السلام عليكم جميعا
ان شاء الله اموركم بخير
لمّة الأحباب لمتنا هنا فقسم واش راك تهدر خلونا اليوم نتناقشو على موضوع
اولا خلوني نرجع انا ونتوما ليمات زمان ونفكركم ونتفكر معاكم صغري
البارح وانا بشبابي فارح
الشوق والهوى صارح كي كان في عمري عشريييييييييييييين
..... الله يرحم الشيخ قروابي فذيك الرقدة
لكن راح نرجع بيكم للطفولة
نحكيلكم وقت كانت النيّة كنا نأمنو كل شي أرواحو تشوفو قالك ليليا كانت تموت على ساندي بل أيه شكون ما يعرفش ساندي بال وكلبها اوليفر
ختكم ليليا دارت المستحيل حتى تشبهلها
نهار كامل وانا فالدار نوّح ونبكي صبغولي شعري صفر لازم نشبهلها
بابا ربي يرحمو الدلال قاتلني به حاول يفهمني مسكين يا بنتي كيفاه تصبغي شعرك انت صغيرة لالا
وانا نبكي واضراب ما نروحش لا نقرا ولا ناكل
دوروهالي فراسي خلاص خدمولي طابلية كيما نتاعها
وراحو خيطولي وحدة ولبستها ونلبس غير حوايج كيما نتاعها
نهار كامل وانا بالكيكينات فشعري نرقد ونوض بيهم
درت درت وضربت فراسي الكلب حاشاكم طيرو تنزلو جيبولي اوليفر
وهاخلايا بابا مسكين الي جابو ما عجبني هذا جاك وهذا رولف وهذا ميدغيك وهذا جون
والو ولو تقولي بوش انا نحتاج اوليفر معناها اوليفر وبابا مسكين هبلتو كنت قليلة صحة وما يحبش يزعفني راح يحوس يحوس وشرالي كلب
وانا نوزن فيه ونميز وفيه شوي شعر طايح كيما أوليفر ووذنيه كبار المهم يشبهلو حتى لونو بني
المهم فرحت بزاف ونهار كامل وانا متهلية فأوليفر يمى دايرة حزب عليا تحرش فبابا راك سكتلها بزاف دللتها اعطيها طريحة واش ساندي بل نتاعها هذي
وانا فرحانة بكلبي العزيز وفنهار جاتني خطة جهنمية
ياو كلب ساندي بال يطير يا جماعة وانا كلبي واشبيه جاه الشلل او ما دارش التطعيم قتلو اليوم طاير بيا وربي كبير
شفت بابا ماكانش فالدار ويمى مشغولة ونروح لكلبي وسميتو أوليفر طلعتو فوق السطح
طلعت فوقو وقاعدة نقولو طيري بيا هايا طير والو نعيط عليه والو ما حبش
قتلو بلا جدك لا طير اليوم فيا أو فيك
ونضربو ضربة وانا فوقو الكلب قلّع 200 رجع فيراري ونطيح انا وهو من فوق الدار
انا تكسرت تماما وحتى هو مسكين تكسر من رجليه قريب مت انا طولت فالسبيطار
وانا نوّح وهاااا ساندي بل وين راه اوليفر وهابابا آييييي رجليا وآآآآي ظهري ...
بابا ربي يرحمو يقولي والله تبراي برك تشوفي الطريحة اللي تديها انا دللتك انا سكتلك
والكلب مسكين وما صرالو تحلو رجليه رجع زربية
هذو ربع من طوايش الصغر وما كنا دايرين
الخلاصة يا جماعة النية كانت فينا خالصة
حتى والدينا يربونا بكذبة لأنو نية كانت فينا ونأمنوها كانت الغولة ودراكولا وبعوووووو دايرين رايهم فيينا وناكلو على جال الغولة تسرق ذراري ونرقدو على خاطر بعو يخرج لينا
ودراكولا ولينا نتفرجو الافلام المقابر حتى فالنهار نخافهم على جال دراكولا ينوضلي من كاش قبر
المهم حبيت نوصلكم لواحد الفكرة
زمان النية وقت الطفولة تبدلت حتى عند اولاد اليوم
طوايشكم فالصغر وواش تبدل
هاكا حبيت نعرف النية زمان وين راحت ووعلاه تبدلنا
شكرا لكم
ان شاء الله اموركم بخير
لمّة الأحباب لمتنا هنا فقسم واش راك تهدر خلونا اليوم نتناقشو على موضوع
اولا خلوني نرجع انا ونتوما ليمات زمان ونفكركم ونتفكر معاكم صغري
البارح وانا بشبابي فارح
لكن راح نرجع بيكم للطفولة
نحكيلكم وقت كانت النيّة كنا نأمنو كل شي أرواحو تشوفو قالك ليليا كانت تموت على ساندي بل أيه شكون ما يعرفش ساندي بال وكلبها اوليفر
ختكم ليليا دارت المستحيل حتى تشبهلها
بابا ربي يرحمو الدلال قاتلني به حاول يفهمني مسكين يا بنتي كيفاه تصبغي شعرك انت صغيرة لالا
وانا نبكي واضراب ما نروحش لا نقرا ولا ناكل
دوروهالي فراسي خلاص خدمولي طابلية كيما نتاعها
وراحو خيطولي وحدة ولبستها ونلبس غير حوايج كيما نتاعها
نهار كامل وانا بالكيكينات فشعري نرقد ونوض بيهم
درت درت وضربت فراسي الكلب حاشاكم طيرو تنزلو جيبولي اوليفر
وهاخلايا بابا مسكين الي جابو ما عجبني هذا جاك وهذا رولف وهذا ميدغيك وهذا جون
والو ولو تقولي بوش انا نحتاج اوليفر معناها اوليفر وبابا مسكين هبلتو كنت قليلة صحة وما يحبش يزعفني راح يحوس يحوس وشرالي كلب
وانا نوزن فيه ونميز وفيه شوي شعر طايح كيما أوليفر ووذنيه كبار المهم يشبهلو حتى لونو بني
المهم فرحت بزاف ونهار كامل وانا متهلية فأوليفر يمى دايرة حزب عليا تحرش فبابا راك سكتلها بزاف دللتها اعطيها طريحة واش ساندي بل نتاعها هذي
وانا فرحانة بكلبي العزيز وفنهار جاتني خطة جهنمية
ياو كلب ساندي بال يطير يا جماعة وانا كلبي واشبيه جاه الشلل او ما دارش التطعيم قتلو اليوم طاير بيا وربي كبير
شفت بابا ماكانش فالدار ويمى مشغولة ونروح لكلبي وسميتو أوليفر طلعتو فوق السطح
طلعت فوقو وقاعدة نقولو طيري بيا هايا طير والو نعيط عليه والو ما حبش
قتلو بلا جدك لا طير اليوم فيا أو فيك
ونضربو ضربة وانا فوقو الكلب قلّع 200 رجع فيراري ونطيح انا وهو من فوق الدار
انا تكسرت تماما وحتى هو مسكين تكسر من رجليه قريب مت انا طولت فالسبيطار
وانا نوّح وهاااا ساندي بل وين راه اوليفر وهابابا آييييي رجليا وآآآآي ظهري ...
بابا ربي يرحمو يقولي والله تبراي برك تشوفي الطريحة اللي تديها انا دللتك انا سكتلك
والكلب مسكين وما صرالو تحلو رجليه رجع زربية
هذو ربع من طوايش الصغر وما كنا دايرين
الخلاصة يا جماعة النية كانت فينا خالصة
حتى والدينا يربونا بكذبة لأنو نية كانت فينا ونأمنوها كانت الغولة ودراكولا وبعوووووو دايرين رايهم فيينا وناكلو على جال الغولة تسرق ذراري ونرقدو على خاطر بعو يخرج لينا
ودراكولا ولينا نتفرجو الافلام المقابر حتى فالنهار نخافهم على جال دراكولا ينوضلي من كاش قبر
المهم حبيت نوصلكم لواحد الفكرة
زمان النية وقت الطفولة تبدلت حتى عند اولاد اليوم
طوايشكم فالصغر وواش تبدل
هاكا حبيت نعرف النية زمان وين راحت ووعلاه تبدلنا
شكرا لكم
آخر تعديل بواسطة المشرف:
