تشفااااااااو يا لبنات كي كنا صغار..................

[مرام التيبازية]

ههههههههه انا نشفا
نسيتي وحدة غير ادا نتوما ماتلعبوهاش مانعرف
شومبيونا ..........بالمقافل تاع القازوز نلعبوها
و زيدي تاني **البف** حنا نقولولو هاكا نتوما ماعمباليش واش تسميوه
لي نديرو ساشي تاع حليب و نعمروه بالحشيش و 2 بنات يضربو و الباقي في النص و لي يمسوها تخرج من اللعبة
انا هادي اللعبة لي كنت نحبها بكري
اااااااااايييييييييييه وين راحو هادوك ليام ...

شكرا على الموضوووووووووووووووع الرائع ختي
ولله تستاهلي تقييم ....

سلام اختي احنا هاديك يسموها في تيبازة قصدي في ولايتنا
صيد السمك

 

[مرام التيبازية]

سلام موضوع شباب يعطيك الصحة
انا رمضان اللي فات حبست اللعب ودرك توحشته بزاف

 

[re..sonia..da]

سلام موضوع شباب يعطيك الصحة
انا رمضان اللي فات حبست اللعب ودرك توحشته بزاف

الله يسلمك خيتو

لاه حبستيه مازالكي صغيرة

تكبري وتندمي على هاذ ليام لملاح زيدي رمضان هاذا وحبسي

ههههههه

ايا هاكي هذي هدية من عند ختك صونيا

 

[نرمين]

hhhhhhhhhhhhh wllah fekartini f yamat zman nhar niya w lbal merta7 nsiti le3ba "kra3 echitane" kona nsotiw 3la rjel wa7da men troutoire l troutoire w li yte7kam ra7et 3lih hhh
merci 3ala ri7la 3abr azaman​

 

[دوار الشمس]

ههههههههه .. عادت ذكريات .. ما تتناساش

 

[mouna1993]

كاين كادووكاين الي ايقلو بف نلعبوها بشكارة حليب ونعمروحا بالكتاتن والساشيات ونلعبو بيه هادي احسن لعبة كنت نحبها والغومايضة نروحو نتخباو وحدة تحوس علينا ولي تلقاها لولة هي لي تخمد
مغامرات درت كي كنت صغير لعبت بزاااااااف

 

[nawal 88]

ياحسراه على الصغر لي حكيتيهم كامل كنا نلعبوهم وراني نشفا على البساة لخرا فينا نقولولها باسا نهار العيد تلبسي حلاسه وتبدا تبكي مانلبسش هههههههههه
ونشفا على الكيني نلعبوه بالحطبة واحد يرمي ولوخر يحكمو و لا يطيشولو ويا سعدو لاجا في عينو ولا راسو ثم خلات ههههههههه ويبدا ان كو دوكو تروا كو ورايحة ياحسراااااااااااه


بنات ضروكا ماتلعب ماوالو دايرتها غير على اللبسة وتقلاش وهي مزالت في gاع الارض يادرا حنا لي

 

[Melia azedarach]

أنا والله بيا وحيـدة كي تضيق روحي نلعب ونط لحبل ..مراتش لاماريـن والكرود مزالني نحبهم ..بصح وحدي متحلاش بزاف مش كيما بكري نلعب مع صحاباتي ..

مي دوكا بنات الحارة الصغار جامي نشوفهم يلعبي فيهم ..كلي انقرضو الألعاب هذو ..توحشنا نشوفوهم ..
دوكا نشوف فيهم غــير يلعبو في الأرض الطيبة وأفلام أخرى .. يعاودو يمثلو فيهم ..
دوكة الطفولــة صامطة مي بكري حلوة تهبل
توحشــت الطفولة نتاع بكري يا حسراااااه

مارسي صونيا ع الميضوع ..
ورب يحفظك

 

[lamilam88]

قبل ما نلعبو كنا نغنو وكل مرة تخرج وحدة واللي تبقى هي اللي تغمض
كيما شادي قطع صباطو واش جاز عليه رومي
واش في يدو سلة
واش فيها تشينة
شحال من حبةةة زعما اللي تطيح فيها الدالة تقول العدد اللي تحب زعما 4
1 2 3 4 و اللي تجي فيها الربعة تخرج
اييييييه على يامات زمان راني حسيت روحي عجوزة
كنا البراءة المطلقة
كي نتفكر نرجع.​

 

[mimi34]

ههههههههههههههههههه والله عندك الحق جارتي رانا كيفكيف مام حنا في البرج نلعبو كما انتم اييييييييييييييييييييييييه فكرتيني صح فيهم وتشفاي كي كنا نديرو دويرة افتحي يا ورده اغلقي يا وردة ههههههههههههه والله حاله صح

انا ضرك صح صح منيش نشوف في ولاد الكارتي يلعبو خلاص ونزيد نقولك ادا لعبو تسمعيهم غير يزغرتو على وحده تزوجت يسما باغيين يتزوجو برك هههههههههههههههه

يخي جيل يخي


مرسي على الموضوع الشباب,,,

 

[شيماء39]

ايييييييييييييييييييه على ايامات بكري شحال مليحة

مشكووووووورة للتذكير

 

[naGam]

اختي اللعب كامل كنا نلعبوا فيهم ماعدا انتاع لكرود برك مانعرفهاش
وكنا نلعبوا في لعبة الكوادوا ولا البف
والعاب بزاااااااااف منين كنا صغر
شكرا ليك اختي احلى ايام العمر كون تولي ياحسراه
​

 

[نجاة40]

ohhhh maman j'ai mal au coeur vite vite au docteur c'est ma sac 3 couleur ver blanc et rouge
هههههههههه هاذي اغنية نتاع لحبل مي حنا كنا نكرفسوها حرف حرف زنقة زنقة
انا كنت نكري الفيلو نتاعي ثما قليل لي عندو فيلو وغير لي يحب يجرب نقولو هات الف ودير دورة منا لهيه
حنا كنا نلعبو لعبة سموها الحصن كيما لي يديروها فالتيليفيزيون بكري اذا تشفاو
يتخباو فالباطيمة وتدخلي انتي تجيبي الكنز وتخرجي بلا ماينحيولك حاجة وهوما لداخل يديرو فخات وعفايس تخوف ويحاولو ينحيولك الكنز باي طريقة لعبة مليحة بزاف
لعبنا ثاني ايسبري اللعبة نتاع الكاس هاذيك
كاين نتاع بابا بريسلي انعم وليدي منين راح نادخل من الباب الشرقي ....... حتان نخدمو سنلسلة
كاين البف يبالي تعرفوه كامل نعمرو الشكارة نتاع الحليب وندبرو مقافل نتاع الموناض نحطوهم فوق بعضاهم ويكون واحد عساس مايخليش حتى واحد يطيح هادوك المقافل بالشكارة نتاع لحليب لعبنا بكري العابنتاع ولاد صغار صح صح
انا والله فت على جاراتنا صغار لقيتهم يلعبو قاتلها نلعبو لعروسة ولعريس ديري انت لعروسة بصح منين نجيبو لعريس
حبستلي مخي
مشكورة على الموضوع فكرتيني بايامات من احلى ايامات حياتي
​

 

[PinkShadow]

yooooooon 3lech 3lik tfakri fiya .....7na fi 9santéna presque kifkom ....besa7 -la marinne- nsemiwha "el baradi" kouna nla3bou lghomayda, lcadou, recheyga fechta,fesayf kouna njibou chkayer te3 esmid wenkhaytou fihem,lekrich te3 lbouchounet, el jenna wenar,wel 3echa biensuuuur "ida ma ymedoulnech ematna lkhodra lemporya nebdaw nlabzou betrab wel bze9 lol" wkayen wa7doukhrine mé nsithom dommage...emma leghneyet iiiiiih makatarhom : "7abb batata 7aba etnine weselemna filastène filasténe bledna wel yahoud klebnaa do9o 3la abwabnaaaa tiiiiine tiiiiine ....- zambarita takarkoubani alfi chahrine takarkoubani...-jaaariya ya jari ééééh ena 3arabi ééééh dakhaltou lboustene éééhhh ra'eni l3asses....-9ad kena 3andi boulbouloun- sanchirou el mouhiiiim 3eaaaam ....wleken 3la el jill heda men nhar kberna 7na 3ad lkarté ta3na faaaaaaregh wsamat MACHKOURA 3la hed lmaydou3 yhebel ^^

 

[madridista]

هههههههههه
رااح اللعب تبدلة العقلية ضرك راكي علابالك

ياليت الشباب يعود يوم

شكرا لكي عمتو على الموضوع الرائع

 

[القطة الزهرية]

ههههههههه ربي تعيشي فكرتيني ياحصرا تقول كنتي تلغبي معايا نفس مغامرات صغري حكيتيهم والله وهكا بعد نسميو لعباتنا ..........مشكورة

 

[أية الهدى]

فكرتينا بهاذيك الايامات الحلوة
الالعاب اللي قلتي عليهم كامل لعبناهم
وكاين اخرين لكن مانيش متفكرة كيفاش يسموهم
ولدرك مازالو يلعبو فيهم كي نعود ماشية
في الطريق نشوف الاولاد الصغار يلعبو
نضحك ونتفكر ايامات زمان ​

 

[*امينة*]

يااااااااه يامات شحال شابين
كبرت بالخف هههههههه
والله غير نتوحشهم يسرتو تاع العشة
هاديك وحدها
صحيتي اختي على الموضوع الشباب
​