كيما نقولو مشتاق طفلة ..

[همس الوُرود]

رد: كيما نقولو مشتاق طفلة ..

السلآم عليكم

الله يهديه ويهدينا أجمعين

كيفاش زعما نديروها خويا كيما يتزوج ينساني هكا؟؟ والله نروح عندو نخليها عليه ههههههه

سما أنآ الي طول حياتي وأنا نجيبلو الشي الي يطلبو ليدو و ديما نلعبو ونضحكوا كي يتزوج ينساني ؟؟

أمآ على الأم مانهدروش كامل

عافانا الله ~

الزوجة في بلاصتها والعايلة في بلاصتها ملازمش الإنسان يهمل شيء من هادو الأشيآء ..

نورمالمو هي هاديك الي زعما خطيبتو تقولو روح عند ماماك اليوم روح سلم عليهم ..

وهو يعني كيفاش يعطيه قلبو مايروحش عند أمو ؟؟ الأم راهي نعمة كبييييرة فهذي الدنيا هي نور العين كون تروح هي شموع الحيآة يطفآو ...

ربي يستر برك ...​

أ

 

[NASRO DZ]

رد: كيما نقولو مشتاق طفلة ..

السلام عليكم خويا حكيم
موضوعك رائع جداا ويتكلم على حاجة مهمة في حياتنا
واش نقلو المشكلة ماشي من البنت هدي حاجة من الاول
هو لازم يعرف قيمة اهلو ويعرف قيمة عائلة تعو
ولكن انا نقول العائلة هي الاهم
اما البنت عادي يقدر يحكيها في ليل ولا في اي وقت
وميرسي
على الموضوع
​

 

[بنت الـ25]

رد: كيما نقولو مشتاق طفلة ..

باختصار صديقك هادا أحب هاد الطفلة وما صدق انو خطبها اي جاياتو حاجة جديدة وبيزار في حياتو
بصح ما حقش عليه يطيش ماليه ، كيما راه يحكي مع خطيبتو واهلها مالمفروض يحكي مع امو واهلو اكثر
يعني يمسك العصا من الوسط أي لا إفراط ولا تفريط
لكن الظاهر انو هو أفرط في التوانيس مع الخطيبة وفرّط فالتوانيس مع امو وهنا الخطا
انت انصحو ووعيه بالتي هي أحسن كونو صديقك ، فهمو انو كل واحدة في بلاصتها وانو هاد الشي رح ينعكس سلبا على حياتو فالمستقبل

حاجة اخرى وهي اني مرانيش معاك كي قلت اللي مشتاق طفلة يحكي معاها مش راجل خاطر رح يجي نهار وتجرب هاد الشعور
شعور لما تخطب طفلة تحبها وانت ما كنتش تحكي معاها قبل الخطوبة ، يجيك هداك الفضول باش تعرف عليها كل شي
وتحكي معاها بالساعات ومتحسش بالوقت كيفاش يفوت
صحيح الفرد منا لازمو يضبط مشاعرو وميخليهاش تتحكم فيه لكن ساعات الانسان يضعف لأنو ببساطة بشر مثل صديقك هذا
علابيها قتلك ارواحلو بالتي هي أحسن وأكيد مع الوقت رح يتعود عليها وعلى هاد الاحساس ورح يفطن من الغيبوبة لي راهو فيها درك ، اومن كفيل بذلك

​