ماذا ستطبخين اليوم سيدتي

[nada242008]

عفوفة صومي نهار ما دا ما جاب ونحي الشك :yaw::like_1:
دهبيتو الله يسلمك وان شاء الله يعاودوا يرجعو البنات
شوشو مرحبا بيك حبيبتي
في انتظار اشهى الاطباق من احلى عضوات

 

[روعة2005]

كاه كاه كاه والله تضحكي ياعفوفة2 عندك نهار وضاربة النح
هيا مالا كوراج ونصومو ان gرو....

 

[nada242008]

وهاذي كلمة واجتمعو العفوفات لعقوبة ينضمو البقية هيا انضمو.....انضمو
عفوفة راح تصومي غدوة ان شاء الله ولا لالا باش نصوم معاك
وحقة كيفاش درتي الكمونية تبان طايبة صوص حمرا

الجمعة لالا بلاك الحد والاثنين ان شاء الله
الكمونية حمرا غير الفلاش ما بينهاش مليح
رحيت الثوم 4 او 5 فصوص وقليتهم مع الكبدة مع رشة ملح وفلفل اكحل وفلفل احمر حار وحبة طماطم وم ك طماطم مصبرة ومرقت بكاس ماء وفي نص الطياب رشة كمون وكروية وحولي م ك خل او عصي قارص واللي يحب الهريسة يحط ورشيت عليها المعدنوس

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 11 (5 عضو و 6 ضيف) ‏عفاف الجزائرية, ‏ibtesem, ‏كوثر الوهرانية, ‏mouradka, ‏فوفة 2011+
بداو يرجعو النحلات لعشهم
نورتو الموضوع بسومة وفريدة

 

[كوثر الوهرانية]

اهلا بالحبايب والله توحشتكم بزاااااف وتوحشت لمتنا الحمد الله كي رجعت لينا و تلاقينا ن جديد
بصحت فطورك ندوشتي توحشنا اطباقك المميزة
اليوم درتلهم كمونية بصح الطريق تختلف على تاعك ندوشتي درت وصفة ام ايناس فريت وسلاطة روز
بصحتكم كامل العشاء و بصحتنا بعودت اللمة

 

[ibtesem]

السلام عليكم يالمة الخير
واش راكم لاباس انشاء الله تكونو بالف خير يارب
..............
عندي خبر ليكم
ايمان 27 اكيد مذكرينا راها في المستشفى الان
يمكن اليلة تاتي بمولودة نسموها اللمة برجوع اللمة
بنت اللمة الجديدة
....................
صح فطورك ندى صيامك في الجنة انشاء الله
....................
انا البارح عقبت امتحان البرمي ربي مكتبش
لكي نجحت في الدراسة والله بتفوق تاني وهدا بفضل دعائكم لي
ربي اخليكم ومنبعدوش على بعض ابدا ​

 

[ibtesem]

امممممممممممممم ياكوثورة
انا عدس ولا غيرو
رغم اليوم الروبو تاعي مي الله غالب مادرت راي ماوالو
كليت العدس وسكت ههههههههههههه

 

[كوثر الوهرانية]

هدا خبر مفرح اختي ابتسام الله يسلكها على خير و يعطيها سويعة ساهلة
متقلقيش روحك البارمي تجيبيه تجيبيه المهم قاريتك نجحتي فيها تحياتي ليك و سلام حار للاخت ايمان ربي معاها ان شاء الله

 

[كوثر الوهرانية]

بسمتي بصحتك العدس انا طيبت بصح ماكليتش غير شميت راكي عارف راني مع الريجيم

ايه لبنات حقى راني ربحت البارمي كي كانت اللمة مكانش تهنيت منه عقبال للغالية بسومتي

 

[nada242008]

عالسلامة فريدة وبسومة زينتو الموضوع
فريدة بصحتكم ديما عشاك هايل
بسومة الف مبروك النجاح والبرمي يجي في عقلو ههه
ايمان ربي يسلك وحلها.. يخي شهرها جوان
كي نسمع واحدة رايحة تولد يقعد قلبي معاها واكيد دعواتنا ربي يقومها بالسلامة
صح عشواتك كامل
حبيت نقلكم معلومة ياللي يتبعو ريجيم الشو راهو يدير الgواطر خوذو حذركم

 

[جزائرية كوول]

ما دام كاينة الماكلة ديمااااااااااا رانا هنا


يعطيكم الصحة لبنات
​

 

[كوثر الوهرانية]

منك صح ندوشة
انا راني ندير فيه

 

[عفاف الجزائرية]

يعطيك الصحة اختي فريدة ديما شاطرة وواحد ما يلحق بنات اللمة
بسومة طال غيابك حبيبتي وليك وحشة كبيرة وديما تجي وتجيبيلنا الاخبار الطيبة كي طيبتك
ان شالله ربي يفك وحلها ويسلك ركبتها كيما يقولو ويفرج عليها
لوكا علمت كنت وصيتها تدعيلي لانه دعوة المراة كي تولد مستجابة في دقيقتها تصعد للسماء
مالا ندوش ما نوصيكش كي تلحق ساعتك ما تنسايش تقولي يا ربي وتذكري اسمي اني نكتبلك ورقة هههه
​

 

[ibtesem]

فوفو متخافيش درك نكلمها ونقلها عليك
هذي دعوة زينة من عندي ربي افتحها في وجهك يارب
والله تستاهلي فوفا
انا وكوثر ونوال 80 رانى في رجيم وتحدي من يصل الاول ههههههههههه

 

[nada242008]

فريدة هذي الهدرة سمعتها من عند الطبيب يعني كثرة استهلاكوا تسبب مرض الغدد ربي يبعدوا عليكم والله اعلم.
فوفة هذيك الدقيقة ماتتفكري حتى واحد انا بنتي اللي ولدتها ماسعرفتش بيها هههه
والله دعواتي ليكم كامل عن ظهر غيب

 

[عفاف الجزائرية]

عارفاتك يا اختي ربي يخليك ليا على الدعوة الزينة
ايييييييه يا ابتسام والله تحجي فيا
اذا حكيتي معاها قبل ما تولد
سلميلنا عليها اولا
وقلها قاتلك عفاف ادعيلي ربي يشافيني ويلحقني وين راني ناوية ويهنيني ويعطيني على قد قلبي ويرضي عليا و الوالدين
​

 

[روعة2005]

سلاممممممممممممو عليكم اولا ربي يسهلها على ايمان ويجعلو من عباد الله الصالحين
ومبروك عليك النجاح بسومة الرسمي في القراية البرمي حاجة زايدة وقت ما جا في عقلو يخي كاين لي سوق بيك....هههه
وربي يحقق اماني عفوفتنا الحلوة ونزفوها لبيت العدل الزين
وهذه 100 الف فيخاطر كي رجعنا .............نحسب روحي براحة في عرس

 

[ibtesem]

والله هدا وين كلمتها وقريتلها واش كتبتي
والله قالتلي انشاء الله ندعيلها
راها قالتلكم الحمد لله على رجوع اللمة من جديد

 

[كوثر الوهرانية]

ايييه يا عفاف ياختي ربي ينولك الي في بالك و يحققلك جميع امنيتك ادر يا كريم
ندوشتي والله غير خوفتيني من هي لاسوب بلاك نقلبها خضرة مفورة وخلاص

 

[IMANO77]

كم اشتقت لهذا القسم لام ندى وكوثر الوهرانيه والمتميزة عفاف الجزائرية وبقية الشله

الذ الاطباق واحلى بنات اللمة

دائما اراقبكن من بعيد عسى ان يكون لي موعد قريب للمشاركه معكم


ساضل اتابعكن واصور ما اقوم بطبخه حتى يتسنى لي ان اشارك ما ان انتهي من الدراسه ان شاء الله