اخطونا من اللعب باسم الدين يرحم والديكم

[أم الأولاد]

رد: اخطونا من اللعب باسم الدين يرحم والديكم

الناس مرضت بحاجة سموها j'aime وكي راه عادت لي يحب يفتح صفحة يفتح
عاد من هب ودب يفتح ويلم الناس وينشر منشورات مايعرف صحتها من عدم مشروعيتها
والهدف تاعو يجامولو بركا
انا كي نشوف قل سبحان الله هذه عباية الرسول عليه الصلاة والسلام ولا حذاء تاعو يضربوني 10 جنون
للدرجة هاذي الناس جاهلة وتلقاهم يجو ويكتبو سبحان الله ياحصرا على الغباء كي داير
والاحاديث المحرفة والضعيفة الفايس بووك هذا اكثر موقع لخراب العقول واللعب بالدين
وللأسف الناس معندهاش ذرة عقل للتأكد من هذه الامور قبل نشرها
وصور حوادث المرور حدث ولاحرج شكون سمحلهم ينشرو صور الناس وجثثهم حرام عليهم
ومادام الفايس بووك غير مراقب وليس لدينا قانون يحمينا نبقى على هذه الحالة
بارك الله فيك

 

[قرصان الساحل]

رد: اخطونا من اللعب باسم الدين يرحم والديكم

احييييييييييييييييييييييييييييييييييييييك على موضوعك ربي يهنيك اختي
مرات كنت نقول بلي حرام هدا الشي ..مي لما تلقى انسان عنده بطاطة مسلوقة في راسه تسكت و تقول الحمد لله الذي عفانا فيما ابتلاهم
يعيييييييو بزاف وي مرات نكون نتغدا وكيما قلتي يديرو تصويرة هكذا الشهية تروحلك
هنا تعرف بلي الشعب يتبع تفاهات برك ايه لأن الاغلبية تافهة حشاتهالهم التكنولوجية جات على غفلة
نزيدك هذيك تاع لي ميحدطش لايك ربي يعميه و حلفتك دير لايك ما هذا يا هذا
و تلقى الناس مامنين و عاجبهم الحال ما يحيرنيش اذا لي دارها حمار حشاك شوفي شكون يتبع فيه
حتى ولاو بنفس طريقة ينشرو احاديث معندهاش صحة و زيد كلام تافه و الأكثر تاع شيعة و هما فرحانيين و تلقى 10000000000000000000000 جام و 999999999999999999999999 كومونتار و لا تاع الأبراج و ناس تامن و فرحانة و الي قالتلهم رقدو قارئة الفنجان تاع الفاسخوخ قارئة عند بعد هع هع هع
فاسبوك فيه العجب المعجب من الأفضل الواحد ميهتمش بيهم ولا ينشر في صفحته حجات هكدا بلي حرام ممكن تفيد ناس و الأهم متتدخلش مع ناس هكدا في نقاشات باسكو عقلهم مبوووشي وي الابراج وزهرك يا زهار أنا لليوم مزال منعرفش برجي واش هو الاسد ولا الثور ولا المعزة نعرف غير برج الدلاع ايه تاع الصح ما لازمش نهتمو بهاد الخزعبلات مي على الاقل لواحد يتكلم في هاذ الموضوع عل بعض الناس تفيق بروحها وش راهي تدير

يعطيك الصحة ختي هبة ردودك ديما في الصواب ختي
مشكوووورة
​

 

[قرصان الساحل]

رد: اخطونا من اللعب باسم الدين يرحم والديكم

الناس مرضت بحاجة سموها j'aime وكي راه عادت لي يحب يفتح صفحة يفتح
عاد من هب ودب يفتح ويلم الناس وينشر منشورات مايعرف صحتها من عدم مشروعيتها
والهدف تاعو يجامولو بركا ولو على حساب دينهم ولا كيما قلت في موضوعي امو ماتت المهم جمجمولو برك ديرو ليه لجام كي تاع الحصان او يعجبو الحال حبيبنا
انا كي نشوف قل سبحان الله هذه عباية الرسول عليه الصلاة والسلام ولا حذاء تاعو يضربوني 10 جنون يمالا 10 عندك وعشرة عني ايه جنون خدمو معانا
للدرجة هاذي الناس جاهلة وتلقاهم يجو ويكتبو سبحان الله ياحصرا على الغباء كي داير هنا يطرح السؤال نفسو هل لهم اذان سمعون بها ؟؟ ام هل لهم عقول يفقهون بها ؟؟
ربي سبحانو فضلنا على الحيوان بالعقل حتى نفكر ونتدبر لكن بعض ناس عقلو ضاربها بكونجي من زمااااان عاجبو الاستحوان تاعو
والاحاديث المحرفة والضعيفة الفايس بووك هذا اكثر موقع لخراب العقول واللعب بالدين
وللأسف الناس معندهاش ذرة عقل للتأكد من هذه الامور قبل نشرها ايه مرات نقول كلشي مدبر باه يضربونا في دين تاعنا وللاسف ناس تعاون فيهم باه يستهزاو بينا
وصور حوادث المرور حدث ولاحرج شكون سمحلهم ينشرو صور الناس وجثثهم حرام عليهم وهاذي حكاية ضمير اكثر من اي شي اخر
ومادام الفايس بووك غير مراقب وليس لدينا قانون يحمينا نبقى على هذه الحالة لو جينا عندنا شوية غيرة على دين تاعنا وشوي ضمير مش حتى نستناو قانون يحمينا
بارك الله فيك وفيك بركة اختي

ههه واخيرا شفنا حنة يديك كنت تطلي علينا ومتقولي والو هاه ان النجمة القطبية ما ناكلو ناس موالو ههه
شرفتيني بردك اختي ديما ننتظر طلتك علينا
شكراااااااا
​