سلسة من حكايات العالم الآخر-الموضوع الأول-

[AmiR@RoRo]

رد: سلسة من حكايات العالم الآخر-الموضوع الأول-

السلام عليكم
ساندي حبيت برك نسقسيك منين طاحت عليك هاد الفكرة الشريرة ؟ ههه
انا نقرا فموضوعك والرهبة حاكمتني سيرتو الضو مطفي والكاااالم فالدار كنت نستنى غي ندور نلقى واحد واقف مورايا هههه
الله يستر ويحفظ ماعلاباليش انا كامل بهاد القصص تحسب جايه من كوكب آخر
في متابعة السلسلة واكتشاف هاد الافكار الخطيرة
يعطيك الصحة

 

[Salam Fleur]

رد: سلسة من حكايات العالم الآخر-الموضوع الأول-

الحكاية الثالثة

عمتي الكبيرة كانت عايشة في دار كان عايش معاها واحد منهم و كانت كلما تحط المائدة تحط مغرف زائدة و كانت عمتي تصدق بزاااف .... بدلت الدار وولات تسكن فيها مراة مع بنها و صاتها عمتي بصح المراة هاذيك كانت بخيلة بزااف ... بعد اسبوع من اقامتها ولات كي طيب و تخرج تجي تلقى الاكل مرمي في الارض ولا تلقى السميد مخلط مع الماء الخامج و مرة ناظت في ليل باه تشرب كي رجعت لبلاصتها لقاتها مطلية حاشاكم بالخماج ... ولات هربت ... و دار هاذيك حرقوها

​

 

[السلطانة]

رد: سلسة من حكايات العالم الآخر-الموضوع الأول-

السلام عليكم غاليتي ساندي
بالنسبة لموضوعك مانعرف اذا اللعبة لي راكي تحكي عليها هي نفسها "ويجا"
لأنو صادفتني حكاية كيما هكا العام لي فات
اهلا وسهلا بك اختي
نعم هي نفسها مع الاختلاف في الطريقة
هاديك بالكاس ولوخرا بالاقلام
لانو انا وين نقرا دور اشاعات انو راهم بانيين فوق مقبرة وكاين ارواح ومانعرف واش المهم لا علينا
نشفالها كنا نقراو فالمخابر وحنا المخابر تاعنا جايين في بلاصة معزولة وضالمة
:cray02::cray02:تاع مع كلّم يحضر
وخرجت الاستاذة وقعدنا حنا وحدنا البنات جاتهم باه يلعبوها وزعما حبوا يسقسوا على امورهم الشخصية وهوما ماكانوش دايرين كاس كانوا دايرين ستيلو ويلعبوا وانا كي شفتهم هكاك قعدت غير نضحك على الجياحة تاعهم والتبهليل والجهل مبعدة الستيلو وحدو قعد يتحرك وواحد الطفلة تحكي معاه مبعدة قاتلو واش بيك قالها قلقت قاتلو مناه قالها من الضحك وانا ارواحي طلي عليا جمدت لثم وقبل ماتجي الاستاذة هزيت روحي وخرجت ونشفالها ليلة هاديك كامل مارقدتش
يعني الحكايات هادو كاينين وواقعيين
ربي يحفظنا ويسترنا
يعطيك الصحة غاليتي
​

ياويلي هههههه سمعتو الصوت وكلش يالطيف كون قريتي القرآن تفسديهالهم
هاذي تجربة وشفتيها وعشتيها انتي راكي كوراج خلاص ههه

نورتي اختي

 

[السلطانة]

رد: سلسة من حكايات العالم الآخر-الموضوع الأول-

السلام عليكم

الله الله .. مسلمين مكتفين ...هههه

المشكل تاعي انه الحكايات هاذوا يموته على انهم يبداو يحكيوا فيهم في الليل ما نعر علاه و تطفر في ختكم العزيزة الليل كامل نقعد بعينيا مفتوحين
وعليكم السلام اهلا بيك اختي

ههه عندك تكوني مرقدتيش البارح :p
بون نحكي حكاية صرات مع الام تاعي

كانت صغيرة ساكنة مع جدتها في الجبل و كانت مع الصباح بكري مور صلاة الفجر تدي للجدها الفطور للمسجد .. ماشي بعيد تقريبا 10 دقائق توصل .... و هي ههلقات قطيع من الخرفان ... قطيع كبيير له بداية و ليس له نهاية .... و الخرفان هاذوك يشعلوا بالنظافة هي استغربت تمشي وسطهم و بينها و بين روحها تقول سبحان الله كيفاه نظاف .... و لما وصلت لواحد القهوة و قفت تريح جاء مول القهوة وهو بعد من عائلتها لقاها واقفة و تخزر .. قالها واشبيك واش كاين حكاتله .. قاللها لو جبتي كبش معاك لو وليتي من اغنى الاغنياء


​

:-o:-o:-o:-o هاويلي كنت جيت في بلاصتها نمد بالجري ميزيدوش يحكموني وهي راهي كوراج الله يبارك ههه

 

[السلطانة]

رد: سلسة من حكايات العالم الآخر-الموضوع الأول-

الحكاية الثانية

جارت جداتها تاع امي كانت امراة عندها 5 ولاد مات راجلها بعد 40 يوم من وفاته مع الصباح الباكر تسمع طرطيب في الباب تفتح تلقى امراة محروقة كامل .. كي شافتها ولات تسمي و تقرا في القران ( نسا بكري ماشي كيما حنا نشوفوا قرلوا برك نوليوا نعيطوا يسمعونا من المريخ) هاذيك المراة حكمت يدها و مدتلها دراهم صرف و راحت ... و رجعت كلما يقرب يخلصولها هاذوك الدراهم تجي بنفس الهيئة و في نفس الوقت .... فاته الايام و الناس بدات تهدر عليها كيفاه راهي عايشة و منين راهي تصرف ... و تعرفوا الناس لسانهم طويل بزااف ..هي كي لقاتهم هكاك حكاتلهم انه كاينة واحدة تجي عندها كل مدة و تمدلها دراهم .... بعد ما حكاتلهم مازادتش جات المراة هاذيك

​

هاذي كيما يقولو راهي رهبانية تجيب الخير وتروح ولازم لي تمدلو ميهدرش ولا يروح ميوليش

 

[السلطانة]

رد: سلسة من حكايات العالم الآخر-الموضوع الأول-

السلام عليكم
ساندي حبيت برك نسقسيك منين طاحت عليك هاد الفكرة الشريرة ؟ ههه
انا نقرا فموضوعك والرهبة حاكمتني سيرتو الضو مطفي والكاااالم فالدار كنت نستنى غي ندور نلقى واحد واقف مورايا هههه
الله يستر ويحفظ ماعلاباليش انا كامل بهاد القصص تحسب جايه من كوكب آخر
في متابعة السلسلة واكتشاف هاد الافكار الخطيرة
يعطيك الصحة

اهلا بيك امورة
خخخخخخخخ قلت نخرجو شوي من نفس المواضيع :p
او قادر يخرجلك في اي لحظة :tongue02::tongue02::tongue02:
مرحبا بيك اختي

 

[السلطانة]

رد: سلسة من حكايات العالم الآخر-الموضوع الأول-

الحكاية الثالثة

عمتي الكبيرة كانت عايشة في دار كان عايش معاها واحد منهم و كانت كلما تحط المائدة تحط مغرف زائدة و كانت عمتي تصدق بزاااف .... بدلت الدار وولات تسكن فيها مراة مع بنها و صاتها عمتي بصح المراة هاذيك كانت بخيلة بزااف ... بعد اسبوع من اقامتها ولات كي طيب و تخرج تجي تلقى الاكل مرمي في الارض ولا تلقى السميد مخلط مع الماء الخامج و مرة ناظت في ليل باه تشرب كي رجعت لبلاصتها لقاتها مطلية حاشاكم بالخماج ... ولات هربت ... و دار هاذيك حرقوها

​

عمتك ناس ملاح والسيد هاداك ناس ملاح علابيها مااذاهاش والعكس مع المرى لوخرا

 

[Salam Fleur]

رد: سلسة من حكايات العالم الآخر-الموضوع الأول-

الحكاية الرابعة

هاذي صرات في وقت الثورة مع جدي الله يرحموا ... قالك كانوا هاربين في الجبل و الفرنسيين كانوا وراهم .. وصلوا لواحد البلاصة مستحيل تفوتها لو تفوتها تموت اكيد هوما واقفين هكاك مالقاوش كيفاه يديروا ...حتى صابوا واحد مانعرف منين جا ..عيطلهم ..راحوا ورا شجرة ..جبد غطاء تاع البلاستيك كبير هذاك لي يغطيوا بيه البيوت البلاستيكية و غطاهم ... جاو تاع فرنسا عداو من قدامهم و ماشافوهمش ... كي جاي رايحين سلموا و شكروه ... و دوروا يروحوا .. صاحبه تاع جدي دار باه يشوف السيد هذاك لقاه ريحته ماكانش ... استغرب ... و لا صاحبهم الثالث قاله راهوا ماشي تاعنا غير امشي ..... قالنا جدي كي كانوا معاه تحسوا ماشي انسان ....

​

 

[Salam Fleur]

رد: سلسة من حكايات العالم الآخر-الموضوع الأول-

الحكاية الخامسة

جيران جدي كاين دار مهجورة كل عام في نفس الوقت تلقا عرس قائم فيها ... تسمع الزغاريت و الضواوي شاعلين و تسمع اصوات الاحصنة .... مرة قلت لجدي واش حكاية دار هاذيك ..قالي واحد ماعلابالوا قالي كي جينا نسكنوا هنا لقيناها هكا في الاول استغربنا بصح السكان قالولنا راهي هكذا من بكري خلاص ... بصح قالك واحد النهار واحد حكموا الفضول راح في وقت العرس مازادش ظهر الا بعد حوالي شهر و رجع مهبول و يحكي حكايات تحلي فمك منها انه راهم داوه و عاش معاهم مدة شهر و رجع لانه ماقبلش يزوج واحدة منهم

​

 

[الزهرة الحمراء]

رد: سلسة من حكايات العالم الآخر-الموضوع الأول-

ياويلي هههههه سمعتو الصوت وكلش يالطيف كون قريتي القرآن تفسديهالهم
هاذي تجربة وشفتيها وعشتيها انتي راكي كوراج خلاص ههه

نورتي اختي

هههه لالا ماسمعناش الصوت لانو الطفلة لي كانت دير فيها شغل كانت كاتبة حروف وحاكمة القلم وكي كان يحكي معاهم هداك القلم يتحرك فوق الحروف حرف حرف حتى يشكل كلمة
وكاينة عفسة كي قلتي انهم قالو لخالتك وقت خطباتها وقتاه وصرات صح هي صح يجيبو المعلومات تع الانسان يطلعو لعرش الرحمان ويحاولوا انهم يسرقوا معلومات الشخص هداك وهذا طبعا شرك بالله شغل الواحد يستبق احداث قدره
ربي يحفظنا
يعطيك الصحة غاليتي

 

[أم لينة]

رد: سلسة من حكايات العالم الآخر-الموضوع الأول-

يا لطيف خوفتيني واش داهم لهاذ العالم تاع الجن راه صعيب و يخوف فعلا خوفتيني ساندي .

 

[secret de coeur]

رد: سلسة من حكايات العالم الآخر-الموضوع الأول-

اهلا وسهلا بالخوافة الكبير :p
وانا تاني خفت ههههههه كي كنت نكتب في الموضوع كنت مقابلة لمرايا بديت نتخايل بسيف كملتو
كون غير سقسيتي البروف تاعكم كانت تحكيلك حكايات ميخوفوش خلاص :tongue02::tongue02::tongue02::tongue02:
كنتي اكيد مرقدتيش الليل ههههههههههههه
ربي يسترنا ويعافينا
نورتي

آه يا ختي الي خاف سلم خخخخ
اي مكان ماداني نسقسيها تقولي بركاي من تقرعيج ههههه
مهم هادو راهم حرام ديجا شرط من شروط استحضار الجن ولا روح شريرة هدي المصحف مايكونش فالغرفة الي تكوني فيها
اي واقيل فيها عفسة تاع الفابيتيك ومانعرف باش هكداك يهدر معاهم زعما يقولهم اسمو ووو :s:down:

 

[rycerz]

رد: سلسة من حكايات العالم الآخر-الموضوع الأول-

سلام يا أحبة ،

القصة 1

كنا صغار، .... عند رجوعنا قبيل المغرب من التجول في البرية (بالقرب من سد مائي) رأينا عنزة صغيرة تصيح ، حسبناها تائهة عن القطيع ، قام أحدنا برميها بحجر فأصابها في رأسها برغم أننا نهيناه عن ذلك حيث أحسسنا بغرابة أمرها لأن ظهورها فجأة لم يكن أمر عادي ...

في تلك الليلة أصابته حمّى شديدة و بات يهلوس و يصيح ، منذ ذلك دخل في هلوسة أوصلته لما يشبه حالة الجنون حيث كان يصرّح بهلع أنه أينما يدير وجهه يرى تلك العنزة و هي تصيح في وجهه (لا أحد يراها غيره) و من شدّة الفزع و حتّى لا يراها أصبح يمشي ملاصقا للحيطان و وجهه مقابل الحائط و أحيانا ينطق بكلام فيه تخليط و كأنه يتكلم بلغات أجنبية.

بقي على هذه الحالة من المس لمدّة شهر فقد خلالها نصف وزنه كما فقد فيها أيضا الإبتسامة ....

​

 

[السلطانة]

رد: سلسة من حكايات العالم الآخر-الموضوع الأول-

الحكاية الخامسة

جيران جدي كاين دار مهجورة كل عام في نفس الوقت تلقا عرس قائم فيها ... تسمع الزغاريت و الضواوي شاعلين و تسمع اصوات الاحصنة .... مرة قلت لجدي واش حكاية دار هاذيك ..قالي واحد ماعلابالوا قالي كي جينا نسكنوا هنا لقيناها هكا في الاول استغربنا بصح السكان قالولنا راهي هكذا من بكري خلاص ... بصح قالك واحد النهار واحد حكموا الفضول راح في وقت العرس مازادش ظهر الا بعد حوالي شهر و رجع مهبول و يحكي حكايات تحلي فمك منها انه راهم داوه و عاش معاهم مدة شهر و رجع لانه ماقبلش يزوج واحدة منهم

​

:cray02::cray02::cray02::cray02::cray02:

 

[السلطانة]

رد: سلسة من حكايات العالم الآخر-الموضوع الأول-

هههه لالا ماسمعناش الصوت لانو الطفلة لي كانت دير فيها شغل كانت كاتبة حروف وحاكمة القلم وكي كان يحكي معاهم هداك القلم يتحرك فوق الحروف حرف حرف حتى يشكل كلمة
وكاينة عفسة كي قلتي انهم قالو لخالتك وقت خطباتها وقتاه وصرات صح هي صح يجيبو المعلومات تع الانسان يطلعو لعرش الرحمان ويحاولوا انهم يسرقوا معلومات الشخص هداك وهذا طبعا شرك بالله شغل الواحد يستبق احداث قدره
ربي يحفظنا
يعطيك الصحة غاليتي

واكثر لي كانو يلعبوها هوما الفتيات ربي يهديهم
همهم يعرفو وقتاه يتزوجو

نورتي اختي

 

[السلطانة]

رد: سلسة من حكايات العالم الآخر-الموضوع الأول-

يا لطيف خوفتيني واش داهم لهاذ العالم تاع الجن راه صعيب و يخوف فعلا خوفتيني ساندي .

:p ام لينا الخوافة
والله عالم يخوف صح
ربي يسترنا

 

[السلطانة]

رد: سلسة من حكايات العالم الآخر-الموضوع الأول-

آه يا ختي الي خاف سلم خخخخ
اي مكان ماداني نسقسيها تقولي بركاي من تقرعيج ههههه
مهم هادو راهم حرام ديجا شرط من شروط استحضار الجن ولا روح شريرة هدي المصحف مايكونش فالغرفة الي تكوني فيها
اي واقيل فيها عفسة تاع الفابيتيك ومانعرف باش هكداك يهدر معاهم زعما يقولهم اسمو ووو :s:down:

ايه لازم ماكانش قرآن ولامصحف ولاشي باه يجيو في ساع
ماما قاتلي كي كانت تحب تفسد على خالاتي تقرالهم القرآن ميحبش يجيهم حتى تخرج هي من تم

 

[السلطانة]

رد: سلسة من حكايات العالم الآخر-الموضوع الأول-

سلام يا أحبة ،

القصة 1

كنا صغار، .... عند رجوعنا قبيل المغرب من التجول في البرية (بالقرب من سد مائي) رأينا عنزة صغيرة تصيح ، حسبناها تائهة عن القطيع ، قام أحدنا برميها بحجر فأصابها في رأسها برغم أننا نهيناه عن ذلك حيث أحسسنا بغرابة أمرها لأن ظهورها فجأة لم يكن أمر عادي ...

في تلك الليلة أصابته حمّى شديدة و بات يهلوس و يصيح ، منذ ذلك دخل في هلوسة أوصلته لما يشبه حالة الجنون حيث كان يصرّح بهلع أنه أينما يدير وجهه يرى تلك العنزة و هي تصيح في وجهه (لا أحد يراها غيره) و من شدّة الفزع و حتّى لا يراها أصبح يمشي ملاصقا للحيطان و وجهه مقابل الحائط و أحيانا ينطق بكلام فيه تخليط و كأنه يتكلم بلغات أجنبية.

بقي على هذه الحالة من المس لمدّة شهر فقد خلالها نصف وزنه كما فقد فيها أيضا الإبتسامة ....

​

وعليكم السلام
تاع كي ضرب العنزة ماقالش بسم الله
حتى جات فيه الضربة
ربي سترو برك ومابقاش مريض طول عمرو
واقعة تخوف وهادا باه ننتبهو منضربوش الحيوانات
وكاينة تاني مرا صبت الما مع المغرب على قطة جاتها ضربة بالكف
لأنها ماقالتش بسم الله
شكرا اخي

 

[♫الباحثة عن الحظ♫]

رد: سلسة من حكايات العالم الآخر-الموضوع الأول-

مرحبا
صح فكرة موضوعك كاينه منها
يمكن انسان يبغيها لعبة
خاصة الا كانت جماعة هبال ديما يحبو غير يديرو حاجة تاع خلايع
مي الحاجة هادي تبالي ربما كاينه منها وربما مجرد تخيلات خلاتهم يخافووو
انا خوافة جامي جاني الكوراج نديرها نخاف تكون كاينه
العبث مع الاشياء هادو واعر و مدام كاين سحر و شعوذة يعني هاد الشىء موجود و مفروغ منه
ربي يجيب الخير
صحيتي على الفكرة الجميلة
​

 

[AmiR@RoRo]

رد: سلسة من حكايات العالم الآخر-الموضوع الأول-

السلام عليكم
افففففف يا لطيف الطف
خلاص من الآن فصاعدا راني درت كروا روج على هاد الموضوع مانزيدش ندخلو
قريت القصص هادوك قلبي حب يخرج الله يسترنا
ايا سلام عليكم وربي معاكم
لا عودة الى هذا المكان الموحش هههه
سلام