نحب نخلص مليح , و نرقد حتى ل12

[lamou]

و عليكم السلام و رحمة الله و بركاته

شكرا اخي على الموضوع و راني معاك 100 با100 الراجل يلقي غير جيبو
كاين لي نهار كامل و هما شادين الحيط تقول كون يخلوه راه يطيح عليهم و لا قاعدين في القهاوي و الدخان و يعسو في الناس فلان كسب و فلان ورث و فلان .......................اخطيك من العسى و روح اسعى كاش ما تلقي

 

[تسنيم الهناء]

و عليك السلام اخي

اما فيما يخص الخدمة و نهدر على امر البنات برك:heh:
تقول تقدر تخدم في بيتزيريا و لا حانوت و احنا بصراحة هذا الامر يصلح لو كان تكون في بلاد كبيرة بالاك بصح في المدن الصغيرة هذا الفعل في حد ذاتو يولي شيء تتعاب بيه و زيد الناس عندنا هاك تعرف العقلية المقفولة يحترمو شوي لي تخدم في التعليم و لا طبيبة الباقي كامل كيما انتاع الادارة يشوفو فيهم شوفة ناقصة
و زيد نقولك ما تشوفش في الدنيا بالمنظار الزهري مازلت ما جربتش كي طبطب على البيبان اكل و ما تلقا والو و يحفاو رجليك من ادارة لادارة غير يبلعطو فيك و تروّح مع العشية تلقا غير هذاك الديبلوم المغبون اكثر منك مقابلك

و ربي يجيب الخير
نتمنى تكون وصلاتك فكرتي
​

 

[sandybelle]

والله غير عندك الحق
ليجان دياولنا دركا مايسعاوش ...تلقاه تخرج فوت في سبتمبر كونكور ومانجحش أيا يريح يستنى لسبتمبر الماجي
مي هدا راجع للوالدين بالدرجة الاولى ...علمو ولادهم التفنين ..تصدق غير في بلادنا لي عدنا الوالدين يزوجو ابنهم وهو ماشي خدام ويتحملو كامل مصاريفو سيبورسا الولد يعنقر على الخدمة ويبدى يتشرط نخدم دي ومانخدمش دي..... ويزيدو يرميو اللوم على البطالة ...كاين عواقب من الدولة مانقولوش لالا مي والله ادا كان الشباب واعي مايستناش الدولة توكلو ... أبواب الرزق لا تعد ولا تحصا
مرسي اخي على الموضوع

 

[إحسَانْ]

محاااااااااااااااااااااااااااال تكون الجزائر مافيهاش خدمة

 

[عاشقة الكرة]

اللي عجبتني في ليجان كامل كيف كيف يضالو الرقاد والقعاد ويقلك تعبنا مالا كون جاو يخدمو راهم ماتو كل واحد والكوراج ديالو الله غالب
ومشكور على طرح هذا الموضوع
​

 

[** غزال الصحراء **]

اللي عجبتني في ليجان كامل كيف كيف يضالو الرقاد والقعاد ويقلك تعبنا مالا كون جاو يخدمو راهم ماتو كل واحد والكوراج ديالو الله غالب
ومشكور على طرح هذا الموضوع
​

هاذي هي الهدرة اللي كنت حاب نوصلها
صحيتي عاشقة الكرة + صحا رمضانك .

 

[** غزال الصحراء **]

محاااااااااااااااااااااااااااال تكون الجزائر مافيهاش خدمة

وي الشوماج راهو في الراص , يعني إنسان ما يتحرك ما والو و يقولك راني بطال .

 

[** غزال الصحراء **]

موضووووووووووع في القمة
​

شكرا على المرور أخي الكريم .

 

[** غزال الصحراء **]

مكانش قد الخدمة

مليحة

موضوع رائع


​

و مرروك أروع أخي نسيــــم .

 

[** غزال الصحراء **]

الراجل الصح ما يخليش باباه يصرف عليه و هو قادر .

وي هاذي كاينة منها , و دوماج بزاف ناس مش فاهمينها
صحيتي //

 

[** غزال الصحراء **]

والله غير عندك الحق يا خويا في كل كلمة قلتها

شكرا على المرور سهيــلة
صحا رمضانك .

 

[** غزال الصحراء **]

يعطيك الصحة والله كلامك حلو وفي محلو
من جهة هاذو عامين مين تخرجت
جربت كل أنواع العمل بسهله وصعبه
وعسا ربي يرزقنا بخدمة نتاع نيشان نبقاو فيها متهنيين
المهم واش حبيت نقول
والله غير القعاد ما مليح وحتى ولو كنت تقرى ماديرش السبة بيها
راك تعلم في نفسك الكسل
خدم واش لقيت
وربي يسهل على كل واحد
و رمضان كريم
تحياتي
العاطفي
​

تعجبني خويا لعزيــز , الإنسان لازم يبوجي على روحو و ما يراطيش الخدمة
كيما قلت باش ما يوالفش روحو على الكسل //

و الله كلام رزين الله يخليك
ورمضان كريم .

 

[** غزال الصحراء **]

و الله غير عندك الحق ياخويا تلقاهم 24 ساعة شايدين الحيط و تهدر معاه يقولك ماكانش الخدمة و هو ماعياش روحو مامبا باش يحوس عليها مام لبنات انا نظن بلي مزالني صغيرة شوية على الخدمة انشاء الله فالمستقبل شكراااااا على الموضوع الرائع

وي هاذي هي , و المشكل هو أصلا راهو حاسب باللي صح ماكاش خدمة
تالمون الراص مخدر :no_1:

مرسي عليك , أسعدني مرورك
ورمضان كريم .

 

[** غزال الصحراء **]

و عليك السلام اخي

اما فيما يخص الخدمة و نهدر على امر البنات برك:heh:
تقول تقدر تخدم في بيتزيريا و لا حانوت و احنا بصراحة هذا الامر يصلح لو كان تكون في بلاد كبيرة بالاك بصح في المدن الصغيرة هذا الفعل في حد ذاتو يولي شيء تتعاب بيه و زيد الناس عندنا هاك تعرف العقلية المقفولة يحترمو شوي لي تخدم في التعليم و لا طبيبة الباقي كامل كيما انتاع الادارة يشوفو فيهم شوفة ناقصة
و زيد نقولك ما تشوفش في الدنيا بالمنظار الزهري مازلت ما جربتش كي طبطب على البيبان اكل و ما تلقا والو و يحفاو رجليك من ادارة لادارة غير يبلعطو فيك و تروّح مع العشية تلقا غير هذاك الديبلوم المغبون اكثر منك مقابلك

و ربي يجيب الخير
نتمنى تكون وصلاتك فكرتي
​

فكرتك و صلتني ,و الكلام هاذا راني واعي بيه و أنا نكتب في الموضوع //
مي راني نقول باللي الإنسان مستحيل يقول راني شوماج

يعني يقول : الخدمة اللي لقيتها ما عجبتنيش مثلا , و لا حاجة كيما هاكا
و بخصوص خدمة الإدارة و الشوفة الناقصة هاذيك حكاية أخرى , يعني كاين خدمات يجو منهم إحراج و هاذا ماهوش موضوعنا المهم الخدمة توفرت في الحالة هاذي ..

ليديبلومي راهم شومارة هاذي على بالي بيها , و الشركات قاع قافلة بابها , مي ليجان مثلا أي واحد يقدر يشد سيبار تاع واحد , و لا حتى يخدم مع كاس ماصو ( مونيvري ) عادي وينو المشكل ؟

أسعدني مرورك تسنيــم
رمضان كريــم .

 

[** غزال الصحراء **]

اهلا هشام خويا
ياو صح كاينة منها
الشباب تاع ضرك ولاو يتحجو بلي ماكاش الخدمة
بصح كاين اللي صح يلقاو بصح يقلك ماتعجبنيش:closedeyes:
يعني يتشرط ويقلك لازم خدمة تاع بيرو ورقة وستيلو
هاو كيفاه :glare:
انا في رايي هاذو اللي هاكا والفو الراحة والرقاد وماشافوش الميزيرية
لوكان شافوها يحمدو وربي يخدمو وين صابو
هاذي هي
الله يهدي برك
يعطيك الصحة خويا

كالعادة مغزى الموضوع يلحقلك بلا ما يطبطب ///
شكرا على المرور الرائع بشرى

صحا رمضانك .

 

[** غزال الصحراء **]

كيما يقولو الراجل عيبو جيبو واحنا ولينا نشوفو في اغلب ليجان تاعنا شادين الحيط يعنى البطالة راهى مكلتهم وفي الحقيقة مكانش حاجة اسمها بطالة راه لي يحوس ميتوهش قالوها ناس بكري

و الله كلمة مليحة ريفــال اللي يحوس ما يتوهش //
و تحيا الخدمة وين ما جات المهم تكون حلال

صحيتي .

 

[** غزال الصحراء **]

وايــ خويا هشام اذا لقيتلي خدمة بهاذ المواصفات عيطلي ، راني غير هنا

دركا تلقى واحد غير يتشرط و يقولك انا مانخدمش اللي جات

و اللي تغمك أكثر اذا ماعنده ني ديبلوم ني ليسانس

اما اذا كان قاري بالاك تغيضه ، آ تجي عليه

الواحد يخدم اللي جات قد مايدير التاويل لروحه كيما قلت و من بعد يقد يخدم عند روحه

و بالنسبة للبنت اذا كان والديها و لا راجلها يصرف عليها و قادر يعني تقد تقعد فالدار

بصح اذا كانت محتاجة ولا تصرف على ولادها ، نفس الشيء

و أخيرا الخدمة ماشي عيب و لا حرام المهم الواحد يكون رزقه حلال

مرسي هشام خو على الموضوع الافور

دمتـــــ بود

PeAcE

​

مرورك دعم الموضوع بــزاف يا أسومة //
و الله صح تحير كي تلقى واحد نيvو لوحة , و يقولك الدولة ماهيش توفرنا في الخدمة و أنا ما نقدرش على خدمة الشقى و قاع

و الله أنا كنت في شرشال غير البارح , ناس قارية في الجامعة , و مبعد كرهو gاجاو يعني كي ما تلقى بيها وين أقل حاجة هي الميليتار

و الطفلة كيما قلتي إلى كان كاين اللي يصرف عليها ماشي شرط تخدم , و لاكان تخدم ماشي عيب !

أسعدني مرورك .. و صحا رمضانك .
​

 

[** غزال الصحراء **]

و عليكم السلام و رحمة الله و بركاته

شكرا اخي على الموضوع و راني معاك 100 با100 الراجل يلقي غير جيبو
كاين لي نهار كامل و هما شادين الحيط تقول كون يخلوه راه يطيح عليهم و لا قاعدين في القهاوي و الدخان و يعسو في الناس فلان كسب و فلان ورث و فلان .......................اخطيك من العسى و روح اسعى كاش ما تلقي

و الله كلام من ذهب ,, ياو ليجان تاع راص مالي قهوة و دخان , غير تاع حيط و تمنشير وتبرgيg ...

أسعدني مرورك , و رمضان كريم .

 

[** غزال الصحراء **]

والله غير عندك الحق
ليجان دياولنا دركا مايسعاوش ...تلقاه تخرج فوت في سبتمبر كونكور ومانجحش أيا يريح يستنى لسبتمبر الماجي
مي هدا راجع للوالدين بالدرجة الاولى ...علمو ولادهم التفنين ..تصدق غير في بلادنا لي عدنا الوالدين يزوجو ابنهم وهو ماشي خدام ويتحملو كامل مصاريفو سيبورسا الولد يعنقر على الخدمة ويبدى يتشرط نخدم دي ومانخدمش دي..... ويزيدو يرميو اللوم على البطالة ...كاين عواقب من الدولة مانقولوش لالا مي والله ادا كان الشباب واعي مايستناش الدولة توكلو ... أبواب الرزق لا تعد ولا تحصا
مرسي اخي على الموضوع

و الله كلام صحيح , و هاذا واش قصدت , إذا تسكرت عليك قاع أبواب الدولة ما تتسناش العربي باش يعمرلك الجيب

أخدم وحدك , بوجي تلقى راصك ...

و حكاية الوالدين هاذيك حكاية وحدها , تلقاهم يزوجوه و يعيشوه , و يعيشو ولادو
و إذا قدر الله و توفالو والدو اللي يصرف عليه واش يدير ؟

ما تعلم والو في حياتو مام الصنعة ماكاش في يدو يبقى هاكاك و صاي //

مرسي عليك , مرورك أسعدني
صحا رمضــانك .

 

[** غزال الصحراء **]

وعليكم سلام لعزيز
مي الله غالب والفنا بكلمة
ربي يفرج /الله غالب /وخدمة بلمعريفة /ولازم تدفع دراهم /
واش انقلك
مصبت واش انقووول
مارسي علا موضوع رائع
تحياتي ليك ودمت متميزا
تشاو​

الله يهنيك خويا حســام
أسعدني ردك

وصحا رمضانك .