ماذا ستطبخين اليوم سيدتي

[رآج ـية العفو]

صح فطور اللي صآيمين وربي يتقبل منكم
​

 

[بنت الجسور المعلقة]

آآآآمين يا ربي ​

 

[عفاف الجزائرية]

واش عفوفة الجزائرية ماهيش تبان هنا ايا راح نبشركم انا وياها ولينا ولاية وحدة وعن قريب نشاله نزورها :shiny: اذا كتبو لخطواااات هادي خبزة بابا نقلتنا لمسيلة على عام ونزيدو نرجعوووو بقسنطينة
أيا سلااااام حبيباتي ​

اني هنا برك يا لحبيبة
والله لبارح قلتلهم
كنا في موضوع نتاع رمضان
وبعدو نتاع العيد
وبعدو درك نتاع الشتاء يعني رجعنا لكوزينتنا الاولى
درك يجي العيد الكبير واللحم والشواء والاطباق والتنويع
وبعدو نوليو نستناو في رمضان
والله الوقت ي راه يجري


-------
اما الخبر هاذاك والله فرحني بزاف
اكي معروضة على شخشوخة من يدياااااااااااااااااااا
علمتهالك في النت
وهاذ المرة نذوقهالك
منورة المسيلة يا اختي
​

 

[ام ايناس]

مبروك علينا الافتتاح الجديد وسلامي لقاع لحبابات

 

[ibtesem]

صح فطوركم يالصايمين
صح فطورك بنت قسنطينة

 

[faloussa]

مبروك الافتتاح الجديد :sheer::sheer:
سلام لبنات واش راكم شاء الله تكونو كامل بالف خير
اسمحولي رانى كنت غايبة هذا الويكاند

عفاف الجزائرية اهلا اختى اليوم برك عرفت راكي من المسيلة
تعرفى اهلى كامل ولافمي نتاعى كامل في المسيلة (اولاد ادراج)

 

[imane27]

سلام بنات كاش عشاء
صح فطور الصايمات
انا رايحا ندير سباقيتي بلجاج عادت ريمة لعدتها القديمة

 

[momoude]

سلام عليكم لبنات كامل وصحى عيدكم ولو انو جات متوخرة

 

[روعة2005]

سلام لبنات
هاو ليك الوصفة حبيبتي اسماء
تارت اللحم والروز
طيبي الروز تاعك وحطيه بجيهة
اقلي البطاطا دوائر وحطي بجيهة
طيبي لحم مفروم+بصل مفروم+كمية مليحة تاع معدنوس+توابل +جزر مرابي واحد 3حبات جزر ذبليهم مليح وحطي بجيه
جيبي المول تاعك وادهني بزبدة مليح وحطي طبقة تاع بطاطا المقلية وفرغي فوقها خليط تاع بيضة ثم طبقة من الكفته والروز بعدما خلطيتهم مع بعض ثم بطاطا ثم كفته و روز ثم في الاخير بطاطا وفرغي فوقها 3او4 بيضات مخلطين وطيبيها في الفور خليها تبرد شوي وقلبيها وقدميها
----------
كفته طاجين مغربي
اولا في الطاجين فرغي كميه مليحة تاع زيت الزيتون وكي يسخن اقلي فيها دوائر الكفته لي خدمتيها كيما مالفة ثم نحي الكفته وحطيها بجيهة وفي نفس الزيت حطي كمية تاع بصل مقطع وذبليه منين يذبال مليح ولي لوحي فيه صوص تومات مع ورقات رند وهي تغلي هذيك لصوص وانت رجعي الكفته وغطي ونقصي النار اخر حاجة وخلي تطيب وفي الاخير كي تعودي راح قريب تقدميه كسري فوق الطاجين تاعك بيضات ورشي عليهم ملح+فلفل كحل +معدنوس مقطع وصحة وهنا

 

[عفاف الجزائرية]

عفاف الجزائرية اهلا اختى اليوم برك عرفت راكي من المسيلة
تعرفى اهلى كامل ولافمي نتاعى كامل في المسيلة (اولاد ادراج)

يآآآآآآآآآآآآآه انا تاني دراجية الاصل
من اولاد درااج
ههههههه والله فرحتيني اختي فلوسة بهذ الخبر
يعني راكي مني وفيا
هههههه
:sheer::sheer:
​

 

[ام ايناس]

صباح الانوار عليكم واش ما كمش ناويين على الفطور انا راايحة ندير عدس توحشتو

 

[روعة2005]

صباح النور على جميع الغاليات اسعد الله صباحكن

 

[Setifienne]

صباح الخير والفل و الياسمين على الجميع :sheer::sheer::sheer::sheer:
واش راكم
أنا عضوة جديدة معاكم
اليوم ديرت للفطور طاجين الزيتون و سلاطة صح فطور الجميع مسبقاو نهار مبارك للحاضرات و الغايبات

 

[assia dz]

مساء الخير عليكم، وصح عيدكم واش راكم إن شاء الله تكونوا بخير( ابتسام، إيمان، تسنيم، ام ندى، راجية العفو، أم دودو، عفاف الجزائرية، ام منصف، فوفة، روز، أم إيناس، لالجيرواز، ام كوثر، فلوسة.....وكامل البنات) والله توحشت القعدة معاكم تمنيت نكون معاكم في رمضان وما كتبتش، راني جيت بعد العيد شفت حلوياتكم كانت تحفة ما شاء الله ربي يخليكم، وراني حطيتلكم حلوياتي تشوفوها.

 

[روعة2005]

اهلا بيك اسيا طولتي الغيبة ربي يتقبل منك الصيام والقيام وصحا عيدك
كنت نشوف في حلوياتك ماشاء الله هايلين
وياريت تجاوبيني على طلبي ونزيد نحطو هنا كشما ينفعوني لبنات

كليتهم عند وحدة من مدة يهبلو يهبلو

وهذا مقروض الشهدة هي دراتو بلوز جا يذوب في الفم ياريت حبيبتي اسيا المقادير تاعو وتصوريلي الطابع لي تخدموه بيه واكون مشكورة ليك

 

[ibtesem]

مساء الخيرات عليكم يالبنات
بصحتك ام انوس العدس
فوفو واش راكي
انا راني مع الصيام
مرحبا مرحبا اسيا صح رمضانك اختي وعيد مبارك واش راكي طولتي الغيبة الحمد لله كي رجعتي
بخير راني رايحا نضرب طلة على الحلويات
اهلا بالناس لراهم تحت منهم فلوسة مرحبا بزوارنا

 

[روعة2005]

اهلا بسومة ربي يقبل مام انا راني صايمة ربي يقدرنا

 

[ibtesem]

الله اسلمك فوفو صيامك في الجنة يارب
الله ابارك على حلوياتك اسيا سلمت يمناك احتي

 

[ايمان التلمسانية]

السلام عليكم يا لبنات
واش راكم ؟
والف مبروك عودة الموضوع
بعد الشهر الفضيل شهر رمضان
واش راكي ابتسام ان شاء الله بخير ؟
انا اليوم راني صايمة تقريبا كامل الي فالدار راهم صايمين غير ابي وخويا الصغير وعمتي
تقبل الله صيام الجميع
سلآآآآم
في امان الله
​

 

[ibtesem]

الله اسلمك ايمان ربي يتقبل منك يارب