~..كَنَـتٍـي الـمـغْـبُـونَـة..~

[الباندي]

رد: ~..كَنَـتٍـي الـمـغْـبُـونَـة..~

السلام عليكم خويا
قتلتني ضحك وخلعتني في نفس الوقت اذا عاد هكا بناقص من الزواج والعايلة ولا نقول لراجلي نروحوا نرحلوا في ولاية بعيدة على دارهم بشحال خخخخخ هكا خير
مانعرف انا عجوزتي المستقبلية تبانلي عاقلة معايا واذا نهار تديني تتبدل عليا ربي يستر
يعطيك الصحة خويا على الموضوع ​

لا اختي متخافيش الموضوع ماهوش بهذك الصورة

ان شاء الله ترضى عليك عجوزك باسكو الا رضات عليك رايحة تكبري في عين راجلك تاع بصح

ربي يتمملك بخير و يعطيكم الهناء على الهناء

تواجدك في الموضوع يشرفني

 

[Nina's]

رد: ~..كَنَـتٍـي الـمـغْـبُـونَـة..~

صح عندك الحق خويا حقو كاين عبآد هكذا ما تسلكش من لسآنهم,
mais بالنسبة ليا, ما يهمنيش كلام دار ناسي’ يهمني زوجي اكثر باسكو تزوجت بيه ماشي بيهم, و نعيش كيما نحب باسكو يجيبوني من دار papa معززة مكرمة, هذي هي,,​

 

[الباندي]

رد: ~..كَنَـتٍـي الـمـغْـبُـونَـة..~

ههههههههه خلات كيما ادير تحير المخلوقة

راني خايفة تديه مقطوع من سجرة تلقاه هو الموصيبة الكبيرة خخخ حليلها و الله

"نقعد بايرة خيرلي ..نقولها من ضرك"

صحيت على السوجي تخي بيان جاري واصل :thumb_up02:

​

اهي جات موصيبة وحدوخرا ههههه

الا ديتيه مقطوع من سجرة اني خايف كما قلتي تصيبه هو السجرة في روحو معرg ياجدك ههه

ربي يعطيك راجل مهبول كما انتي باش تولو تصدرو الهبال الى تنزانيا هههه

مغسي فري ماتش يو ار ان يور هاوس
--
تحياتي اختي الــviola :thumb_up02:

 

[الباندي]

رد: ~..كَنَـتٍـي الـمـغْـبُـونَـة..~

لآلآ منيش نخآلف فيك ولآ أي شيء ومنقضدش بموضوع كآرثي يعني مش مليح

مي قصدت موضوع قآوي بزآف

تلمت فيه كآمل الأمور الي يقولوهآ نآس العريس فالعروسة الجديدة

صح يصرآو بزآف حكآيآت كيمآ هكآ مي يجي يوم و يعترفوا بيهآ إذآ كآنوا نآس خير وإذآ كآنت هي شآطرة ونآس ملآح صح

..

إذآ كآنت أم إبنهآ الي تزوج صح تحب إبنهآ مترضآلوش عروسة كئيبة و غآرقة في مشآكل معهآ

لأن دآيمآ العروس الي يصرآولهآ مشآكل مع العجوزة وأهل العريس رآيح يترتب عنه مشآكل بينهآ وبين الزوج و الزوج ميلقآش روحو ويلآ يبقى مع مرتو و لآ يرضي أمه ..

وهنآ حتى لو كآنت الزوجة مظلومة لآزم الأم الي يرضيهآ رغم ظلمهآ~

والحل يكون من تجآوز الإثنتين يعني الزوجة تتجآوز على عجوزتهآ وتديرهآ كيمآ أمهآ وتقول مآعليش


وعجوزتهآ تكون كأم لهآ وتتجآوز على أخطآئهآ وتديرهآ كشخص من العآئلة


وحتى بين الأم وبنتهآ يصرآو بزآف حوآيج مي الأم تقول رآهي بنتي نسمحلهآ والبنت تقول مآمآ و عآدي

لآزم هكآ تصرآ بين العروسة وعجوزتهآ تآني ..

لأن العروسة إذآ كآنت عآشت مع أمهآ 20 سنة قآدرة تعيش مع أم زوجهآ 40 سنة

لذلك يجب أن يكونوا كالأم وابنتهآ .. ويتجآوزوا الزلآت ..
إن شآء الله هذآ المشكل الإجتمآعي يتصلح في يوم مآ بإذن الله

ونتمنى تكون علآقآتي مع أهل زوجي المستقبلي علآقآت مودة و محبة


تحيآتي..​

هكذا جبتيها قد قد ردك يصنف كموضوع في حد ذاتـه ..

ساع مفهمتش ردك مليح مالغري الكتابة توحي الى ان الموضوع كارثة هههه

معليش اختي هي الحياة ماهيش بهاذيك السوداوية ..

فيها الشين و الزين وفيها لبيض و لكحل ...

تحياتي وعذرا اذا اخطات في حقك ..

 

[الباندي]

رد: ~..كَنَـتٍـي الـمـغْـبُـونَـة..~

صح عندك الحق خويا حقو كاين عبآد هكذا ما تسلكش من لسآنهم,
mais بالنسبة ليا, ما يهمنيش كلام دار ناسي’ يهمني زوجي اكثر باسكو تزوجت بيه ماشي بيهم, و نعيش كيما نحب باسكو يجيبوني من دار papa معززة مكرمة, هذي هي,,​

اها انتي هيا الكنة تاع الصح ههههههه بارك الله فيك في جال راجلك تحملي كلشي

ياحسراة انتي منك قلال بزاف ..تصفيقة حارة للاخت sissina

تحياتي اختي الكريمة

 

[أم منيــــــر]

رد: ~..كَنَـتٍـي الـمـغْـبُـونَـة..~

السلام عليكم
ههههههههههههههه انت باندي نتع الصح :thumb_up02:
صحيت عبد الحق على الاهداء و بارك الله فيك
اعدرني هدا وين شفت الموضوع البارح ما كنتش في الدار
قولي يا الباندي وين كنت مخبي كامل هاد الشي والله موضوع شباب بزاف
المشكلة نتع الكنة مع اهل زوجها قصة عشق لا تنتهي ههههه
بصح راك قدمتنا كل الجوانب ما شاء الله
يعطيك الصحة هكدا مرة على مرة طل علينا بموضوع شباب كما هدا :regards01:

​

 

[الباندي]

رد: ~..كَنَـتٍـي الـمـغْـبُـونَـة..~

السلام عليكم
ههههههههههههههه انت باندي نتع الصح :thumb_up02:
صحيت عبد الحق على الاهداء و بارك الله فيك
اعدرني هدا وين شفت الموضوع البارح ما كنتش في الدار
قولي يا الباندي وين كنت مخبي كامل هاد الشي والله موضوع شباب بزاف
المشكلة نتع الكنة مع اهل زوجها قصة عشق لا تنتهي ههههه
بصح راك قدمتنا كل الجوانب ما شاء الله
يعطيك الصحة هكدا مرة على مرة طل علينا بموضوع شباب كما هدا :regards01:

​

معليش راكي معذورة حتى ردك راه عيان وماهش قادر اكثر منك راني حاس بيه ههههه

علابالي عندك متقولي مي التعب مخلاكش تكتبي مي معليش المرة الجاية ديرينا رد كافي ووافي

بارك الله فيك و انت متنسايناش مرة على مرة ديري طلة هنا

ليلة سعيدة

 

[ضآحكة مستبشرة]

رد: ~..كَنَـتٍـي الـمـغْـبُـونَـة..~

على طريقة عاشقة الجنة :
فرونشمون انتي هيا اللي فورررر ههههههههه
يعطيك الصحة اختي انا كنتي نديرها في عيني و راس موك العزيزة غي اللي يغلط نعطيه الحس ههههوقيلا نزوجك لابني مستقبلا واش رايك ههه تكوني كنتي المستقبلية (نgصر برك اكي تعرفي العقلية هههه)

مرورا يشرفني و يؤرقني في نفس الوقت هههه
تحياتي اسعدني ردك
شكرا على المتابعة

ههههههههههه مهبول
هههههههه تديني لوليدكـ يا شيخي المستقبلي متجي تزوج و تدير ذراري انا نكون عجوزة خخخ
معليش نوليو نسآب نعطيك بنتي لوليدكـ :bravo01::bravo01: ههه

ربي يخليك خويا
شكرا​

 

[عبير الجنان]

رد: ~..كَنَـتٍـي الـمـغْـبُـونَـة..~

و الله عندك الحق مي انا وحدة من الناس نحب نقول لعجوزتي المستقبلية انا راني الملح تاع الدار اذا كنت عندك تعود الحالة مليحة و قبيحة و اذا ما كنتش عندك تعود الحالة صامطة و ما تتبلعش ههههههههههههههههههههههههههه

 

[آمِيْرَتُه]

رد: ~..كَنَـتٍـي الـمـغْـبُـونَـة..~

السلام عليك

آه يا باندي طلعت صح باندي


عندك حق الكنة كيما دارت مسلكت ربي يجيب الخير


ربي يحفظك

 

[الباندي]

رد: ~..كَنَـتٍـي الـمـغْـبُـونَـة..~

و الله عندك الحق مي انا وحدة من الناس نحب نقول لعجوزتي المستقبلية انا راني الملح تاع الدار اذا كنت عندك تعود الحالة مليحة و قبيحة و اذا ما كنتش عندك تعود الحالة صامطة و ما تتبلعش ههههههههههههههههههههههههههه

شكرا على الرد اختي ..ان شاء الله ربي يوفقك

 

[الباندي]

رد: ~..كَنَـتٍـي الـمـغْـبُـونَـة..~

السلام عليك

آه يا باندي طلعت صح باندي


عندك حق الكنة كيما دارت مسلكت ربي يجيب الخير


ربي يحفظك

اها ما باندي ماوالو هههه

ربي يحفظك اختي

 

[Malika Tlm]

رد: ~..كَنَـتٍـي الـمـغْـبُـونَـة..~

الله يعطيك الحير خويا

علي الكنة مسكينة شحال قدذها تصبر كيما دير متكونش مليحة

وراك مخليت والو كلشي قلتو بصح تاني منردوش اللوم غي فالختان

كاين بعض المرات الكنة هي لي تكون مصيبه ههه

واش نقولك خويا الله يوفقك موضوعك هايل

الله يهدينا والله يسخر لكامل العرايس :regards01:

تقبل مروري خويا ربي يديمك

 

[أم منيــــــر]

رد: ~..كَنَـتٍـي الـمـغْـبُـونَـة..~

معليش راكي معذورة حتى ردك راه عيان وماهش قادر اكثر منك راني حاس بيه ههههه

علابالي عندك متقولي مي التعب مخلاكش تكتبي مي معليش المرة الجاية ديرينا رد كافي ووافي

بارك الله فيك و انت متنسايناش مرة على مرة ديري طلة هنا

ليلة سعيدة

هههه في هادي عندك الحق تقول راك معايا
راني جمعت قوايا لي كانت مشتة و جيت
موضوع شائك نزيدلك شويا حقائق شفتهم
عندي بنت اختي شابة وعاقلة وماشاء الله تزوجت كما دارت المغبونة ما سلكت
ادا لبست و سقمت عمرها يقولولها بالاك تحسبي روحك شابة وشعرك شباب زينك قاع ما يبانش مع فلانة وفلانة و هي ساكتة
وادا دارت كانش حلوى ول كانش طياب يقولولها ايييييه هدا ما كان حتى فلانة تصنع خير منه حتى كرهت و رجعت ما دير والو كما دارت معاهم ما سلكت حتى جا نهار وين انفجرت وقريب طلقت لولا ربي ستر
وكاين شي ناس كي يشوفو الراجل متفاهم مع مرتو يقولو غالباتو مسكين راه تسوقو من الودنين
وادا تكرم عليها بتحويسة ول تهلا فيها شويا يقولو ايييييه يماه جابتو وبنت الفاتحة راها تتمتع
عباد عوجين ما يعرفوش يسكتو وكاين منهم بزاف
وباش ما نظلموش كامل الناس كاين شي كنة واش نقولك تقول لابليس قوم نقعد مكانك ما يعجبهاش العجب و تلقاها دايمن تتقلش على اهل زوجها وهو المغبون يسوفري معاها
هاد النوعية ما نتمناها لحتى واحد في ولاد اللمة باش يكون مريح في حياتو
ما تنساش المرة الجاية تحكي على العجوزة المغبونة باش ما يزعفوش منا العجايزات الملاح لي يخافو ربي
نتمنى يكون ردي كافي وافي و نقولك مرة اخرى براvو على الموضوع يعطيك الصحة :regards01:
والله يرزقك بطفلة ما تكون مغبونة ما تغبن الناس :regards02:
​

 

[الباندي]

رد: ~..كَنَـتٍـي الـمـغْـبُـونَـة..~

الله يعطيك الحير خويا

علي الكنة مسكينة شحال قدذها تصبر كيما دير متكونش مليحة

وراك مخليت والو كلشي قلتو بصح تاني منردوش اللوم غي فالختان

كاين بعض المرات الكنة هي لي تكون مصيبه ههه

واش نقولك خويا الله يوفقك موضوعك هايل

الله يهدينا والله يسخر لكامل العرايس :regards01:

تقبل مروري خويا ربي يديمك

..الكـنـة خـطـرات مسكيـنـة...وخـطـرات يـولـو يـعـانـو مـنـها كامل لافـامـي

..اسـعـدنـي مـرورك اخـتـي ملـيكة

..تـحـيـاتـي

 

[الباندي]

رد: ~..كَنَـتٍـي الـمـغْـبُـونَـة..~

والله يرزقك بطفلة ما تكون مغبونة ما تغبن الناس :regards02:
​

بارك الله فيك ميمتي على الاضافة ردك كافي ووافي و موضوع في حد ذاته

واكديلي على الدعوة التالية ..

يشرفني حظورك في موضوعي

 

[أم أحمــــد يــسّ]

رد: ~..كَنَـتٍـي الـمـغْـبُـونَـة..~

وشهد شاهد من اهلها
الصبر ثم الصبر ثم الصبر ولا محملتيش اضربي راجلك براس مافيهاش نقاش(نضحك طبعا)

رد قصير لكنه انيق

تحياتي اختي نتشرف بالرد تاعك

شهدت بما اراه في مجتمعي...
قصة العجوزة والكنة منذ القدم ومزالت ومش راح تخلاص
قلت الصبر لانه خير علاج ..
اما عن اختصاري اخي فلأن عجوزتي متوفية. ربي يرحمها من قبل مانتزوج ب20سنة

وانا مزالني ع الباب ماشفت منهم والو...
رغم اني شفت موضوع مشابه لموضوعك قبلا وجاوبت بخلاف هذا
لكن الوضع تغير....
تقبل تحياتي

 

[{مُدَلَّلَتُهُ}]

رد: ~..كَنَـتٍـي الـمـغْـبُـونَـة..~

السلام عليكم و رحمة الله و بركاته

موضوع الخلايع هادا خخخخ راك ديرلنا في الكوراج باه نعتزلو الزواج

الفايدة أختك منا راهي رايحة تسكن عندهم تسما الجرعة تكوون شوية زايدة :p

الله يستر برك و تكون ناس ملاح باه نتهلا فيها *-* و حتى لا ماكانتش مليحة نتهلاو دعوة الخير لازم ما عدنا ما نديرو

يعطيك الصحة خيوو . . . ربي يعطي لكل واحد على حساب قلبو
​

 

[الباندي]

رد: ~..كَنَـتٍـي الـمـغْـبُـونَـة..~

شهدت بما اراه في مجتمعي...
قصة العجوزة والكنة منذ القدم ومزالت ومش راح تخلاص
قلت الصبر لانه خير علاج ..
اما عن اختصاري اخي فلأن عجوزتي متوفية. ربي يرحمها من قبل مانتزوج ب20سنة

وانا مزالني ع الباب ماشفت منهم والو...
رغم اني شفت موضوع مشابه لموضوعك قبلا وجاوبت بخلاف هذا
لكن الوضع تغير....
تقبل تحياتي

اخذتي الموضوع بجدية شويا اختي

انا قصدت ان ردك بالرغم من قصره ..لكنه فيه امر مهم جدا الا وهو "الصبر" ..

ربي يرحم امهات المسلمين..

تحياتي

 

[الباندي]

رد: ~..كَنَـتٍـي الـمـغْـبُـونَـة..~

السلام عليكم و رحمة الله و بركاته

موضوع الخلايع هادا خخخخ راك ديرلنا في الكوراج باه نعتزلو الزواج

الفايدة أختك منا راهي رايحة تسكن عندهم تسما الجرعة تكوون شوية زايدة :p

الله يستر برك و تكون ناس ملاح باه نتهلا فيها *-* و حتى لا ماكانتش مليحة نتهلاو دعوة الخير لازم ما عدنا ما نديرو

يعطيك الصحة خيوو . . . ربي يعطي لكل واحد على حساب قلبو
​

ياحوجي معلاباليش الموضوع يخلع هههههه
هاذي هيا الهدرة الزينة اختي ..اتهلاي في عجوزتك ..
حتى و اذا مخرجش مليحة مي معليش في جال مولا بيتك ..
...ربي يحفظك اختي و يتمملك بخير ..