- إنضم
- 14 جويلية 2008
- المشاركات
- 3,676
- نقاط التفاعل
- 2,253
- النقاط
- 191
- العمر
- 38
- محل الإقامة
- وادي سوف
- الجنس
- ذكر
i-o: i-o: i-o:والله تعبت معاهم
ماعرفتش كيفاه ندير تو ( ذرك ) مع الاعضاء
مافهمتش عقليتهم كيفاه
::
::
اخاه الموضوع اكتيفاوه انا قاعد نحكي وحدي
سلام عليكم ورحمة الله
هاصحيتو كامل
:shiny: :shiny: :shiny:
ديرو رواحكم ماشفتوش وش كتبت اني كنت نخربش برك
ياك تعرفو sahiko
حقا سيبون وليت sahiko hamza
وماتنسوش تباركولي اني رجعت عضويتي لقديمة
من قبل كنت
والعضوية تاع ذرك راهي
http://oi54.***********/fp2vd0.jpg
الفرق الوحيد هو رقم العضوية وتاريخ التسجيل
لا علينــا ذرك على حساب العنوان مافهمتو والو
مي بلاك كاين شي ناس فهمت على الاقل 1 %
ماضنيتش وبلاك طولت
قبل مانبدى الموضوع نقلكم على الطريقة كيفاه
من قبل كنت نحط موضوعي على شكل خواطر ونحط فيه شرات
مي المدة لخرى ماعدتش نحطهم بويسك الاعضاء مش كامل كيف كيف
فيهم 12 سنة وفيهم اكتر شويا وفيهم لي صافا العمر تاعهم وفيهم مام المزوجين ...
بون اليوم جبتلكم موضوع ماعرف قديم ولا جديد
مايهمنيش انا موهيم الفكرة توصل لمخك لوكان راهو مخدوم بلحديد
شاوي كنت ولا قبايلي عاصمي ولا شرقي
نايلي ولا سوفي صحراوي ولا شلحي
ياخويا ... ختي الموضوع راه ليكم اتهلاو فيه
hamzahiphop جاكم بعد غيبة كبيرة راح ترحبو بيه ؟
من قبل كان يطاكي غير فلبنات وزوفرا هنا فهاد القسم
كانو اعضاء قدم وينهم كي نتفكرايام زمان نحس روحي فحلم
آنبوسيبل ننسى ديك لعراكات فالمواضيع مع سي طرطور و fidou
انبوسيبل ننسى التمهبيل تاع أهراس الجيري والبرامج تاع zazou
بصح دوماج hamzahiphop راح bannd وجا من وراه hamza_39
ونفس العقلية يزيد يتعرف على اعضاء اخرين بصح كان حاكمهم الزعاااف
ماعرف ديما منارفيين متشائمين ديما مواضيعهم يقولو رانا كارهين
بصح عجبوني فوحد الموضوع كي جا رمضان قالو رانا جيعانين
وبلا ماننسى موضوع تاع 1...2...3..4..5 طيشو عضو من باطيمة
كانو لاباس مقصرين لاباس بصح جاتهم هذيك الموصيبة
تاع احم احم الداربي لكبير ... لالجيري كونطر ليجيبت
نصكم بلاك كان حاضر كي كانو يدخلو كنا نقولو على كلامهم تبلعيط
و ( طيــــــــــــــــــــــــــــــــــــــط ) ... نسكت خير مانحبش نذكر سيرتهم
بويسك اني انسان مخي خامج على جال لالجيري مانحبش حتى ريحتهم
موهيم شويا شويا وزاد راح h@mza_39 بصح يدخل sahiko
بعقليتو المهبولة المريولة المجنونة المليانة بالشرات
دخلها انسان خاطيه لباسي تاع اللمة دخلها مايعرف حتى واحد
دخلها ديركت سابوطوه مي أفون يعرف العقلية مايتخدعش وقلبو مزال واقف
على اجماعة لي كانت جايبها ( طيـــــــــــــــــط ) ... قريب نوض با Gـــــــار أخرى
تتخلى عليا ونزيد نروح باند بصح لا جيت نفرغ قلبي ونقلكم كلمة وحدة
انت هو انت عضو ولا راك عبد ولا ومشرف ولا حتى راك إداري
ميهمش غدوة راح تتحاسب على كل حاجة درتها بالفوريم ولي صاري
هاو نسكت ذرك ونقلكم اني عييت من لكتيبة والتخمام
بصح كي نفكر فيكم توجوغ نمشي للقودام
بويسك مشي نهار مشي زوج ماشي تلاتة
راها 3 سنين هنا باللمة يادرى راها كافية
باش ننساكم موحال بش نخطيكم غير انسوها
مالا من ليبارول تاعي غي قولولها
ياللمة وش درتي فيا ولا وش درتي فينا ؟
احكيلهم كيفاه زوفرينا
احكيلهم كيفاه قاسينا
احكيلهم اكزاكتومون 2009 نهار قالو ماتت يمات العضوة هديل
وتقلبت الحالة وكيفاه الاعضاء كامل دارو حالة حتان جاتهم سلسبيل
احكيلهم اللمة كيفاه كيفاه جا اول لقاء عبر المنتديات وبالصور
احكيلهم كيفاه نقطع 600 كيلو ونتصورو بحذا لبحر
احكيلهم كيفاه وزيدي احكيلهم كيفاش كنا خاوة
ماكانتش الراسيزم تاع ذرك
ماكانتش السماطة لي راني نشوف فيها
مانقولش اسمحولي بويسك راكم ديرو فيها
هارجعولنا آيامات زمااااان وخلونا نشوفو اعضاء ماشاء الله
وماتخلوناش نكرهو رواحنا ونهجرو للفايس بوك
تعلمو حب بعضاكم ماشي تتعلمو كيفاه تضحكو على رواحكم
هااااااااوش بينا هاسيدي احنا هك ؟
علابالي كون نكمل مانحبسش ...... ...... ....
لي ماذكرتوش فموضوعي اني حاطو منهيكا فبرنامج اذاعة اللمة يروح يشوف اسمو :schmoll:
اللمة فيك حكايات وحكايات .....................
