أدخلو تضحكو شوية ؟؟؟؟ فمي واش يعمل فيا ؟؟؟؟

[ام راقية]

ههههههههههههههههههههههه فكرتينيفي عذاب الدونتيست يا وخيتيراكي جبتيها مني ندخل وتبدا interviewهههههه يسقسوك اسئلة تقول تعرفيهم ..ماما وما تسقسينيش هاذ الاسئلة

souhila_95أهلا
عجبتني كلمة لقيتيها

interviewصح والله تقولي راح نفوت vيزيت و حصة تعارف
تحياتي حبيبتي :regards01:
​

 

[ام راقية]

هههه قتلتوني بالضحك والله انا واحدة نكره هادوك ليجاست نقول الله يهديهم المخلوقة ماتعرفيهاش تروحي تحكيلها قصة حياتك كاين بلا مايسقسيو يبداو واحدهم يحكيو انا وانا و مزوجة وعجوزتي وراجلي واولادي وجيراني وصرالي ما صرالي يصدعو الراس يا لحبيبة ماشي كي حالتي كي ندخل السلام عليكم ونحكم بلاصة ما نخرز ف حتى واحدة ماتهمني القصرة ديالهم
مشكورة على الموضوع بارك الله فيك

منايا الجنة إنتي لمشكورة حبيبتي
على المرور الجميل
عندك حق إنتي فعلا ذكية
سلام و مفيش كلام
شكرا دامت مشاركاتك الجميلة :regards01::regards01:
​

 

[كافيري]

لحمدولله لي خليت واحد يضحك بعدا نتي طاطا ام رقية :dوش نديرو الله غالب هاذي حالتي مع لحشمة.شكرا:$

 

[الورد الأحمر]

ايه سي vـغي يصرآو الموآقف هذو وديمآ مش ديفوآ ...
أنآ نكره وحدة تحكي معآيآ وأنآ مآ نعرفهآش ...
والصرآحة مآ نشبع حتى وحدة هدرة ندخل بوجه مقلّب مع تخزر فيآ وحدة
نخزر فيهآ تآع تنطقي معآيآ مآ تفرآش ... نكره الشغلة تآع النسآوين والتقرعيج
لي بزآف في كل الأحوآل إذآ حكيتلهآ قصة حيآتي مآ رآيحآش تنتفع بيهآ على
خآطر بربي ان شآء الله مآ رآيحينش نزيدو نتلآقآو مآلآ لآمآهلهآ بيآ كي تعرف
اسمي ووين سآكنة ومتزوجة ولآ نو وعندي الدرآري ولآ مآزآل ...
كآين نآس يسمّيوهآ casse temps في la salle d'attente
أنآ نسميهآ دصآرة وتجآوز حدود وتدخل في خصوصيآت ...
ومن طبيعتي مآ نحبش وآحد يسقسيني أسئلة شـخصية سوآء نعرفو ولآ نو
كل وحدة والكآغآكتآغ تآعهآ أنآ بآين بلي كآغآكتآغي مش تآع يحكيو معآيآ
ألوغ وحدة مآ تتجرأ تحآجيلي ونحآجيلهآ ...
ربي يعينكم مآلآ رآكم ضحآيآ ... مغسي عالموضوع ... سلآمي ’
​

 

[kazawa]

مرسي على الموضوع وش ديري الواحد باش يسلم من عباد كيما هادم ميهدرش او كي ميهدرش ميعجبهمش الحال ههههههههه يسما تهدر تحصل..... تلقا روحك تحكي في حياتك لواحد جامي شوفتو في حياتك غير في هاديك اللحضة .....

 

[°NeSriNe°]

هههههههههههههه ،، والله نقرا فموضوعك و نضحك
ماتقلقيش روحك رانا قاع كيف كيف ،،
انا وحد المرا قالتلي وسمك ؟ كي قلتلها نسرين قالتلي امممم اسمك شباب
و مبعد شحال في عمرك ؟ وين تسكني ؟؟
قالتلي علابالك راني مشبهاتك بوحدة ..... و بدات تجبد لافامي ،، قلتلها ههههه لالالا راكي غالطا
قالتلي اوك راني شبهتك برك
و مبعد قالتلي اما سنة تقراي ؟؟ شحال تجيبي ؟؟ اففففففف خرجتني من رحمة ربي هههههههههه

موضوعك روووووعة
​

 

[السلطانة]

شفت الغاشي جيت نضحك
مي ميجينيش الضحك بعد منتصف الليل
أنا كونتر لحكايات هادو عند الطبيب
مشكلتي كي تعود عندي حاجة نروح نقضيها ونروح
أبار سا منفتحش المجال للنسوين يدصرو عليا
مرة وحدة قاتلي مخطوبة
قتلها :علاه لقيتيلي عريس !!
نشعتها وفتت قعدت
واش دخلها هي فيا مثلا
نقعد نستغفر مولايا ومنحكيش في الخرطي تاعهم
هيا ميرسي على الموضوع الزين
سلامي
​

 

[ام انس الحبيب]

هههههههههههههههههه
الله ايجازيك يا ام راقية ملي بديت نقرى في موضوعك
وانا ميتة بالضحك والله عندك الحق حتى انا صراتلي سقساتني وحدة عند الطبيب او قاتلي انت عروسة جديدة قلت ليها لا قاتلي شحال عندك زواج قلتلها 10 سنين قاتلي عندك اولاد قلت ليها لا
يا حنونة وتعيط في وجهي عيطة وتقولي آآآآآآآآآآآآآآآآآآآآآآآآآآآآآو هذا الكل وانت صابرة
حشمتني وحسيت لاsال الكل راي متعاطفة معايا
و تخزرلي بشفقة هذاك النهار والله لا ننساه من هذاك النهار وانا حالفة ما نزيد نهدر مع وحدة عند الطبيب
​

 

[SETIF étudiant]

السلام عليكم ام راقية موضوعك فن روعة يعطيك الصحة ...............

نورمالمون قاعة الانتظار(لاصال داطونت) هاذيك يمهدو فيها المريض نفسانيا لواش يستناه من علاج من بعد برك مي حنا لا قاعة الانتظار عندنا والله لا المرض بعينيه تدخل تزيد تمرض كثر وكثر ياوتبانلي حطوها للتقرعيج برك هيه حنا من غير تقرعيج واش رايحين نديرو خخخخخخخخخخخخ

انا بارد قلب و حياتي راحت غير في قاعات الانتظار موالف ههههههه والا حاصت ندخل نريح نتوجع مع روحي برك لي فيني يكفيني خخخخ ما نهدر ما نداصر...... مي ديفوا نطيح مع ناس فضوليين دي زانترو واعرين بزاف ساعة ساعة كي نتلاح معاهم في الحديث نحس روحي اني في تحقيق في قضية امنية ولا اكثر هههههههههههه

صراتلي خطرة عند طبيب تاع العينين نستنى في الدور نتاعي ساماني واحد كبير وقالي خويا كي راك واش حالك وواش راه يضرك وعلاه جيت... قتلو شوف اسيدي علاش تحوس ديجا لولا انا مانيش خوك خوك او في الدار خخخخخخخخخخخخخخخخخخخ وزيد ما يسقسي على حالي غير طبيب ههههههههههههههههههههه
............ و زدت كملت عليه قتلو شوف بيا ليسطومة برك ضرتني ولواحد كرشو اي قالباتو وجيت نشري الخبز هاذي هي ..عدت نشوف في السيد تنشع مرة خخخخخخخخ ياو قتلو الله يهديك برك واش راك تشوف فيا ياخي حالة يا خي هههههههههههههههههههههههكهههههههههههههههههههههههههههههههههههههههههه

 

[سمسم السمسومة]

ولا كاين لي تبداهالك بشبهت لفلانة و حتى اذا مشبهاتكش تضرب الغالط باه تجيب الصحيح.....و تبدا تزرع كيما قلتيها صح....صراحة عن نفسي معدتش نحمل أي حاجة يكون فيها الغاشي و لا يكثروا فيها الحكايات و لا نقعد و نستنى...صدقيني بتاتا هاذ الحوايج نحيتهم من حياتي مرات بلاك تتحتم اذا رحت لكاش طبيب بعيد لازمك تتحملي القيل و القال مي فالبلاد مكانش كي نروح لطبيب نستنى....لازم نروح ندخل و نجي خارجة و هي بلاك ساعات كي تقعدي تسمعي في هاذوك الحكايات تنحي شويا على بالك و تزيدي تتعرفي على ناس و أصدقاء جدد....مشكورة أختي موضوعك هايل...

 

[serinee]

اهلا بك حبيبتي
انا اصلا هدا التخلاط و المداسرة منحبهاش بززاف خصوصا كي يكون الانسان منرتحلوش
و كي تكون ضرستي توجع يعيشك متحكيش معايا
مرة رحت للدونتيست شفت وحدة فمها كان رايح يقول كلمة انا ثم ثم اي ضرستي قالتلي راهي توجعك قلتلها بززاف
مشكورة على الموضوع
​

 

[AnGeL*dZ]

حكآيآت النسوين عند الطبيب وحدها
باعتبآر خبرتي الطويلة في قاعات الانتظار شفت عجب العجاب :s
بكري كنت نقـعد مع بابا في نـعمة مع الرجال لا حكاوي لاهم يحزنون
كي كبرت وعدت نروح للدونتيست وحدي تشكويـت ،بنتي راكي صغيرة ومريضة وحد الجيل يالاطيف وش بيهم سنانك ،نروح لطبيب العينين انتي مريضة خليقة ولا وش صرالك ،طبيب المصرآن نفس الشي {اتفقوا أنو جيلنا حتى في هاذي ماصالحش ممراضين فراجيل } وتلقى النسوين يحكيو على اسرار بيتهم نورمال هاذيك حماتي دارت فيا الويل وسلافاتي حاطين عليا و أنا هاكا وراجلي هاكا و ولادي مانحكيش .
وحد الخطرا رحت عند ابـن عمي طبيب اسنآن زعمة باقية ساكتة نسنى في دالتي وبنات يحكيو عليـه تعرفيـه ،راهو باهي خدمتو مليحة زعمة مزوج
مبـعد كي جات الفرمليـة وهدرت معايا وفهمو بللي عندي قرابـة معآه بداو يسقسيو وأنا بردتلهم غشـهم حكيتلهم كلش وكملتهم بللي قريب يزوج حطمتهم:d
ياو النسا ايعيوا :down:
​

 

[همس الوُرود]

السلام عليكم أختي أم راقية

ههههه هايلة هادي والله كاين بزاف عباد هاكا نعرفهم

مي جامي كنت قريبة منهم باش ماكالاه يبداو الأسئلة ههههه

أما على طبيب الأسنان عندي وحدة تكولي طبيبة أسنان نروح عندها ههههه هي هايلة ماتوجعش خلاص وكي نروح مانبقاش نستنى :d معرفة خير هههه

أما كي كنت نروح كي كنت صغيرة مع ماما هههه كانو مايهدروش معايا يهدرو مع ماما وأنا نسمع هههه يقولولها هادي بنتك؟؟ الله بارك ويبداو يحكيو ههههههههه أنا يطلعولي المورال كي يقولولها ان شاء الله يجي نهار وتكبارلك وتولي تطيبلك القهوة وتعاونك نولي في قمة السعادة :yahoo01::yahoo01::thumb_up02::thumb_up02::regards02::smile02::smile02::sport02::sport02::$:$:$

هههههههه من بكري مدايتها في روحي للوووول

ولكن كون كاش مايصرالي كيما هاكا ويبداو يديرولي لونكاث نعرف كيفاش نبدل سيجي أختي ههههه :d

بيسك ساهلة أختي علاش أنتي هي الي تسقسيك أنتي سقسيها هههه ههه تقولك عندك الأولاد ؟؟ ديراكث ماتجاوبي ما والو اييي حقا فكرتيني وبدلي السيجي هههههههههه نورمال أختي ولا تقوليلها وأنتي كندك الأولاد؟؟ الله بارك ماشاء الله
وكملي أنتي سقسيها ولا عرفي كيفاش تدوري السيجي ليها :d

يعطيك الصحة طاطا على الموضوع الهااااااايل
راني لاحظت نشاطك في المنتدى :d ربي يخليك أختي دائمة النشاط والتميز ان شاء الله

في أمان الله
​