حابة رايكم

[سمسم السمسومة]

اقتباس

سلام اختي وي الاغلبية راهواااااا كوبي كولي واش تحبييييييي هادي هيا هماا موضوع مليح مرسي
​

نتقبلوا الكوبي كولي في حوايج مي ماشي لدرجة هاذي....مشكورة لردك الجميل غاليتي

 

[سمسم السمسومة]

اقتباس

الله غالب ممكن ميعرفوش ايعبروا على مشاعرهم
بطريقه او باخرى او ميعرفوش يكتبوا صح واش في داخلهم
او المواقف اللى عاشوها
واش تحبي هكا يحبوا باه ميتعبوش رواحهم في الكتابه
تحياتى لكى وشكرا على الموضوع​

في قسم واش راك تهدر و هنا بالذات في بالي كل واحد راه لاقي حريتوا كيما حابها و مكانش حدود هنا و التعبير هنا معندوش مقاييس مهوش شعر و لا مقالة أدبية راحي حالتنا الاجتماعية لي عايشينها و نحكوا فيها بدارجتنا وين راهوا _عدم القدرة على التعبير_مهيش حكاية ميعرفوش و لا ميحبوش يتعبوا رواحهم راهي حكاية تفكير عقيم لدرجة الغباء......تحياتي ليك على مرورك الجميل غاليتي

 

[سمسم السمسومة]

اقتباس

ana otalib b hokok el nachr
w onadid b 3amad nakl mawadi33i
iy okhti kaynin li ma3jazin 3ala el ktiba yhabo copie coller
machkora
​

خلاص اذا كان الحل نطالبوا بحقوق النشر هنا نطالبوا بيها باه يعرف كل واحد بلي لي عينوا يدير كوبي كولي يشوف منتدى أخر ماشي من عندنا....مشكورة على ردك الجميل غاليتي

 

[أم راضية ~_]

يا ريت تنبهونا لمثل هاد الأمور حتى نتصرفو معاها
شكرا لك :regards01:
​

ما تخمميش مينات بلغت عليها في وقتها
مي بيناتنا كنت حابة نسقسي الي حط هداك الموضوع على السوجي اكتر و نجيبلو مولاه تاع الصح
قاعدة نتخيل فالموقف كيفاش راح يكون ؟؟؟:s
عجب والله !!!
​

 

[رحاب ملاك]

صح عندك الحق ربي يهديهم

 

[سمسم السمسومة]

اقتباس

شوفي سمسومة
انا شفت لموضوعك من شحال ن زاوية

اللولة هي: انك خاينة وما عاد نصافيك ياللي خاب ظني فيك
غابت اللمة يومين بدلتيها بمنتديات اخرى اخص عليك ههههههه

والحاجة الثانية : يا درى الموضوع اللي شفتيه منقول لادات تعو قبل تاعنا ولا موراها؟
خاطر معروف على اعضاء اللمة وخصوصا الاوفياء لمنتدى واش راك تهدر انهم يجيبو غير الحصري اللي يصرا فالمجتمع تعنا
ممكن يكونو هوما اللي سرقولنا المواضيع تعنا
ولاكان العكس عندي معاك هدرة فالبغيفي خخخخخخ​

ههههههه صار لي يهدرلكم الصح رجع خاين...لي في قلبي ليكم أكبر من أني نتخلى عليكم و لا تجي بالساهل و نبيعكم صراحة مجرد فضول و ضربت طلت على شوي منتديات برك.....معليش حقكم عليا متتعاودش......منكذبش عليك التاريخ منيش عارفة قبل و لا بعد مي أنا طرحت سؤال على العضوة لي هزاتهم منا قاتلي بلي راهم منقولين يعني راها داتهم بعد مداروهم الاخوة هنا...و أكيد هوما لي سرقوهم منا ....ماشي العكس راني نستناك فالخاص باه نبردلك قلبك مليح.......هههههه تحياتي ليك

 

[سمسم السمسومة]

اقتباس

اوووووووه و الله يا اختي لا بريزيتيني أصلا أنا نحب هاذ المنتدى بالذات على جال نحكي فيه براحتي و بلهجتي و اذا وصلنا لكوبي كولي حتى هنا دونك ما بقات مصداقية في حتى شي و الله لانقول من قلبي خسارة و ألف خسارة كاين هنا حتى مشاكل ديال ناس و اللي لقى عندو نفس المشكل على الأقل يكلف خاطرو و يعبر عليه بطريقتو
شكرا يا سمسومة على المعلومة
​

شفتي هاذيك الحاجة لي صح قلقتني صح انو هاذ القسم بالذات شغل تاعنا وحدنا و ماهوش لي يجي يدي من عندنا و يحطها باسموا....و اختي انا قلت بلي المواضيع راهم تاعنا و منقولين علينا يعني مهوش العكس ....مشكورة على مرورك الجميل غاليتي

 

[سمسم السمسومة]

اقتباس

هذا هو العقم الفكري بذاته
​

ايه خويا هذي هي الفكرة لي حبيت نوصلها انو وصلنا لواحد المستوى صح نسميوه_العقم الفكري_تحياتي ليك

 

[سمسم السمسومة]

اقتباس

اهلااا سمسومة ....
الظاهرة الي تحكي عليها كاينة في اشحال من حاجة ..ماشي غار في المواضيع ....
الي تشوف حاجة في ديكور جارتها مثلا تهزها كيم هي فوتوكوبي و علاه انت ماكيش مرا ؟؟؟ ماعندكش لمسة خاصة
و الي تشوف عندك قندورة و لا حتى حاشاك صباط هاذاك هو الي تشريه ....
انا اعوذ بالله منكلمة انا نهبل من التقليد ...اماجيني حتى لي روسات تاع القاطو ونبدل فيهم و اله ما نديرهم كوبيي كولي غار الي نخاف تفسدلي و هكاك و نبدل في الزينة ....
وين يا المواضيع ..العلمية و نشقلبها ....اله غالب كل واحد كيفماه يخمم ....و ربي يهدي .....
خاصة واحدكي ينقل في الحق يكتب منقول للامانة على الاقل ....

و قوليلي سمسومة ...المواضيع هاذو ماهمش نتاعي بارازار ...؟؟....خلي نباصيهم ...هههههه
​

هي الصح الظاهرة كاينة في بزاف حوايج و التقليد بلاك نتقبلوه في حوايج بزاف مي صراحة لي استفزني انوا مهوش القسم لنديروا منوا كوبي كولي....الواحد لي حاب يطور المنتدى تاعوا يقدر يهدر صح على واش صاري معه في حياتوا اليومية يعشي داير مواضيع ما شاء الله....مي يدي مواضيع تاع أشخاص حكاولنا حاجة ممكن خاصة بيهم و يديرها في منتدى أخرى متصلحش....هذي جرأة و لاسرقة و لا واش...لا لا المواضيع ماشي تاعك مي راني نربش كشما نزيد نلقا.....و هذيك الساعة لازم نديروا عليهم هجوم و يشوفوا لي يدي من عندنا كيفاه يخلصها...ههههه....ربي يحفظك أختي الغالية على مرورك الجميل

 

[سمسم السمسومة]

اقتباس

وعليكم السلام
سرقو اللمة بمافيها حتى شكلها
وقالو أبدعنا
واش نديرو أختي حصريات اللمة بكلها تنهبت
مرة لقيت عضو في منتدى خلاف سارق موضوع مسابقة قد السخط
دارها الأخ فريد أبو فيصل !!
ماخلاو مانهبو
تبقى اللمة خير منهم مهما سرقو
الأصل واضح !!
تقبلي مروري
سلامي
​

مهما كان الأصل واضح حاجة تغيض كي تلقاي واحد تعب على حاجة و جا و احد من هيه دارلها كوبي كولي و هذا لي يقولوا مشكور على الموضوع و واحد موضوع رائع و هو و لا هي بكل بساطة عاجباتوا روحوا...و هو أصلا الموضوع خاطيه...معليش ممكن النقل مي الواحد كيما قالت أختي_أم اسحاق_يحط اللمسة تاعو الخاصة بيه و يغير شويا....تحياتي ليك على الرد الرائع

 

[سمسم السمسومة]

اقتباس

كاين ناس هاكدا يسرقوا حتى الكحل من العين :d
ويحسدوك حتى على كلمة خرجت من قلبك يا إما يسرقوها ولا يوظفوها في غير منصبها

​

هاذ حالنا و لا هكا رجعنا حتى باه نبذلوا مجهود خاص بينا قاعدين و نديو حوايج خاطيينا......تحياتي ليك على ردك الجميل أختي

 

[سمسم السمسومة]

اقتباس

السلام عليكم
انا قلبي يوجعني وما نحملش
اااه اااااه من ريسان البيطون و ريسان السيما اففف
تلاقيت زوج مرات بمواضيع مسروقة من اللمة تاعنا و مرة لقيت موضوع مسروق كوبي كولي من منتدى واش راك تهدر لمنتدى واش راك تهدر ههههههههههه فهمتوها؟؟؟؟
يعني كان موضوع هنا محطوط و جات عضوة وولا عضو ما نعرف وعاودت حطاتو في نفس المنتدى :!!!!!! يا عجب العجاب !!!!!!!!!!
الي سرق موضوع راهو سرق افكار وقصص و مشاعر و جهد غيرو
ربي يهديهم
حاسبينها ساهلة ....
شكرا سمسم :regards01:​

ايه أختي سلم فمك كلامك صواب راه سرق فكرة و لا مشاعر....هذا عقم فكري للشخص لي دا أي حاجة خاطياتوا و نسبها ليه......تحياتي ليك على ردك الجميل غاليتي

 

[سمسم السمسومة]

اقتباس

نورمالمو كل واحد وتخمامو وكل واحد كيفاش يشوف من جيهتو
مي بالاك ما يحبوش يشقاو هه هههه والله عجب
شكرا على الموضوع

ميشقاوش فالمواضيع لي بلاك ميقدروش يعبروا فيها مي ماشي في مواضيع كيما هاذي....مهوميش يشوفوا راهم يسرقوا صراحة هاذا لي بانلي...مشكورة على ردك الجميل أختي

 

[سمسم السمسومة]

اقتباس

ابن عمي هاااااااااااااااااااااااااااااااااااااااااااا..مايخليو والللوو..بدون تعليق سمسمو...على فكرة انا واحشتك اوي اوي :p
​

شفتي مخلاولنا والوا حتى واش رانا نهدروا رجعوا يديوه..........ربي يهدينا يارب....ربي يحفظك غاليتي

 

[سمسم السمسومة]

اقتباس

لدي فكرة اعتقد انها ستكون كفيلة بالقضاء على هذا المشكل نهائيا :d
ساطرحها على الادارة قريبا :regards01:
​

شكرا اخي ننتظر فكرتك باذن الله تعالى....مشكور

 

[بنت الـ25]

ههههههه صار لي يهدرلكم الصح رجع خاين...لي في قلبي ليكم أكبر من أني نتخلى عليكم و لا تجي بالساهل و نبيعكم صراحة مجرد فضول و ضربت طلت على شوي منتديات برك.....معليش حقكم عليا متتعاودش

هكا تعجبيني سمسم
لمرة لجاية بليمينوط ما نرحمكش ههههههه :p
​

منكذبش عليك التاريخ منيش عارفة قبل و لا بعد مي أنا طرحت سؤال على العضوة لي هزاتهم منا قاتلي بلي راهم منقولين يعني راها داتهم بعد مداروهم الاخوة هنا...و أكيد هوما لي سرقوهم منا ....ماشي العكس راني نستناك فالخاص باه نبردلك قلبك مليح.......هههههه تحياتي ليك

مادامك ما شفيتيش على التاريخ مالا طفرت
انا قلت لاكان تاوعنا لي سرقوه من عند الناس ليوم نجمعلهم الأدوات :d
مي مدام ظهرو سرقوهم من عندنا يسوكو بيهم :down: هههههههه
ما في داعي للخاص او توضحت الامورات
تحياتي ليك سمسم :regards01:


​

 

[السلطانة]

مهما كان الأصل واضح حاجة تغيض كي تلقاي واحد تعب على حاجة و جا و احد من هيه دارلها كوبي كولي و هذا لي يقولوا مشكور على الموضوع و واحد موضوع رائع و هو و لا هي بكل بساطة عاجباتوا روحوا...و هو أصلا الموضوع خاطيه...معليش ممكن النقل مي الواحد كيما قالت أختي_أم اسحاق_يحط اللمسة تاعو الخاصة بيه و يغير شويا....تحياتي ليك على الرد الرائع

وجعني قلبي واحد الوقت
على منتدى عالم حواء لي تنهبو حصرياتو
ووجعني على مدونتي ووجعني على حصرياتي خاصة بوح القلم سرقة أحاسيس بمعنى الكلمة
سجلت في المنتديات كاين مدير يعطيك حقك وكاين لي ميقمكش !
كوم هوا بعد تلقايه سارق
مباعد وليت منتبع منشوف باه ميوجعنيش
تتبعي تمرضي
​

ميرسي مرة أخرى سمسم على الموضوع
تقبلي مروري

​

 

[الورد الأحمر]

التسآؤل تآعك في محلو ... الوآحد يقدر يسرق خآطرة مثـلآ ويقول درتهآ
ولآ يسرق موضوع من نوع خلآف يكون من حصريآت عضو مآ وطرحو بأسلوب
شيّق وعجبو الأسلوب حب يبرز بيه بصح يسرق أحدآث صرآت لغيرو ويجي يحكيهم
على أنهم صرآو ليه فمآ عندهآ حتى معنى وحتى إذآ حب يكون صآدق ويكتب منقول
فالموضوع يرجع مليآر مآ عندو حتى معـنى ,,, درك كي ننقلو حآجة نكتبو منقول للإفآدة
وفي حآلة نقـل موضوع من هذا المنتدى بالذآت وآش نكتبو ؟؟؟
نآس غريبين فعــلا ...سلآمي ’
​

 

[سمسم السمسومة]

اقتباس

هكا تعجبيني سمسم
لمرة لجاية بليمينوط ما نرحمكش ههههههه :p
​

خلاص منزيدش نعاود.........:$

مادامك ما شفيتيش على التاريخ مالا طفرت
انا قلت لاكان تاوعنا لي سرقوه من عند الناس ليوم نجمعلهم الأدوات :d
مي مدام ظهرو سرقوهم من عندنا يسوكو بيهم :down: هههههههه
ما في داعي للخاص او توضحت الامورات
تحياتي ليك سمسم :regards01:


​

الحمد لله لي مجيناش حنا و كنتي تحاوزينا اليوم كامل و يحلالك الجو وحدك.....ههههه.....تحياتي ليك

 

[سمسم السمسومة]

اقتباس

وجعني قلبي واحد الوقت
على منتدى عالم حواء لي تنهبو حصرياتو
ووجعني على مدونتي ووجعني على حصرياتي خاصة بوح القلم سرقة أحاسيس بمعنى الكلمة
سجلت في المنتديات كاين مدير يعطيك حقك وكاين لي ميقمكش !
كوم هوا بعد تلقايه سارق
مباعد وليت منتبع منشوف باه ميوجعنيش
تتبعي تمرضي
​

ميرسي مرة أخرى سمسم على الموضوع
تقبلي مروري

​

صراحة أنا كي لقيت المواضيع تاعنا تما كانت ردودي فيهم بلي هاذ الموضوع راه منقول و منيش محتاجة ندير رد ليهم....و خليتهالهم ينعموا بيها كيما قلتي....حاجة تاع الناس و داوها...ناس معندهم لا أخلاق و لا حتى القدرة على التعبير....و علاه هوما ناقصتهم أحاسيس صادقة حتى يدوا من عندك و لا من عند غيرك لي عجبوا موضوعي يحاول يدير فكرة و لاموضوع مي ماشي يدي أحاسيس الناس و ينسبها لروحوا....ربي يهديهم يا رب...تحياتي ليك مرة أخرى غاليتي