكسر بيه كرسي من دحك
والله فجتي على قلبي مغبون يوم بزااف ربي يحفضك وكما فرحتني ربي راه فرحك
ورجعلك تلفون نتاعك مي حجه شفتها فيك معليش نقولها بين بلي بورتابل هذا غالي عليك بزاف ولا انتي من نوع ليتعلق بأشيؤؤؤؤ

وكين حجه وخدخره هذي سرقتلك بوتابل برك يعني لوكان سرقتلك حبيبك ولا غدرك حبيبك واش يصرالك :001_tt1::crying::lol:

درتنا هندوله لا جال بورتابل اذا راح مرة ااخر بيبلي برك نعودلك :lol:
​

 

[لحن الحبيب]

شوف خويا حمد لله كي ضحكت ونحيت على خاطرك
أما تليفون ياخويا هداك تليفون عزيز عليا بزاف بزاف
بارسكو تليفون مدهولي خويا و خويا هذا هو لي نحبو كامل فيهم هادي حاجة لولى وتانية تليفون راه فيه صور العائلة كاملة وحاجة ثالثة صحبتي تخوني على جال تليفون راه تليفون دراهمو يروحو وحاجة لحرام عمرها مادوم وتليفون ولى دراهم يروحو ويجو مي راهي دارت في روحها تيكي
وراني ديت عليها نظرة ماشي مليحة وربي يغفرلها عندها الزهر ديجا أسمها زهرة كي طاحت معايا ماشي مع وحدوخر سينو راهم يطلعوها للحبس
وشكرا على مرورك خويا
​

 

[batterie26]

هادي الحالة كامل صرات وين تقراي هههههههههههههه ما كان والو حبيبتك حبت تلعب معاك برك هادي ما تتسماش سريقة
ان شاء الله يرجعلك التليفون​

 

[لحن الحبيب]

تدي تليفون وتروح عند مول
الحانوت وتقولو حابة نبيع تليفون وعطالها فيه سبعة مئة
ألف وعربنها بثلاثة مئة ألف
وغدوة قاللها نكملهوملك وتقولي حبت تلعب معايا
واش من لعب هذا و قلتلها يا ودي أعطيني تليفون خير ليك
خير ماتكبر هي خشنة راسها وقالت ماديتوش مي كي شمتها قارصة وشافة الدعوة تزيرة عليها قالت الصح
وشكرا لمرورك
​

 

[simouka]

بالبراكة عليك​

 

[لحن الحبيب]

ههههههههههههههه
يسلمك لعقوبة ليكم كامل

​

 

[أوصاف الصافي]

شوف خويا حمد لله كي ضحكت ونحيت على خاطرك

أما تليفون ياخويا هداك تليفون عزيز عليا بزاف بزاف
بارسكو تليفون مدهولي خويا و خويا هذا هو لي نحبو كامل فيهم هادي حاجة لولى وتانية تليفون راه فيه صور العائلة كاملة وحاجة ثالثة صحبتي تخوني على جال تليفون راه تليفون دراهمو يروحو وحاجة لحرام عمرها مادوم وتليفون ولى دراهم يروحو ويجو مي راهي دارت في روحها تيكي
وراني ديت عليها نظرة ماشي مليحة وربي يغفرلها عندها الزهر ديجا أسمها زهرة كي طاحت معايا ماشي مع وحدوخر سينو راهم يطلعوها للحبس
وشكرا على مرورك خويا ​

صح من كلامك حسيت بلي بوتابل عيزيز عليك

وصدقني صح دحكت بزااف مع كلامك تعرفي انا والله ما تغني
عمير كي وحد يسرقني على حساب وقت اذا طاح فيدي بين وبين

ما اذا كان عزز عليا نحول نفهم ضرفوا يمكن محتاج ولا راه طيح في ضرف
ونفس وهوى تغلبت عليه وضعف في هديك الحضة

يمكن صحبتك هاذي راهي حاصلة بلاك مسكنه فقير محتاجه

انا ما نعرفهاش من راي تحسني الضن بها إذا طلبت منك سماح سامحها

يمكن بسبتك تتغير

وما تعرفي وين راه خير

وكذالك نفرح كي نلقا اخ يشري اخته بوتابل غالي ربي يجدلك في خوك

مي راح نقولك حجه انا نكره بورتابل وصدقني ما عنديش

وناس كين لعندبلهم راني نكذب كنقولهم معنديش

اخر مرة قبل اسبوع كنت مضطر بها ندير بورتابل اي شريت وحد
مي في ااخر لحضةقررت ما نشريش بيس

وهكا راني راميه في دار

ودرت بورتابل كفاه وخرج ككان عزيز ما **** عندي ليله ورمتو هو لبيس وتهنيت

والله تكسار الراس فيه بزااف ​

 

[لحن الحبيب]

تعرف علاه سرقتهولي باش تبيعو وتشري بدراهمو تليفون بارسكو تليفون نتاعها تخسرلها خويا أول شي لي محتاج ولى لي عندو ضروف مايروحش يسرق يروح يخدم وهما دارهم لباس بيهم ماخاصهم والو ديجا تليفون راهي دايراتو بتخبية على دارهم وأنا والله ماغضتني كي تسرقت غاضتني لي سرقتني البنادم لي سرقني كل حاجة تروح وتولي غير إحترام ومحبة وسمعة وأفعال حسنة لي يقعدو و أنا ماراني حاقدة عليها ربي يسامحها وأنا من جهتي راهي مسامحة
وشكرا ليك خويا :thumbup1:
​

 

[Silent Hill]

اختي حنان غير الخير نشاء الله
نشاء الله تفوت على خير
ــــروحي غزةــــ
تحياتي و احترامي و تقديري
ـــــسلامــــــــــــ

و اسف على الازعاج و الله
تقبلـــــــــو ا خالص الحب
Silent Hill
وراء كل امرأة رجل عظيم و ان لم تكن لكان أعظم
Catch Me If You C`an
الـمــм.ş.ήـــ3yit saber wallah ma 9additchـاسنجر​

 

[لحن الحبيب]

إن شاء الله
شكرا إخواني
:thumbup::thumbup::thumbup:​