ناس وين او ناس وين

[ملكة الكبرياء]

السلام عليكم
اولا شحال عندي مكتبتش موضو

ع في اللمة وفي هد القسم ايه مننهاركنت نقرا في الليسي صفي 6 سنين :d
اليوم حبيت نكتب علي الناس وين و كفاش راهي عايشة
عندي يومين وانا نشوف في حصة في mbc وسمها ETبالعربي
هي حصة يهدرو فها علي الفن والفننين و اخبارهم وحياتهم وتفهاتهم ...
انا نشوف فيالحصة وفي راسي راني نقارن بين هدو الناس و الناس العديين وناس لي في حرب .....
هدي الحصة جيب اخبار تافه ومعندها حتا معنا توال واش رانا عيشين
مثل مديرين فنانة راحة لحفل ولا رحلة ويقولولك واش لبسا وان صورة واش كلات
حوايج قد مراهم تفهين قد ميحيرو
مثل يقولك فنان هدي لبسة روبا شراتها بالدلرات حتي للون ويهدرو عليه ومداير برور تاع الاحجارالكريمة
ويقلك شحال كاين من يقوت او لؤلؤ و الماس وخلي برك يعني كون نبيعو ختمها برك
نوكلو صمال :thumb_up02:
انا اني نسمع ونقول هدي تبدل في اللبسة ولكسسوار وناس بلادها كلين ليمعندوش واش يكل
وخلي وخلي من الاخبار مثل يشوفو شكون زوجو هدا العام من الفننين وشكون لي جات شابة بزاف وشكون لي
لغوب تاعها غليا .....
ولا فنان دار غنية وشحال درولها من لجام ........
حوايج يحبس راس تحسهم شوان عيشين هدو مش عيشين في نفس
البلدان ليراهي مقلب ناس من سوريا و مصر و حتي فلسطين
حتا قلت الحمد لله معندناش فننين يهدرو عليهم :thumb_up02: مجيت نكمل هدرتي حتى قلو الشاب خالد نشر فيدوا معبليش واش بهدلنا :regards01:
في الاخير ربي يهدينا ويسترنا

وعبلي وجعتلكم راسكم بالغة العبريطية هدي هههههههه
متلمنيش عندي 4 سنين مكتبتش تعبير هههه امام قبل 4 سنين كي كنتنكت تعبير مكنتش نعرف نعبر :love01::p
كMRC​

​

 

[stelllo]

رد: ناس وين او ناس وين

ما كان واش نقول
يكفيني اني نستمتع وانا نقرأ كل مواضيع الاعضاء

 

[red rose]

رد: ناس وين او ناس وين

وش نقولك اختي كيما قلتي ناس ميتة بالجوع
و ناس تبذر فالاموال
بار ايكزومبل حنا عندها لو قران سبيطار
الي يجيبو زعمة فنان يهبلوه!ايهيه وش الفايدة؟!اه تروييح عن النفس
بالغنا و الشطيح و الفجور
ولا فالسهرات الفنية الغناية الفاجرة
اللبس الي يلبسوه الكلاب حشاك يعفوهم و خلي و خلي
معمباليش وينتا يتعدلو العرب و يرجعو يد بيد الي تقيس فلسطين كانها
قاست كل دول مسلمة
بصح وش نسناو من ناس تقريب يعبو امريكا الله يهدي
ولا حصة تقدر تربح يمد سؤال بيبي صغير يجاوب عليه ولا يدير طقو طقو خخخ
يدي طوموبيل آآآآآو
و نزيدلك حاجة مام ليزيدي تاع الشطيح و الرديح مسرووقين خخخخ
كيما من سيربح المليون هي حصة امريكية اسمها who will win the million
ولا اربز قوط طالونت فالاصل اسمها اميريكان قوط طالنت
الله يهدي
ناس حاطة عقلها فراسها و ناس حاطة رجلها فرصلها
اسمخيلي راني ثرثارة خخخ طولت عليك
الله غالب القلب معمر من كلش غير سلي الخيط برك ههههه و منكونش عيانة
نكتبلك تاكست 2 صفحات هههههههه
سلام​

 

[لؤلؤة قسنطينة]

رد: ناس وين او ناس وين

السّلام عليكم
شكراً حبيبتي على الموضوع
لكن هنا مانلومش القنوات لي تبث مثل هذه التفاهات
خاطر كن مالقاوش ناس يتبعوهم كن مايديروش برامج كيما هكا
كن تدخلي للصفحات تاع ال mbc فقط على مواقع التواصل الإجتماعي وتشوفي قداه من متابع ليها
بصراحة حتى انا نتابع بعض برامجها, بصح لي تنفع ماش نشوف الفنانة واش تلبس وواش تاكل

ودرك بعبارة اوضح راه ميلعبو بعقول الشباب, تلقاي بنات غير يشوفو ممثل ولا فنان حتى لي تتغاشا
ولي تموت ولي معرف واش تقول شافت ملك نزل من السما

وراكي لربما تشفاي على حكاية تامر حسني نهار جا للجزائر وكيفاه بهدلو بينا البنات ولي رماتلو سنسلتها
ولي تغاشات ومعرف واش, وهو لا صورة ولا صوت ولا اخلاق

يعني بالمختصر المفيد كن مالقاوش لي يعطيهم قيمة مايديروش هاد البرامج
لي يعسو فيها خطوات الفنانات والفنانين وملابسهم العارية
ربي يهدينا وربي يستر هادا ماكان

تقبلي مروري​

 

[الرومنسي الجاد]

رد: ناس وين او ناس وين

مليح لي مشفتيش حصة جزايرية يقتلوك ب الخلايع

 

[Hakan]

رد: ناس وين او ناس وين

قال الله تعالى في سورة البروج { ان الذين فتنو المؤمنين والمؤمنات ثم لم يتوبو فلهم عذاب جهنم ولهم عذاب الحريق }

​

 

[الزهرة الحمراء]

رد: ناس وين او ناس وين

السلام عليكم اختي يعطيك الصحة على الموضوع تاعك
ماشي غير قنوات ام بي سي (عجزت نقلب للفرونسي ههه ) لي راهي هكا لوكان تشوفي فالدزاير امالا كيفاه مرة يقلك تقشف وتقشف ومرااات تشوفيهم يديروا سهرات بالملاير
لوكان جاااو يحكوا على القضية الفلسطينية ولا الازمة تع سوريا قد ماهم يحكوا على الفن والعفن تاعهم لوكان هاد البلدان راهم هانييين وماهو صاري فيهم هكا
وزيد نوافق اختي مريم في واش قالت لوكان هاد القنوات مالقاوش لي يتبعم لوكان ماتشهروش هكا علابالك بلي قناة ام بي سي هي القناة الاولى عربيا لي يشوفها المشاهد العربي
ربي يهدينا اختي ويصلح احوالنا
يعطيك الصحة على موضوعك دمتي في رعاية الله وحفظه ​

 

[oumaima m]

رد: ناس وين او ناس وين



السلام عليكم اختي
وي انا تاني كنت نتفرج فاها مي وش نقولك ناس فارغة شغل وش تحبي ه\ا الي صاري في العالم العربي
ربي يهدي
تقبلي مروري

 

[Salam Fleur]

رد: ناس وين او ناس وين

السلام عليكم

تبعتها كيما داروها جديدة ...يماليو صح ......... يعيفوا ........ مواضيع ماعندها حتى معنى ......

مانعرف واش هي الفايدة انوا نعرفوا هذا واش دار وواش كلا وين راح ومنين جا ........

وهيا تاني راهي عندنا ........ كاين حصة في الجزائرية 3 تفرجتها مرة و الله نسيت اسمها بالاك حنا في حنا ولا رانا هنا المهم حاجة هكذا ...... قمة الجياحة تتبهدل تشوفها مع العائلة ..بيها بالحصة تاع سفيان داني ......... علابالك مانشفاش اخر مرة تفرجت حصة جزائرية و عجبتني بالاك من وقت "اخر كلمة " ..... الحصص الملاح لي لازم يكملوهم تلقاهم عام وماتزيدش تشوفهم ولي تافهين يديرولهم الاجزاء ..... بففففففففف

و اش يغيظك يقولك التقشف ...... التقشف هذا غير مع المواطن البسيط .بصح حفلات الشطيح و ارديح علاه مافيهمش التقشف ؟؟؟؟

دراهم وزارة الثقافة يديروا بهم مشاريع كبار و يخدموا الشعب و يفتحوا ديار ........ بصح الله غالب لا حياة لمن تنادي

واش يغيظك صح ..........

كل مرة تلقى واحد من نجوم هوليوود ييدير دورة على بلدان لي فيها الفقر و يديرو احملات تطوعية ويلمولهم دراهم ....... بصح تاع العالم العربي نادرا وين نسمع بلي كاين واحد راح ل حالمخيم تاع لاجئين و لا بلد راه يعاني من الفقر ..............

يعرفوه غير يحوسوا ....... كيما هاذيك الحصة على شط بحر الهوا ......... دراهم مطايشين في البحر .............

و من بعد يجيك يقولك نحن مع فلسطين و سوريا و اليمن ........... النفاق ماشي على رجليه

سمحيلي هدرت بزااااف .........

شكرا على موضوعك القيم

تقبلي مروري ..:regards01:
تحياتي ​

 

[ملكة الكبرياء]

رد: ناس وين او ناس وين

شكرا علي المرور الطيب
اي نعم يقلك ثقافة معبليش وراهي الثقافة في الشطيح ورديح
تاني فكرتني خطر شفة فيديو اع وزيرة الثقافة تاعن قعد تشطح في الراي
ولله تكون رهي في بار راسي بلوكا
مي مع هدا كاين ححص يرفع الراس كيما حصص سليمان بخليلي
زدني ...​