قبل ما تهدر أعرف واش راك تهدر

[بنت الـ25]

وعليكم السلام

جيت فايتة على كارتيكم لقيتو موضوع سحرني

اهلا بأم الشوش هدا من زوْإك حبيبتشي :d

خخخخ وانا لي نتعوق بالعفسات هادو درك نحكيلك :-r

تخدم معايا بروف
تقول دوزيام دو
اقرايها كيما مكتوبة خخخ
وتقول نشرب الجي
ونلعب الجو

ولي قراو معايا كوارث:


arobe

asale

a pice

pipili

يا يما على الأغوب تديرلي الفشلة فالركايب ههههههههه
كيما : صالي salut والسوجي

مي لي فجعتني صح فريجيدان
هادي تليق تدخل غينيس للأرقام القياسية ههههههههههع

عندنا بابا ويسمع كلمة في دار مقلبة هك
يديرلنا محاضرات
مرة جات عندنا خالتي وقالت كلمة غالطة
نسيت عليها
نشعها طول وصلحهالها
وانا في قلبي بابا اسكت ربي يعيشك خلي لمرا في حالها درك مبقاتش ترجع.
هيا صحيتي مينا

كي تجي نونوغا نرجع
خخخخ عندي معاها روايات على لي يعوجو الفرنصيصة :d

​

والله نشعة صح وشي ناس ما يتبهدلوش :-o
وجوههم قزادر (مشني على طاطا ليليا والله نحبها هههه:-h)
والـplus beau كي تجي تصححي (بحسن نية) يديروك طوط عالحيوط
ويكنسو بيك الدنيا آلي غوتوغ
وتولي انتي لي متليقيش:down:

هدا قالك واحد قاعد مع صاحبو قالو :
والله المخلوقة كل ما تسقسيني وش كليت نقولها لوبيا
قالو لمرة لجاية قلها كليت البيتزا
ايا لمرة لجاية قالتو: حنوني وش تغديت ليوم؟
قالها: بيتزا :d
قاتلو: وبنينة ؟:-r
قالها مكثرتش زوج مغارف وبركيت
ههههههههههههههههههههه :d
يا ودي اشششششششت بهدلتنا:-o
:p:p:p
مغسي شوشو عالمرور :regards01: وكي تجي نونوغا اضربي طلة هنا تحلى القعدة
​

 

[simou11]

خخخخخ رجعت نقرا هدرة الناس
والله كوارث لي كاتبينهم البنات هنا ^^
جامي تخيلت كاين عباد حابسة و مصرة على الحبسة هكا !!

كي قلتي الفليكساج
فكرتيني ..
كان عندنا بروف تاع فرونسي .. سامبا خلاه
دخل واحد البروف اوخر يحكي معاه ,,
و مباعد قالو " قتلني الديـgـوتاج مالقيت ماندير "
ناض البروف تيعنا يضحك في وجو و قال باين من دزاير !!
قلت في قلبي مالا من لاشين
و مباعد قالو نقولو ديـgـو ( Le dégoût ) مش ديـgـوتاج ..
ديـgـوتاج ادي تسمعها غير في دزاير !

البروف لوخر كمل هدر نورمال !!
و انا بقيت حاشمة ,,
بروف بجلالة قدروا يترخس قدام التلاميذ
على جال الهدرة الزايدة
ما تعرفش قول القلقة
لاه توصل روحك لمواصيل خاطية !! ​

 

[بنت الـ25]

خخخخخ رجعت نقرا هدرة الناس
والله كوارث لي كاتبينهم البنات هنا ^^
جامي تخيلت كاين عباد حابسة و مصرة على الحبسة هكا !!

كي قلتي الفليكساج
فكرتيني ..
كان عندنا بروف تاع فرونسي .. سامبا خلاه
دخل واحد البروف اوخر يحكي معاه ,,
و مباعد قالو " قتلني الديـgـوتاج مالقيت ماندير "
ناض البروف تيعنا يضحك في وجو و قال باين من دزاير !!
قلت في قلبي مالا من لاشين
و مباعد قالو نقولو ديـgـو ( Le dégoût ) مش ديـgـوتاج ..
ديـgـوتاج ادي تسمعها غير في دزاير !

البروف لوخر كمل هدر نورمال !!
و انا بقيت حاشمة ,,
بروف بجلالة قدروا يترخس قدام التلاميذ
على جال الهدرة الزايدة
ما تعرفش قول القلقة
لاه توصل روحك لمواصيل خاطية !! ​

اهلا سيمو مرة اخرى
علاه تكتبو بالحجم 6 تحكمو بزاف ليصباص
ههههههههههههه :p
الديقوتاج هديك رانا قريب نحطوها فالديكصيوناغ الفرنسي
ولات كلمة رسمية يحكي يها الصغير والكبير الجاهل والمثقف
وكانها كود هههههههههه
منورة حبوبي :regards01:
​

 

[simou11]

علاه تكتبو بالحجم 6 تحكمو بزاف ليصباص
​

خخخخ الله غالب مانشوفش كي نكتب بالصغير :p​

 

[بنت الـ25]

خخخخ الله غالب مانشوفش كي نكتب بالصغير :p​

ديري ctrl + + دوك تكبر الباجة هههههههههه :p
​

 

[الجزائري05]

هيهيهيهيهي
تفكرت عمكم اللبان
مشهور و ذائع الصيت

نكمل القراية دو سيجي و نجي نكومونتي و نبارطاجي
​

 

[عابر سبيل12]

فريجيدان

انا نقول الفريجيدان والله
ونقول التيلي

:regards01:
وهاذي كلمات عامية بالدارجة
يعني خليط مهجن من الفرنسية والعربية والبربرية الامازيغية
ههههههه
​

 

[الورد الأحمر]

ههههه مينوشة فكرتيني في موضوع كنت دآيرتو وحد الوقت
سميتو la langue de la française ههههه
فيه العينآت هذو وهآكي الرآبط تآعو أقرآيه
La langue de la française اكتشاف الشعب الجزائري ‏
بآش مآنهدرش بزآف أو كلش فيه
وكيمآ قلتي مش بآش نضحكوآ مي مآت تدريش
يكونو كآينين لي غآلطين في مصطلح مآ ويصححوه من عندنآ
ضحكتيني يعطيك أمهم كيمآ تقولي ههههه
هيآ مغسي بوكو عالموضوع البآهي الزآهي ...
لي عودة أكيدة ...
سلآمي ’
​

 

[الورد الأحمر]

نزيد نقولك اضآفة على وآش جآ في موضوعي الفوق
كآين لي يقولوآ سآنـpـل مش سآمـpـل
شغل مآ يعرفوش القآعدة تآع قبل P مآ نحطوش N
نحطوآ M كيمآ مع الـB بعد مآ نقولوش آنـpـوسيبل
نقولوآ آمبـPـوسيبل مي الله غآلب كآين لي جآهلين
في كلش مآ يعرفوش قوآعد اللغة العربية كيفآش يعرفوآ قوآعد
اللغة الفرنسية هذآ يتسمى جهـل غير في الحآلة كي يلعبوهآ يحكيو
فرنسي وهومآ مش عآرفين كيفآش جآية المهم تبآنلهم روحهم
يحكيو بيهآ وهومآ ضحكة متنقـلة يخي حآلة ههههه
سلآمي ’
​

 

[الورد الأحمر]

وتخدم معآيآ تآني وحدة دخلت عليهآ دآك النهآر
Ajupe ajupe ajupe وتأكد عليهآ !
و L'ascenseur لي فيه صح A في اللول
كآين لي يقولولو scenseur عىل خآطر في بآلهم
تتكتب La scenseur !!!!!!
و Lavabo يحسبوه avabo على خآطر في بآلهم
تتكتب L'avabo !!!!!!!!!! ?’
​

 

[الورد الأحمر]

abouée
atrousse
!!!!?
’

​

 

[simou11]

ههههههه تيزيري راكي جايبتها ^_^
الـA اداك ماعاباليش مين يجيبو فيه !!
كيف كيف الـM لي ينطقوه N مورا الـP و الـB ...

والله فكرتنيني في عباد ياسر خخخ ​

 

[الجزائري05]

abouée
atrousse
!!!!?
’

​

أحم أحم شكون جاء
جماعة فخانسيسة الماصوات:p

​

 

[بنت الـ25]

هيهيهيهيهي
تفكرت عمكم اللبان
مشهور و ذائع الصيت

نكمل القراية دو سيجي و نجي نكومونتي و نبارطاجي
​

وهل يخفى القمر؟
ههههههههههههههههههههههههه
صحيت معتز جوطاطوندي :d
​

انا نقول الفريجيدان والله
ونقول التيلي

:regards01:
وهاذي كلمات عامية بالدارجة
يعني خليط مهجن من الفرنسية والعربية والبربرية الامازيغية
ههههههه
​

درت شخبط شخابيط خرجتلك الكلمات؟:-r
ههههههههههههه :p
​

 

[بنت الـ25]

ههههه مينوشة فكرتيني في موضوع كنت دآيرتو وحد الوقت
سميتو la langue de la française ههههه
فيه العينآت هذو وهآكي الرآبط تآعو أقرآيه
La langue de la française اكتشاف الشعب الجزائري ‏
بآش مآنهدرش بزآف أو كلش فيه
وكيمآ قلتي مش بآش نضحكوآ مي مآت تدريش
يكونو كآينين لي غآلطين في مصطلح مآ ويصححوه من عندنآ
ضحكتيني يعطيك أمهم كيمآ تقولي ههههه
هيآ مغسي بوكو عالموضوع البآهي الزآهي ...
لي عودة أكيدة ...
سلآمي ’
​

أهلا نوغ
يعطيك رعيدة بلا سحاب على هداك الموضوع
او قريتو هههههههههههههه وسرقت منو هادي عجبتني بزاف

درك نوغمالمو فهمتو عليا ؟ ... خلي نزيدكم

أنواعها:
- لغة يتكلمها البعض عن غير قصد ولا يعلمون
أنهم يتقنونها
- لغة يتكلمها البعض عن قصد ويعلمون أنهم
يتقنونها هدفهم مواكبة السيـvـليزاسيون
مزاياها: تمنح هذه اللغة للشعب الجزائري
- حق تغيير الكلمات واستعمالها لأغراض أخرى
غير المتعارف عليها
- حق إدخال أكثر من لغة في نفس الكلمة
واو هذا علم كبير واش الاكتشاف هذا​

​

نزيد نقولك اضآفة على وآش جآ في موضوعي الفوق
كآين لي يقولوآ سآنـpـل مش سآمـpـل
شغل مآ يعرفوش القآعدة تآع قبل P مآ نحطوش N
نحطوآ M كيمآ مع الـB بعد مآ نقولوش آنـpـوسيبل
نقولوآ آمبـPـوسيبل مي الله غآلب كآين لي جآهلين
في كلش مآ يعرفوش قوآعد اللغة العربية كيفآش يعرفوآ قوآعد
اللغة الفرنسية هذآ يتسمى جهـل غير في الحآلة كي يلعبوهآ يحكيو
فرنسي وهومآ مش عآرفين كيفآش جآية المهم تبآنلهم روحهم
يحكيو بيهآ وهومآ ضحكة متنقـلة يخي حآلة ههههه
سلآمي ’
​

قالك ليس العيب أن تخطئ العيب ان تبقى مصرا على الخطأ
قوليها للهزاريش تعيشي رانا عفنا هههههههههههه
​

وتخدم معآيآ تآني وحدة دخلت عليهآ دآك النهآر
Ajupe ajupe ajupe وتأكد عليهآ !
و L'ascenseur لي فيه صح A في اللول
كآين لي يقولولو scenseur عىل خآطر في بآلهم
تتكتب La scenseur !!!!!!
و Lavabo يحسبوه avabo على خآطر في بآلهم
تتكتب L'avabo !!!!!!!!!! ?’
​

الصنصور زي حكاية البريفيريك (التليفريك) ههههههههه
كارثة عظمى :-o
نونو هدرتي بزاف أيا La fermeture :p

​

 

[بنت الـ25]

abouée
atrousse
!!!!?
’

​

نآمpخيمي تعرفيها؟
​

ههههههه تيزيري راكي جايبتها ^_^
الـA اداك ماعاباليش مين يجيبو فيه !!
كيف كيف الـM لي ينطقوه N مورا الـP و الـB ...

والله فكرتنيني في عباد ياسر خخخ ​

احكينا عليهم سيمو مادابينا منطيحوش في نفس لآفوط ههههه
​

أحم أحم شكون جاء
جماعة فخانسيسة الماصوات:p

​

الماصّوّة نقولو ياخي:-r هههههههههههههه :p
​

 

[الورد الأحمر]

أحم أحم شكون جاء
جماعة فخانسيسة الماصوات:p

​

هههههه عندك اعترآض زيّك :s
:p:p:p
​

 

[الورد الأحمر]

ههههههه تيزيري راكي جايبتها ^_^
الـA اداك ماعاباليش مين يجيبو فيه !!
كيف كيف الـM لي ينطقوه N مورا الـP و الـB ...

والله فكرتنيني في عباد ياسر خخخ ​

هذو لي يجهلوآ قوآعد اللغآت ويلعبوهآ معلمين
يآو تفكرت يآسر يآسر يآسر جآرنآ لي رجل هههه
:p:p:p
​

 

[الورد الأحمر]

أهلا نوغ
يعطيك رعيدة بلا سحاب على هداك الموضوع
او قريتو هههههههههههههه وسرقت منو هادي عجبتني بزاف

ههههه هآت مآ تصبش برك النو وترعد الدنيآ على روحهآ
رآني نآويتهآ صيّآفي السمآنة هذي :up::up:
ههه ديتي المفآهيم هذيك بآش يفهمو عليك مليح وآش
تقصدي بموضوعك النآس أنوآع :p

​

قالك ليس العيب أن تخطئ العيب ان تبقى مصرا على الخطأ
قوليها للهزاريش تعيشي رانا عفنا هههههههههههه
​

ههههه آيوة هي دي آآآه هي دي وأجمل حآجة بحبهآ
فيكي هو ده آآه هو ده :p:p:p
يآم لهزآرش هذو قآلك رآنآ ولآد بلآد أنآ بنت الجبل
يآ بنتي مآم نسكن في لبلآد على خآطر لي ولد بلآد من
بكري مآ يكون جدو غير قومي :p:p نعرف الأحرآر الكل
نقلوهم للجبل محنوهم والقومية خلآوهم بآش يوصلولهم
لخبآر ولآ وآش رآيك في التحليل هذآ :p


الصنصور زي حكاية البريفيريك (التليفريك) ههههههههه
كارثة عظمى :-o
يآو صآحبتي تزوجت دآك النهآر ربي يهنيهآ كآنت تقولو
تيليفيليك :-o
Pleaaaaaase kill me

نونو هدرتي بزاف أيا La fermeture :p

​

هههههه هذي نهدروهآ غير بينآتنآ أنآ وخوآتآتي ولي كوزين
تآعي بآش نوآكبو الحضآرة ههههه :-r:-r
نحب السيـvـيليزآسيون :p ’
​

 

[الورد الأحمر]

نآمpخيمي تعرفيها؟
​

وتعرفي بلي مذكرة التخرج يقولولهآ la mémoire !




احكينا عليهم سيمو مادابينا منطيحوش في نفس لآفوط ههههه
​

الماصّوّة نقولو ياخي:-r هههههههههههههه :p
​

يخي المذكر مآصون فالمؤنث ضروري يكون مآصوّة ههه
ولآ نزيدو الـ E برك بعد الـ N
ترجع مآصونة هههههههههههه
هيآ اتهلآي يآ بنت الإيـــــــه
سلآمي ’
​