ثقافة لي كادو عندنا الجزايريين ....

[ماكانش]

السلام عليكم​

اولا يعطيك الصحة على الموضوع
عندك الصح والله هاذ الظاهرة عندنا , وكي تجي تهدي في كاش حاجة ماتلقى ماتهدي اما ستيلو وسورتو هذوك لاجوندة مع الستيلو ولا الساعة
هي معليهش كي تكون المناسبة صغيرة مثال نجاح ولا كاش حاجة
بالصح كي تكون المناسبة كبيرة غي يعفسو فيها كي يجيبو سارفيس تاع فناجل سورتو كيما قلت اذا كان الإنسان هذا عندو واذا كان ماعندوش يشتركو ويشرو حاجة باهية خير كيما قريت في واحد الرد
شكرا مرة أخرى على الموضوع​

أهلا بيك إيمان
انا والله نشوف فلي يجيب السارفيس راهو غير يليكيدي فيك برك وزعما يدير غير في الواجب
اما على يلمولو واش خاصو فكرة مليحة سمعت بيها في سطيف يديروها
مثلا يشريولو فريجيدار ولا حاجة هكذا
يعطيك الصحة ايمان​

 

[ماكانش]

نسيت حاجة , ولد عمتي في عرسو جابلو صاحبو كادو تاع bébé كوات وماعلباليش تاع لي كوميك​

قعدت مرتو 8 سنين باش جابت الاولاد مسكينة

صح ثقاافة كبييييرة​

ههههههههههه
زعما دارولو الفال لمليح ...​

 

[ماكانش]

3andek essah khouya w allah ghir yhawsou ytmesakhro hada makan​

mé hna 3andna kayen li f'la3rass ma yediiwch les cadeaux ma yjiboulhom​

hhhhhhhhhhhhhhhh​

mhanyiiiin rashom ​

mé les algerien khatéhom l'gout fi had swalah​

allah galeb yhasouw y'lékidiiiiw hada makan​

merciiii bcp khouya 3la sujet​

baraka allaho fik​

أهلا بيك وفاء
هههه
مليحة هذي تاع مايجيو مايجيبو لي كادو ههههه
صح خاطينا الضوق في الأمور هذو، قريب تولينا عاداة تاع ليكادو دي سارفيس وسوايع ههههه
يعطيك الصح وفاء​

 

[ماكانش]

yaw alwa5da hadak assayad huwa lamrafah ta3 al7uma aman wala aplatti cha3rak hhhh mrc

هههههههههههه
مالا عليها دار هكذاك حشم بالكادو تاعو هههههههههه​

 

[ماكانش]

والله غير عندك الحق خويا
ولاه نسيت الجوائز ؟؟؟؟ من الكوادر ولي ديكسيونار ما يخرجوش
دارنا تعمرت بالكوادر و بلي ديكسيونار
اما الهدايا يجيوني دي كارت بوسطال، ديودورون، الورد، اجوندات من الملاح هاذوك

أهلا بيك ملاك
صح فكرتيني بالديكسيونار ههه مايخطاش لي كادو خاصة تاع النجاح ولقرايا هههه
ولا ليزالبوم تاع عيد الميلاد هههه
يعطيك الصحة ​

 

[FATIMA 19]

والله عندك الحق مي الله غالب ماعندخم واش يديرو
أنا الوالدة كي تعود رايحة تشري كادو ونخرج معاها نعصر مخي باه نلقا حاجة مليحة أكره حاجة عندي نشري لي كادو
كان غي في الصيف برك المناسبات ضكا في كل وقت بزاااااااف تلقاهم كرهو مساكن مانلمومهمش
كيما حنا والله غير كل يوم تخرجلنا طريق

 

[homework]

يعطيك الصحة خويا مكانش على الموضوع الباهي
حنا ليكادوا عندنا تسلاف يعني جابلي نديلوا ماجبليش مانديلوش جابي سيرفيس قهوة نرجعلوا سيرفيس حليب
يعني يردولك الكادو نتاعك املا كل واحد يحكم حاجتوا عندوا وفرات علاش نتباداوا
الناس في الجزائر معندهومش روح المفاجأة يعرضها واحد في عرس تبدا واش نديلوا زادلي هموا
انا شخصيا نحب نمد دراهم باش نعاون السيد في حوايج يحتاجها هو شخصيا

 

[ماكانش]

والله عندك الحق مي الله غالب ماعندخم واش يديرو
أنا الوالدة كي تعود رايحة تشري كادو ونخرج معاها نعصر مخي باه نلقا حاجة مليحة أكره حاجة عندي نشري لي كادو
كان غي في الصيف برك المناسبات ضكا في كل وقت بزاااااااف تلقاهم كرهو مساكن مانلمومهمش
كيما حنا والله غير كل يوم تخرجلنا طريق

أهلا بيك فطيمة
مالا كيما الماكلةن تعصرو ريسانكم باش تلقاو واش أطيبو للغدا ؟؟؟ هههههههههه
كيما قلتي الصيف زمن المناسبات
يعطيك الصحة​

 

[FATIMA 19]

أهلا بيك فطيمة

مالا كيما الماكلةن تعصرو ريسانكم باش تلقاو واش أطيبو للغدا ؟؟؟ هههههههههه
كيما قلتي الصيف زمن المناسبات

يعطيك الصحة​

مرحبا
والله غير صح كيما قتلك
مثلا البارح والديا ماهمش في الدار وانا طفلة برك اليوم من جيت ندير الغداء ونخلصو حتان بغيت ننتحر والله ماقريت حاجة

 

[ماكانش]

يعطيك الصحة خويا مكانش على الموضوع الباهي
حنا ليكادوا عندنا تسلاف يعني جابلي نديلوا ماجبليش مانديلوش جابي سيرفيس قهوة نرجعلوا سيرفيس حليب
يعني يردولك الكادو نتاعك املا كل واحد يحكم حاجتوا عندوا وفرات علاش نتباداوا
الناس في الجزائر معندهومش روح المفاجأة يعرضها واحد في عرس تبدا واش نديلوا زادلي هموا
انا شخصيا نحب نمد دراهم باش نعاون السيد في حوايج يحتاجها هو شخصيا

أهلا بيك هومورك
والله عندك الحق
كلش عندنا تسلاف، عرضك أعرضيه، ماجاش، ماتروحيلوش
كيما قلتي جابلك سارفيس رديلو سارفيس وهيا ماشية
ماكانش النية كلش بالحسابات ...
وماكانش قد الواحد يمد الدراهم كيما قلتي، باش هوا يتصرف فيهم ويعرف واش خاصو ولا يشريهم قوفريط الله يسهل عليه ههههههه

يعطيك الصحة هومروك نورتي الموضوع​

 

[ماكانش]

مرحبا
والله غير صح كيما قتلك
مثلا البارح والديا ماهمش في الدار وانا طفلة برك اليوم من جيت ندير الغداء ونخلصو حتان بغيت ننتحر والله ماقريت حاجة

ههههه
علابالي علابالي
شفتها من الوالدة، ديما تسقسي واش نديرلكم لغدا راني حصلت مالقيتش واش ندير ووو ...​

 

[FATIMA 19]

ههههه
علابالي علابالي

شفتها من الوالدة، ديما تسقسي واش نديرلكم لغدا راني حصلت مالقيتش واش ندير ووو ...​

والله غير صح مي حنا كي نلقاو حاجة ماشي مليحة نقلبو الدنيا هاذا وين بديت نفيق لروحي
على العموم موضوعك مليح هجبتني كي هدرت على السيال المقشر ههههههههه قتلتني بالضحك
وانت واش تشري لي كادو كادر ولا سارفيس هههه

 

[virus2015]

صحيت خويا على الموضوع مول الستيلو لصفر لوكان ماشافهاش تفرح بيه ما يهديهولهاش :sheer: :sheer: :sheer:ههههه

صح كاين لي يليكيديو الكادو المهم باطة كبيرة وتعمر العين في الدخلة :showoff:
واحد النهار كنت عند لي يبيع الماعن وكانت واحدة تساوم فيه على سيرفيس تاع الماء قالها 40 ألف قالتلو هذا واش عندك؟؟؟:schmoll:
السيد باين مول صنعة ويفهمها عالطاير سقساها: كادو؟؟؟
قالتلو إيه :shay:
أنا عمبالي رايح يجبدلها واحد لوكس..i-o:
تعرفو واش دار؟؟؟
قالها هاوليك واحد شباب يوالم كادو يدير 20 ألف :scared:
( 20 ألف فرنك ماشي دينار هههه)
​

 

[ماكانش]

والله غير صح مي حنا كي نلقاو حاجة ماشي مليحة نقلبو الدنيا هاذا وين بديت نفيق لروحي
على العموم موضوعك مليح هجبتني كي هدرت على السيال المقشر ههههههههه قتلتني بالضحك
وانت واش تشري لي كادو كادر ولا سارفيس هههه

هههههه
أنا باين جزايري وعقلية جزايري، يا ريحة يا ساعة ههههههه​

 

[FATIMA 19]

هههههه

أنا باين جزايري وعقلية جزايري، يا ريحة يا ساعة ههههههه​

ههههههههههه نفس العقلية هههههه
والله غير كيفي ماعنديش بزااااف درت درت للحوانت مبعدا شريت ساعة وفريت السوق بصح نتاع يد لصاحبتي

 

[ماكانش]

صحيت خويا على الموضوع مول الستيلو لصفر لوكان ماشافهاش تفرح بيه ما يهديهولهاش :sheer: :sheer: :sheer:ههههه ​

صح كاين لي يليكيديو الكادو المهم باطة كبيرة وتعمر العين في الدخلة :showoff:
واحد النهار كنت عند لي يبيع الماعن وكانت واحدة تساوم فيه على سيرفيس تاع الماء قالها 40 ألف قالتلو هذا واش عندك؟؟؟:schmoll:
السيد باين مول صنعة ويفهمها عالطاير سقساها: كادو؟؟؟
قالتلو إيه :shay:
أنا عمبالي رايح يجبدلها واحد لوكس..i-o:
تعرفو واش دار؟؟؟
قالها هاوليك واحد شباب يوالم كادو يدير 20 ألف :scared:
( 20 ألف فرنك ماشي دينار هههه)​

أهلا بيك فيروس
هههههه
مليح تاع علابالو بلي راح تفرح بيه هههههههه
انا شفيت وقت جابوهم الصحونا تاع ألف فرنك هههه
لو كان عمرت كارتون كبير يستقاملها ب13 ألف برك هههههه
يعطيك الصحة خويا​

 

[virus2015]

أهلا بيك فيروس
هههههه
مليح تاع علابالو بلي راح تفرح بيه هههههههه
انا شفيت وقت جابوهم الصحونا تاع ألف فرنك هههه
لو كان عمرت كارتون كبير يستقاملها ب13 ألف برك هههههه​

يعطيك الصحة خويا​

ههههه
الله يسلمك خويا ماكاش
بالاك المخلوقة تسمع بلافير تاع الصحونا تعود تندم
على 7 آلاف لي خسرتهم في الكيسان هههه
ربي يحفظك خويا​

 

[بنـ MaPa ـت]

وعليكم السلآم

الكولار لصفر معروف بالغيرة يعني مدوهولها فوق القلب + رسالة ههههه
كاين دي كادو يحبسو البيسكلات في الهبطة ههه
وحدة دارت لصحبتها porte clé قلب تع جلد
ووحدة مسايس كحولة تع الايمو لي خرجو
وحدة جابت مزيود دارولها زوج بيبرونات
وحدة توس بـ20 الف

وكاين لي يقولك مادارتليش كادو انا تاني مانديرلهاش
يطبقو قاعدة "شد مد يا حمد"
والله عجب يا خويا

خطرة شفت حصة داروها في A3 tv تحكي على ليكادو
قالك الناس لي تعرف تكلخ وتقضي شغالها دير ليكادو
راهم يزيدو المحبة والمودة
وحنا والووووو ويا ربي لا درنا كادو ستيلو وكادر تع 5 آلاف تع الورد وماشي حتى ورد شباب

خصارة جيت زوالية لوكان سماوني هدية كل يوم كادو لواحد :shiny:

مرسي سفيان على الموضوع
++تستاهل تقييم++
و
(ومبروك عليك الاشراف خويا تستاهل)

تحياتي
​

 

[ماكانش]

ههههههههههه نفس العقلية هههههه
والله غير كيفي ماعنديش بزااااف درت درت للحوانت مبعدا شريت ساعة وفريت السوق بصح نتاع يد لصاحبتي

ههههههههههههههههههههه
هذاك ماكان
العقلية حبست فساعة وسارفيس وريحة هههه
الدنيا كامل حوايج، بصح نوصلو للي كادو تتقفل التخميمة هههههههه​

 

[ماكانش]

ههههه

الله يسلمك خويا ماكاش
بالاك المخلوقة تسمع بلافير تاع الصحونا تعود تندم
على 7 آلاف لي خسرتهم في الكيسان هههه

ربي يحفظك خويا​

هههههههههههههههه
مافاقتش بيها برك هههههههه​