واه مانشوفش باب الحارة

[نقاء الروح]

انا كيفك الاخت ما تفرجتش ولا جزء .نورمال واش هو هادا باب الحارة ؟؟؟؟؟؟؟؟؟؟؟

 

[AdNan31]

اواه تيا ماراكيش عايشة في رمضان
رمضان بلا باب الحار ماكانش منها
هههههههههههه
صح فطورك
مسلسل عادي يا اختي

 

[Roumissa_dz]

خاطيني المسلسلات

 

[nour mary]

مسلسل هايل انا متفرجتوش عامو اللول ومباعد شفت الناس كامل تتفرج فيه وليت كيفهم
وتاني حياتهم روعة كيفاش عايشين وتشوفيهم كيفاش رجال نتاع الصح وانا نحب هاد النوعية نتاع لي فيلم

 

[zahira92]

كي تتفرجي فيه راح تعرفي علاه تعلقنا فيه.اناهذا الوحيد الي نتفرج فيه مع دارنا بدون منحشم وحاطة التلكموند في ايدي.

 

[وردة رمال الذهبية]

3 سنين وانا مووراه

مسلسل ولا اروع

مسلسل هايل و بطولي ثوري و محافظ على القيم و المبادئ

و زيد من ذاك يتوشي معاناة الفلسطينين في جمع السلاح و

الاحتلال
مشكورة اختي على الموضوع الرائع

صحة فطورك​

 

[nounou.h]

انا حقيقة هاداك المسلسل مايعجبنيش علاداك مانتفرجلوش

 

[lounaa]

آتشيواي واي وا :yahoo:

مزية كاين واحد ماتفرجش باب الحارة

انا اختي ماتفرجت ولا جزء منه و راني كيفك

البنات مين يحكو عليه و نقولهم مانعرفهش يحلو فامهم

و الله ماعلابالي شاراه فيه حتى الصغير ، الكبير ، الرجال و النسا كامل متبعينه

المهم انا نقولك ماهيش بيزار على خاطر البيزار مين قاع الناس متبعينه

مرسي أختي و صحا فطورك

:heh:
​

ايا مليح لي كاين لي ماشافوش :yahoo:انا نحير غير فالناس لي تنخلع كي ماشفتوش تحسب داخل في كاش قانون ولا هههههههه
ايا صحيتي اختي وبالاكي يغروك بيه هههههههههه

أنا تبعت كامل الأجزااااء

ايه راكي عشرة معاه هههههههه

مع انو يعجبني بصح ما نتبعوش شكرا و صح فطوركم

انا مانشوفوش على خاطر مايعجبنيش
وانت علاه لا يلا يعجبك ؟
ويعطيك الصحة اختي

انا يا اختي جامي تفرجتو ما يعجبنيش ما نعرف علاه ناس كل يعجبها ولنقولو ما نتفرجوش يقول لي انتي راك مريضة ههههههه

راكي كيما انا شفتي الناس كي تنخلع ههههههه تحيري

مــانــتبــعــوش
مــي مــايــجــيش كــيمــا وادي الذئــاب
مــســـتحــيــل​

انا مانتبعوا لا هو لا وادي الذئاب
الدراما التركية شفتها كي دخلت نهار لول قاع
مبعد صايي ماولاتش تعجبني
وهدا وادي الذئاب تاني راهوا داير حالة
مارسي خويا على المشاركة

 

[zi_crazy]

السلام عليكم

وكيراكم مع رمضان والصيام
والله غير والفناه وراه قريب يروح :tears:​

المهم
اليوم جاية نهدرلكم على باب الحارة لي داير حالة
معلاباليش الولاد يلا يشوفوه بصح البنات نجم نقول قاع الله يبارك​

بصح انا الله غالب ماتفرجت ولا جزء منوا
ماتنخلعوش كيما لخرين برك هههههههه
انا كنت حاسبتها حاجة نورمال بصح مبعد عرفت بلي لا رجعت حاجة بيزار
صراتلي شحال من خطرة
رانا قاعدين نهدروا جماعة شيرات وهوما برك يجبدوا على باب الحارة ونقلهم مانتفرجوش
نهار اللول يسرطوها شوي ومبعد تسقسيك وحدة منهم بصح شفتي الجزء اللول والزاوج ومبعد زعما ماكملش لخرين
كي نقلها لا
كاين لي تخزر فيا خزرة:blink: تحسب راني جاية من المشتري ولا الزهرة
ولا كاين لي تحل فمها:scared:
مالقري انا نبغي الدراما السورية
بصح هاد المسلسل ماجبدنيش
ودرك قولولي ناس اللمة
كاين لي ماتفرجش ولا جزء منوا كيما انا
وتاني شاهي الحاجة المميزة فيه لي تخليك تبع 5 اجزاء​

وصح فطوركم​

باب الحارة، نسمع بيه

مي جامي شفته، و حتى حكاولي عليه بصح جامي جربت نتبعه

ايوا اختي رانا كيف كيف، ما راكيش وحدك

انا نتبع شر النفوس

يعني صدقني يعني ،ههههههه

و علابالي بلي ماكانش اللي يتبعوه بزاف على خاطر اللهجة تاع الكويتين ماشي مفهومة غاية

مرسي اختي

سلام و صحة سحورك​

 

[kido]

Mercccccccccccci

 

[abc.imane2009]

والله حتى انا منشوفهش منعرفش كيفاش منحبهش
بس عندي نورمال ........

 

[محمود902]

انا اصلا منتفرجوش ومنحوسش عليه ههههههههههههه

 

[نسمات من طيبة]

اه ختي اانا ما تفرجتش ولا جزء منو اصلا انا ما يجبدونيش بزاف المسلسلات

 

[iméne09]

هههههههههه مزية لي كاين عباد ماشي متبعينو راكي كما خيتك مراكيش وحدك يجيني سامط شفت منو حلقات من جزء لول ماعجبنيش كامل نخلعت كي نشوف رجال ونسا متبعينو ومكوسونترين معاه يحكيو غير عليه
الله غالب مادخليش في gـوسطو​

 

[ήaήa~:)]

رمضان سامط بلا باب الحارة راني نخمم في رمضان تاع العام الجاي كيفاش راح يجوز هههه
ماكاش واش نتفرجوا في رمضان غير السوارى الدزاير والو و العرب لخرين خاطيني​

 

[بنت تلمسان]

بكل صراحة انا ماتفرجت ولا حلقة منه
انا مثلك ماجبدنيش هذا المسلسل رغم اعجابي بالدراما السورية ورغم ان الجميع يشكرو فيه هههه
على العموم راني كيفك هههههه

 

[بنـ MaPa ـت]

وعليكم السلآم

ماتحيريش انا تاني مانتبعوش ومانحبوش هههه
يبالي مايحاكيش المجتمع الحالي
فيه عوايد وتقاليد راحو مع الزمان وماعدناش نصادفوهم
يعني تحسي لي صح فيلم ماتحسيش منو لحظة حقيقية

يعطيك الصحة عزيزتي

سلآمي
​

 

[crazykhadija]

ارواحي لسمعتك انا تاني ولا حلقة ههههههههههه
مرسي ليك
معندي شوق فيه
​