ثقافة لي كادو عندنا الجزايريين ....

[Lacey Sturm]

بالنسبة ليا ليسونسيال كادو المهم الشخص هاداك تفكرني وخلاص يخي يقولو الحجرة من يد لحبيب تفاحة هه

 

[ماكانش]

لي رجعة نرد على الباقي

 

[Soumia hadj mohammed]

السلام عليكم ورحمة الله تعالى وبركاته
افضل الصلاة والسلام على الحبيب المصطفي محمد صلى الله عليه وسلم
ايوا وبلاك القلم له قصة متحصيش قاع كيفاه
المهم منيش عارف لازم يديرو نفس الاشياء
بصح ماشي شرط كيما دكرت في الاعراس سارفيس ولا ساعة
ولد خالي كي تزوج دار نتع لي كادو جلهم فازات معليش مش مشكل
على حسب دوق كل احد
العقل وطريقة التفكير تختلف من شخص لاخر
ما الفرق بين الكادو وحاجة للدكرى?
بارك الله فيــــــــكم
ويبقى المصحف الكريم من اروع الهدايا

​

 

[Soumia hadj mohammed]

بالنسبة ليا ليسونسيال كادو المهم الشخص هاداك تفكرني وخلاص يخي يقولو الحجرة من يد لحبيب تفاحة هه

هه صحيتي حجرة ياك لا خير قرافي
تامني القرافي وفيه حجر يبريي شباب لوكان نديرولو فكرة مليحة ونرسلوه لماكانش يخرجنا من الصفة ديالو هه
معنداك ماكانش اخي بلاك نقدم لكم كادو بغ يعجبكم والا لا اشتغلته بيدي ما هو لا ستيلو والا فاز هو
هو ...ساعة تفكرت ايام الابتدائي كي كنا نعملوها بالعلبة نتع الفرماج
ههه يا ليوم ننزعك من الصفة نتع ماكانش معنداك
قريب ان شاء الله تشوفو الكادو اويا نروح نراجع غدوا الا ما كتبتش فالاجوبة كادوا كادو
دمتم في رعاية الله
​

 

[*مواطن بسيط*]

اهلا اخي
ههههههههـ

ملاحظة:​

ماتقولوليش يهم الجاست برك، مايهمش الكادو ههههه
جيت باش نجاوبك هك هههههـ
المهم انا عندي نورمال يعني المهم السيد خسر عليك شويا وجابلك حاجة بصح الي عدهم الشكارة اواه هدي منقبلهاش ههههههـ
على العموم هي متجيش هدي تع السنيلو ومنعرف
كن يجيبو كادرا مثلا هكا راهم دارو الي عليهم

مرسي خو علبالك موضيعك ديما تعجبني

 

[bicha bibi]

موضوع قمة كالعادة
مي اعطونا autre aidée اعلى لي كادو
يرحم باباك واش كاين فالبلاد هادي ابار سوايع و ريحا

​

انا فكرة الكتب و الا مصحف صح بزاف عجبتني
مي كل مرة مصحف .... وزيد des fois ما تلقاش كتب ملاح
تسما ما كانش كيما ستيلو و الريحة

 

[ضو العش]

يقولو الكادو بمعنا ماشي بقيمتو
ونحاغ عدنا نكادو كان ارخس حاجة زعما زعما عندها معنى

 

[barca.moha]

اهلا خويا سفيان
موضوعك باهي كيما أنت
والله 2012 ومازلنا روطار
ونسيت كادو نتاع هاد الوقت واللي هو بورطابل هههه وعلى فكرة فيه ساعة واجوندا ثاني
زيد تفرجت في mtv هديك تشوف لي كادو نتاع صح
هدي طوموبيل هدي فيلا وللي نتا دايمن تحك في هديك ورقة نتاع لوطو ومتربحهاش
عيش يا الجزايري
وان شاء الله نتحلبو

سلآم...
​

 

[أم عبد الله]

تهنيت من لي كادو
السلافي نديرلو كادو مصحف وقرعة مسك وراني تهنيت هههههههه

ههههههههههههه اتسما كامل اتجيبولو قرعة مسك :scared:يعني كيف كيف
مدوهملو دراهم ويشري واش يحب ههههههههههه
سلام

 

[ماكانش]

واش راك سفيان ...ليكادو عندنا حنا الجزائريين مشكلة كبيرة...نحكيلك على نفسي انا حبيت ندير كادو لزوج اختي بمناسبة حصولو على شهادة دكتوراء عييت بين لمحلات وانا نحوس على حاجة تليق بالمناسبة كيما قلت انت كاين غير السوايع ولا لي سرفيس مكانش اشياء مميزة ...دورت شحال في الاخير شريت كادر باسماء الله الحسنى ....مع اني منت نتمنى نشري حاجة مميزة ..مي الله غالب هداك واش كاين في المحلات....وفي عرسك انشاء الله نبعتلك ساعة نتاع الحيط ولا سرفيس كافي ماشي حليب ...خبرنا كي تنوي

أهلا بيك زهية
هههههه
كلشي مبروك
مارانيش معاك وموافقك
كيفاش هذا واش كاين في لحوانت والجزاير كامل ؟؟؟؟
لالا راكي غالطة كاين حوايج بزافن حنا برك عقليتنا تفريني كي نوصلو لليكادو هه
يعطيك الصحة​

 

[nour el yakine]

يعطيك الصحة على الموضوع الباهي أخي
نسيت حاجة فلي كادو ثانيك ألا وهي لي كادر
في عرس خويا منين نفتحو نلقاو كادر على العموم كثر خيرهم
لي جا وجاب خير من لي جا وماجاب......نتمسخر برك
دمت أخي​

 

[amoulita@mosta]

موضوعك هايل و ضحكني بزاااااف هههههههههههههههههههههه
علاخاطر مازلت ندور بالعقلية هاذي و مازلت نحتفظ بليكادو تاع وين و وين
كون نقولك لي كادو نتاع بنت خالي الي جابتهملي في عيد ميلادي مزالو عندي ملي
كنت نقرا في الابتدائي و نصهم غير ستيلوات هههههههههههههه
اما الي يتزوج ولا يزيد مزيود عندو ولا لا لا
لي كادو الي ذكرتهم هادوك هوما
هاذي هي العقلية نتاع الجزائريين..

 

[هدى 17]

سلام
كي قرية لي ككاادو نتاع العررس وليت نضحك
في عرس خويا جابولو دار نتاع سوايع
3سيرفيس
انا ثاني مانيش فاهما هذي العقلية
ويعجببك يجي مغلف و الشريط هذا لملون وعلى شكل كرافاط
ههههههه
​

 

[*ليديا*]

عندك الحق والله راك جبتها
مي الثقافة يا خويا وين رحت انت : تجي للكادوات مكانش ثقافة تجي تخرج مكانش ثقافة تجي تزور مكانش ثقافة تجي حتى تخدم طلاب (بعيد الشر هههه) مكانش ثقافة (اكيد حاشا البعض)
مي الاهم والمهم وتاع الصح وكيما يقولو وجهك خير من الدنيا ومافيها ومش عزازة الكادو بقيمتو ولا بنوعو وحجمو عزازتو من عزازة مولاه
ايا درك قول ليا الرد تاعي ولا التقييم ؟هههههههههههه
​

 

[Houda Chaouienne DZ]

C'est le geste qui compte
بالاك جاتها من شخص عزيز .. مادريناش
و مهما كانت قيمتو .. يبقى كادو هههه
مارسي ع الموضوع
​

 

[طير الجنة]

هذي هي عقلية الجزائريين أون جينيرال
و يجيبوا بزاف السوايع و الكيسان تاع السارفيس
باسكوا تلقاهم رخاس
تقبل مروري أخي
سلام
​

 

[ماكانش]

يعطيكم الصحة كامل

لي عودة للرد عليكم
بالمناسبة لقيت موضوعي مسروق في الفايس بوك
وكذا في جريدة النهار

 

[جہْےمالہْ الہْےروحہْ]

عقلية dz هههههههههههه ...... انا من النوع اللي ميهمنيش وشنو هو الكادو انا اللي يهمني الجاست وكل واحد حسب مقدوره المهم تفكرك ........ وهذي تاع ليكادو اللي في العراس و النجاحات هذي عندك فيها الحق هههههه ...... ايا انت اعطينا كانش كادو خلاف مليح ونشوفو الذوق التاعك هههههه متقوليش ساعة ههههههههههههه ......

 

[بنت الـ25]

متقوليش بك هادي لي تخدم فالبلدية هي لي قاتلك " انت هو الزين في خاوتك"
بارسكو اي باينة كدابة
ههههههههههههههههههه
يا موصيبة وين تروح عندك المعارف مي لازمك باش تزوج تدير كيما هداك الزوالي لي زوج ولدو ببنت أويحيى هههههههههه
نحكيهالك في فرصة أخرى ان شاء الله
^______^
بالنسبة للكادو - ستيلو- وش فيها يا سفيان هادي سير مدوهولها عندو بضع سنوات علابيها شفتو مقشر ومبنتر هههههه
ياو سي لو جاست كي كونط هههههههههههه
بالنسبة لافير تع لعراس قولي -حام بوك- وش تدي آبار الساعة ولا الفيوزات ولا سارفيس؟؟
ولا طامع نجيبولك في عرسك ماطلا ولاتيلي ولا ديمو HD ولا كارطا تع الجزيرة؟؟
ههههههههههههههههه
ياو فاقو ...ملي بديت تحكي فهمت الشرة وفهمتك وين حاب توصل
هههههههههههههههه
على كلة حال واش رايح دير هادي بلادنا وهادو عيبادنا ومالgري تو vive cha3b ljazayri
o____O
كثرنا مالمواضيع مدام المنتدى رجع
ايا سلاموووووووووو
​

 

[بنت الـ25]

يعطيكم الصحة كامل

لي عودة للرد عليكم
بالمناسبة لقيت موضوعي مسروق في الفايس بوك
وكذا في جريدة النهار

طالب بحقوق النشر يا جدك
تزيد تصرالك كيما السي فلان مول الكوستيم كي لقا تصويرتو مع روراوة فالنهار
هههههههههههههههههههه
هيا سلام