زعما حسيتو بالعيد .... ؟؟

[mimi-ba]

ايه عندك الحق اختي العيد تاع هذا العام جا سامط

انا في الحقيقة العيد تاع العام اللي فات جاني أسمط من هذا على خاطر كان أول عيد نعيدو بلا خويا أيوب ربي يرحمو

و هذا العام كامل قالو بلي العيد جاز سامط

و خاصة كيما قلتي واش كتبو في الجورنال ربي يستر علينا و على جميع المسلمين

ربي يرحمو ويوسع عليه ان شاء الله
يا ختي مافهمت وعلاه ليام ولات هكا
عندي بزااااف ماحسيتش بالدنيا
كلشي يجري وراء بعضاها ما فهمت والو ؟؟
ألف شكر على المرور حبيبتي
منورة الموضوع
​

 

[mimi-ba]

بصراحة محسيتش بيه...بلاك كيعاد نفسيتي مش مليحة و لا انا محبيتش نفرح......نشاء الله تكونوا نتوما حسيتو بيه

مانعرف بزاااف لي قالو ماحسيناش
ماشكيتش لكان نفسيتنا برك لي تحكمت في مشارعنا
نورمالمون العيد نفرحولو مهما كنا زعفانين...\
مشكووورة اختي العزيزة على المرور
نورتي شكراا
​

 

[mimi-ba]

العيد سماط
غابت النية
​

هديك هي صح
غابت النية طارت البركة
مشكووورة خيتو عالمرور
​

ana vraiment walah ma 7assit bih​

ربي يجيب الخير برك
راح العيد في زمانو
شكرااا جزيلا على المرور
​

سلام صحا عيدكم

انا العيد فات علياااااا رقاد وبعان لبلاد سيتو وصحا عيدكم مرااا اخراا با -_- ـــي

وعليكم السلام
يعيشك كل عام ونتا بخير
ايييه شبعتي رقااد مالا
شكرااا على المرور

​

 

[mimi-ba]

وش نقلك لافيريتي صامط صامط صامط لن خلص والو رهج من كل النواحي تصدقي مالفا نقعد عند الفحم نشوي نتولعو بالكبش هاد المرة والوو كلشي يجري كيما قلتي والصماطة رهههههج

صح يا ختي فات كلشي يجري والعيد فات كأنو ماكانش
صح عيدك ومشكووورة بزاف عالمرور
سلامي
​

هو صح العيد جا في الخريف والنهار قصير
بصح المشكل ماشي في العيد
المشكل فينا حنا
لي يرقد حتى 10 تاع الصبح ويضيع صلاة العيد
وشمن عيد يبقى؟؟؟؟

صحيتي على الموضوع ختي​

يا خويا كي تجي تشوف
تلقى المشكل أكبر من أنو واحد ماراحش صلى العيد
المشكلة أنو كاين بزاف ناس ولاو يحسابو العيد مجرد كبش واحد مافاهم القيمة تاعو
صدقني ساعات تلقى ناس ماهمش فاهمين حتى كيفاه جاء العيد
وتلقى آباء يشريو كبش العيد غير معاندة برك والا باه يفرح ولادو
حيرة والله؟؟
شكرااا على المرور خويا
سلاام
​

 

[mimi-ba]

وعليكم السلآم

pــور موا حسيت لي فوتت عيد مليح على تع العام لي فات
ماعيدتش في دارنا تبدل عليا الجو سي بور صا جاني مبدل وعندو بنة خاصة وحلوة
ومام خدمت السنة بزاااف:$ ههه على العام لي قبلو وقتلني العيا حسيتلو تع صح
صحا عيدكم وكل عام ونتوما بالف خير

مرسي على الموضوع تسلمي
سلآمي

​

ههههه ياه حبيت غير نشوفك ونتي بالطابلية تاع الشغل
وتجري من ولهيه هه
مرحبا بيك يا الزينة الحمد لله لي فوتتي عيد بيان
العام الجاي نجي نعيد عندكم
ميرسي عالمرور حبيبتي

​

يا حصراه على العيد وايامو كل عام اصمط من اللي قبلو سيرتو هذا العام
انا وحدة من الناس نعيد في خاطر خاوتي الصغار يعني يلزمهم ذكريات مليحة للعيد باه يتفكروها
عندي اختي مصيبة كي يجي اليد او اي مناسبة تقلي خلينا نستمتعو علابالنا ماشي كيفكم لكن بركينا من التشائم

ههههه عندها الحق اوموا تبدل عليك الجو
دارتلك الحنة والا لالا؟؟
العيد مليح كي يتلمو الحباب و يكونو كامل مع بعضاهم
ميرسي بزااف عالمرور
نورتي ختيتو
سلامي
​

 

[mimi-ba]

و الله غير الحمد لله
العيد تاع هاد العام جاز آنتيك و بيان
و سيرتو كي زدت رحت صليت صلاة العيد فالجامع

​

الحمد لله يا ختي
ربي يتقبل منك
الصلاة في الجامع في العيد عندها بنة وحدها
مشكوورة عالمرور سلامي
​

العيد لى فوتو ميتحسبش عيييييييد ..............عيد بلا احباب ......عيد بلا أم ماشى عيد .............الحمد الله وخلاص

ياختي العبد يقول الحمد لله و هدا ماكان
واش تحبي هذي هي الدنيا انتي كوني صبورة وهذا ماكان
ميرسي عالمرور حبيبتي وربي يحلي أيامك
​

اووووه ياجماعة مالا لي كيما حالتي في الغربة واش نقولو حنا هنا ماكان لا عيد لاوالو
ماتقولوش على العيد سامط بصراحة لعباد لي سامطين

هداك هو الحق مش لعيد لي سامط
العباد هوما والله عندك الحق يا ختي
ربي يهدينا برك مشكووورة عالمرور
سلامي
​

 

[hakimafethi]

ليس العيد الدى تغير انما الناس هى التى تغيرت وضعف الايمان جعلها لا تعرف قيمة العيد وكما قال الشاعر ليس العيد من لبس الجديد ولكن العيد من بات فى عبادته يزيد
نعيب زماننا والعيب فينا ... وما لزمانا عيب سوانا

ونهجو ذا الزمان بغير ذنب ... ولو نطق الزمان لنا هجانا

وليس الذئب يأكل لحم ذئب ... ويأكل بعضنا بعضا عيانا

 

[hala mimi]

يعطيك الصحه اختي على الموضوع صح تاني احنا محسيناش بيه خلاص كل عيد يجي ينسي في خوه معلباليش علاه الدنيا قاع سماطت

 

[الاخت دلال]

انا الحمد الله

حسيت بالعيد 200%


صلينا صلاة العيد

وعيدنا في دار جدي مع العائلة الكبيرة

وذبحنا وشوطت البوزولوف من اول مرحلة حتى اخر مرحلة

حسيتلو بسيف اعليا

وعيدنا كي العادة

وفااااااات رووووووووووووووووعة

انا في رايي الي مزالو متمسك باعاداتو كل عام يجوز في نفس الطريقة
اما يكون العيد كباقي سائر الايام
اهنا اكيد راح يكون سامط وماتكونش بنة العيد


ميرسي اختى على الموضوع
ونتمنى ان شاء الله
العيد الاخير الي يجوز اعليك صامط