- إنضم
- 19 جويلية 2007
- المشاركات
- 10,901
- نقاط التفاعل
- 164
- النقاط
- 319
- العمر
- 32
- محل الإقامة
- العدم
- الجنس
- ذكر
السلام عليكم و رحمة الله تعالى و بركاته ,, واش راكم أعضاء اللمة الأعزاء ؟ إن شاء الله راكم قاع غاية , و بخيــــر
- غبت أكثر من 10 أيام على المنتدى العزيز , غير باش انح شويا على روحي من هم لقراية و سخانة الصيف ... و هاذي المرة خيرت الغرب كأول مرة //
موالف نروح ( بومرداس - قالة - عنابة - جيجل ) مي وهران و مستغانم أول مرة نروحلهم , عقبت أيامات حلوين تلاقيت ببزاف صحابي كنت نعرفهم غير في النت , و لقيت باللي الناس ثما طيبين بزاف , وتهلاو فينا Bien Comme Il faut .. أنا كنت مريح في هوتال في مدينة الجديدة غير بحذا السوق .. كنا الصباح نقصدو لبحر ديما ,, عين الترك و لا ليزاندلوس و لا بلاج واحد أوخر ,, و الميور بلاج اللي عجبني هو تاع مستغانم (( مرسى الحجاج )) , هاذاك رحتلو أكثر من خطرة
رحنا من هنا غير أنا وصاحبي ,, مي كي لحقنا لثما تعرفنا ببزاف ناس , إلى درجة أننا في الليل كي نجيو خارجين جوايه ال ( 12 ) غير Par Tel ألو ألو , نتلاقاو في Front de mer و لا Place d'arme
و نمشو أكثر من 13 واحد , Mafia Italiano :re_gards:
المهم عرفنا بزاف ناس من سطيف من ألجي من وهران , وولينا كليكة وحدة نمشو قاع كيف كيف , نروحو لبحر كيف كيف و ندورو في الليل كيف كيف ..
صراولنا بزاف حكايات اللي يقعدو في الراص و ما يتنساوش ,خاصة حكاية صراتنا مع واحد الجان في ليزاندالوس , إن شاء الله نحكيهالكم في سوجي هاذو ليامات , حكاية طريفة و فيها عبرة ..
الفايدة أننا نحينا الهم تاع الصيف , و خسارة ما تلاقيتش بناس اللمة , جيت نشوف لقيت لينيميرو اللي عندي قاع ماشي من وهران , مع ما صحتليش نروح نكوناكتي هاذاك هو كلاني بوبي
واش بغيت نقولكم , نتمنى كل واحد فيكم عقب Vac مليحة , و ديفولا على روحو و ما يبقاو غير ليامات الملاح .. ونقولكم وجدو رواحكم لرمضان
و إن شاء الله أيامنا و أيامكم تفوت قاع فرح .
