واش راكم يا حبابي ان شاء الله بخير و ديمة ملمومين
اليوم حبيت نحكي في موضوع راهو بزاف قايسني و اللي بكاني بزاف و مازالني حتى لدوكا ما خرجتش من دائرة الحزن اللي دخلت فيها من الصباح
حبيت نبدا كلامي بآية كريمة حيث يقول الله تعالى :
(الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا) النساء/34
صحيح ربي أباح ضرب المرأة بصح ضرب غير مبرح يعني ضرب خفيف ماقالش افقعلها عينها
نحكيلكم على الحكاية اللي راها بزااف قايستني اليوم كانت عندي خرجة ميدانية للمستشفى درنا شوية باش نعاينو النظافة و اشياء أخرى وانا نتنقل بين الأقسام خذاني الفضول باش نروح les urgences مشيت نضرب طلة
وياااخاوتي كانت امرا قاعدة وحدها ما تعرفش اذا راك تشوف في وجهها او قفاها
و المخلوقة شافت فيا و تطرطقت بالعياط
وهي فتحت الخمار ووراتلي كامل وجهها مع رقبتها و زادت ورات يديها و رجليها و مناطق اخرى قاتلي ما نقدرش نوريلك !!!! قلتلها ما تقوليش هذا ضرب؟؟؟!!!!
قالتلي لما حب يتزوج انا ما عارضتوش لأنه حقه الشرعي برك شرطت عليه يخليني في داري مع اولادي لأنه كان مضطر يتزوجها أو يدخل السجن و انا ما حبيتوش يتمرمد و يخلي اولاده يتامى
صدقوني راني نحكي و نبكي
سؤالي ليها الاخر هو اللي زاد قهرني
سقسيتها اذا راهي رايحة تدير certificat باش تشتكي بيه ...قاتلي لالا مهما كان هو اب وليداتي نوكل عليه ربي و نخليه جيت برك باش نداوي
مانقدرش نوصفلكم الضرر اللي عملو فيها
قال رسول الله صلى الله عليه وسلم (( لا يصلح لبشرٍ أن يسجد لبشرٍ ، ولو صلح لبشرٍ أن يسجد لبشر، لأمرت المرأة أن تسجد لزوجها، من عظم حقه عليها )) يا درا هذا الزوج يستاهل هذا الكلام؟؟؟
و هذا حديثَ رسولِ اللهِ وأفضلِ خلقِ اللهِ إذ قالَ: "خيرُكم خيرُكم لأهلِه وأنا خيرُكم لأهلِي" معناهُ أنا أَحسَنُ معاملةً لأزواجِي منكم، وأنتم من كانَ معاملتُه للنساءِ أحسنَ فهو أفضلُ الرجالِ،
على بالي طولت عليكم بصح ربي شاهد على هول المنظر اللي شفته
وانتوما خاوتي واش رايكم في هاذ الناس؟؟ (اذا كانو يستاهلو نقولو عليهم) ناس
آخر تعديل بواسطة المشرف:
