-
| | [ طبخ ]: ماذا ستطبخين انستي سيدتي | [ إهداءات ]: راديو اللمة ألووو ألووو | [ نقاش ]: عزوف كبير عن المنتديات ما السبب؟ | [ دورة تعليمية ]: إتقان الاستخارة
واش هي الطبخات والحلويات المعروفة بولايتك
- كاتب الموضوع ام ايناس
- تاريخ النشر
احنا ناس بسكرة معروفين بالشخشوخة بانواعيها مكانش من 48 ولاية ميعرفهاش كاين ليعرفها وكاين من يسمع بيها وتاليها المحجوبة والبومفور والدوبارة والمرخوس المعروف بالمحكوك وانشاء الله في كل طبخة رايحة نحط صور طبختنا المعروفة وتخص ولايتي
- إنضم
- 11 سبتمبر 2009
- المشاركات
- 5,472
- نقاط التفاعل
- 9,786
- النقاط
- 351
اممممممممممممممم على شخشوخة البساكرة خاصة لما تكون بالكابويا
بصح حتى شخشوخة الشاوية ماعندك ماتقولي فيها ههههههههه
بصح ماتخافيش راني وليت بسكرية ونعرف نطيبها
بصح حتى شخشوخة الشاوية ماعندك ماتقولي فيها ههههههههه
بصح ماتخافيش راني وليت بسكرية ونعرف نطيبها
- إنضم
- 11 سبتمبر 2009
- المشاركات
- 5,472
- نقاط التفاعل
- 9,786
- النقاط
- 351
اعتقد ان الاوراس ككل مشهور بالزيراوي خاصة في الاعراس وهو عبارة عن رقاق نتاع الشخشوخة ويرحوه في غربال خاص به
يضيفولوا الغرس ويفوروه ويسقوه بالعسل والزبدة الحرة ويقدم مع اللبن - اممممممممم -
عندنا
بربوشة القديد بالحليب
وبربوشة اللحم العادية
محجوبة الخميرة
بخصوص الحلويات عندنا الطمينة بالغرس لازم تكون حاضرة في كل المناسبات مهما كانت اهميتها
المقروض
يضيفولوا الغرس ويفوروه ويسقوه بالعسل والزبدة الحرة ويقدم مع اللبن - اممممممممم -
عندنا
بربوشة القديد بالحليب
وبربوشة اللحم العادية
محجوبة الخميرة
بخصوص الحلويات عندنا الطمينة بالغرس لازم تكون حاضرة في كل المناسبات مهما كانت اهميتها
المقروض
حنا ناس العاصمة عندنا اطباق بزاف وانشاء الله كلما نطيب طبق من العاصمة راني نحطو وبصور
عندنا طعام مرقة بيضاء وخاصة فاعراس لازم يكون
رشتة بالجاج
شربة فريك ومقطفة
المهم كاين كثير
حلويات عندنا مقروط وبرزاف انواع اخري
عندنا طعام مرقة بيضاء وخاصة فاعراس لازم يكون
رشتة بالجاج
شربة فريك ومقطفة
المهم كاين كثير
حلويات عندنا مقروط وبرزاف انواع اخري
حبيبتي ام منصف الزيراوي انموت اعليه ياريت اختي تحوطينا الطريقة بالصور راهو بنين بزاف مشاء الله وحابة نتعلمو بعثتهولي خطرة جارتي شاوية درتو في الزيادة مع البغرير روووووووعة
السلام عليكم
موضوع ولا اروع ام انوسة
يعطيك الف عافية
بصفتي من ولاية المدية راح نعطيكم فكرة على الاطباق اللي تتميز بيها ولايتي
والمشهورة بيها
الاطباق الرئيسية
عندنا اهم طبق حاضر على طاولاتنا العصبانة
لازم تكون حاضرة في كل المناسبات
المثوم
شربة مقطفة
طاجين حلو
البركوكس بكل انواعه
وشخشوخة التمر والهرماس
في الاعراس لازم
نعملو الكسكسي بالزبيب
مرقة حمرا
موضوع ولا اروع ام انوسة
يعطيك الف عافية
بصفتي من ولاية المدية راح نعطيكم فكرة على الاطباق اللي تتميز بيها ولايتي
والمشهورة بيها
الاطباق الرئيسية
عندنا اهم طبق حاضر على طاولاتنا العصبانة
لازم تكون حاضرة في كل المناسبات
المثوم
شربة مقطفة
طاجين حلو
البركوكس بكل انواعه
وشخشوخة التمر والهرماس
في الاعراس لازم
نعملو الكسكسي بالزبيب
مرقة حمرا
والمسفوف نعملوه في بداية الربيع
بالنسبة للحلويات
اشهر طبق عندنا هو
الروينة
نعملو في المواسم والمناسبات الدينية
الطمينة
الكعبوش او رفيس بوصلوع( يصلح طبق رئيسي )
رفيس تونسي
لمعارك والا المسمن
المثقبة
الحلويات التقليدية المعتمدة عندنا هههه هي
المقروط ، البقلاوة ، العرايش ، الغريبية ، و التشاراك المسكر
والعريان
ياربي مانكون نسيت والو هههه
واي استفسار راني هنا حبوباتي
الصور جبتها من غوغل للتوضيح
الف شكر
واحلى تحية لاحلى سيدات مطبخ
آخر تعديل:
انا بسكرية راهي تسنيم حطت المأكولات و نزيد انا نكمل
كاين الحسوة البطوط الرقاق و اتشيشة فريك و مرمز الرفيس تع الكسرةو التونسي الطمينة و الروينة
وبربشة مشخشخة على نوعين و و بربوشة مرقة حمرا
و المحاجب تع الثوم و الاخرى تع البصل كاين ياسر ما يعرفوش تع لثوم
و كنتفكر حاجة نقلكم
كاين الحسوة البطوط الرقاق و اتشيشة فريك و مرمز الرفيس تع الكسرةو التونسي الطمينة و الروينة
وبربشة مشخشخة على نوعين و و بربوشة مرقة حمرا
و المحاجب تع الثوم و الاخرى تع البصل كاين ياسر ما يعرفوش تع لثوم
و كنتفكر حاجة نقلكم
حنا في سطيف نسميوها المبرجة نديروها في بداية الربيع
- إنضم
- 22 مارس 2009
- المشاركات
- 8,009
- نقاط التفاعل
- 3,211
- النقاط
- 351
هدا الزيراوي لي راكي تكلمي عليه مرة لي فاتت دقتو في مدينة تيارت كانت جنازة في غير وجكم
عملوه مع الطعام مين سالتهم عليه قالولي وصفة كيفها
صباح الانوار عليكم
ايمان تقاليدنا وتقاليدكم نفسها يعطيك الصحة وننتظر اطباقك
شجون الروح مرحبا بيك ويعطيك الصحة على الاطباق اطباقكم تاني قريبة علينا انا بالنسبة لرفيس بوصلوع ما نعرفش المقادير تاعو ممكن تعطيهولنا
labed93 مرحبا بيك معانا ومن فظلك وصفة المحاجب بالثوم انا نعرف تاع البصل برك
اهلا الاخت حكيك احنا نعملوه على شكل مسمن من بعد نقطعوه ونسقيوه بالعسل والزبدة وكاين لي يظيفلو الزبيب
ايمان تقاليدنا وتقاليدكم نفسها يعطيك الصحة وننتظر اطباقك
شجون الروح مرحبا بيك ويعطيك الصحة على الاطباق اطباقكم تاني قريبة علينا انا بالنسبة لرفيس بوصلوع ما نعرفش المقادير تاعو ممكن تعطيهولنا
labed93 مرحبا بيك معانا ومن فظلك وصفة المحاجب بالثوم انا نعرف تاع البصل برك
اهلا الاخت حكيك احنا نعملوه على شكل مسمن من بعد نقطعوه ونسقيوه بالعسل والزبدة وكاين لي يظيفلو الزبيب
المبرجة عي البراج ؟
محجوبة الثوم قليل اللي يعرفوها و صعيبة وية في طيابها
جيبي فصوص ثوم قد ما تحبي
و هرسيه فالمها مع الملح
و جيبي فلفل حلو و حار نفس الكمية
وهرسيهم مع الثوم
و جيبي بجهة اخرى حبات طماطم و رابيهم او امرسيهم و ديري فوقهم لفلفل و شوية زيت تقريبا الفلفل و الطماطم قدقد
باش ما يجيش جاري و يخربلك العجين
لاصوص هاذي ما طيبش
و ديري محجوبك كما مالفة بصح كتهزي لاصوص ما تهزيش الماء تع الطماطم باش ما يغلبكش
محجوبة الثوم قليل اللي يعرفوها و صعيبة وية في طيابها
جيبي فصوص ثوم قد ما تحبي
و هرسيه فالمها مع الملح
و جيبي فلفل حلو و حار نفس الكمية
وهرسيهم مع الثوم
و جيبي بجهة اخرى حبات طماطم و رابيهم او امرسيهم و ديري فوقهم لفلفل و شوية زيت تقريبا الفلفل و الطماطم قدقد
باش ما يجيش جاري و يخربلك العجين
لاصوص هاذي ما طيبش
و ديري محجوبك كما مالفة بصح كتهزي لاصوص ما تهزيش الماء تع الطماطم باش ما يغلبكش
صباحك فل حبيبتي
اسفة شفت طلبك متاخر
المثقبة نعملوها بطريقتين حبوبه
الاولى كيف المبرجة او لبراج
3 كيلات دقيق ارحش
كيلة سمن
غرس
قرفة
قرصة قرنفل
ماء زهر
خذي السميد والملح
وبسيهم بالسمن حتى يتخلط مليح
بعدها لمي بالماء الدافي حتى تولي عجينة متماسكة
تقسمي العجينة قسمين وتحليها تحطي طبقة عجين
ثم طبقة غرس بعد ماتكوني عطرتيه بشوية قرنفل وقرفة وملعقة ماء زهر
واخيرا تحطي الطبقة الباقية من العجين
تقطعيها ابراج وتطيبيها فالطاجين
اما الطريقة الثانية
5 كوب دقيق
كوب ونصف زيت او سمن (حسب الحاجة )
3 ملاعق سكر
ملح ماء حسب الحاجة
تحضري بنفس الطريقة
تبسسي الدقيق بالزيت وتضيفيلو الملح والسكر
وتلمي بالماء
تحلي لعجينة وتقطعيها
وتقليها في زيت سااااخن (ممكن تطيب فالطاجين )
تقطريها مليح
وتعسليها
وشهية طيبة
نتمنى نكون فدتك اختي
اسفة شفت طلبك متاخر
المثقبة نعملوها بطريقتين حبوبه
الاولى كيف المبرجة او لبراج
3 كيلات دقيق ارحش
كيلة سمن
غرس
قرفة
قرصة قرنفل
ماء زهر
خذي السميد والملح
وبسيهم بالسمن حتى يتخلط مليح
بعدها لمي بالماء الدافي حتى تولي عجينة متماسكة
تقسمي العجينة قسمين وتحليها تحطي طبقة عجين
ثم طبقة غرس بعد ماتكوني عطرتيه بشوية قرنفل وقرفة وملعقة ماء زهر
واخيرا تحطي الطبقة الباقية من العجين
تقطعيها ابراج وتطيبيها فالطاجين
اما الطريقة الثانية
5 كوب دقيق
كوب ونصف زيت او سمن (حسب الحاجة )
3 ملاعق سكر
ملح ماء حسب الحاجة
تحضري بنفس الطريقة
تبسسي الدقيق بالزيت وتضيفيلو الملح والسكر
وتلمي بالماء
تحلي لعجينة وتقطعيها
وتقليها في زيت سااااخن (ممكن تطيب فالطاجين )
تقطريها مليح
وتعسليها
وشهية طيبة
نتمنى نكون فدتك اختي
صباح الفل والياسمين ام نوسة
يعيشك حبيبتي الله يخليك
رفيس بوصلوع مشهر فالجنوب عندنا
وطريقة تحضيرو كالتالي
نعملو مبسس
بالسميد والزيت قرصة ملح قرصة سكر وماء باش نلموه
نطيبوه فالطاجين
وكي يطيب نضربوه بالمهراس حتى يولي فتات صغير
نظيفولو الغرس
شوية حمراية ( كاين اللي يعملو فلفل دريس )
نخلطوهم مليح بين يدينا
ونلموه بزبدة حرة
يقدم مع اللبن او الرايب
والف صحة وهنا
:re_gards:
يعيشك حبيبتي الله يخليك
رفيس بوصلوع مشهر فالجنوب عندنا
وطريقة تحضيرو كالتالي
نعملو مبسس
بالسميد والزيت قرصة ملح قرصة سكر وماء باش نلموه
نطيبوه فالطاجين
وكي يطيب نضربوه بالمهراس حتى يولي فتات صغير
نظيفولو الغرس
شوية حمراية ( كاين اللي يعملو فلفل دريس )
نخلطوهم مليح بين يدينا
ونلموه بزبدة حرة
يقدم مع اللبن او الرايب
والف صحة وهنا
:re_gards:
آخر تعديل: