يا ذراري ظلمتو بزاف بنات النت .. ارواحو معايا نحللكم عينيكم

[largo19]

اللي غلط و لا اللي غلطت ربي يهديهم. و يهدينا.. مي لازم نسترو رواحنا شوية.. ماشي كلشي ينقال.. أستر ما ستر الله .. كيما قالو ناس بكري

 

[ميسومة الدلوعة]

والله عندك حق خويا واش قلت عبر النات تقدر تفرغ واش كاين في قلبك بلا ما تحشم وتاني تحكي على روحك خاطر دير في العبد هداك كونفيونس
شكرا لك اخي على الموضوع الرائع

 

[سماح4]

يا خويا محمد وشحال كلامك هايل عندك الحق وشكون الي يقدر يحكم على البنات الا التجربة بارك الله فيك


حاجة اخيرة ..قبل ما تحوسو على الصفا والتربية وكامل الصفاة في البنت .. صقسيتو رواحكم اذا نتوما يقدرو يقولو عليكم رجال ؟ اذا كان فيكم اصلا الصفات هاذو ؟ ولا تحوسو على حور العين ونتوما الموبقات السبعة فيكم ...جاوبوني

 

[abidou 20081]

صحا فطورك خويا محمد وربي يتقبل

ونقولك خويا محمد نورمالمون نروح نرقد ونطيح كاو من الكرسي الكهربائي لي حطيتني فيه بصح الله غالب منين نلقى موضوع بهذ القمة والروعة المشاركة خير والناس اللولة تقولك قل خيرا وإلا فاصمت

رايح نكون أنا تاني قاسي شوية في الرد تاعي لكن ماشي عيك خويا محمد على بعض أشباه الإناث والذكور لي كل ما تجي تهدر في كلمة تاع صح يجو يتفلسفو على جدنا بالدين تقول راه الشعراوي ولا عبد الحميد كشك الله يرحمو
وخليني نقولكم لوكان ماجيتوش قراعجية وتبعو كامل في هذ الأمور لوكان راكم في قسم الشريعة هذي اللولة وتاني حاجة منين راكم متمسكين بزاف فالدين واش راكم تديرو مع الكفار بحالنا كيما رانا نبانولكو يجي هنا يزوق فالهدرة وقال الله وقال الرسول وتلقاهم في مواضيع أخرى يهف ويبلعط فالطفيلات وهذا دليل أنو غاضتو باش يتربط مع وحدة في أمر جدي يعني دليل بلي تاع تفوات وقت وخلاص سواء بنت ولا طفل البعض يقولك ماكانش النية وماكانش الثقة ياخويا وتلقاه برى يضل حشاك كي الكلب يتبع فالطفيلات واش هذا النفاق بركانا منو ياجماعة وخلو الدين بعيدإذا حبيتو تزوقو رواحكم ورانا شفنا بزاف وشبعنا من هذو لي يدعاو علينا بالدين ياعباد ربي إذا عندك شخصية أهدر بشخصيتك إذا جاي تعبر لي بشخصيتك بالدين نقولك روح تلعب بعيد راه الدين بعيد عليك بزاف وإذا تحوس على الدين راه في قسم الشريعة ياخويا ولتم أمتعنا وقلشنا بمواضيعك والله ياخويا محمد موضوع فالدين ماراه حاطو ويجي يقرعج غير على المواضيع لي يلقى فيهم الطفيلات وبعدها يجي يقولك حبس هذا حرام وهذا حلال وهذي ترضاها لختك

نرجع خويا لموضوعك خويا محمد الطفلة هذي لي فالنت ولا الطفل هذا شكون هما روبوات هابطين من المريخ منين جاين رحمة على والديكم فاهموني ياك هذو هما لي راهم يقراو في الليسي ولا تقرى فالجامعة ولا لي تخرج تقضي ولا لي يخرج يقضي هوكذلك يعني نفس لعباد ومنين يتعرف عليها فالنت تولي حاجا طايحة ومنين يجري موراها فالزنقة كي الكلب حشاكم مايقر لا لي رايح ولا لي جاي تولي حاجا مليحة فهموني درك رانا نمشو بالمقلوب ولا كيفاش مليحة مالا العلاقات برى حلال ولا هنا نجونزوقو الهدرة وكلام خويا محمد حتى واحد ماقالو روح دير علاقة فالنت باش تكونو واعيين وتعرفو واش تهدرو قال أنوطريقة التعارف تجي بالنت ولا بالتيليفون المهم النية الصادقة ياعباد ربي ولا كان جا الصوت يتسجل مانكتبش نعيط ونفهمكم وندخلهالكم في راسكم مليح بلي ينطق السفيه بما فيه يعني الواحد يحط موضوع تحسبوه على رواحكم وتبداو شكون لي قالكم الموضوع راه عليك أنت ولا لاخر
كيفاش هذا هو النقاش وهذا هو الإسلام لي راكم جايين تعلمونا وتنشروه لينا واحد حط موضوع على ضرورة حتمية لي رانا نشوفو فيها فالمجتمع تاعنا يعني أحسن من هذي كاين هذي في بلاصت حاجة كبيرة كاين حاجة أصغر منها تجي تقولو ترضا هذي لختك هكذا الإسلام قال علاش كاش واحد جبدلوختو هنا فالمنتدى غير قولولي كاش واحد عينو وقالوفالموضوع بلي راه يهدر على ختك لي ماتحترمش نفسك وتدعي بالإسلام وتجي تقولو أنت ختك ياخي عباد ياخي غير لي حفظ زوج حروف جانا يجري يوريلنا في كتافو ويقولك راناإسلام الإسلام ياخاوتي كلام موزون وأعرفو مليح واش هو الموضوع وبعدها أتعلمو كيفاش تتناقشو وراناهنا مستعدين للنقاش بشرط تكونو متأدبين وتبتعدو على النقاش الفارغ لي ماعندو حتى معنى وهذا لي راه يقول ترضاها لختك نقولو شكون يضمن أنت لي راك تهدر ختك واش تكون قبل ماتهدر على خواتات الناس
عندكالحق خويا محمد في كل كلمة قلتها ماشي تشجيع للعلاقات لالا لكن لضرورة حتمية تقضي على لفساد وتنقص منو وتحرم على الذئاب النهش في لالحم الناس يعني تكون النية الصادقة والتعارف لي يكون بعيد على الأماكن الخالية والإختلاء مع بعض يتعارفو من وراء الخيوط كيما قلت أحسن ولتم تبان النية الصادقة وإذا كان عينو فيها يتقدملها لدارها أحسن ملي يروح يتعرف عليها برى ويبدا يزوقلها فالهدرة ولازم نشوفك فالبلاصة لفلانية ونتلاقاو لازم وحدنا باش نفهمك وتفهميني والهدرة المارقة لي باين واش يحوس من موراها وكي يشبع منها يقولها ماخرجتيش عليا ولا والديا راهم محتميني على وحدة أخرى من لافامي
أنت خويا محمد راك تقطع الطريق قدام الناس لي راهم يحوسو على العلاقات تاع لي رونديفو فالغرف والحدائق وهذي كاين لي مايحملهاش سواء من الطفيلات ولا من الدراري لي مادابيهم يتلاقاو ولازم الجسد يقدر يمس الجسد الأخر على خاطرش عندهم متعة من هذ اللقاءات ماشي كيما اللقاءات لي تكون وراء ليكرون هذي ماتمتعهمش

وفي الأخير أعيد وأوضح ليس التشجيع لإقامة العلاقات لكن أحسن من اللقاءات في الحدائق والغرف
وهذي ماراهيش فتوى هذي ضرورة حتمية رانا نشوفو فيها والعلاقات القاسية والأولاد الغير شرعية الذي كثرت فأظنها فكرة أحسن من وراء ليكرون خير من فاصا فاص

ربي يحفظك وربي يخليك خويا محمد وبارك الله فيك وربي يرزقك بزوجة الصالحة والذرية الطيبة *وعندي هدرةبزاف بزاف خويا بصحأكتفي اليوم بهذا ولي عودة إن شاء الله

 

[اماني12]

كلامك منطقي جدا . تعددت الاسباب والهدف واحد . كل واحد وين كتبلو ربي يلقى شريك حياته. كاين بين العائلات وكاين في الجامعات وكاين في الاعراس وكاين في العمل . وعلاه ما نضفلهومش النث الدنيا مبقاتش كيما زمان راهي تطور وحنا في عصر التكنولوحيا لازم العقليات تطور. وطرق التعارف كدلك تطورولله عادي انك تتعرف عن طريق النث صح بحدود . ونية صافية ممكن في بعض الدول العربية عندهم شئ عادي التعرف والزواج عن طريق النث وعلاه احنا ما زلنا . متخبين وخايفين لا عيب ولا حرام . كي يكون الشخص عندو اخلاق . وعارف واش قاصد . شكرا بزاف خويا تركان . على نظرتك للبنات الي يدخلو النث .لان اصباع يدينا مش كيما بعض .
كيما كاين لمليح كاين الي مش مليح.

 

[انتصار*]

[
المرة الجاية كون تصيبي ما تجيش لموضوعي لانو معندكش QUOTE=Tarkan;1571776]
اولا نتي اصلا في عمرك 15 ولا معرف شحال اكيد مش تفهمي كلامي ولا عقليتي

ثانيا مقلتش تحطي تصويرتك ولا تصويرة اي وحدة

ثالثا الهدرة هاذي قلت نورمالمون ما قلتش يديروها صح خطراش علابالي واش راه صاري

وزيديلها اناقلت انا اسمو ركن طلبات الزواج اذا قريتي مليح ماشي ركن الغراميات
مستوى تاع مناقشة و نتستعملي عبارات تاع وحدة معندهاش نيفو خلاص

نهار تعودي تعرفي للنيف نتي ارواحي اهدري فيه ..راني علابالي بيك لابسة جلباب و من داركم ما تخرجيش [/QUOTE]
شكرا وجوابي ليك ولناس لتظرب الشية حطيتو في منتدى الشريعة أقراه 20 مرة على الأقل على خاطر موضوعك قريتو مرة وشفت لمخبي فيه ....:thumbup:

 

[Moha le sage]

نشكركم كامل على اختلاف ارائكم على دخولكم موضوعي الحساس هذا صمت الذكريات و بليانا و امينة و يوسف و سماح والاخرين ...تحياتي ليكم كامل

الاخ اللي وضعلي اقتباس لموضوعي الاخر يلمح انه يوجد تناقض بينو و بين هذا حسب ما فهمت ..ونا نفهمك .. انا في زوج مواضيع ما بدلتش نظرتي الشخصية على علاقة النت واذا كان واحد مخليها على ربي ومامن بهاذ الشئ هو انا ..واذا قلت في كلامي ان 1 في المية تصلح كلامي مهوش احصاء ..ونا طلبت منكم تغيرو النظرة تاعكم ما قلتش ديرو علاقات كون فهمت مليح

الاخت لينة .. موضوع كان جاد و كنت نحكي فيه بصراحة بامور على مجتمعنا .. وردك ما رقاش لمستوى النقاش المطروح ..انا ماقلتش نكتة

كون عييني نتزوج ماشي انا نبعث يما تخطب انا نجيبها ليما تشوفها ..اما منيش اعمى .. قلتيلي واش نقصد في كلامي كلامي كان واضح وهو دفاع على اي بنت تكونيكتي وتكون عادية والذراري يسبو فيها و يقولو ما تسواش .. ونورمالمون انا ندافع عليك استحقيت منك كلمة شكر ماشي استهزاء

بصح مدامني كتبت الموضوع راني متقبل كلش

نولي الى مريم اللي قاتلي راني نحث في لبنات باش يحطو تصويرتهم .. انا راني نطرح في الصورة تاع المجتمع الي نورمالمون نكونو عليه مع التكنولوجيا ..و بعث الصورة هي اخر حاجة تديرها البنت .. غير اذا كان تعرف بالي الشخص هذاك انسان متربي و ولد حلال .. علابالي ذرك تقوليلي يبانلك ولد حلال وهو ذيب ..انا ما نكذبكش في هاذي بصح كايننين الي نيتهم صادقة ...زيديلها انا عطيت اقتراح وعلابالي بلي الكثير منكم ميوافقوش وعلابالي بلي الاكاذيب في النت دايرة حالة ..بصح انا طرحت طريقة فيها سلبياتها وايجابياتها

امينة راني معاك في كلامك .. كي تهدري على هاذ الطريقة ..بصح يعني ربي عطانا عقل نخممو بيه ..كيفاش عندنا التكنولوجيا و ما نستعملوهاش ..انا طرحت راي .. يصلح مع العباد المتربيين و ما يصلحش مع الناس العوجة .. هذا ما نقدر نجاوبك ضرك .. انا راه صرالي كيما الفارابي و المدينة الفاضلة ...


مزلت مع الردود ..

 

[السوفي حمة]

الناس راهي تفتي عن الحب في النت حرام وتحكم علينا نضربو الشيتة
لأننا أيدنا رأي أخينا محمد لأنه صواب
أي انسان مثقف ويطلع على الجرائد رايح يشوف الكم المعتبر من الفتيات الأجنبيات اللواتي يعتنقن الاسلام في مساجد الجزائر
كيف عرفوا الإسلام ؟؟؟؟؟؟
عرفوا عن طريق التواصل مع شباب جزائري في النت أخلصوا معهم النية
فأعطوهم صورة مشرقة عن الاسلام والمسلمين
فكان الدخول في دين الله وبعدها كان الزواج
هذه عينة فقط لمن يتشدقون بالدين، ونظن مكانش حتى واحد عندو المستوى الكافي ليعطينا درسا في الاسلام لأننا أعلم بديننا منه
نحن نحترم من يحترمنا ويحترم آرائنا
ومن كان له رأي مخالف فليناقشه بكل أدب واحترام
وإلا فلكل مقام مقال

​

 

[aMiNa-K]

hmy:
قريت الردود حليت فمي

يعني الولاد ادا تهجم عليه كاش واحد صح.. بصح البنات!!!.. تهجمو ديركت على صاحب الموضوع
هدا في عوض ماتشكروه.. و تقولولو صحا كي راه يديفوندي علينا.. قاعدين تقولولو ادا يقبلها على اختو.. افهمو الموضوع و من بد ارواحو اتفلسفو
حق الخير اتgجدور

دير الخير يا محمد و شوف باش راهم يرجعولك
و اسمحلي راني دخلت روحي​

 

[n@tcho]

السلام عليكم اخي العزيز محمد
حقا قلت كلام في الصواب فما الفرق بين نت البرا و بنت النت
فيمكن ان تكون بنت النت احسن 100الف مرة من بنت الرا
ولا لازم تكون تحت عينيهم باش تكون مليحة
خلينا من التمسخير تاعهم
و كيما سبق الدكر معامن راك تهدر...
​

 

[Moha le sage]

hmy:
قريت الردود حليت فمي

يعني الولاد ادا تهجم عليه كاش واحد صح.. بصح البنات!!!.. تهجمو ديركت على صاحب الموضوع
هدا في عوض ماتشكروه.. و تقولولو صحا كي راه يديفوندي علينا.. قاعدين تقولولو ادا يقبلها على اختو.. افهمو الموضوع و من بد ارواحو اتفلسفو
حق الخير اتgجدور

دير الخير يا محمد و شوف باش راهم يرجعولك
و اسمحلي راني دخلت روحي​

راني حليت فمي و علابالي وش راح يصرا ..بصح انا قناعاتي ميبدلهالي حتى واحد وكي نعرف روحي بلي صافي في تفكيري ما يهمنيش كون المنتدى كامل يجي ضدي ..عندي واش نهدر

راكي تشوفي فيهم ..انما غاضني الحال كل مرة يقولولي بنات النت مش ملاح وخداعات وفيهم ..وكي حبيت نصحح المفاهيم راكي تقراي في ردودهم ..بصح ما تخافيش نعطي كل واحد قد ما يلبس


ربي يخليك امينة علابالي ياكلك قلبك على المنكر




مازلت مع الردود

 

[oussama R10]

صح والله غير عندك الحق

ليس كل من نبت الشعر في وجه رجل

ديمـــا راك صريح 100%

ديما فور موح خويا


​

 

[ملكة زماني]

اولا شكرا لك اخي على الموضوع
وحبيت نقول للي يقولو بلي العقلية نتاع النت فيها شوى خداع
انا قول بلى الطبع يغلب التطبع
خاضة كي يكون الواحد منا مسجل في منتدى وعندو بزاف يعني لازم يضهر على الحقيقة نتاعو
الف شكر على الموضوع
وتقبل راي بففاق التقدير والاحترام و كما عهدناك مميزا

 

[SOFIANE BATNA]

مافمهمت فيها والو هههههههههههههه​

 

[الجميلة الحنونة]

السلام عليكم
لن اوافقك الراي يا اخي
علاش حتي نمشي للنت باش نكون علاقات
واش داني للهلاك
ماشي كامل البنات فاسدات و ماشي كامل الولاد فاسدين
كيما يقولو الطيبيات للطيبين و الخبيثات للخبيتين
انا منرضاش علي روحي هدي الطريق
علاش وشبيه زواج تاع بابا و يما و لا تاع جدي
و الي يحبني يجيني من الباب ماشي النافدة
و ميقدرش يعرفني في فترة التعارف لانو دايما العبد يوريلك الوجه الاخر
الطريق الصواب هو الحل
كل واحد عندو عيوب و محاسن
كل واحد يزوج بلي كاتبتلو
كي عاد وليد عمي و خالي و جاري يزوجو بالغريبة الي تعرف عليها في النت
عادي انا نبور في دارنا
و لا نمشي في طريقهم
هدا الطريق الي نجح فيه واحد في المية
علاش نخلط روحي بلي يسوي و الي ما يسواش
نتوكل علي ربي
الزواج مكتوب
شكرااااااااااااااااااا
هدا الا رايي الخاص تحياتي
الجميلة الحنونة​

 

[Moha le sage]

السلام عليكم

اولا اسمحولي على خاطر راح نكون قاس في الرد نتاعي


"
نزيدك حاجة في النت ساهلة تهدر مع وحدة مش كيما برا .. تقدر تفهم عقليتها و تفهم عقليتك ..قادر تتعلق بيها وتتعلق بيك و كي تتلاقاو برا تكونو ديجا متفاهمين على حوايج بزاف
"

هل ترضى هذا لاختك و لى لاخوات المسلمين ؟

تتعلق و يتعلق ؟؟؟؟ هذي حلال و لى حرام ؟؟ :blink:



"نزيدك حاجة خرى واش هو حب النت : هي طفلة عندها ميكرو في الدار تعرفت نتا عليها في منتدى معين ولا بلاصة خرى وقادر تكبر الحكاية و تخرجو من النت للتلفون وتشوفوالعقلية و تتلاقاو برا ديفوا"


ماتزيدني ما نزيدك .... اذا كان راك مسلم استغفر الله كثيرا
مانيش نحوسك تولي من اللي قال فيهم الله عز و جل
إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُ وَأَنْتُمْ لا تَعْلَمُونَ [النور:19].

و هذي الهدرة للناس كامل

"
نزيدك حاجة نتا كي تتزوج تقليدي .نتا ضامن عقلية الطفلة هذيك ؟ بلاك صامطة رهج وهي شابة وزينة ..علاش راح نتا ديرها gارنيتير ولا vase ؟ تزين بيه الدار ولا الشومبرة "

علاه كيفاه تزوج باباك و جدك ؟؟؟؟ :confused1:



"
نزيدك حاجة اخرى نتا تقول عليها طفلة تاع نت ونتا ثاني راط طفل تاع نت و هي دايرة فيك كونفيونص
نزيدك حاجة .. وين تظمن نتا اللي راها برا ماعندهاش passé ومشات مع فلان وفلتان ولا تحب واحد اخر و شفتها نتا عجباتك ورايح تخطب وجايبها للدار وهي راها نار تحت تبن "



خويا كما تدين تدان
كي تتلفلك روح صلي صلاة استخارة ... و شوف كي توكل ربي على روحك واش يجبلك



"
نزيدك حاجة الطفلة بطينتها .. كي تعحبو بعضاكم وتصارحو بعضاكم وتحكيلك هي قصصها و ترضى نتا و هي كلش نورمال ..بصح لازم تشوفها فلربما راك تعشق في عرف تاع شجرة ونتا مش علابالك .. يعني كي تلحق وحد الدرجة من ورا لي ارتبطتو بالتلفون ..لازم تشوفو بعضاكم و تشوف وجها وكي تعجبك تقدرو تكملو هاذ القصة
"


خويا منين تعلمت هذي الهدرة ؟؟؟





"
راني معاك في هدرتك ..وراكي قلتي الحقيقة اللي لازم تتقال .. المجتمع تاعنا رجولي .. يعني حنا نديرو واش نحبو و في اي وقت نحبو ولبنات كون يديرو عفسة صغيرة يروحو فيها ..حتى بعد الزواج .. الراجل منين يظال سكران في البار ..منين يدير واش يدير هو حر .. والمرا كون تغلط بشعرة صغيرة يطلقها ..مالا تسكت وترضى بالطحين "


الحديث كما رواه الإمام أحمد عن عبد الرحمن بن عوف قال: قال رسول الله صلى الله عليه وسلم: إذا صلت المرأة خمسها وصامت شهرها وحفظت فرجها وأطاعت زوجها قيل لها ادخلي الجنة من أي أبواب الجنة شئت. ورواه ابن حبان في صحيحه عن أبي هريرة رضي الله عنه، والحديث صححه الألباني في الجامع الصغير.

ومعناه أن المرأة المسلمة إذا حافظت على صيام رمضان، وأداء الصلوات الخمس المفروضات، وأطاعت زوجها فيما ليس فيه معصية، وحصنت فرجها من الحرام دخلت الجنة،

اليس هدفنا الجنه ؟؟؟




"
كيما قلتي مدام حنا نهدرو فاكيد يكونو هادرين معانا .. الفايدة البنت هذيك تكون مادارتش امور كبيرة هذا هو الصح ..زعما الخرجات للبلايص المشبوهة الخ .. باقيها انا واحد من الناس نحوس الصراحة هذا مكان واللي فات مات ..ونقولها وميهمنيش في العالم كامل .. انا لي راح نتزوج مش وحداخر .. بصح الشرط الكبير هو القعدة بيني وبين الانسانة ذيك ..كي تصارحني بكلش ونا نميز في راسي بلي مدارتش حوايج كبار ..ونلقى فيها الاخلاق والصفات لي نحوس عليهم نورمال "



خويا صلي صلاة استخارة كي تعود رايح تخطب و خاطيك
ربي ان شاء الله يجيبلك و حدة كيما انت

و عندي سؤال برك .... :blushing: وشي هوما الحوايج الكبار ؟؟؟ :blushing:
صحة قولي على الصغار برك



"
ما نامنش بيه الزواج نتاع نروح نشوف طفلة طول .. نورمالمون كاين فترة الخطوبة هاذيك بصح ذرك الكثير اللي نحاوها يقلك كي تخطب حط دراهم الشرط ( المهر ) اذا قدرت ..معناها الخطوبة = زواج "

سقسي بابك و جدك كيفاه داروا برك .... :001_rolleyes: ان شاء الله تصلحلك كيما هوما




"
المهم راني نهدر واش نخمم علاتبالي اللي يجو يقراو موضوعي هذا كل واحد وش يقول ..واحد يقلك راه يهدر هكذا قدام الناس باش يقولو هذا انسان مثالي ..واحد يقلك ها مهبول ..واحد يقلك هذا تعرف على وحدة وراه يدافع عليها ...انا نقلكم والله معلابالي بحتى واحد .. تلبسو اكحل نلبس ابيض في المنتدى ولا برا ..ورايي ديما لي يمشي ..واللي يتبع هدرة الناس ضعيف شخصية
"
ياخويا ماتخمم ما تحرق راسك راه جاك رسول لا ينطق عن الهوى
قاللك واش تدير من الالف للياء
احرق راسك في حوايج واحد اخرى


السلام عليكم




​

[/QUOTE]

السلام والرحمة

اولا راح نجاوبك ونجاوب استعمال كلمة ختي ..كون جينا برا راني نجاوبك عليها مليح مليح بارسكو تكون تتعرف شكون محمد ونكون شايفك

قادرين كامل نحكو في الدين ونديرلك الاقتباسات تاع المفتين ونعطيك احكام المذاهب الاربع ونفوتلك لحوايج خرين .. نتا توظف في الدين باش تعطيني الاحكام ونا نحاول نوجد طريقة تساهم في الارتباط الشرعي و تقرب الاشخاص ..

علابالك مليح بلي مناش في السعودية ومناش نطبقو في الدين والسارق تقطع يده والزانية تجلد .. وعلابالك مليح بالشئ اللي راه صاري برا مالا ما تجيش تلعبها مفتي في موضوعي .. لان احكامك ما تصلحش اصلا هنا ولا في مجتمعنا .. الدين خليه في بلاصتو وناقشني واقعيا ولقالي حل للحوايج هذو لي طرحتهم .. منيش نخرجلك على الدين بصح نقلك احكمو عندك وانصح بيه روحك

رانا كامل مسلمين و عارفين كلام ربي والسنة و مهندها حتى معنى تكوبيلي ايات هنا وتلعبهالي الغزالي رانا قادرين كامل نديروها

علابالك بلي كي راك تقلي العلاقات حرام ..قادر تطبقها نتا ؟ قادر تغير المجتمع ؟ كاش نهار شفت زوج من الناس في موضوع معين وقلتلهم هذا عيب ؟ كشما نهار بدلت حاجة كيما هاذي ولايتك ؟ ولات جاي تبين روحك في موضوعي برك ؟

علاش ما درتش مواضيع هنا تاع دين ؟ تعالج فيهم الفساد ؟ علاش ما تطرقتش لاي قضية معينة في اللمة ولا برا و حللتها و عطيتلنا راي الدين فيها و قنعت ناس بزاف بيها ؟ علاش ما تتطرقتش للفساد لي راه صاري في مجتمعنا وكامل الظواهر المش مليحة ودرتلنا موضوع باهي يقنعنا ولا ينورنا ؟ علاش مهدتش على الدخان ولا الفتنة لي راها تضرا ة تطرقت اليها بمنظور ديني ؟ ولا راحولك الافكار ؟

اسمحلي نقلك نتا انسان فارغ ..ومناش في وقت واحد يجي يقلي اية و يطبقها على هدرتي ..راك بعيد على الدين ..الى اصلا يطالب بالمعاملة والهداية بالكلمة الطيبة ..قبل ما تهدر في الدين لازم يكونو عندك اخلاق عاليين ..لازم تكون عندمك السماحة ..مالازمش التشدد ..وزيدلها التربية والاخلاق العاليين .. لي واحد فينا راه مفتي تاع نفسو ..في وقت كثرت الناس لي تفتي وتحط في كلام ربي في غير مواضعو

انا نعطيك نصيحة لوجه الله ..نهار تكون علامة وتكون ململم بالدين تاعنا من جميع النواحي و يكونو فيك صفات المفتي اللى لحد الان مافيكش غير الكوبي كولي تاع بعض الايات ..ناهر لي يكونو فيك ارواح هنا جاوبتي ونا نقلك بارك الله فيك

ما يخلعني حتى واحد يهدر باسم الدين ولا يجيبلي ايات ..فايق بالناس بلي تتنيفق وفايق بلي هاذ الوقت غير لي يجبلك فتوى في حاجة وهو حزب مش حافظو ..انصحو رواحكم وافتو لرواحكم ..والله غير الفتنة لي راها صارية في المجتمع غير بسبة ناس كيما نتوما يفتو في حاجة مش فاهمينها و مش مدركين للابعاد الحقيقية تاع المشكل والامور ..اصلا عقلهم ما يدركهاش

ولينا نشوفو ناس معندهم حتى علاقة مع الدين وما يدركوش معانيه اللهم حفظ بعض الايات و الاحكام اللي يستعملوها في صالحهم ..ولاحد يجيب فيديو تاع واحد مات و يديرلو اية قرانية من التحت ولا تجويد تاعها و الناس تتفرج في الفيديو هذاك و عاجبها الحال ..شكون لي عطالو الحق في هذا حتى واحد وشكون لي فتى ضد هاذ الشئ حتى واحد

لان الوقت لي رانا فيه ناس بزاف تفتي . واحد يقلك هذوك شيعةة يموتو ولاخر هذاك خارج عن الطريق ... تروح للمنتديات غير الي تلقاه نتا تقول هو امير المؤمنين يهدرو في امور مش فاهمينها لقاو الهدرة باطل

قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة


يعني في هاذ الزمن الي تلقى فيه الانشقاقات والنزاعات والمشاكل اللي راها صارية في عوض ما يهدر الفاهمين والواسعين علما وادبا واخلاقا ..ينطق العامة من الناس و يفتو في امور اصلا مش فاهمينها

نولي لاسئلتك

انا كي هدرت قلت علاقات بهدف الزواج ماشي تعقاب الوقت و قلت خير من لي يتعارفو برا يتعرفو في النت .. والهدرة تشمل اي واحد طالب الحلال ماشي يدور ويحو على بنات الناس يعقب بيهم الوقت

راك تقول بلي مسلم ونستغفر ربي ..ونا نقلك استغفر الله واتوب اليه ..كيفاش تتهمني بالي انا نشيع في الفاحشة ؟؟ انا لي نحوس نعالج قضية التعرف في عوض ما تكون برا تكون داخل النت .. و باين بلي انسان سطحي كون فهمت هدرتي ..قلت انا التعرف بهدف الزواج .. وعلابالي بلي نتا ما تامنش بيه و تعرف غير عفسة تجيب وحدة طول ..ونا منديرهاش غير لا عرفت عقلية البنت و شريكتي المستقبلية ومتبالطنيش باسم الدين في حاجة مكش فاهمها ..نورمالمون عندنا فترة خطوبة للتعارف ..الفترة هاذي ولاو نحاوها خطراش بزاف ناس تتمسخر ببنات الناس ومن بعد تقلهم معجبونيش عقليتكم و لا ينتهزو الفرصة باش يديرو امور خرى تعرفها الناس كامل ومن بعد يخلو البنت هذيك ..

علاقات النت وكل واحد كيفاش يشوف فيها فيها امل تدي للزواج على قلتو .. هذا رايي ..ومنيش ننشرفي الفاحشة واوزن كلامك قبل ما تقولو ..هنا دليل على صغر عقلك في الطرح تاعي

تقلي نتا كيفاش تزوج بابا وجدي :confused1: لاته هاذي عادة لازم نديروها ..هنا راك تبينلي بلي راك انسان رجعي ... كيفاش ندي انا وحدة ما نعرفهاش ؟ هذي ديرها نتا ماشي انا ..نزيدك حاجة اخرى ..نهار نتزوج انا نجيب البنت ماشي يما لي تجي تخطبلي وحدة شافتها في عرس ولا لقاتها ضيفة في دار عمي ... طريقة الزواج تاع بكري راحت بكري .. وما نشريش الحوت في البحر

صلاة الاستخارة لازمة ..بصح قبلها كاينة حاجة ...قلب ما نخطب لازم تكون الطفلة قابلة بيا . وقابلين بيا مواليها .. نصلي صلاة الاستخارة ونتكل على ربي ..اما الناس لي تحب تتزوج ويخطبو طفلة بلاما يعرفوها وبلا ما هدرو معاها ..فربي يسهلهم وكل واحد حر و يدير واش يشوف ..والتوكل على ربي لازم


راك تجيبلنا في ايات يحثو على طاعة المرا للراجل تاعها ..راني معاك ..بصح هل قال الدين تاعنا اضطهد مرتك ؟ هل قال احقرها ؟ هل قال ما تعطيهاش حقها ؟ هل قال ديرها مجرد دمية بلا مشاعر ؟ هل قال اتسلط في الدار برياك واهمل رايها ؟ وعلاش درتلي الاية هذيك اصلا ثم ؟؟ انا كنت نحكي على الراجل الي يجي سكران ويدخل على مرتو و يدير فيها وش تحب و هي ترضى وساكتة ..هل الاية هذيك تجاوب الطرح هذاك اللي طرحتو ؟ هل يوجد علاقة بين الاية و طغيان الرلااجل على المر لي ذكرتو انا ؟ حتما مكانش علاقة ..الاية تحكي على طاعة المراة للراجل و الوفاء له
ونا نحكي على التسلط تاع الرجل ... يعني راك وظفت اية تاع ربي سبحانو في غير محلها .. يعنمي الراجل عندو الحق في ايذاء مرتو والدليل هاته الاية ؟؟

هنا يبان عجزك الفكري وعدم استيعابك للدين تاعنا وانتهاجك لسياسة نسخ الايات دون وعيك الامور المطروحة

راكي تصقصي على لحوايج الكبارو الصغار ..الكبار هوما الخرجات بجميع اشكالهم و الصغار هوما الاعجاب بواحد ولا مجرد الهدرة معاه في بلاصة كالجامعة ولا ما شابه

ونتا ظامن لي رايح تخطبها طوال ما حبت حتى واحد ؟ ولا كانت عايشة في السعودية؟ حتى السعودية رنا شايفين بناتهم واش دايرين وامرائهم واش دايرين

اخيرا نقلك ما تديرش روحك مفتي وما تجاوبش بالدين في غير الموضوع تاعو .. وان شاء الله يهديك ربي وما تفتيش في امور اكبر منك

ورسول الله كان على اخلاق عالية .. ان شاء الله يعطينا ولو جزء من اخلاقو

 

[روضة الجنة]

قرات الموضوع كما قرات الردود ...لكن ليس الحوار بهذه الطريقة
سواء كان المعارضون او المساندون
فالاخ محمد طرح موضوع للنقاش والتفاهم
لا للصراع والشكر نعم الشكر
فكل واح يعطي رايو بكل صراحة واكيد الموضوع راه ما فيهش كلش
صح مئة بالمئة
كما اريد ان اوضح نقطة فصاحب الموضوع لم يرغمكم على التعارف والزاج
حت ترغموه انتم بزاج اخته
وفي الاخير اريد ان اقول هذا هو سبب تخلفنا هو عدم القدرة على الحوار و الهروب من صلب الموضوع
والاحاطة بجانبه فقط

 

[POLIYANA]

ل

ا حول ولا قوة الا بالله.
يا ناااااااااااااااااااااااااس يا شباب
خليونا نكونو مجتمع راقي ومتحضر والتحضر يبدا من هنا منا حنا كشباب في المجتمع ويبدا من هادي ابسط الامور وهي طريقة الحوار والنقاش في امور حساسة كيما هادي ومواضيع بزاف اخرى منتشرة في مجتمعنا لازم نتخلصو منها.
ادا كان موضوع ماقدرناش نوصلو فيه الى حل واصلا ماعرفناش كيفاه نتناقشو فيه يرحم والديكم كيفاه حابين نتعدلو ونوليو كيما العباد.
هادا ويقولو الجزاير :bored:
عيب وعيب كبير علينا والله.
من المفروض الي يرد ويعطي رايو يكون على قد الرد وفي مستوى النقاش.
رانا فالنت واي واحد يقدر يقرا مواضيعنا من العالم ككل وعيب انو ننشر غسيلنا الوسخ امام الناس.
الي يطرح رايو نحترموه وناقشوه بكل روح رياضية ومانروحوش لتطياح الهدرة وهكدا الي غالط فينا نقنعوه ونخرجو كامل براي صواب وعلى قناعة من الجميع.
ربي يهدينا برك. ​

 

[Moha le sage]

نشكر الاخ عبيدو ايضا وخويا كمال على كلامهم الرائع و الصادق

ونشكر كل من ساهم في اثراء هاذ النقاش بشكل هادف

وتحياتي للجميع

بارك الله فيكم

 

[nina bonoise]

الاخت لينة .. موضوع كان جاد و كنت نحكي فيه بصراحة بامور على مجتمعنا .. وردك ما رقاش لمستوى النقاش المطروح ..انا ماقلتش نكتة

كون عييني نتزوج ماشي انا نبعث يما تخطب انا نجيبها ليما تشوفها ..اما منيش اعمى .. قلتيلي واش نقصد في كلامي كلامي كان واضح وهو دفاع على اي بنت تكونيكتي وتكون عادية والذراري يسبو فيها و يقولو ما تسواش .. ونورمالمون انا ندافع عليك استحقيت منك كلمة شكر ماشي استهزاء

بصح مدامني كتبت الموضوع راني متقبل كلش

ملقيتش هدرة :confused1: