تبهديلة في المسجد،وفي اول ليالي رمضان

[°/°مبدعة اللمة°/°]

ـــــــــــــــــــــــــ×ــــــــــــــــــــــــــ السلام عليكم ورحمة الله وبركاته ــــــــــــــــــــــ×ــــــــــــــــــــــــ
واشكم؟راكم لباس؟الحمد لله
واشوا رمضان من ثم؟راو ضيف خفيف ولا؟؟؟
اعلبالي بيه خفيف المهم ستغلوه في الصلاة والعبادة و اعمال الخير والكف عن المنكر...
ااا،بمناسبة الحديث عن الصلاة موضوعي اليوم هو التبهديلة تع المساجد الي نورمالمون تكون مجهزة من قبل بش تستقبل المصلين على اكمل وجه...
راكم حايرين كفاه؟
يا سيدي اول نهار من رمضان كنت قاعدة فاكوزينة بعد الفطور نلم،حتى جاتني جارتنا قاتلي رانا رايحين نصليو كان
تجي معانا،انا مذبية نروح وقتلها دقيقة نلبس الحجاب والخمار ونجيك ،مالة رحنا،والوالد تاعها قالنا نديكم لمسجد موالف نروح ليه رراو مليح،بيانسير هو بانلو مليح لانو مطلعش الفوق لتع النسا
المهم عملنا على ربي ورحنا:دخلنا للمسجد وفرحنا كي لقيناه معمر بالغاشي قلنا صح،راه مليح هاذ المسجد
مالة دخلنا وبالسيف ملقينا بلاصة ايا شفتهم كامل هازين المصاحف ومش ن الاول من سورة البقرة يعني نورمالمون يبدا من سورة ابقرة سققسيت وحدة قاتلي لا رح يبدة من سورة التوبة ويمشي وبعد يرجع
انا حرت ،مالة انا هكاك ووحد المرا جاتني قاتلي اسمعي نتي؟؟؟
قتلها وش كاش مكاين ختي؟غير الخير..؟
قاتي من الصباح ونتي تديري فالفوضى ومخليتيناش نركزوا...
اوخذي قلتلها ابنتي احترمي البلاصة الي راكي فيها ياو كون مجيناش في مسجد راني .....
قاتلي:ااا،وشبيك نقلك بعد الصلاة نتلاقاو...
قلتلها:بإذن الله
هذي الكل ياااو نورمال سوء تفاهم
المهم والاكثر راو جاي...........
اسيدي كي جينة نصليو صلينة العشا ومنعد كي جينة نبداو للتراويح طفاو الضو
وهاك المرشدة عملت الديودورون وريحتها عمت المسجد
يااا والله ميحشموا....

ايا كي بدا الامام هزينا المصاحف باه نتبعوا معاه ومنسهوش عالصلاة مالة طفا الضو
ومناش نسمعوا في والوا ؟؟؟
ياو البارلور قالك فاسد؟؟كفاه فاسد وكان يمشي
قلنا لعل الضو راح ؟مي كفاه والكليما تمشي؟

ا وش هالحالة ؟؟هذذي.......
مقدرناش حتى نصلو ونخشعو وحدة نخرنن ومرا تحوس على بنتها
وعزوز راقدة وقاعدة تشخر
يااا ربي.......
المهم بعد الصلاة جات هك المرا وقاتلي :
دوووووووووووووووووووووووووووووووووووماج
قتلها:علواه؟{توكلي كعبة فروماج}
قاتلي:هههه ،كنت نتمسخر عليك،شفتك مشك زاهية وتحلقي ايا قلت نضحكك
وانا قريب نحكمها بالكفوف نوريلها
خرجت وخليتها
ربي يهدي
تم الموضوع:انا حبيت نوريلكم المعاناة
ياا وكتاه برك نطووروا
××××××××××××××××××××××××
صحة فطوووووووووووووووووووووووووركم
××××××××××××××××××××××××​

 

[انتصار*]

صلي في الدار خير ...الصلاة مع النسا فوضة ونميمة وتكسار الراس .........صح رمضانك
​

 

[{مُدَلَّلَتُهُ}]

hhhhhhhhhh dhoha khti tsema soufriti lah yehdi ma khla9

la nti kanet ghi ted7ak m3ak 7na wa7d el nhar w 7na nsalou f tarawi7 ( ghi el sna ) dabzet wa7d el mra m3a tofla tekhla3na fel hadra li galethalha tgoul ma ranach fi jama3 w darou pause w kemlou dbazhoum mba3d el tarawi7 hhhhhhhh ana g3adt makhlo3a


sa7a ftorkoum

 

[جمال و]

ربي يجيب الخير اختي وربي يتقبل منك صلاة

::
​

 

[طيف الامل]

الصلاة في الدار احسن المشاكل حتى في بيوت الله ربي يستر

 

[ندى 1997]

nsa tro7 3la jal 7bibtha wla jartha t7i m3aha

 

[aneshabib]

انا وكان تساعفيني صلي في داركم خيرلك خاطرش ما يخلوكمش النسا تصلو في خاطركم وتركزو وتصبح صلاتكم باطلة وتوليو نادمين على المسجد وهاذي راهي كامل في لالجيري يظل يبهدل فيهم الامام وما يحشموش وراهم كامل يشكووو من هاد الفيئات اللي يديرو الفوضى والله يتقبل منكم ومنا ان شاء الله صح فطوركم ورمضان مبارك

 

[adel-mz]

ياودي صلي في داركم واتهني
حنا نعرفو الصلاة للمرا في دارها خير
تدي اجر اكثر من الجامع
سلام
.
.
.
​

هاداك هو المراة صلاتها في بيتها احسن على خاطر النسا دير الحس والشياخة داخل المسجد الا البعض .

 

[DARINE05]

rbi yhdihom merciiiiiiiiiiiiiiiiiiii

 

[bossdz]

سلام عليكم وصح رمضانكم
اختي الكريمة

قاتي من الصباح ونتي تديري فالفوضى ومخليتيناش نركزوا...
اوخذي قلتلها ابنتي احترمي البلاصة الي راكي فيها ياو كون مجيناش في مسجد راني .....
قاتلي:ااا،وشبيك نقلك بعد الصلاة نتلاقاو...
قلتلها:بإذن الله

اذا كان هذا الكلام صحيح انصحك غير صلي في داركم بزاف اعليك
ونتيا رحتي للدبزة
ما تقلقيش ووسعي قلبك
صح فطوركم
​

 

[NINA_c9]

وعليكم السلام
انا كنت نصلي المسجد لا دك راني في الدار
تشوفي لعجب تم الصغار يضحكو ولعجايز يبهدلو في الناس ياوووو تشوفي الامام توالنا دارلهم درس هادا يجيبو الخبز فيه كونفتير والفورماج ويحطوه في التاقة وقرع الماء والكيسان في الصلاة مدايرين حالة بالتقربيع
ربيه يهدي خلقو صحبتي لقات الاستاذة نتاعها كي خلصو الصلاة يسناو كي يخرجو الرجالة منبعد يخرجو النساء امالا سلمت عليها والغاشي متلقايش وين تتحركي تكلمتلهااااااا وحد المراة اسمعي .............. بعدي من الطريق خلناااااااا نفوتواااااااااا وبالسبان يخي حالة ربي ورحمته ميعرفوش قيمة المكان لي راهم فيه
مرسي اختي صلي في الدار خير لك

 

[°/°مبدعة اللمة°/°]

السلام عليكم ورحمة الله وبركاته
شكرا على ارائكم مي رانا فيdz عقلية dz
هه والفنا
لا انا اصلا مكنت نروح للمسجد غير كيجاتني هي​

 

[مايا الجزائرية]

هادا مسجد هاكدا الشي يسمع شي تقول حاجة وحداخرا

 

[SAFA-94]

انا اول يوم رمضان رحت نصلي التراويح قالونا نتاسف لعدم حضور الامام ولدا لايوجد صلاة التراويح اليوم ومبعد صلينا العشاء وجينا مروحين ههه
ومانحكيش على الفوضى الي في الجامع

 

[مسلمة وافتخر باسلامى]

انا العام الى فات صليت الاواخر فى المسجد روعة والله
ساحة المسجد كبييرة وهو ملحق خاص بالنساء
كل واحد ياخد زربية تاعو ومصحف
والناس مرتبة
والكبارات وحدهم كاين اللى يحطو كراسا يقعدو كى مينجموش
ونسمعو روعة والامام يقرا مليح الله يبارك
مشفت حتى مشاكل الله يبارك
وهدا العام رانى فى الدار ويما راهى تروح والعشرة الاواخر انشا الله بالاك نروح
بصح حبيت نفهم علاش حنا الجزائريين عندنا العنف بزاف وبلخف نتقلقو
الرجال نقولو بالاك بصح النسا بعدا
ربى يهدينا

 

[rebecca]

السلام عليكم ورحمة الله وبركاته​

شهر رمضان هو فرصة عظيمة للتقرب من الله عز وجل، وزيادة الحسنات، ​

" وفي ذلك فليتنافس المتنافسون "، ​

فعلى كل منا أن يخلص النية، ويحتسب الأجر عند الله، مع تجنب المواضع التي ​

قد تلهيه عن ذكر الله، والخشوع في الصلاة، أو قد تؤدي به إلى فعل

ما لا يرضي الله من غيبة، واستهزاء بالمسلمين،...​

اللهم باعد بيننا وبين خطايانا كما باعدت بين المشرق والمغرب،​

اللهم نقنا من خطايانا كما ينقى الثوب الأبيض من الدنس​

اللهم اغسلني من خطاياى بالثلج والماء والبرد ​

 

[Hector03]

و كي نقول راني ضد صلاة النسا في المساجد ما يعجبهومش الحال
​