جزء من معاناتي

[مشكلتي]

السلام عليكم
اليوم حبيت نفرغ قلبي باسكو تع الصح راني معمرة
مانيش رايحة نحكي على الحب ولا على الزواج
وماني طالبة منكم والو
ومنيش مستنية تفهموني
حابة نكتب برك بلاك هذا الشي يخفف عليا
غير تدعولي ربي يكون معايا باش نحكل وش راني نعيش ويفرج عليا

بون ,, رغم صغر سني عانيت بزاف ,, بزاف
كلش بدا كيما رحلنا لولاية اخرى
كانو ماما وبابا كل الوقت يتضاربو وكي نقول يتضاربو افهموها كيما راهي (الضرب ـ الشتم )
قدام عينينا ! يعني ايماجينيو واحد رحل من ولايتو لولاية مايعرف فيها حتى واحد والحقرة والوحش ويزيد يشوف والديه في حالة كيما هاذي
وصلت لمرحلة وين قلت خلاص رح يطلقو
وطبعا هذا كامل بسبت لالة مرت عمي شبعتهم سحر حتان قالو اه يا ليل
( مرت عمي سحارة .. دارت السحر باش تفرق بين ماما وبابا ,. نشفالها كيما ذوك خطرة جات عندنا بنت عمي بايتة سمانة ونهار روحت بداو المشاكل ,, ابخي عرفنا بلي دارت السحر )
كنت كل ليلة نبات نبكي وندعي ربي يفرج علينا..
كنت رايحة لطريق قريب فسدت مي الحمدلله ,, مرحتش
وليت منقدرش نقرا وعاودت العام
كملت قرايتي على كل حال ,,
كانو عندي صحابات مي تع مصلحة
ولي هدرت فيا بلي ندير وندير
حسبي الله ونعم الوكيل
بعد 3 سنين ملي رحلنا مات خويا
والوقت هذا مبكيتش .. محبيتش نبين ضعفي محبيتش نزيد على والديا
واحد ماوقف معانا ( لافامي ),, كنت انا ندير كلش والديا من جيهة وخاوتي من جيهة منخليهمش دقيقة وحدهم
هكذا وجامي حسستهم بلي راني متضضررة من وش صرا المهم ينساو هوما على الاقل ميتفكروش (انا الكبيرة في الدار وخاوتي صغار )
كنت مانيش قاعدة لروحي كامل
ومكانش عندي حتى صحبتي باش نحكيلها ونفرغلها قلبي ,, دونك حكمت كلش في قلبي
تبدلت وليت منهدرش بزاف ونحب نريح وحدي وتوجور غايسة
موليتش كيما بكري نخالط
باختصار تعقدت .. المشاكل لي في الدار , السحر , الخيانة تع الصحابات , الحقرة , خاصة موت خويا ،
الاساتذة يحقروني ,, مالقري والله غير عاقلة ,, بزاف نقعد وحدي مانهدر مع حتى واحد
ونقرا المعدل 15
دوكا ,, خاوتي في زوج ميهدروش معايا , علابالي رح تقولو اكيد مدايرة كاش حاجة
بصح رح نقولكم بلا سبة .. اه بلا سبة
كي يشوفو واحد يحقرني برا ( يحقر ماشي يتبلى ) ميهدروش معاه يفوتو عليا شغل ميعرفونيش
يهدرلهم واحد فيا يسكتلولو .. يسبوني يرخصوني
ماما تاني توجور تقيسني بهدرتها
مع اني نعاونها ونخدم كلش الحمدلله
بلا سبة ترخصني هدرتها تقعد غير تتعاود في راسي
يجي وقت نحس روحي نكرهم وحابة غير نبعد عليهم
بصح يقعدو فاميلتي ماعندي ماندير !
خوالي وعمامي ,, كيفكيف اهم حاجة عندهم هي الزواج ويعمرو في والديا باه نحبس لقراية في بالهم وقت !
17 قريب 18 سنة !
يعلم ربي وش راني عايشة ووش راني نحس
الحياة لي راني عايشتها والناس لي دايرين بيا حابين يحطموني
مينداك نقول خلاص منقدرش نزيد نكمل
مينداك تجيني قوة من ربي نقول نتحداهم كامل ونخليهم يندمو على وش راهم يديرولي
ويوليو يتمناو نهدر معاهم
منيش حابة حتى واحد يشوفني ضعيفة ولا مسكينة
ولا يشوف فيا بنظرة تع شفقة
يعني تغيضني كي عاد اهلي يديرو هكذا علاش نحزن من وش يدير لبراني ؟


سامحوني طولت عليكم بلاك خلطت شوية في الكتبة محبيتش نعاود نقراها ​

 

[السلطانة]

رد: جزء من معاناتي

وعليكم السلام نتاسف عن التاخر في الاعتماد لي عودة ...

 

[فيتامين سي]

رد: جزء من معاناتي

ملقيتش واش نحكي
برك نقولك متستسلميش ابدا
و رقي روحك دايما حافضي على الاذكار
على سورة البقرة
و دايما ديريها في الدار ياك قلتي والديك سحروهم مام هدا ممكن سحر

 

[لؤلؤة قسنطينة]

رد: جزء من معاناتي

السلام عليكم
ربي يفرج عليك أختي ان شاء الله وربي يوفقك لكل خير ويعوضك بكل حزن سعادة وفرح في الدنيا والآخرة
أما بالعودة لواش قلتي ختي لعزيزة وبالرغم من أنو علابالي بصعوبة كل كلمة كنتي تقولي فيها نقولك حاجة برك لما تحسي الابواب
كامل مقفولة في وجهك ولما تحسي بلي راكي تعاني من ظلم وتعيشي صعوبة حياة وظروف حياة قاسية اطرحي على نفسك سؤال
واحد فقط ولما تحاولي تجاوبي عليه تحسي براااحة تامة، تعرفي واش السؤال هادا؟؟ هو الظلم والقساوة لي كتبهالي ربي علاه؟؟ خاطر
يكرهني؟؟ يعني هل التعب والشقاء لي كتبهولك ربي خاطر يكرهك وحاب يعذبك؟؟ فكري مليح في هاد السؤال ورايحة نعطيك
إجابة عليه، ختي العزيزة الدنيا لي رانا عايشينها ماراهي إلا امتحان والامتحان مستحيل يكون بالساهل لازم فيه صعوبات ولازم
فيه عراقيل، بصح كل شخص والصعوبة لي بعتهالو ربي وقدرة التحمل تاعو على هاد الاختبار، خاطر الله سبحانه وتعالى يقول
في كتابه الكريم وبعد بسم الله الرحمن الرحم "لا يكلّف الله نفسا إلا وسعها" وعلى هادي ساعات نشوفو ناس المرض كلالهم لحمهم
وبقاو عظم على الفراش ولسانهم يقول الحمد لله، يعني ربي حاب يختبر كل إنسان وقدرتو على التحمل ويعطيه اختبار خاص بيه وكل
شخص يعطيه حاجة ويحرمو من حاجة اخرى يختابرو بيها والشخص الثاني العكس وهكا يكون الاختبار، كاين ربي لي عطاه المال والصحة
وماعطاهش الاطفال وحياتو ولات جحيم مال وصحة وماكانش اطفال يزهيو حياتو، كاين لي عندو المال والاطفال بصح ولادو عاقين
وفسدولو دراهمو وخلاولو حياتو جحيم، كاين لي عندو اطفال صالحين وماعندوش الصحة تلقايه يتمنى يرقد يوم بلا ألم وشقاء، كاين
لي عندو الصحة وماعندوش لقمة يوكل بيها ولادو، كاين لي عندو كلشي وبلادو في حرب يرقد على صوت الصواريخ ويفطن على
لون الدماء وخلي وخلي، كل بين خلف ابوابو أسرار، درك ختي لعزيزة ماش رايحة نتفلسف ونقولك الشي لي تعيشي فيه ساهل وتافه
علابالي بكل جرح راهو يحرق فيك وبكل مشهد راهو يعذبك يوميا يعني الجرح تاعك وعذابك متافقين عليه 100 بالمئة درك المشكل
وين؟؟ هو في الحل .. درك هل الحل لما تتحول معاملتك وتولي نفس معاملتهم وتولي تحقدي على غيرك؟؟ ولا الحل في الهروب من
البيت وإعطاء فرصة لذئاب الشوارع يلعبو بيك؟ ولا الحل في الشجار وارتفاع الأصوات؟؟ شوفي حبيبتي نتي عطاك ربي حاجة ملييحة
بزاف وهو الضمير الحي، في كل كلمة كنت نقرا كلمة الحمد لله وكلمة انا عاقلة وكلمة اسمحولي وهادي حاجة مليحة على الاقل في
وسط هاد الشجارات وفي وسط هاد الظلم ماخرجتش طفلة معوجة تحب الشر لغيرها وتروح للحرام وهادي هي الحاجة لي عطاهالك ربي
بينما حرمك من حوايج خلاف، درك نصيحتي ليك ختي لعزيزة هو احكمي في ربي لي راهو اقوى سند في هذه الحياة، أول نقطة مهما
وصلت بيك الحال ماتقوليش علاه يا ربي وعلاه انا بالذات؟؟ وتبداي تحاربي وتعارضي في قضاء الله يعني اي حاجة تصرا قولي الحمد لله
على كل حال خاطر ربي عطاك حوايج ناس محرومة منهم كيما الصحة مثلا على عكس ولاد صغار عمرهم 5 سنين واقل يعانيو من امراض
خبيثة يعني هادي ابسط حاجة، ثاني نقطة ماتخليش الصلة بينك وبين ربي وهي الصلاة، لأنو الدقائق لي توقفي فيها بين يدين ربي سبحانو
راهي خير من الدنيا وما فيها، ثالث نقطة قراءة القرآن والاستماع له خاطر يطمن قلبك ويعطيك الراحة لي فاقدتها لقوله تعالى بعد بسم
الله الرحمن الرحيم"ألا بذكر الله تطمئن القلوب" يعني يتنحالك الخوف وتترع في نفسك الطمأنينة، رابع نقطة الأذكار مالازمش يتوقف لسانك
عن الاستغفار وعن قول " لا إله إلا أنت سبحانك إني كنت من الظالمين"، وغيرها من الامور كيما قيام اليل وكثرة الدعاء هادي كامل
تساعدك ختي لعزيزة، ماتخافيش وماتقنطيش من رحمة الله مهما بانتلك الدنيا ظلمة ومافيهاش نور ربي يفتحلك باب ماحطيتيهش يتفتح
مالا ماتستسلميش من أول خطوة وكوني قوية خاطر ربي خلقك ماش باه تفشلي عند اول عقبة بالعك عطاك العزيمة والاصرار باه توصلي
لواش حابة، حاولي تتقربي من عايلتك حاولي تقراي القرآن في قارورة الماء مثلا واعطيها لوالديك وخاوتك يشربوها حتى لو بالتخبية عليهم
حاولي بالشوي تكوني نتي شعلة الامل وسط هاد الاسرة وبإذن الله تتحل كل الامور وتتحول للأحسن ان شاء الله
ربي معاك ختي لعزيزة وربي يوفقك في كل خطوة صدقيني كل كلمة راني حاسة بيها لكن ماش سبب باه نقولك اهربي ولا بزاف عليك
خاطر علابالي فيك بذرة خير ماشاء الله بهاد النصائح تتفتح وتكون وردة بإذن الله
بالتوفيق عزيزتي وطمنينا عليك في موضوع آخر اذا قدرتي وربي يكون معاك
تحياتي
​

 

[بنقابي افتخر]

رد: جزء من معاناتي

السلام عليكم
ربي يفرج عليك أختي ان شاء الله وربي يوفقك لكل خير ويعوضك بكل حزن سعادة وفرح في الدنيا والآخرة
أما بالعودة لواش قلتي ختي لعزيزة وبالرغم من أنو علابالي بصعوبة كل كلمة كنتي تقولي فيها نقولك حاجة برك لما تحسي الابواب
كامل مقفولة في وجهك ولما تحسي بلي راكي تعاني من ظلم وتعيشي صعوبة حياة وظروف حياة قاسية اطرحي على نفسك سؤال
واحد فقط ولما تحاولي تجاوبي عليه تحسي براااحة تامة، تعرفي واش السؤال هادا؟؟ هو الظلم والقساوة لي كتبهالي ربي علاه؟؟ خاطر
يكرهني؟؟ يعني هل التعب والشقاء لي كتبهولك ربي خاطر يكرهك وحاب يعذبك؟؟ فكري مليح في هاد السؤال ورايحة نعطيك
إجابة عليه، ختي العزيزة الدنيا لي رانا عايشينها ماراهي إلا امتحان والامتحان مستحيل يكون بالساهل لازم فيه صعوبات ولازم
فيه عراقيل، بصح كل شخص والصعوبة لي بعتهالو ربي وقدرة التحمل تاعو على هاد الاختبار، خاطر الله سبحانه وتعالى يقول
في كتابه الكريم وبعد بسم الله الرحمن الرحم "لا يكلّف الله نفسا إلا وسعها" وعلى هادي ساعات نشوفو ناس المرض كلالهم لحمهم
وبقاو عظم على الفراش ولسانهم يقول الحمد لله، يعني ربي حاب يختبر كل إنسان وقدرتو على التحمل ويعطيه اختبار خاص بيه وكل
شخص يعطيه حاجة ويحرمو من حاجة اخرى يختابرو بيها والشخص الثاني العكس وهكا يكون الاختبار، كاين ربي لي عطاه المال والصحة
وماعطاهش الاطفال وحياتو ولات جحيم مال وصحة وماكانش اطفال يزهيو حياتو، كاين لي عندو المال والاطفال بصح ولادو عاقين
وفسدولو دراهمو وخلاولو حياتو جحيم، كاين لي عندو اطفال صالحين وماعندوش الصحة تلقايه يتمنى يرقد يوم بلا ألم وشقاء، كاين
لي عندو الصحة وماعندوش لقمة يوكل بيها ولادو، كاين لي عندو كلشي وبلادو في حرب يرقد على صوت الصواريخ ويفطن على
لون الدماء وخلي وخلي، كل بين خلف ابوابو أسرار، درك ختي لعزيزة ماش رايحة نتفلسف ونقولك الشي لي تعيشي فيه ساهل وتافه
علابالي بكل جرح راهو يحرق فيك وبكل مشهد راهو يعذبك يوميا يعني الجرح تاعك وعذابك متافقين عليه 100 بالمئة درك المشكل
وين؟؟ هو في الحل .. درك هل الحل لما تتحول معاملتك وتولي نفس معاملتهم وتولي تحقدي على غيرك؟؟ ولا الحل في الهروب من
البيت وإعطاء فرصة لذئاب الشوارع يلعبو بيك؟ ولا الحل في الشجار وارتفاع الأصوات؟؟ شوفي حبيبتي نتي عطاك ربي حاجة ملييحة
بزاف وهو الضمير الحي، في كل كلمة كنت نقرا كلمة الحمد لله وكلمة انا عاقلة وكلمة اسمحولي وهادي حاجة مليحة على الاقل في
وسط هاد الشجارات وفي وسط هاد الظلم ماخرجتش طفلة معوجة تحب الشر لغيرها وتروح للحرام وهادي هي الحاجة لي عطاهالك ربي
بينما حرمك من حوايج خلاف، درك نصيحتي ليك ختي لعزيزة هو احكمي في ربي لي راهو اقوى سند في هذه الحياة، أول نقطة مهما
وصلت بيك الحال ماتقوليش علاه يا ربي وعلاه انا بالذات؟؟ وتبداي تحاربي وتعارضي في قضاء الله يعني اي حاجة تصرا قولي الحمد لله
على كل حال خاطر ربي عطاك حوايج ناس محرومة منهم كيما الصحة مثلا على عكس ولاد صغار عمرهم 5 سنين واقل يعانيو من امراض
خبيثة يعني هادي ابسط حاجة، ثاني نقطة ماتخليش الصلة بينك وبين ربي وهي الصلاة، لأنو الدقائق لي توقفي فيها بين يدين ربي سبحانو
راهي خير من الدنيا وما فيها، ثالث نقطة قراءة القرآن والاستماع له خاطر يطمن قلبك ويعطيك الراحة لي فاقدتها لقوله تعالى بعد بسم
الله الرحمن الرحيم"ألا بذكر الله تطمئن القلوب" يعني يتنحالك الخوف وتترع في نفسك الطمأنينة، رابع نقطة الأذكار مالازمش يتوقف لسانك
عن الاستغفار وعن قول " لا إله إلا أنت سبحانك إني كنت من الظالمين"، وغيرها من الامور كيما قيام اليل وكثرة الدعاء هادي كامل
تساعدك ختي لعزيزة، ماتخافيش وماتقنطيش من رحمة الله مهما بانتلك الدنيا ظلمة ومافيهاش نور ربي يفتحلك باب ماحطيتيهش يتفتح
مالا ماتستسلميش من أول خطوة وكوني قوية خاطر ربي خلقك ماش باه تفشلي عند اول عقبة بالعك عطاك العزيمة والاصرار باه توصلي
لواش حابة، حاولي تتقربي من عايلتك حاولي تقراي القرآن في قارورة الماء مثلا واعطيها لوالديك وخاوتك يشربوها حتى لو بالتخبية عليهم
حاولي بالشوي تكوني نتي شعلة الامل وسط هاد الاسرة وبإذن الله تتحل كل الامور وتتحول للأحسن ان شاء الله
ربي معاك ختي لعزيزة وربي يوفقك في كل خطوة صدقيني كل كلمة راني حاسة بيها لكن ماش سبب باه نقولك اهربي ولا بزاف عليك
خاطر علابالي فيك بذرة خير ماشاء الله بهاد النصائح تتفتح وتكون وردة بإذن الله
بالتوفيق عزيزتي وطمنينا عليك في موضوع آخر اذا قدرتي وربي يكون معاك
تحياتي
​

مانزيد نقول والو على خاطر
كلش قالتو الاخت
اتفكري غير حاجة وحدة
قول الله تعالى بعد بسم الله الرحمن الرحيم
لا يكلف الله نفسا الا وسعها
والا كانت هده جزء من معانتك الله المستعان على معانتك كلها
ربي معاك حنونه وحاولو ترقيو الدار
_ نعطيك وصفة لرقية البيت مضمونة 100 %

 

[Hakan]

رد: جزء من معاناتي

كتبتلك بعض الظهيرة رد لكن راحت لاكنيكسيون
معليه ختي واش نقولك ربي يفتح عليك ويفرج عليك حاجة وحدة
لازم تقوليها دايما :
انو انت البنت الكبرى وراكي عارفة واش معناتها كبير الدار
يعني لازم تتحملي مسؤولية جميع المشاكل اللي راهي في الدار وتستخدمي عقلك في كل خطوة نحي العاطفة طول من قلبك
العايلة نتاعك تحتاجك باسكو هوما كاامل راهم عماو وغير انت راهم عينيك مفتوحين
اذن حاولي تفتحيلهم العينين وتخرجيهم من الظلام اللي راهم فيه ومن بعد رايحة تشوفي كل خير ان شااء الله
بالتوفيق خيتو وربي يفرج عليك وعلينا ..
​

 

[السلطانة]

رد: جزء من معاناتي

وعليكم السلام ورحمة الله وبركاته
مشكلتكِ أثّرت في أختي لم أستطع أن أضع لكِ ردا حين اعتمادي للموضوع ...
لأني أشعر جيدا بما مرّ عليك فالسّحر ليس بالأمر الهيّن أبدا..
لي فات فات
الآن لازم عليك تكوني قوية
والقوة تجيبيها من الإيمان
أول حاجة تقوي علاقتك بربي سبحانو وتعالى لأنو ماكانش لي يخرج مما انتِ فيه غير ربي سبحانو
صلاتك اختي ثم صلاتك والدعاء
اذكري ربي اقراي في المصحف راح كلش تحسيه يهون
صدقيني مهما كانت مشاكلك راح تُفرج بإذن الله
ربي يوفقك ان شاءالله

​

 

[بنقابي افتخر]

رد: جزء من معاناتي

حبيبتي احكمي الماء قيس 5 لتر واقرئي الفاتحة سبع مرات
اية الكرسي 7 مرات
والاخلاص والناس والفلق 7 مرات
وضعي كمية من ورق السدر مرحي يعني حكمة يدك
والخل
ورشي حدود البيت من الداخل لمدة 3 ايام بلا ماتديري المنياج يعني ماتسيقيش ابدا في فترة العلاج
ونهار الرابع يمكنلك تسيقي.
فيه ملاحظتين
يمكن تنحي السدر والخل وتستعملي الماء للشرب يعني اشربي واعطي لأهلك يشربو منو
وثانيا. ما تعفسوش على الماء المرقي عليها استعمليه في الحدود فقط ومن الاحسن في الليل
هذه الوصفه مضمووونه لمن يقرأها وينشرها له الاجر​

 

[بقايا إنسان]

رد: جزء من معاناتي

ربي يكون معاك ومع كل مذيوق اختنا الكريمة وابشري ان بعد العسر يسر سلام

 

[عاشقة الإحسان]

رد: جزء من معاناتي

الإخوة و الأخوات كفو و وفو ربي يحفضهم
أنا أحس بكي حبيبتي ، اياك و اليأس أعلم أن كل الظروف المحيطة بكي تدفعكي الى ذلك لكن لتكن ثقتكي بالله كبيرة فلم يخلقنا ليعذبنا و الدنيا هي سجن المؤمن و جنة الكافر و اعلمي أن الله اذا أحب عبدا ابتلاه فاصبري و اصبري حتى يعجز الصبر عن صبركي حبيبتي و كوني جبلا صامدا أمام كل ما يمكن أن يدمر أسرتكي و لا تتهاوني في صلاتك و اعلمي أنها ستجعل لكي طريقا في البحر و سترين الأبواب تنفتح أمامك و أن المشاكل تختفي و بوادر الفرج تنجلي لكن اياك و اليأس غاليتي ،لازمي الإستغفار و قيام الليل دعواتي لكي بالفرج القريب
هنيئا لوالديكي بابنة مثلكي تحمل هم أسرتها و تتحمل المسؤولية ، بوركت حبيبتي ​

 

[باتنية و نص]

رد: جزء من معاناتي

سلام عليكم
وش احوالك اختي العزيزة ؟
منيش رح نقولك متقلقيش ولا متكرهيش ولا معندكش الحق باه تهدري وش هدرتي
مراناش في مسلسل بين حلقة وحلقة تتغير الاحوال والشقي يولي سعيد..ينتصر الحق في الاخير ويموت الشر
ممكن نخفف عليك شوي اذا قتلك حياتي تشبه حياتك الى حد ما...او ربما كاينين بيناتنا نقاط مشتركة
ربي ابتلانا كامل...لكن بدرجات
بلاك يكون وضعك اصعب من وضعي ..ممكن ربي سبحانو ابتلاك بشدة لانو يحبك اكثر منا.. ممكن لانو انتي اقوى مني
ولو كنت انا في مكانك كنت رحت فيها شوربة
"الحقرة " حاجة مشي ساهلة ابدا
والاصعب من هاذ الشيئ. انو تلقاي روحك بين نارين ...عذاب والالم اللي سببتهولك الحقرة في كفة...وبر والديك في جهة اخرى
كنت نحقد ...وممكن لحد الان مزال لكن بدرجة اقل..والدنيا دارت شحال من مرة وكنت نقول اللهم لا شماتة..ومن لي توفات جدتي الله يرحمها..لقيت بلي الدنيا هذي والو
المرحومة نشات يتيمة الابوين...ولما تزوجت قضات نص عمرها ضرب وشتم ..توفالها ابن
وبنت
وهكاك والبسمة مغابتش على وجهها طول عمرها
ساعات الحياة تمدلك صفعات وتقسا عليك...لكن في المقابل تكون في صالحك
يعني حاجة متجي بالصدفة...كل حاجة تصرالك وراها غاية وسبب معين
وش نقولك اختي غير ربي يعينك ويفرج عليك
تذكري ديما بلي بزاف ناس حالتهم مثلك او أسوأ منك
سلمي أمرك لله واشكيلو همك لانو الشكوى لغير الله مذلة.. ابكي ...
لكن لما تواجهي الناس واجهيهم بشخصية اخرى ..باش ميجيش نهار يتجرأ واحد يتطاول عليك ولا على اهلك..
تحياتي

 

[manel nana]

رد: جزء من معاناتي

حبيبتي احكمي الماء قيس 5 لتر واقرئي الفاتحة سبع مرات
اية الكرسي 7 مرات
والاخلاص والناس والفلق 7 مرات
وضعي كمية من ورق السدر مرحي يعني حكمة يدك
والخل
ورشي حدود البيت من الداخل لمدة 3 ايام بلا ماتديري المنياج يعني ماتسيقيش ابدا في فترة العلاج
ونهار الرابع يمكنلك تسيقي.
فيه ملاحظتين
يمكن تنحي السدر والخل وتستعملي الماء للشرب يعني اشربي واعطي لأهلك يشربو منو
وثانيا. ما تعفسوش على الماء المرقي عليها استعمليه في الحدود فقط ومن الاحسن في الليل
هذه الوصفه مضمووونه لمن يقرأها وينشرها له الاجر​

السلام عليكم


انا حسيتها افار تاع رقية برك

السحر قادر يدير كلش

و زيد ملي قلتي خوك يشوف وحد يحقرك يفوت و كلي حاجة ما صرات

انا نعرف الشاب الجزائري يشوف واحد شاف في اختو برك تخلى

ديري بنصيحة الاخت

و الرقية هي الحل الأمثل

و بالاك تستسلمي عيشي زكارة غير في هدوك الي يحبوك تكوني محطة

صح ما يحس بالجمرة غير الي كواتو مي انا لوكان جيت في بلاصتك راح نستنى انسان يعاوني

ربي يفرج عليك همك و امك ما تديريش عليها كامل اماهاتنا هااك مي تبقى امك تحبك

ربي يكون معاك الاخت

 

[Idriss S]

رد: جزء من معاناتي

سلآم الله عليكم،
مسائكم عطر بذكر الرحمان، أختي الصبورة صاحبة طرح المشكل، أحيّييك عن ودّ واحترام لصبرك و تفائلك، إنه بحسن ما خاطبتك به أختنا الطيّبة لؤلؤة ان قرأته بقلب مفتوح ينشُد الفرج والسعادة، فقد كان لها من القول الشيء الحسن بارك الله فيها،
ولي على أحبتي الكرام اضافة نصح قد أفاد من سَمِعهُ ولنصّه أجاد
أختي فقط عليك بالإستغفار! والإستغفار والإستغفار أتدرين لما؟
أقرئي معي هذه القصة القصيرة عن الإستغفار لتدري أثر الإستغفار على المسلم المهموم والمكلوم
التجربة : أنا والسجن والإستغفار !

إخواني في الله

أقسم لكم بالله الذي لا إله إلا هو ان هذه القصة حقيقية بكل ماجاء فيها ، وتتضمن قصتي هذه أنني رجل فقير اشتغلت في عدة أعمال ولكن الله لم ييسر لي النجاح فيها .. ثم قدر الله وسجنت في قضية سياسية، وكنت في السجن الذي مكثت فيه قريباً من ثلاثة أشهر قد لزمت الاستغفار بشكل قوي بحيث أصبحت أستغفر في اليوم الواحد ألاف المرات ولله الحمد ، وعلى الرغم من أن قضيتي خطيرة وقليل أن أسجن عليها سنة ! ، ولكن الله تعالى فرج عني بعد 87 يوماً فقط من سجني ، ثم رزقني سبحانه وبحمده بعد خروجي من السجن بستين ألفاً من أحد المحسنين حيث علم بسوء أحوالي المادية فاستدعاني من تلقاء نفسه وأعطاني ثلاثين ألفاً وبعد فترة قليلة أعطاني مثلها فكانت ستين ألفاً ، وقال لي : خذها عوناً على أمور د**** ! .. وقد واللهِ اشتد ذهولي مما جرى فرأيت حينها رأي العين العواقب العظيمة للإستغفار ! .. وقد صدق النبي صلى الله عليه وسلم حينما قال : ( من لــزم الاستغفار جــعل الله لـه من كل هم فـرجاً ، ومن كل ضيق مخرجاً ، ورزقه من حيث لا يحتسب )
هذا ما يعجله الله تعالى لعبده في الحياة الدنيا بسبب الاستغفار من دفع البلاء وشرح الصدور وجلب الرزق وتفريج الكروب فضلاً عن غفران الذنوب وتكفير السيئات ورفع الدرجات .. فما أعظم ملازمة الاستغفار !
فاللهم لك الحمد يا كريم ويا غفور يا رحيم
​