عاجل ... إجتماع طارئ لي ميدخلش يقصف

[Hakan]

رد: عاجل ... إجتماع طارئ لي ميدخلش يقصف

ههههههه واش واقيلا امين ومالك يتحاماو ويتعاونو عليك
وانت مع مالك عليا
احنا مواضيعنا يجو مره فالزمان يجو عزاز اك تعرف احم هههه
راكم بديتو تفيقو أميره الراقدة لي لداخل دوك ندخلها مواضيع لحتى تقولو حبسي ههه

لا لا غير هاتي خيتي المطلوع اللي طيبيه من يدك انت خبز فرنسي
ها شفت يا مالك ويقلك التمنشير ماهوش مليح ها رانا درنا الحس وقالك راهي رايحة تنوض
المهم برك ما تنسايش اغسلي وجهك مليح مليح باش ما ترقديش
ونحي عقلية الخفافيش وتكلي على الله وديرينا موضوع واعرضينا عليه :bravo01:

 

[Skor m@k]

رد: عاجل ... إجتماع طارئ لي ميدخلش يقصف

حالياً الأعضاء النشيطين الذين يشاهدون هذا الموضوع: 12 (5 عضو و 7 ضيف)
‏hakim story, ‏الامين محمد+, ‏Fethi.dz+, ‏حكيك, ‏Skor m@k+

فتحي اون بارسون يدخل للموضوع نتااعك تقول عليه راهو حس بيك تمنشر فيه هههه
وجد وجد لكاش قصف مليح​

السلام عليكم
غدوا نكمل نرد عليكم كامل وبالتفصيل الممل
والتمنشير
خويا فتحي والله غير نgسسر برك ههههه
مادير في بالك والو ههههه
خويا حكيم انا خوك اهدر معاه فهمو العقلية كيفاه ههههه​

 

[الامين محمد]

رد: عاجل ... إجتماع طارئ لي ميدخلش يقصف

الحمد لله لكلافي نساتني
معليش خويا مالك رايح نشري الملاحة معاك
و نتحالفو على خويا حكيييم و اختي أميرة
خويا حكيييم راه يحوس على العروسة و ما زال ما لقاهاش النيايلية الفحلة
اما أختي اميرة فنيانة رايح نشوف تنمشيرنا و ما تقدرش تصبر
و تكتب مواااااااااااااضيييييييع للرد علينا

واش راايك خويا مااالك
هههههههههه
​

 

[Hakan]

رد: عاجل ... إجتماع طارئ لي ميدخلش يقصف

الحمد لله لكلافي نساتني
معليش خويا مالك رايح نشري الملاحة معاك
و نتحالفو على خويا حكيييم و اختي أميرة
خويا حكيييم راه يحوس على العروسة و ما زال ما لقاهاش النيايلية الفحلة
اما أختي اميرة فنيانة رايح نشوف تنمشيرنا و ما تقدرش تصبر
و تكتب مواااااااااااااضيييييييع للرد علينا

واش راايك خويا مااالك
هههههههههه
​

اواه ياخويا امين تتحماو فيا اصبر ضركا يجي الدعم ديجا الادارة راهي معايا عندي معريفة قوية
وزيد النايلية راك تعرف الدزيري ما يحبش المنتوج المحلي حابين نشرقو ولا نغربو اك فااهم ههه :love01:​

 

[AmiR@RoRo]

رد: عاجل ... إجتماع طارئ لي ميدخلش يقصف

هههه أيا خلاص دوك نطيب شي موضوع حلو وراكم معروضين كامل من دروك
أن شا الله برك يتسقم الميكرو ومايبهدلنيش

خويا امين بلا تحالف عليكم نتافقو من درك ونتفاهمو بالتي هي أحسن بلعقل برك هههه

أيا انتظرونا قريبا... :d

 

[ثَسْكُورْثْ نَثْدُوكْلِي]

رد: عاجل ... إجتماع طارئ لي ميدخلش يقصف

هههه سلام عليكم أخويا مالك
قلت نروح نحضر الاجتماع ونكون سيريو بلا تمسخير خخخخ
لقيت القصف داير حالة بقيادة قائد العصابة القرصان مالك

أيا مليح مدام قلت عليا نشيطة سلكت أحم أحم قل الله يبارك سينو يتهرد قطاع التربية والتعليم وقاعة الاستقبال خخخخ

على كلِِ مش رايحا نمشر أحم لكن راني هنا لحماية القراصنة

شكراا ع الموضوع خيو مالك ههه

بالتوفيق وأمسية طيبة
​

 

[لؤلؤة قسنطينة]

رد: عاجل ... إجتماع طارئ لي ميدخلش يقصف

الاخت مريم لقسنطينية عاينتنا وعاينت روحها ههههه
عندها شهر مكتبتش موضوع يكون سرقولها لكلافيي كيما
وحد الاخت ديما تحصل بلي لكلافيي تخسر ههههه
المهم بلاكو راني نحذركم منها هاهاها راهي تعاين خخخخخ

ههههههههههههههه يخي حالة، ربي يهديك برك
قتلتني ضحك ماطلقت حتى عبد يخي مصيبة هههههه اصلا مع بديت نقرا عرفت بلي راني في لاليست ههههه
المشكل راني عاينت روحي صح هههه نتا راهي تفكتلك العقدة وقدرت تكتب موضوع بقيت انا برك هههههه
والله البارح فتحت باج تاع انشاء موضوع جديد في قسم واش راك تهدر بديت كتبت السلام عليكم وليت حبست هههه
حسيت الحديد في يديا، اواه انا عينيا ملاح هادو عينين صحاح ضربوني ههههه
وعجبتني مريم القسنطينية لدرجة كاين بزاف مريومات هههههه
واصلا استنا نمنشرو فيك شوي، يا جماعة هادا خونا مالك خفاش اللمة كان كل يوم موضوع في قسم واش راك تهدر
وهادي حياة مجنونة ومن بعد غاب ضربة وحدة تلقاه دايما متواجد في اللمة بصح مايكتب لا رد لا موضوع
بالاكو تأمنو بلي عاينتو خاطر من بعد توسوستلو واقيلا راهو يسرب في معلومات من اللمة وناوي يحل منتدى خاص بيه :d
انا خاطيني ندير الخير برك ههههههه
ربي يهنيك خويا مالك، انا حاسة موضوعك هادا بالرغم من انو زعما يضحك ويرفه عن النفس لكن فيه
رسالة لأعضاء اللمة باه كل واحد يفطن ان شاء الله ونزهيو كامل اقسام اللمة بالمواضيع الحصرية
بارك الله فيك خويا
وان شاء الله تخلص القراية برك هادي راهي عجزتنا ولينا شياب في اجساد شباب استنا تخلص برك ونرجعو بقوة
اصلا عندي بزاف مواضيع ومالقيتش الفكر الهاني لي يخليني نكتب لكن رايحة نرجع بإذن الله
تحياتي ليك ومعليش قصفك هاد المرة مقبول، اصلا قلت لي مايدخلش يقصف وانا تقصفت قبل ماندخل
ماش ظلم هادا هههههه دبر راسك من بعد بدل القصف هادا ردو مدح هههه
هيا راني هدرت بزاف ربي يوفقك خويا

هههههههه حوست على روحي حوست مبعد نلقها فولا كي شغل حبة فول خخخ

ههههههههههههههه ختي فيولا قتلتيني ضحك
ربي يحفظك ان شاء الله
​

 

[ثَسْكُورْثْ نَثْدُوكْلِي]

رد: عاجل ... إجتماع طارئ لي ميدخلش يقصف

تشييييييييييييييييز

حالياً الأعضاء النشيطين الذين يشاهدون هذا الموضوع: 19 (5 عضو و 14 ضيف) ‏sarakoukou, ‏"viola", ‏زهرة الزنبق, ‏شاعرة الأمل, ‏Skor m@k

 

[ليليا مرام]

رد: عاجل ... إجتماع طارئ لي ميدخلش يقصف

السلام عليكم
ويااااااااااا انا يا انا جاي تمنشر فينا انا نحساب الموضوع قديم قلت نضرب طلة نلقاك حشيتنا
امسع انا قولي وين تسكن ونجيك راس راس انت قلت بلاك تقولي علاه يتفرجو فيكم الجيران
اييااا مليحة هذي حبيت نعرف وعلاه راكم تقلقتو كي راني نكتب فالمواضيع راح ندير اضراب ونروح عليكم وتندمو بلاكو تتوحشوني وضرك انا ندير كيما انت ونبدا بيك
اييع السي سكر يهدر على الناس وهو يجي يطل ويظل يعس فينا ويحسب فينا تقول نعاج ويخرج يروح ايييه لما نحكي على كاش سوجي نتاع نسا يدخل يشكي كالعجايز ويخرج ديركت ما يرجع ما يناقش وارواح تشوف لما يقولك لي عودة العام الجاي مثلا ياخي حالة
لخرين هايلين من غير هبة راهي كيما انت تحوس عليا نبطل المواضيع حسادين وغيورين تغيرو مني وااااااااااااع مي الحاجة الشابة فيكم دخلتكم لقلبي قلتوهالي فوجهي واصلو ولا تفاصلو
وراني زعفانة وكي نزعف راح ندير زوج مواضيع فالنهار الشح فيكم

 

[zohor kfz]

رد: عاجل ... إجتماع طارئ لي ميدخلش يقصف

انا نمنشر فيك :p
ويليييييييييي على لسانآآآآآك
حآآآر و طويييييييييييييييل ... مكانش بين عليك هههههه

 

[حكاية قمر]

رد: عاجل ... إجتماع طارئ لي ميدخلش يقصف

علبالك انا قلت كاش ما راه صاري ايا بغيت نستخبر
ساعى ذا نت وليت تقدم حصة تنمشير
يعطيك صحة خويا خففتلهم بزاف ذنوب راك فاهم هه
شكغاا

 

[Salah eddin]

رد: عاجل ... إجتماع طارئ لي ميدخلش يقصف

الحمد لله
ماكانش لي جبدني
ياو راه يجبدني كاش واحد
رانا مانتفاهموش
هاي والله
اخطونا اسيدي
ياخي حالة ياخي
هههههههههههههههههههههههههههههههه
​

 

[نجيب]

رد: عاجل ... إجتماع طارئ لي ميدخلش يقصف

منشر خويا و راني عاطيك كامل الحرية من جهتي

و كي تحب تحكي على نجيب احكي و راني مسامحك ههه

كلامك صح و قدته بطريقة مميزة بارك الله فيك صديقي

و من عندي مترحمنيش

سلام ​

 

[safouane batna]

رد: عاجل ... إجتماع طارئ لي ميدخلش يقصف

مسامح دنيا وآخرة خوياا اهدر برك ربي يحفظك كي تفكرت اسمي هذا يعنيلي اني بديت يعرفوني شويا اعضاء فالمنتدى بالرغم من اني جديد شكرا جزيلا خويا

 

[sosobibicha]

رد: عاجل ... إجتماع طارئ لي ميدخلش يقصف

سلام عليكم
راني خليت كتاب و كراس العلوم و جيت هههه مي الحمد لله ما كنش اسمي لاني ترنسبارو في المنتدى نضرب غير طلات خفيفة هههه
مي عجبتني نتاع الاخت ليليا {زهرة الزنبق} و الاخت {لؤلؤة قسنطينة} هههههه :p
الله يعطيك الصحة ^^
تحية :regards01:
​

 

[أم منيــــــر]

رد: عاجل ... إجتماع طارئ لي ميدخلش يقصف

السلام عليكم
زعما حشمت باش تقصفني انا تاني
يا ودي غي منشر رانا في عهد الديمقراطية و حرية التعبير نقولوها صراحة حكمنا التفنيين نتع الصح ول ربما صابتنا عين:d:p

المهم انا نظن فترة الامتحانات هي لي تخلي المنتدى يمر بفترة من الركوض
الله يوفق الجميع
انا الحظ راه خايني هاد ليامات
مرة تروح النت
مرة لكلايفي فسد
و البارح البيسي دار ستوب و ما حبش يقلع مزية راجلي عندو شويا خبرة و سقمو:sport02:
و الله يا مالك كل مرة تخرج لنا خرجة هي:thumb_up02:
هكدا مرة على مرة قصفنا باش نفيقو شويا
يعطيك الصحة:regards01:​

 

[السلطانة]

رد: عاجل ... إجتماع طارئ لي ميدخلش يقصف

وعليكم السلام
حرقتنا تبا لك :p
الباروك راه جاي صابروني برك

وفي الدار دايرين عليا الحراسة
راني ندخل ذراع للمة :tongue02:

وعين على الطفيلة لاتنوض ننحي اللاب توب من يدي ونروح ليها

هيا خويا مالك زيد منشر كثر هههه كاشما يرجعو الحباب يكتبو كامل
يعطيك الصحة

​

 

[ليليا مرام]

رد: عاجل ... إجتماع طارئ لي ميدخلش يقصف

هههههههه والله يا ماالك واشمن حياوانات واشمن زوااج واش من خرطي
والله راهي بايرة الحالة كاين المواضيع كاين الفيد كاين كل ظروف احتلال شعب
بصح والو ما خلاوناش لا السي هشام لا الست ليليا الجديدة ههه كلاو كل شيء وزيد راني حسيت روحي كبير وراني نشجع في

​

اهلا حكيم
والله حابة نفهم ليليا وهشام واش من ماكلة كلاوهالكم بلاك كلينا عشاكم وخليناكم وعلاه حنا كتفانكم ايا ورونا شطارتكم من جهتي ماراحش نكتب ورونا الشطارة وعلاه انا قتلكم ما تكتببوش اول مرة نشوف منتدى يكره المواضيع والنشاط يا سيدي راح نلبي طلبكم ونخليكم تكتبو وان شاء الله تنشطو الحالة
راهي ليكم

 

[Skor m@k]

رد: عاجل ... إجتماع طارئ لي ميدخلش يقصف

السلام عليكم خويا مالك
ههههه شحال ماضحكتش من قلبي واليوم انت ضحكتني ربي يفتحها في وجهك ويفرحك فرحة دايمة

ومجاجو مراهيش تمبان كامل واللي هي زهيرة واللي هي حمرة ههههه
منهار حبس داعش هي حبست تقول كومبليس معاهم ولا الشهرية حبسوهالها هههههه
ولا يكون خطبوها صحاب ليزانgلليز ومخبرتناش هههههه
راني رايحا نولي الزهرة السوداء عيينا من لحمر بركات
ششششششش حاب تباصي روحك ولا تباصيني قالها نخدم معاهم انا خاطيني معرفهم مايعرفوني
يااااو راهم هدروا وقالوا بلي لحد الساعة ماقدرنا ندخلوا لمنطقة المغرب العربي قالك التوغل فيها أمر خطير وذلك بسبب المخابرات لي عندهم مانعرف صح ولا خرطي
المهم انا راني عميلة نتجسس واش يديروا ونجي نقول لعمي سلال عليهم هههههه وزيد ماتفكرنيش فالخطبة يعني لوكان جاو خطبوني جماعة لانgليز مانقولكمش ؟؟؟!!! (هي صح مانقولكمش تعودوا تعينوني ههههه )
مبصح الساعة هادي راني مخطوبة لواحد الشاب أسمو الباك اذا تحب تباركلي ويزيك من التمنشير بزاااف ماهوش مليح قالك يدير لاطونسيون
ربي يحفظك خويا ويهنيك ويعطيك واش متمني
تحياتي ​

السلام عليكم
آه ياختي مجاجو سافيك راكي ديسكيتي معا الباك واقيل راهو يخوف فيك هههه
والى كاش خدمة فالتجسس معاك راني هنا اتصلي بمصلحة الطوارئ هههه
ديجا منزيدش نمنشر فيك يعود يزعف ميسيو الباك ياو راه حبيبي هذاك هههههه
ربي ينجحك ختي

 

[Skor m@k]

رد: عاجل ... إجتماع طارئ لي ميدخلش يقصف

هههههه الله يعطيك الخير يا مالك
دخلت محلف علينا واحد واحد
الله غالب راك تعرف التفنيين وش يدير
ولا مرات نشك داعيين عليا شي دعوة باش منكتبش مواضيع
الردود منهم وعليهم والمواضيع مره فالقرن
وزاد هنا مانلقاش موضوع نحكي فيه
أولا لانو كامل المواضيع كملتوهم انت ومريم وليليا ههه
ثانيا انا ماشي ثرثاره عليها احم ههه
وزاد راك قلتها تلمسانيات كل صبع بصنعه ماشي كل صبع بموضوع هههه
دوك نشوف شي خرجه جديده ونحطها وكرموني عليها هههه
راك قلت لي مايدخلش يقصف بصح رانا دخلنا وقصفتنا بالتمنشير التقيل هههه
يعطيك الصحة مالك

السلام عليكم
قالك ادخل تقصف قبل ما يقصفوك ههههه
يسموها سر المهنة هههه
انت ماشي ضربوك بعين ياو دارولك الكادنة في لكلافيي تاعك ههههه
توكلي على ربي وكتبي موضوع هههه:p
واقيل والفتي الرقاد راني وليت ضرك نهبلكم كامل ههههه
وحكيم راهو معايا نولو كومبيس ونطاكيوكم كامل هاهاهاه
ربي يهنيك ختي آميرة