زواج ولقراية ولخدمة ؟؟؟؟؟؟؟؟؟؟؟؟

[samou.dz]

مشكوووورين على الردود
انا تاني راني مع ليتكون فاهملة وعندها دبلوم في يدها كيما يقولو لعجايز
مي لازم الراجل هو ليخدم ويصرف ولمرى تربي ولادها ومتخليهمش لاكر اش يربيهم

 

[إيمان قلب]

السلام عليكم ورحمة الله تعالى وبركاته
تبانلي تعليم الطفلة حاجة ضرورية ولازم منها
والخدمة تحبس مع اللي يجو الأولاد باش تتفرغ لدارها وولادها
أاما اذا كان الراجل مسؤول وهو حب نقعد فالدار حتى قبل مايجو الذراري
مكانش اللي تكره تتربع على عرش الأنوثة وتقعد في دارها معززة مكرمة
يعطيك الصحة خيتو على الموضوع
سلامي​

 

[M!ss_f@ti]

مرحبااااااااااااااااا

بالاك أنت أكثر وحدة تعرف رايي في الموضوع ,,,

لي يخدم يخدم باش يتهنى في حياتو, مي لمرا كي تخدم تزيد على روحها المشاكل والتعب ...... مانروحش بعيد في جانفي برك على قداه كنت أنا نوصل للدار ؟؟؟ ماشي على 16.00 ماشي على 17.00 نوصل على 18.00 والمغرب يكون عندو نص ساعة ملي أذن ... قوليلي لوكان جيت مرا ° راني ضرك شابة ° هههه وقتاش نوجد لراجلي لعزيز ؟؟ وقتاش نغسل لماعن ؟؟ وقتاش نشوف ولادي ؟؟ وقتاش نعطيهم شوية حنانة ؟؟

راني كثرت الهدرة ,,, تشفاي على هاذ الموضوع كيما ناقشناهـ مع أستاد السبور ؟؟ رايي مزالو هو هو

أواه أنا عجبني الموضوع ومزال عندي واش نهدر ,,, واقيل نجيك للدار باش نشرب شوية اتاي ههههههه

ميرسي عليك حنونة وفي حياتك هههههههه

 

[dana1993]

×× السلام عليكم××
موضوع باهي بالبزاف|
القراية مليحة ايه
هي سلاح في يد اي واحد سواء طفل او طفلة
ماعليش يقرا بصح ااخلاق قبل كلشي
صح المرا اخرتها دار راجلها
بصح واش جاب لمرا الفاهمة لي عندها فالراس
للمرا لي مخها فارغ
ايه ماعليش تقرا تقرا توصل لنيفو مليح باه تطور داتها وعقلها ماشي عير باه تخدم
حتا كي تحكم الدار مافيها والو

القراية هي مجرد سلاح تلقاه في حياتها و في اي وقت تجبدو

ربي يصلح الاوحوال






​

 

[AHLEM1992]

من قبل كنت نقول نقرا و معليش ما نخدمش
مي كي راني نقرا في الجاميعة نبات سهرانة حتى للـ5 تاع صباح نرقد ساعة و انوض قبل 7 باه نروح نقرا
نظل نقرا و نتعب و قاتلة روحي على القراية لازم نخدم من بعد
و ادا قالي حبسي الخدمة يعطيني الاسباب لتم تكون واضحة ما يقوليش ماراكيش تدخلي بكري( ما نخدمش الخدمة الي تفوت 5)
حاليا كامل الجزايريين يقولك ما تخدميش ماراحش نبيتك للشر
يخمو غير على هاديك الجيهة نقولو متلا هدا السيد يخلص 3 ملاين واش راح يدير بيها
و خمم يدير دار لولادو ولا يحب يسكن مع فاميلتو لطول حياتو ( راني نهدر على واحد متوسط ماشي الي عندو دار )
خلصتو ماراح تكفي لوالو لازم مرتو تعاونو شويا
كي يشري دار هي تحبس الخدمة mdr
بارك الله فيك ختي
يعطيك الصحة
​

 

[نجاة40]

انا الحمد لله كاين لي يفهمني ويقولي ماقريتيش باش تقعدي فالدار
كملت قرايتي وراني نخدم ماشي على جال الدراهم برك مي مليحة الخدمة تعاوني الناس وتشوفي وتتعلمي
مي كي تقعدي فالدار مايكون علابالك واش راه صاري برا وديما تلقاي روحك لا علاقة مع الناس
انا شفتها وبزاف قالولي ااخدمي نساء ورجال ثاني
صح لازم تضحي وتتعبي باش تربي ولادك وتحافظي على دارك
انا نقولو اذا شفتني مقصرة نبطل مي اذا قايمة بواجبي كزوجة وكأم ماعندوش الحق يحبسني​

 

[جوانا]

chofi li takhrej 3lik w ta3arfi rehak bali takadri diriha

w kima kolti elmra mahma tdir rahi ma3refa win rayah ghil dar rajalha w takwin osratha

 

[نسيم الربيع]

انا الحمد لله كاين لي يفهمني ويقولي ماقريتيش باش تقعدي فالدار
كملت قرايتي وراني نخدم ماشي على جال الدراهم برك مي مليحة الخدمة تعاوني الناس وتشوفي وتتعلمي
مي كي تقعدي فالدار مايكون علابالك واش راه صاري برا وديما تلقاي روحك لا علاقة مع الناس
انا شفتها وبزاف قالولي ااخدمي نساء ورجال ثاني
صح لازم تضحي وتتعبي باش تربي ولادك وتحافظي على دارك
انا نقولو اذا شفتني مقصرة نبطل مي اذا قايمة بواجبي كزوجة وكأم ماعندوش الحق يحبسني​

وعلاه ختي شكون قالك اتحبسي فالدار
عادي متخدميش بصح تخرجي كيما الناسا كامل فحدود المعقول مشي معناها تتحبسي فالدار

نرجع للموضوع
انا كونتر المرا اللي تخدم
دارها ديما مهمله ومستحيل تتهلى فدارها وولادها وراجلها كيما يلزم
تبالي اما تخدم ومتزوجش اما تزوج وماتخدمش
بصح اذا جمعتهم في زوج ماتحكمها لاخدمه لا دار تهملهم في زوج
هكا يبالي والله أعلم
مارسي عليك​

 

[w@hiba2010]

انا بالنسبة ليا الدراسة اهم شيء

لان الدراسة هو سلاح لمراة في يدها
وتكون المرا باقميتها
وماشي شرط تخدم ولالا
المهم تكوني عندك حاجة في يدك
كم بعد يجي زواج بيانسور

كي تجيبي الديبلوم ديالك
مايلزمك غير الراجل الي يسترك


كيما قليتي
هاد الزوج حوايج مهمين بزاف
لينا احنا لبنات
ولازم نبنيوهم شوي شوي

وكل بنت ربي يعطيلها ماتتمنى
تقبلي مروري احبيبتي

 

[hiba14]

نقرا وي نخدم لا
نخدم نهار الللي نحتاج صح صح و علابلي بلي راجلي راجل ويستاهل باش نخرج و نعاونو
بنت حارام اللي تبغي الدراهم اكتر من مقدور راجلها المهم السترة
و ماعلاباليش

 

[adel-mz]

هو المرا لي تقرا معليش مي بعد تكمل تريح في الدار ونبعد جيها مكتوبها ويرزقها ربي راجل صالح يخدم عليها وعلى ولادتو وليداتها ، وقضية المرا لي تخدم من اجل واحد مايعطيلها وما يصرف عليها هادو ناس ماشي شادين في ربي برك
خاطر المرا ليها الدار تقري ولاداتها وتربيهم وتعلمهم خاطر نتي المدرسة ثاني تقوم بدارها كيما يلزم مام الراجل يقوم بيك ويعطيك كامل حقوقك ويحققلك ما تتمناي وناس بكري يقولك المرا الشمعة نتاع الدار .

 

[13matmour]

اختاه كل فتات و الضروف الي تتربى فيها مثلا فتاة تشوف يماها عانات مع باباها و ماعاشتش مليح تقلك نقرى نأمن مستقبلي و كاين فتاة عايشة الحب مع حبيبها ولا زميل يقرى معاها عندو هي الدنيا و مافيها علابالها الي تطلبها بين يديها ماهيش خايفة تبانلها زوجها خير من الدنيا و مافيها اما رأيي الخاص الطفلة مهما كانت ضروفها مليحة في الوقت هذا لازمها تقرى لخاطر ماعلابالهاش واش يخبي القدر ربما يجي ضرف الي يخلي حب سنين يتبخر في ريح عابرة و ربي يسهل لكل انسان مبتغاه

 

[N@riM@N]

وعليكم السلاام
نقرا باه نخــــــــدم سي سا

​

 

[Houda Chaouienne DZ]

ماكانش ضمان للمرأة كيما قرايتها
لازم ما تفرطش فيها أبدا مهما كان
و الزواج راو كي يجي وقت يجي المكتوبم
مي الخدمة كل وحدة و ظروفها
و أنا شخصيا مانقدرش مانخدمش
إلا إذا ظروف قاهرة

شكرا ع الموضوع
​

 

[fille unique]

الصح في القراية بصح الخدمة نورمال لوكان ماتخدمش
الا للضرورة اذا ماكانش عندها
و نقلكم حاجة المراة كي تكون قارية و فاهمة و تصيب راجل مسقم je pense pa بلي تحوس تخدم تشد دارها و تقري ولادها
موضوع رائع شكرا

 

[الورد الأحمر]

أنا رايي من رايك نقرا ونخدم وباقي الشي ما يهمني
قرايتي تدوملي ديبلومي يبقى عندي
مي الانسان فاني يعني راجلي ما يخلدش
واش دراني أنا نتزوج من يموت من
كيفاش ندير ؟ ولا ندير معاه الدراري
شوية ويموت منين نصرف عليهم
مالا لازم نحكم هك وهك
مغسي عالموضوع
سلامو
​

 

[faida]

يا خاوتي . . . الخدمة مليحة و الخدمة عبادة . . .

و المرة الي خدامة نستعرف بيها . . تجيب دراهمها بعرق جبينها ما تحت لحتى واحد و خدمتها تصيبها في عقوبتها ( ما تطيحش كامل اومبان ) و تزيدها ثقة في النفس

اما الزواج مليح كي يكونو خدامين في زوج باش اولادهم ما يحتاجو لحتى حاجة

 

[تاج الجزائر]

وعليكم السلام

العلم نور والجهل ظلام

والخدمة سلاح المستقبل

للزوج ملاح سواء تزوجتي ولا لا

بصح كاينة حاجة اذا ربي جابلك واحد لي يهنيك وحالته المادية تكفيك باه تعيشي معززة

مكرمة مافيها والو اذا طلب منك ما تخدميش كي يديك ونزيدو نقطة لهاد الشي وهو المهم

لازم يكون ذو اخلاق عالية ومتدين مشي غير يقدر يعيشك غاية وهو لا عقلية ولا والو

لا ختي لازم تشوفيها من كامل النواحي

انا ثاني خدامة ولوكا يجيني كيما قتلك نبطل نقبل بيه

وليا جاك لي حالته متوسطة وهو باغي خدامة اذا توافقت افكاركم مع بعض ثاني نقول الله

ثبت زواجكم ويهنيكم

كل واحد وتفكيره

انا هاد راي

موفقة ان شاء الله في حياتك الدينية والدنياوية ربي يحفظك :shay:
​

 

[hannsg]

يا خاوتي . . . الخدمة مليحة و الخدمة عبادة . . .

و المرة الي خدامة نستعرف بيها . . تجيب دراهمها بعرق جبينها ما تحت لحتى واحد و خدمتها تصيبها في عقوبتها ( ما تطيحش كامل اومبان ) و تزيدها ثقة في النفس

اما الزواج مليح كي يكونو خدامين في زوج باش اولادهم ما يحتاجو لحتى حاجة

والله كي نسمعكم تهدرو هكذا نتخلع نحس شغل لي راهي قاعدة في الدار راهي تطلب ماشي متزوجة؟
ياو راجلها يصرف عليها و بلا مزيته هذا من واجبه عليها و لي عندها ثقة في نفسها عندها ماشي الخدمة لي تبني الانسان
و نظن المرا لي تفضل المادة على عايلتها يجي وقت و تندم و الله اعلم

 

[hannsg]

أنا رايي من رايك نقرا ونخدم وباقي الشي ما يهمني
قرايتي تدوملي ديبلومي يبقى عندي
مي الانسان فاني يعني راجلي ما يخلدش
واش دراني أنا نتزوج من يموت من
كيفاش ندير ؟ ولا ندير معاه الدراري
شوية ويموت منين نصرف عليهم
مالا لازم نحكم هك وهك
مغسي عالموضوع
سلامو
​

هههه بابابا البنات تاع ضرك يديرو واحد الحسابات هههههه i-o:
ولاو الرجال يديرو النية اكثر من النسا هههههه