نحب نخلص مليح , و نرقد حتى ل12

[** غزال الصحراء **]

ههههههه هشام ذا الصيف خدمت ميكانيسيان

لعجوز ديما تقولي أتعلم حرفة آآي تفيدك

ربي يسهل هشام

إن شاء الله تلقى مكتوبك في شرشال

صحيت ^_^
​

اه نستعرف بيك حبيبي //
ياو سمحلي ما ريبونديتش عليك في التيليفون راهو أنتاردي ثما ... ما خاولناش مام با نخرجو يا صاحبي

ما تساعدنيش المعيشة هاذيك راني ليوم وليت للدار على روحي :no_1:

 

[** غزال الصحراء **]

سلام
كي لعادة موضوع شباب
.........
لي يحتاج دراهم يخدم لي جات المهم حلال
....
تقبل مروري​

أسعدني ردك هند ,, شكرا كثيرا :wink:

 

[** غزال الصحراء **]

مووضوع في محلو عندك لحق خوو دكا ليجان راهم يتقلشو وحابين غي ساهلة وغي كلمة ملقيناش لخدمة مع انو لخدمة متوفرة قتلهم درح وتكسال ربي يهدي ماخلق تقبل مروري

مرورك رائع لميس ,, شكرا كثيرا
و ربي يصلح حوال ليجان .

 

[** غزال الصحراء **]

وعليك السلام
يعطيك الصحة خويا
"خدام الرجال سيدهم"
عمرها الخدمة ماكانت عيب
والشباب نتاع هاد الوقت ينفخو في رواحهم وبلا سبة
و يتكبرو على الخدمة
المهم ربي يهدينا
شكرا على الموضوع
تقبل مروري


​

و الله عندك الحق يا سامية , خدام الرجال سيدهم //
و ماشي مليح الجان يقعد طول حياتو باباه يصرف عليه و هو مريح هاكاك

بوجي حتى و إلا كانت السالار صغيرة في اللول معليش خير من القعاد

صحا رمضانك خيتي :wink: .

 

[** غزال الصحراء **]

سلااااااااااااااااااام

صحيت خويا

انا مانخدمش نقرا رديت الباك تاعي بصح الصيف هادا ماقعدتش

كنت نخدم المهم مانقعدش



أوووووو هادي هيا
لي جان تاعنا حابينها
راقدة وتمونجي





شكرااااااااااااااااااااااااااااااااا
​

نعرفك فحل خويا لعزيز
بارك الله فيك ,, و صحا رمضانك :wink:.

 

[سماح4]

يا جماعة ماكانش كيما الخدمة , المهم تكون حلال ,, و التعب لازم لازم , ماشي حاب روحك تعيش برانس من الdébut

عجبتني هذي بزاف ، عندك الحق هشام والله ماكان قد الخدمة وشحال نحترم الراجل ولا الشخص لي يسعى ويحوس ويبذل مجهود وهو يحوس على خدمة وما يتكبرش على العمل لحلال مهما كان نوعو
المهم ياكل بالحلال ،وكيما قلت الخدمة كاين في بلادنا بصح الشباب ولاو يتكبروا ويحوسوا غير على الراحة والبيروات وحتى البيروات وما يخدموش فيهم خدمة مسقمة وكيما يقولو بكري المثل الشعبي أنا مير وأنت مير وشكون لي يسوق لبعير يعني إذا شدينا كامل البيروات وشكون لي رايح يخدم الخدمة تاع التعب؟؟؟..ربي يهدي.

 

[** غزال الصحراء **]

صحيت خويا أنت قلت السلام عليكم و رحمة الله تعالى و بركاته و أنا نقول :
و عليكم السلام و رحمة الله تعالى و بركاته ، أما بعد ،

ليجان كيما تقول ، المبدأ الوحيد اللي اتخذوه هو : التكاسل و التقاعد عن طلب الرزق
ربما يقول في نفسه أنا نقعد واقيلا يجي واحد يسحقني في بريكولا
هههههه
ولاو غير تع بريكولات

علاه خلق ربي الصباح
خلقوا بش الناس تروح تخدم
و تشرق الشمس
شكرا
​

صحيت مارادونا راك تتريبلي بالهدرة ياك :surrender:
صحا رمضانك حبيبو .

 

[** غزال الصحراء **]

عندك الحق خويا موضوعك حساس الله يخليك

نقول حاجة ياخويا انا نخدم في الصيف راهي وقت قرايا ماش عندي

حق مانخدمش وانتا واش رايك خويا

وزيد حاجة اللي راهم بطالا لازماتهم يخدموا مليح ويجيبوا

الديبلوم نتاعه باش تولي تخدم مريح وتشد الدراهم اكثر مما بايغي

واللي ماش هم يقروا لازماتهمك يزيروا عليه ابواتهم عليهم الخدمة

هاذي ان تاع العونا ولازماتهم يخدموا بذراع عليه ياخويا

ياخويا يعطيك الصحة على ماكتبت الف مشكور للأخ خويا غزال

الصحرا على هذا الموضوع المميز
​

كلامك في المستوى أخي ( رياض بودبوز ) و صح ماشي مليح تريح , و الخدمة في الصيف مليحة منها ما تولفش روحك على الكسل و منها دعم روحك بشويا مصروف

أسعدني مرورك
صحا رمضانك حبيبي :wink:

 

[** غزال الصحراء **]

خويا أنا عامين ملي تخرجت راني ساعا هذي إدماج جربت لي كونكور ماخليت أو ماراطيت اوراني معاك 100%ما لازمش واحد يطلقها pamore ويقلك كرهت والمعريفة ...أويستنا تجيه ساهلة no !! لازم inavigi ويقدم الأسباب
اوربي نشالله إيفرج عليه ويديرلو تاويل من عندو
merci

الله يخليك و يفتح عليك خويا لعزيـــز
هاذي الإنسان لازم يدير كيما راك تدير يبقى دايمن يدير اللي عليه و الشدة في ربي //

صــحا رمضانك .

 

[** غزال الصحراء **]

يا جماعة ماكانش كيما الخدمة , المهم تكون حلال ,, و التعب لازم لازم , ماشي حاب روحك تعيش برانس من الdébut

عجبتني هذي بزاف ، عندك الحق هشام والله ماكان قد الخدمة وشحال نحترم الراجل ولا الشخص لي يسعى ويحوس ويبذل مجهود وهو يحوس على خدمة وما يتكبرش على العمل لحلال مهما كان نوعو
المهم ياكل بالحلال ،وكيما قلت الخدمة كاين في بلادنا بصح الشباب ولاو يتكبروا ويحوسوا غير على الراحة والبيروات وحتى البيروات وما يخدموش فيهم خدمة مسقمة وكيما يقولو بكري المثل الشعبي أنا مير وأنت مير وشكون لي يسوق لبعير يعني إذا شدينا كامل البيروات وشكون لي رايح يخدم الخدمة تاع التعب؟؟؟..ربي يهدي.

و الله صح , الدنيا مخلوقة كيما هاكا كل واحد و خدمتو و نصيبو كيفاش //
لاكان قاع بغينا بيروات شكون اللي يخدم الشقا ؟ و شكون اللي يبيع في السوق ؟ و شكون اللي يبني ؟ ..إلخ

كلامك رزين كالعادة يا سموحة ,, أسعدني مرورك
إن شاء الله ماهوش متعبك الصيام

و صحا رمضانك مرة ثانية :wink:

 

[himina]

السلام عليكم خويا والله موضوع في المستوى

صح الان 60بالمية من الشباب يبغيو خدمة انتاع الستيلو يقعد ويامر هههههههه وهات برك جا عندو نيفو بالعكس لي عندو النيفو امليح هو لي راه يعافر مع الخدمة الليل مع النهار مايسناش باباه يصرف اعليه هههههههه والاغلبية يحبو الحطة هاذي ساعة سواتش ومايخرجش من الريستورو الخ وهاذا ماش بالساهل
اما انا والله مانيش نخدم لوكان جا اامر بيدي والله نخدم في سيبار ولا كاش بلاصة مواتية مي الله غالب الحاج مايحبش
تقبل مروري اخي

 

[** غزال الصحراء **]

السلام عليكم خويا والله موضوع في المستوى

صح الان 60بالمية من الشباب يبغيو خدمة انتاع الستيلو يقعد ويامر هههههههه وهات برك جا عندو نيفو بالعكس لي عندو النيفو امليح هو لي راه يعافر مع الخدمة الليل مع النهار مايسناش باباه يصرف اعليه هههههههه والاغلبية يحبو الحطة هاذي ساعة سواتش ومايخرجش من الريستورو الخ وهاذا ماش بالساهل
اما انا والله مانيش نخدم لوكان جا اامر بيدي والله نخدم في سيبار ولا كاش بلاصة مواتية مي الله غالب الحاج مايحبش
تقبل مروري اخي

شفتي شفتي !! و الله كلامك جواهر يا himina
و صح نلقاو اللي عندو نيvو تلقاه يخدم على روحو النار تشعل , و لاخر حابها راقدة و تمونجي ...

بخصوص السيبار مادام الوالد ما يحبش غير ديريلو gوسطوه , رضاه هو الصح
صحا رمضانك :wink:

 

[Elif DZ]

يا سي غزااال
الشبيبة هم اللي يضربوهااا لل 12
البناات فحلات و قافزااات
قوللهم هم الشومااج كلا البلاد بسبتهم و عادوا النساا يخدموا كلش
​

 

[** غزال الصحراء **]

يا سي غزااال
الشبيبة هم اللي يضربوهااا لل 12
البناات فحلات و قافزااات
قوللهم هم الشومااج كلا البلاد بسبتهم و عادوا النساا يخدموا كلش
​

اي مخلطة كي من عند لبنات كي من عند ليجان , ربي يصلح حوال الجميع //

صحيتي قسامية , صحا رمضانك .

 

[HWK4ALGERIA]

انا نعرف واحد كان خدام عند الدولة ،،، ايا قالتلو الدولةروح اتروح لداركم ما عدناش نحتاجوك، وهو عندو 13 طفل،،، من كل الاعمار والاحجام،،، ماعدا الحجم الثقيل،،، يعني اغلبهم يقولو واااااع،،، المهم واش دار شرى فيها ميزان تاع ليgوي هذاك اللي يوزنو بيه العباد، وراح وقف بيه ف السوق،،، والغاشي الللي يجي فايت يروح لعندو يوزن ب 500 فرنك،،، حتى الغاشي لقاو بللي الخمسية هاذيك يمدوهالو ليه هو خير من انهم يمدوها للطلاب.
شكرا على الموضوع.

 

[فؤاد الورقلي]

السلام عليكم
ايه هذو هوما لجان تع لالجيري
ربي يعافينا
ويخلصها على خير
وربي يهديهم ان شاء الله

شكرا خو
ربي يجازيك

ورمضان مبارك​

 

[himina]

شفتي شفتي !! و الله كلامك جواهر يا himina
و صح نلقاو اللي عندو نيvو تلقاه يخدم على روحو النار تشعل , و لاخر حابها راقدة و تمونجي ...

بخصوص السيبار مادام الوالد ما يحبش غير ديريلو gوسطوه , رضاه هو الصح
صحا رمضانك :wink:

ربي يعيشك خويا صح انديرلو قوصطوه خير

 

[Elif DZ]

اي مخلطة كي من عند لبنات كي من عند ليجان , ربي يصلح حوال الجميع //

صحيتي قسامية , صحا رمضانك .

يا سي غزال
على الأقل لبناات لاقيين الكوزينة العشي
شوف هالشبيبة اللي عالعام تحت الحيط :heh:

 

[** غزال الصحراء **]

يا سي غزال
على الأقل لبناات لاقيين الكوزينة العشي
شوف هالشبيبة اللي عالعام تحت الحيط :heh:

ماشي قاع لبنات تاع كوزينة , و الله نعرف بنات غير في لافامي الصحن ما يغسلوهش
كيف كيف الذراري ماشي قاع عالعام تحت الحيط , كاين اللي راهو خدام تحت الشمس في رمضان .

 

[معاك يا الخضراء]

صحيت هشام كل عام و نتا بخير
انا عندي 2 انواع تاع الرجالة نعافهم :glare::glare:
منهم الي مايبوجيش و يعول على باباه في كلش
*** مانهدرش عالي يحوس عالخدمة و الله غالب مالقاش:wink:
الي يقعد كيفو كيف المرا حشا المرا و يسنا باباه برك :glare::glare:
ديجا اصلا ما نقدرش نسميه راجل
يععععععععع
اما البنت الي تخدم
انا نحب نبوجي و لقيت قداه مرة عند حوانت تاع قش
مي بابا مايقبليش نقعد نهار كامل مع راجل
و نولي نقعد فالمنزل:heh:​