لخر ما يلحقش .... حوايج حيروني في اللمة تاعنا !!!

[Lonely Girl]

بلاك كلامك صحيح بلاك راك غالط
المهم نخليو البير بغطاه خير ولا وش قال
مش كل واحد يمشي على قوسطوه ويمشي الناس معاه سيف .

رانا نشوفو...........
ميرسي موح عالسيجي فور
​

 

[fatima188]

والله موضوع مليح ويستاهل نردو عليه وشكرااا علابالي غلبت وتنت تكتب في هاذ الموضوع وعجبتني هاذي
ياو اللمة دزيرية و كحلة الراس ماشي خليجية .. انا نشوف هاذ المواضيع ونا تقولني ضربني جن نبدا طول نسمي و نستغفر
عندك الحق في كل كلمة قلتها سوايع نحس روحي راني في الخليج ميش في دزاير

 

[aMiNa-K]

السلام عليكم

وش موح راك تتريني في اللمة شغل راك في داركم؟

و منتدى حواء دخلت ليه مرة وحدة برك.. لقيت فيه غير الاولاد.. عمباتلي غلطت فلادريسا

نورمالمو منتدى حواء تمنع فيه مشاركة ادم.. ادم يكتفي بالتقرعيج ههههه
و نفش السي في منتدى ادم.. تمنع فيه مشاركة حواء.. و نكتفيو بالتصفح

و حكاية اللهجة الخليجية.. جني و جن جزائري يهدر بهاد اللهجة هنا في اللمة.. ديفواالسوجي يكون مليح.. بصح صاحب الموضوع دار كوبيي كولي
ماشي تفشل كي تشوف هكدا!!!

و شحال تعيا تهدر!!.. ان شاء الله تصيب ادان صاغية

موضوع شباب.. صحيت

​

 

[Moha le sage]

محمد لي كانت الأيادي لي كانت تكتب ويكوبيو عليها راهي راحت مع ناس 2008
عندي بلاك زوج مواضيع في المنتدى العام من خط يدي ...
مي بلاك كشما كوباوه في منتدى اوخر وماتكيدش هاذي

اما ... خليني ساكت
والله وجوهم لي خلاتنا متشبثين فاللمة

سلام
​

صحا خويا حمزة

ياو الجيل لي يكتب لي راه في الانقراض والدليل نشوف في المنتديات بزاف بنفس المواضيع

والجدد لي يسجلو هنا يروحو طول ينقلو المواضيع في عوض ما يكتبوهم

هكذاك وكينين خرين يكتبو وعندهم افكار بصح راهم قلال

تحياتي ليك حموز
​

 

[كلي امال]

السلام عليكم
موضوع فور فيه حوايج كامل واقعية
و انا اللي لاحظتها تاع البنات في قسم ادم ماعرف واش راهم يديروا تم ؟
و زيد اللي يجبدوا المواضيع من الارشيف و هادي فكرت فيها مرة و قلت كان نجبدوا المواضيع المليحة اللي ممكن تخلي الاعضاء تتحفز و تكتب كيفها مي المواضيع اللي راهم يتجبدوا كامل يا تاع تعارف يا تاع مشاكل و مالازمش تتجبد
و هدي قصة صرات معايا
وحدة نعرفها من العايلة كانت مسجلة من بعد نسات المو دو باس قعدنا نحكوا قتلها زعمة نكتب موضوع في اللمة مي مزلت مارتبتش افكاري قاتلي انا تاني نعاود نسجل و نغرق المنتدى مواضيع قتلها واش راكي تستناي و انت عندك افكار قاتلي لالا كوبي كولي و خلاص قتلها بصح معاودين قاتلي عادي معلاباليش بيهم انا هنا سكت و ما لقيت مانقولها
ان شاء الله ربي يهديهم هاد الاعضاء
سلام

 

[Ra Off]

يعطيك الصحة محمد
راني لحقت بالموضوغ شوية سخون .... بايت - كتب يوم امس -

فكرتك جميلة
وحبيت انبه لفكرة اخرى هي

انو احيانا يكتب احدهم موضوعا ويتفنن فيه لكن المغزى يعود الى القرون الوسطى
او حتى الحجرية

فقد يكون سقراط او ارسطو اللمة قد كتب موضوعا لنفس الفكرة
مند قرون ؟؟

تحيـــــــــــــاتى ​

 

[حفيد هواري بومدين]

ههههههههههههههه انت اك بوندي
واش جابك هنا راك تحكي على ارسطو وموضوع بايت ههههههههههه لاه راك تحكي مع براهيم؟؟؟
راك في قسم واش راك تهدر
:biggrin:
​

يعطيك الصحة محمد
راني لحقت بالموضوغ شوية سخون .... بايت - كتب يوم امس -

فكرتك جميلة
وحبيت انبه لفكرة اخرى هي

انو احيانا يكتب احدهم موضوعا ويتفنن فيه لكن المغزى يعود الى القرون الوسطى
او حتى الحجرية

فقد يكون سقراط او ارسطو اللمة قد كتب موضوعا لنفس الفكرة
مند قرون ؟؟

تحيـــــــــــــاتى ​

 

[حفيد هواري بومدين]

الموضوع طويل ويعيي الكتيبة رقيقة
وباش نقراه كامل وانا تعبان مي من المضمون نتاعو باين :crying::crying::crying:
لمة جزائرية وكحلة الراس
تربح
(نصيحة برك او ماتكترش من الكتيبة بزاف
لازم
tout cour
رانا في عصر السرعة يا موح:001_wub
​

 

[حفيد هواري بومدين]

يا حمزة اك تعرف الجوكار
:biggrin:
قهوة وقارو وحاب يصوفج الطفل لي في الصورة هاداك
:biggrin:
​

 

[بشرى 92]

صباح النور
اهلا محمد كالعادة راك مميز وكلامك كامل صواب وراني حبيت نزيد ظاهرة اخرى
كاين اعضاء كي يزعفو من بعضاهم كل واحد يكتب موضوع ويهدر على الاعضاء الاخرين ويمعني عليهم حتى يشبع وعلاه هكا ؟ياك ادا عارف راه معاه الحق وعلاه يمعني عليهم يروح يواجههم ويحكي معاهم ولازيد موضوع وتقييم وفرغ قلبك ومعني على هداك ؟ انا اكثر حاجة تعجبني فيك محمد انك صريح وهدي صفة اصلية فيك مش مكتسبة ولا غير هكاك تمثيل يعطيك الصحة
هدا برك واش حبيت نقول اما الباقي راك كفيت ووفيت بارك الله فيك

 

[Adel Adel1]

.. رحت لمنتدى آدم لقيت فيه غير اسم فلانة والبسودو تاع فلانة مدايرين موضوع :closedeyes:
هاذي تبين في روحها بلي ستيل جابت قرعة ريحة :001_wub:ولخرى راحت دارت على تصاور السوايع و حطتهم .. كشما يقولولها نتي فور و عقلية دوريجين وراكم تعرفو la suite .. زوج ردود و 20 رسالة خاصة

يا عفريت و الله عندك الحق في كلش

 

[المحترف 12]

والله غير تقول في الصحيح
الواحد يدير موضوع تاع حاجة صغيرة و نقدرو نقولو تافهة تلقى الردود الف
و اذا كام موضوع هادف الردود صفر
بارك الله فيك
اللهم اهدنا

 

[أماني2]

السلام عليكم ورحمة الله وبركاته

نقولك حاجة عندك الصح في حوايج بزاف قلتهم بصح كاين اللي راك غالط فيهم

كامل احنا نغلطوا ومكاش لي مايغلطش ومن الأفضل نصحوا الأخطاء تاعنا

ببعض الكلام اللي راك تقول فيه راك تجرح بعض الأعضاء
بالشوية غير وحدة وحدة

نسق شوية الكلام بجمل مليحة تطلع المورال وتزهي الأعضاء
أشكرهم شوية ماشي دايما تأنبهم هكدا راح ينفر وا
ياك تقدر تكتب موضوع بعكس اللي كتبتوا على خاطر نتا دايما متألق في مواضيعك

وما تزعفش أنا اللي في قلبي قلتهولك

ان شاء الله تدوم وفي لينا وللمتنا
مع كل احتراماتي
​

 

[02asma02]

والله غير كل كلمة قلتها في محلها ان شاء الله نطبقوه برك

 

[Moha le sage]

السلام عليكم ورحمة الله وبركاته​

نقولك حاجة عندك الصح في حوايج بزاف قلتهم بصح كاين اللي راك غالط فيهم​

كامل احنا نغلطوا ومكاش لي مايغلطش ومن الأفضل نصحوا الأخطاء تاعنا ​

ببعض الكلام اللي راك تقول فيه راك تجرح بعض الأعضاء
بالشوية غير وحدة وحدة ​

نسق شوية الكلام بجمل مليحة تطلع المورال وتزهي الأعضاء
أشكرهم شوية ماشي دايما تأنبهم هكدا راح ينفر وا
ياك تقدر تكتب موضوع بعكس اللي كتبتوا على خاطر نتا دايما متألق في مواضيعك​

وما تزعفش أنا اللي في قلبي قلتهولك ​

ان شاء الله تدوم وفي لينا وللمتنا
مع كل احتراماتي ​

من بكري اماني كي تكون حاجة عوجة نقولها والله وي عود خويا لي دارها

ومانيش نهدر بعقلية مشرف بصح بعقلية عضو كيما نتوما

ويقلك خوذ راي لي يبكيك مش لي يضحكك

هذي صراحتي واسمحيلي نقلك من بدلهاش على جالك ولا على جال اي واحد

وديما نعاودها و نقولها : كي الواحد يغلط نقلو راك غلطت ماشي ندير ماسك ونعطيه شوي ورد

وارائي تبقى نبع من تفكيري ما همش حقائق علمية تقدر تعجبك و تقدر ما تعجبكش ..

بصح لي على قلبي على فمي .. علمتني ليام كلش فايت .. وكلش رايح ..مايدوم غير الصح ..

كين بزاف لي يديرو مواضيع ولا ردود يحوسو بيها على حوايج من وراها .. انا منحوس على والو .. مانحتاج والو .. اذا هدرت على حاجة معناها راني لقيتها غالطة ni + ni -

عندي 3 مبادى : صريح ... بسيط ... حاط رجليا على لرض . وبربي ان شاء الله ما نتبدلش حتى ويتبدل الزمان

تحياتي ليك اماني





لي عودة مع الردود الاخرى ان شاء الله يعطيكم الصحة عبدو وحمزة و جوكار راه لميكرو كان مبلوكي البارح مقدرتش نجاوب معاك

تحياتي ليكم

 

[noussy 03]

يعطيك الصحة خويا على واش قلت وانا رني معاك 100/100
انا شخصيا عندي 3اشهر مدخلتش للمة كانو عندي ظروف وكي دخلت لقيت نفس المواضيع قاعدة تدور
وبالنسبة لمنتدى حواء جامي شاركت فيه خاطر منحسش بروحي الاز فيه كيما في منتديات عربية اخرى
والله ادم لي يردو على مواضيع حواء كتر من حواء
ارجو ان يتخد موضوعك بعين الاعتبار

 

[bessmounette]

عندك لحق خويا والله ولا يوجعنى قلبى من لهدرة نتاع لخليج على وجه ربى بركااااااااااااو من هدى لهدرة
شكرااااااااااااا
​

 

[أماني2]

من بكري اماني كي تكون حاجة عوجة نقولها والله وي عود خويا لي دارها

ومانيش نهدر بعقلية مشرف بصح بعقلية عضو كيما نتوما

ويقلك خوذ راي لي يبكيك مش لي يضحكك

هذي صراحتي واسمحيلي نقلك من بدلهاش على جالك ولا على جال اي واحد

وديما نعاودها و نقولها : كي الواحد يغلط نقلو راك غلطت ماشي ندير ماسك ونعطيه شوي ورد

وارائي تبقى نبع من تفكيري ما همش حقائق علمية تقدر تعجبك و تقدر ما تعجبكش ..

بصح لي على قلبي على فمي .. علمتني ليام كلش فايت .. وكلش رايح ..مايدوم غير الصح ..

كين بزاف لي يديرو مواضيع ولا ردود يحوسو بيها على حوايج من وراها .. انا منحوس على والو .. مانحتاج والو .. اذا هدرت على حاجة معناها راني لقيتها غالطة ni + ni -

عندي 3 مبادى : صريح ... بسيط ... حاط رجليا على لرض . وبربي ان شاء الله ما نتبدلش حتى ويتبدل الزمان

تحياتي ليك اماني

السلام عليكم ورحمة الله وبركاته

معنى كلامك أنو وين تصيب الخطأ تهدر عليه صحة هذي عندك الحق فيها كامل لازم نصحو الخطأ
بصح فان لازم كي نصيبو حاجة مليحة داروها الأعضاء نهدرو عليها ونعطولها محل اهتمام باش يفرحو

ومكاش خير من الصراحة هادي تاني عندك الحق فيها
والحمد لله أنا معاكم صريحة جدا وأبدا ما زدت حاجة من عندي ولا كذبت في حاجة وكي نصيب خطأ نرد عليه مانسكتش كيما الأخرس

وتاني مانيش نقولك بدل صراحتك هاذي مستحيلة علىالجميع
واصل فيها على خاطر عجبت الأعضاء بيها بصح كون صريح تاني مع حوايج ملاح ويخلوهم يبتسمو وأعتقد أنو هادي تاني من صراحتك ولا راني غالطة...؟

عجبتني حاجة واحدة قلتها وأنا دايما نعتمد عليها ومجربتها مع ناس أخرين في حياتي لحد الآن وهي: ان شاء الله ما نتبدلش حتى ويتبدل الزمان
والحمد لله

ماتحسبش راني نهاجم فيك بصح هذي مجرد نظرة من عندي
وان شاء الله تتقبلها

وأنا من ناحيتي نشكرك بزاف على مجهوداتك نقلك يعطيك الصحة


:angel_not: تحياتي الخالصة:angel_not:​

 

[Moha le sage]

لازم نرفعو ........... و لي عودة مع الردود

 

[kilwa]

لم اقراها كاملة اسمحلي خويا طويييييييلة بزاف نصارحك منخبيش
​