العجوززززززززز..... خصتني ..... والا اروحو تعرفو

[ليليا مرام]

السلام عليكم
اييه راني رجعتلكم برغم راني مريضة درت اكسيدو عينتوني الحمد لله سلامات شوي ايدي وتجرحت من الزجاج
هذي عينيك يا مالك يا بن عمي قاسحين جابوني الارض

نرجعو للسوجيات اليوم حبيت نحكو على سوجي

قالك اخدم يا صغري لكبري واخدم يا كبري لقبري بزاف منكم يعرفوها هذي
مي انا علاه قلتها انا قلتها على جال والدينا
شفت اهالينا لما يكبرو حنا نخدمو عليهم وحنا نوفرولهم الراحة وكل شي يحتاجوه وما نردوش ربع واش دارو معانا
مي ظاهرة راني نشوف فيها عجيبة غريبة ارواحو ديرو معايا زيارة
هايا للهجوم

اييه يمى راني كبرت وليت راجل الريييييييح ما يقيسكش .... مي العجوز هات فاميل والا نقولك نحفف ونستقهوى وراكي عارفة هاتي 50 ونهار كامل ماندورش قدامك زوج بوسات وتعنيقات ويدي صوالحو ويروح

يمى بانتلي اديداس ب 2 ملاين يا حوجي 2 ملاين .....ما تتغاشايش العجوز هذي حرة كي يجو ولاد الحومة يدابزوني نجري طير بيا العجوز تحبي يضربوني بموس يقتلوني وتنوضي تبكي عليا وتقولي لوكان غير شريتهالو اييييه وشعال يعرفلها خونا

الطفلة تتذمم وتحلل ويا ربي تدي حق الخمار وأغلب البنات والله تحشم تدي مي اللي راسي مشوكي منها وخلاص راه حبس انو الجون داير كالدالة يا ناس نخلة يرفدها ويهرب بيها يروح غاسل وجهو ودي دراهم من يماه وعادي

ايييه ومش عازب برك نروحو نشوفو المتزوجين

من الخطبة ينحي وينحي رايح مع لالة يتغدى العجوز هات 500 حبيتيها تضحك عليا نوكلها بيتزا عيب يمى ايييه البيتزا عيب وهي كالبيد بول فدارهم تضرب فالمقارون فطور وعشا

يدي يفطرها والكادو ويرجع للدار ويا حسراه لو دابز معاها اول وحدة يبدا بيها هي يماه من عند الباب ياخي حالة
زيد تزوج وعندبالكم يخلاصو مشاكلو
هذي مرتو بالكرش ما عندوش باه يوحمها

وخلي ذوك اللي يطمعو وكوزينة وحدة ياكل يشرب هو وياها يمسحو فمهم يضربها بغمزة وينطلقو كي هو كي هي ياو هي بلاطاي وما تشاركش تاكل وتنوض هي وفان دام نتاعها

والشهرية كي يخلص تقولو جيبها هنا تنحط عندها حتى تشوفها خرجت بحطة او بخاتم انا نعرف وحدة كل شهرية تروح عند الصياغ ياو شرات سنسلة دير 35 مليون وهو يماه تصرف عليه وعليها ياخي راجل ينحي ليماه ويزيد في مرتو
اواه انا واقيل الشوك نتاع لاكسيدو خلاهم يدور قدام عينيا

الطفلة تحشم ولو الطفلة ما عندهاش مدخول قاعدة فالدار او تقرا فالجامعة الله غالب ما تروحش للرجال تقولهم مدولي
مي الراجل ما يحشمش يبروفيتي فماليه وفباباه ويماه حتى يعيش
وزيد يتزوج ويبقاو مع مشاكلو ومشاكل ولادو ومرتو تلقاها مستحفظة على ماليها لما تكون رايحة تدي الخير والخمير ولما ترجع لاطاي وما تجيببوش معاها تقول كانت فالصومال

والكارثة الام مسكينة الحنينة لو نهدرو تاكلنا خلو وليدي مسكين واش ندير بالدراهم بحار عليه
ياو راهي يطمع فيك ..... ما عندوش مسكين الشهرية ما تكفيهش .... ايه ما تكفيهش تكفيه برك يدي لالاه تحوس وتصيغ وتلبس

واش راكم حابين عندو ياخي دراهمي ..... اه يا ربي مرات تقول نعلقكم فكاش نخلة
مي الطفلة لو قالت اعطوني يا حسراه الجيران قاع يسمعو باللي حتاجت 10 ميل والمعاير

بغيتي الفليكسي تهدري مع الرجال

بغيتي الحوايج علاه راكي تعشقي واش بيه صباطك عندو 5 سنين كملي بيه ما عنديش منين نجيبلك

والدليل نقولكم الطفلة لما تجي تتزوج كامل يعلقو على عرسها ويعايروها تدي ذاك الجهاز بالذل والمعاير والدبزة والراجل يا حسراه واش من عرس واش من دلال واش من دراهم ينخسرو عليه ويا ريت جايبلهم مرا تنفعهم زالدلهم غير وحدة زيادة فالكارني يصرفو عليها
الخط ليكم واش رايكم
فالراجل اللي يدي مصروف من ماليه واللي يطمع فيهم

ونتوما الصح الصح تدو من اهاليكم
وانت طفلة عادي وقولينا وينتا تحتاجي الدراهم
​

 

[sosobibicha]

رد: العجوززززززززز..... خصتني ..... والا اروحو تعرفو

سلام عليكم
اهلا و سهلا تفضلي ليليا ههه

و انا نقول علاش ما راهيش تدخل بزاف انا قلت زعفوك صحاب اللمة
و المهم ان شاء الله سلامات و ربي يشفيك
نرجعوا للسوجي قتلتيني بالضحك ربي يحفظك ههههه
هذي الظاهرة راهي منتشرة بزاااف و صح الراجل يبروفيتي في يماه مي باباه ما يقولوش بزاف الراجل يدي من عند يماه و البنت من عند باباها و انا عندي ولد عمي كي يستحق مثلا غير ديميل يبدا وين راها ماماتي و وين راها العمر و وين راها ضواية الدار واذا استحق اكثر يألف الياذة
و تمدلوا يماه عادي مي كيما قلتي البنت يديروها لونكات على ديميل علاش و وينتا وووو
انا في الحقيقة ما نقولش بزاف لماما مي كنت نقول لبابا لكن الان بطلت لانو راه يديرلي ليكور راني دايرة تقشف :$ و نقولوا برك كي نحب ندير فوتو كوpي ههه :pو صح الرجال كون يلقاو في اي فرصة يدوا الدراهم و ما نحكوش على المتزوجين هذاك لا لا زوجته تمشيه كيما تحب جيب هذيك و زيد هذي و السيد يروح يجري ليماه و كاين لي يخلصوا نورمال مي راحت فيه هذيك العفسة نتاع يدي من عند يماه
و ما نزيد نقول لانك كفيتي ووفيتي ما شاء الله عليك
الله يعيطك الصحة على الموضوع الهايل بارك الله فيك ^^
طهور ان شاء الله
تحية :regards01:​

 

[شاعرة الأمل]

رد: العجوززززززززز..... خصتني ..... والا اروحو تعرفو

اهلا اهلا زهروتة واش راكي طولتي علينا هادي المرة
ايه مليح لي خرجت سلامات والله غي كتري الرقية العين صعيبة
نوليو للموضوع راح نكون صاحبة اول رد يلا ماخنتنيش الكونكسيون
ايه يا يما علا داك لي سموه زعما راجل واش من راجل دراهمو ياكلو فيهم لالياتو وهوا يخلي في ميمتو
كاين لي داير 20صحبة وشهريتو يفوتها غي عليهم وممبعد يجي ليماه ويعصرها اعطيني باه نحفف وباه نشري الجال
والميمة الحنينة يا حليلها تمد وتسكت وتزيد تدافع عليه ملفوق ماتحبش يهدرولها عليه
وانا يا ختي والله غير نحشم باش نقول ليما مديلي غي الدوا لي راه تشريه والطبيب لي راه سالخنا بزاف عليها
ايه الطفلة كي تقولهم مدولي تبانلهم عيب ...يديرولها لونكات على العشرين دورو وين راحت
المهم الله يهديهم ويكتر المحبة بيناتهم
تقبلي مروري ​

 

[الامين محمد]

رد: العجوززززززززز..... خصتني ..... والا اروحو تعرفو

أنا على روووحي الوالدة لا علاااقة بيناتنا
ما نيش عارف علاه لكن
من يوم عقلت هي في حدها و انا في حدي
و الله بصدق أحيانا نشك نقول بلاك مانيش ولدها

عندي ثلاث خاوة و أربع خواتات كلهم تعزمهم و تخزن ليهم الا أنا
اذا مرت سنة و ما لقيتهاش ما تسأل عني
و باقي الاخوة تلقاها تكريدي في ليزينيتي و تسأل عليهم
و اذا قالولها واحد مريض عمرها تخرج
و اذا مرضت تقولي عادي قاع الناس تمرض


خليني نسكت لأني اذا حكيت ليكم غادي ما تأمنونيش
ربي يهدينا أجمعين و الله مسامحها دنيا و آخرة​

 

[ألوان مزيفة]

رد: العجوززززززززز..... خصتني ..... والا اروحو تعرفو

السلام عليكم
اممم في اللول نقولك لطف عليك وسالامات واتولهي المرة الجاية في الطريق
ونرجع للظاهرة لي حكيتي عليها راهي شايعة بزاف ونحشم أنا في بلاصة لي جون
لي يديروها تلقاه طول وعرض مي يروح يشحت من عنند أمو الدورو باش يقضي
صوالحو بيهم ويستقهوى ويتكسى والله عيب وتلقاه ديفوا خدام وكلشي بصح يزيد
يدي تسمى عقلية بروفيتاج من اللخر وزيد تلقى الأم بعد يحن قلبها أي ما تكفيهش
شهريتو راهو راجل ويخرج برا باش ما يحسش بالنقص وكل مرة مبرر مي لوكان الطفلة
تطلب يعملولها تحقيق لواش تحتاجيهم ووقتاه وكيفاش ولاش حتى تندم لي طلبت تسمى المشكل
راكب على المجتمع تاعنا وتفكيرو لي يقدس الراجل هذا ماكان ومرسي اختي يعطيك الصحة
​

 

[safouane batna]

رد: العجوززززززززز..... خصتني ..... والا اروحو تعرفو

والله الأم حنينة حتى ولو كنا نخدمو تزيد تنحي من عندها وتمدلنا، انا شخصيا مانحبش نقول للوالدة اعطيني حتى لما كنا نقرى كنت نحي لخاوتي ربي يحفظهم والوالدة كانت تمدلي بالسيف المهم مصروف صغير قد جيبها مسكينة والآن مسكينة والله ماتحب تحكم علينا الدراهم تقوللنا عندي المهم ديرو لرواحكم حتى وليت نمد لأختي الكبيرة هي تشريلها بالسيف عليها وأما الرجال والسبوعة لي ينحيو لوالديهم خاصة الام ومباعد يدابزها هذا نهار يفرج عليه ربي تلقاه يمدهم لفلانة وامو حتى ويتفكرها يجيبلها خمار ب200 دينار الا من رحم ربي ، وهنا تفكرت حكاية كنا فالثانوية وواحد صديق عجباتو وحدة راح جاب دراهم من عند يماه أرملة مسكينة وزوالية وشرى للطفلة ريحة وخمار بسومة محترمة وفي عيد ميلادها عطاهملها وسط الليسي والناس تتفرج بهدلاتو قاتلو يادرى شريت ليماك ولا لا ؟روح مدهم ليماك تستاهل . هاذي ديما النهاية نتاع هاذ الأصناف، ومن جهة أخرى كاين رجال يتهلاو في والديهم وخواتاتهم البنات وشكرا

 

[فيتامين سي]

رد: العجوززززززززز..... خصتني ..... والا اروحو تعرفو

الحمد لله على سلامتك حنونة توحشنااااك بزاف
و كما موالف جيتي مع موضوع هبااال يستاهل تقييم اكيد +
صح كاين بزاف هكدا و غير يطلعو شوية ينساو اهلهم و مشكلة الام تقولك ولدي اكيد هدا الكبدة تاعها
انا نقوللهم في زوج ماما و بابا ههههه و لا خويا الكبير على حساب واش نحتاج
ادا ماما ماشي معايا نطلب من بابا مرات يسقسو علاش مرات للركبة عادي الحمد لله ميقولوليش هكدا واش تحكي بيها ولا باسكو من بعد ماما تلفاهم عندي و لا نكون برا نشريلها
اما خويا صيف كان يخدم و في قرايا ميخدمش يمدوله مصروفه
و درك منقراش ادا لبسة نخرج مع ماما هي تخلص منضطرش نقوللها تمدلي و بابا مرات بارح مدلي 500 دج :p راهي عندي دوك نعرضكم للفطور 10 كران للواحد هع هع هع
و فليكسي هما يفليكسولي بالشهر و مرة تالية هما يحكو بيها هع هع هع (على بالهم بلي يلقاوهم غير هما )
انا تبانلي على حساب كفاش الاهل يوالفو انا عندي لي يشك في بنته و يقول هدا الكلام ام او اب او اخ معناها هما راهم خاااربيييينها بزاف
اكيد الحرص واجب مي بلا كلام يجرح
حتى و متمدلهاش خرج معاها و شريلها هكدا في دارنا معنداش هذي نخرج وحدي قليل غير كي كنت نقرا مي نشري واش نحتاج مع ماما
كاين اهل هكدا ميهتمو في البنت ولما يجي واحد من برة يولي يشريلها لي تحب من بعد يقولك علاش خانتنا عادي انتم قلبتو الموازين راجل رجعتوه مرا بطلباته و مرا راجل المهم تسكت وين ما تكون بحر عليها
مرات نحير وين رانا ربي يلطف و خلاص

 

[قرصان الساحل]

رد: العجوززززززززز..... خصتني ..... والا اروحو تعرفو

اهلا مريومة ختي على سلامتك سلامة راسك والله لتوحشنا مواضيعك اللي مكانش لي ميحبش يتبعهم
بالصح جيتي بموضوع هايل كي العادة وانت قلتي زعما الولاد (الوحوش كيما يشوفهم البعض ) حاطين في عقاب يماتهم هاتي هاتي .. صح هادي الظاهرة كاينة وتغيضك واحد حيط يريبو ومبعد يروح ليماه تمدلو يشري بيهم دخان ولا يفليكسهم لمدامتو ولا يشري بيهم لاريني ويطيحلنا رجلة ويماه مسكينة تلقايها تظال تخيط ولا كاش ما مخبيتهم من الاف السنين .. هذا البوكيمون منجمش نقول ليه حتى كلمة ولا ناقشو علخاطر كي نحكي راه نتقلق ومنعرفش وش نهدر.
اما هادي تاع البنات او داك نيف عليهم برك وتالي هوما تاني عارف يظالو يسنسرو في يماتهم مسكينة اللي ديما رايحة ضحية .. وكاين بنات ميقولوش ليماهم علخاطر عندهم الميسيو سيد الرجال حبيبها اي تقلو عمري برك يفليكسي 100 الف ولا قاتلو نحبك يشريلها دنيا كامل ويحوس بيها في الابيزا اي عايشة في حبيبنا ما تحتاجش .. برك تعقيب نحكي على هاد نوع من البنات مقلتش كامل حتى متفهمش هدرتي غلط
ايه وعندك حق الام عادة قلبها حنين على وليدها سيرتو خلوه متقولوش او مزال صغير كيما يقول المثل كل خنفوس في عين امو غزال ... ههه سيرتو واحد عندو خياتو بنات ويروحو يقولو ليماهم عليه كاش حاجة مرات يقولولها يما بنك او يسكر قادرة تقلهم خلوه مزال صغير او يكبر ويعرف صلاحو ههه

نورنا رجوعك ختي مريم انت لي كنت خاصة في المنتدى توحشنا مواضيعك هادي ... موضووووعك تووووب كي العادة ديما نستناو في جديد تاعك
ربي يجيب الشفا ان شاء الله
تحيـــــــــــــــــــــــــــــــــــــــاتي
​

 

[zohor kfz]

رد: العجوززززززززز..... خصتني ..... والا اروحو تعرفو

الحمد لله على سلامتكي ليليا ... يا بنتي خليتينا الفييييييييييييييييد
المهم نرجعو لموضوعكي
هههه تلفتلي منين نبدا بالكير و لا بالصغير و لا بالوسطي هههه هدو خوتي هههه
ممممم اا نديرو التسلسل
خاي لكبير كان يدي دراهم مرات قليل لانو كن يقرى و مرة مرة خدم على راسو بصح حبيب امو اكييييد هو يقها راه عندي و هي تقلو و الله لتدي 200 الف في السمانة يديها اجباري و تزيدلو في المناسبات ... بصح دوكا راه خدام و راه يمدلي ليا 200 في الشهر ههههه خير من والو
لي صغر مني تمدلو تاني 200 في السمانة و كينقلها و انا علاش منت حاقرتني تقلي هوما ولاد يحتاجو بزاف صوالح
الاصغر هدا كيما قالو اسكتو نغطيكم ياو الصرف كلو ليه ادا بعتو يشريلي بايباي لي يبقا و اكيد ماما كيف كيف جامي شفت هشام رد الصرف في حياتي و اكيد زيدلو مصروف الادوات ااااخر طراز
و انا و يا انااااااا ... منين كنت نقرا كانت تمدلي 100 الف و الله غير نحشم نشدها بصح الله غالب مرات هديك لبورس كانت تدخلنا من العام للعام .. و تاني قلييلة
اما ليوم ادا قتلة ماما نحتاج نشري الحاجة لفلانية تقلي اسم تديري بيها ياك راكي في الداااار او تقلي ياك خاك راه يمدلكي ... بصح يا بنتي عرس وليد عمي راهو قريب فاكيييييييد غادي نفشش خاطري ههههه
اختي تكوني وحدكي تكوني نتي و معاكي خواتاتكي بنات كيف كيف

 

[تـريـــاق المحـبـة]

رد: العجوززززززززز..... خصتني ..... والا اروحو تعرفو

اهلا بيك راكي طولتي غيبة تصدقي اليوم تفكرتك وتفكرت مواضيعك وراكي رجعتي
المهم السوجي تاعك على الي يبروفيتو من الاهل عندك الصح كاين الي تلقيه قد الحيط واي يولي لوالديه اعطوني وخاصني ولو ما لقاش الدنيا تتقلب على راسهم ويولو في اللعياط لوكان يحشم شويه برك ويروح يخدم على روحه والمشكل لما يحب يتزوج باش يزوجوك ومن بعد تخدم عليها ولا تكمل يخدمو عليها هوما يجيبوها ويزيدو تتغلق في رقابيهم ومن بعد يرجعو يشكو منه وتسمعو خباره من الجيران وجيرانهم والي عنده علاقات معاهم ويوصلوك يوصلوك يا لو كان تكون في كوكب زحل ..

المهم الله يهدي ما خلق ويوفق كل انسان ويغفر لينا يارب ​

 

[AmiR@RoRo]

رد: العجوززززززززز..... خصتني ..... والا اروحو تعرفو

السلام عليكم
علاسلامتك اختي ليليا
انا شفتك ماجيتيش قلت بلاك زعفتي منا مين قلنالك كملتي المواضيع خخخ بصح الظاهر قلبك كبيــر ربي يحفظك
بون نرجع لموضوعك لو كان نقولك انا هاد الفئة نشمئز منها
تلقاه قدو قد الحيط الله يبارك ومزال يدي المصروف من عند الماما
ما هداك المتزوج لي يتزوج على ظهر يماه ويقلش مرتو على ظهر يماه ويوحمها على ظهر يماه ويربي ولادو على ظهر يماه تاني حالة خاصة هدا
ويتسمى راجل زعما ؟؟
بصح الحق عليها هي لي طمعاتو من اول ما نورمالمو تقولو اضرب درااعك واخدم على روحك ماشي تساعفو وتفورني عليه

وبالنسبة ليا نحتاج الدراهم وقت نحتاجهم ههه
يعني كي يخصوني حوايج وخيمارات ووو اكي تعرفي الحالة ههه
صحيتي خيتو وربي يشفيك

 

[ليليا مرام]

رد: العجوززززززززز..... خصتني ..... والا اروحو تعرفو

سلام عليكم
اهلا و سهلا تفضلي ليليا ههه

و انا نقول علاش ما راهيش تدخل بزاف انا قلت زعفوك صحاب اللمة
و المهم ان شاء الله سلامات و ربي يشفيك
نرجعوا للسوجي قتلتيني بالضحك ربي يحفظك ههههه
هذي الظاهرة راهي منتشرة بزاااف و صح الراجل يبروفيتي في يماه مي باباه ما يقولوش بزاف الراجل يدي من عند يماه و البنت من عند باباها و انا عندي ولد عمي كي يستحق مثلا غير ديميل يبدا وين راها ماماتي و وين راها العمر و وين راها ضواية الدار واذا استحق اكثر يألف الياذة
و تمدلوا يماه عادي مي كيما قلتي البنت يديروها لونكات على ديميل علاش و وينتا وووو
انا في الحقيقة ما نقولش بزاف لماما مي كنت نقول لبابا لكن الان بطلت لانو راه يديرلي ليكور راني دايرة تقشف :$ و نقولوا برك كي نحب ندير فوتو كوpي ههه :pو صح الرجال كون يلقاو في اي فرصة يدوا الدراهم و ما نحكوش على المتزوجين هذاك لا لا زوجته تمشيه كيما تحب جيب هذيك و زيد هذي و السيد يروح يجري ليماه و كاين لي يخلصوا نورمال مي راحت فيه هذيك العفسة نتاع يدي من عند يماه
و ما نزيد نقول لانك كفيتي ووفيتي ما شاء الله عليك
الله يعيطك الصحة على الموضوع الهايل بارك الله فيك ^^
طهور ان شاء الله
تحية :regards01:​

السلام عليكم بيبيشا نورتيني الله يخليك حنونة
اييه زعفت منهم شوي ورجعت ما نقدرش على فراقكم ما تزيدوش تزعفوني راني وصيتكم
نرجعو للسوجي شفت وليد عمتك قاع ليجون عندهم نفس التفكير اييه لو تمدلو 100 ميل ياو يدير عليها ديوان ويالف الشعر هو يدي صوالحو والله يا صباح الخير يقولها فوق القلب مي الام اللي تقلقني اييه راني عارفين وليدك ومدلل نتاعك مي الطفلة ثاني ما تروحش للرجال تقولهم اصرفو عليا نشوف اليمات تنحاز للطفل بزاف وعارفينهم يدوهم لامور خاطية او حتى يديهم لمرتو وتقولك معليش الجملة الشهيرة ياخي دراهمي ايييييه عارفينهم دراهمك مي علموم شوي مسؤولية وعلاه الراجل ديما لو مرتو تحتاج يهد لرض ويجيبها هناك يعرف المسؤولية وكي تولي فيماه هو يولي مسؤول منهم انا نقولك الصح نكره الراجل اللي يدي دراهم من اهلو معليناش ماشي خدام مرة زوج او الله غالب حاول وما لقاش خدمة وهذاك وتلقايه يموت الف مرة لو يطلب دراهم وتلقايهم خدامين يدو الملاين للشهر ويطمع فوالديه الله يهديهم
حنا البنات نحشمو ويغيضونا مالينا ونعذرو تعبهم علينا مي الجون لالا ما يحشم ما يندب الله يهديهم
شكرا نورتيني

 

[ليليا مرام]

رد: العجوززززززززز..... خصتني ..... والا اروحو تعرفو

اهلا اهلا زهروتة واش راكي طولتي علينا هادي المرة
ايه مليح لي خرجت سلامات والله غي كتري الرقية العين صعيبة
نوليو للموضوع راح نكون صاحبة اول رد يلا ماخنتنيش الكونكسيون
ايه يا يما علا داك لي سموه زعما راجل واش من راجل دراهمو ياكلو فيهم لالياتو وهوا يخلي في ميمتو
كاين لي داير 20صحبة وشهريتو يفوتها غي عليهم وممبعد يجي ليماه ويعصرها اعطيني باه نحفف وباه نشري الجال
والميمة الحنينة يا حليلها تمد وتسكت وتزيد تدافع عليه ملفوق ماتحبش يهدرولها عليه
وانا يا ختي والله غير نحشم باش نقول ليما مديلي غي الدوا لي راه تشريه والطبيب لي راه سالخنا بزاف عليها
ايه الطفلة كي تقولهم مدولي تبانلهم عيب ...يديرولها لونكات على العشرين دورو وين راحت
المهم الله يهديهم ويكتر المحبة بيناتهم
تقبلي مروري ​

السلام عليكم حنونة اهلا وسهلا انا ثاني توحشتكم مي كنت نعاقب فالغيورين نتاع حكيم ومالك وهبة وهذاك صلاح الدين غيورين مني راني رجعتلهم
نرجعو للسوجي والله الام حنينة ما عندها ما دير مي دلالها لخلاه ما عندوش مسؤولية شوفي كاين يطمعو فوالديهم بواحد الطريقة طاي طاي ما يغيضوه ما والو ونركزو على الام لانو ما عندوش جرأة يواجه باباه يتكا على يماه عارفها ما تردوش لو الطفلة تطلب 10 ميل ياو يروحو بيها لدار الشرع يولو مخابرات حتى تكره جد ال 10 ميل وتندم اللي طلت ولو انا نشوف انو الطفلة لازم يمدولها والديها لانو ما عندهاش الي يضرف عليها الله غاب
الله يديهم اهلينا
شكرا لك

 

[ليليا مرام]

رد: العجوززززززززز..... خصتني ..... والا اروحو تعرفو

أنا على روووحي الوالدة لا علاااقة بيناتنا
ما نيش عارف علاه لكن
من يوم عقلت هي في حدها و انا في حدي
و الله بصدق أحيانا نشك نقول بلاك مانيش ولدها

عندي ثلاث خاوة و أربع خواتات كلهم تعزمهم و تخزن ليهم الا أنا
اذا مرت سنة و ما لقيتهاش ما تسأل عني
و باقي الاخوة تلقاها تكريدي في ليزينيتي و تسأل عليهم
و اذا قالولها واحد مريض عمرها تخرج
و اذا مرضت تقولي عادي قاع الناس تمرض


خليني نسكت لأني اذا حكيت ليكم غادي ما تأمنونيش
ربي يهدينا أجمعين و الله مسامحها دنيا و آخرة​

السلام عليكم خويا الأمين
كاين اهالي ربي يسامحهم يديرو تفرقة بين ولادهم حتى الواحد يشك انهم اهلو مي حنا لازم نديرو واجبنا لانو المهم رضاية ربي
انا نقولك والدتك ربي يحفظها مهما كان تصرفها وتعاملها معاك معليش انت بر بيها وسقسي عليها وروح حوس عليها مهما يكون تفكر 9 اشهر اللي رفداتك فيهم وتعبهم وخلي آلام الولادة وخلي التربية لحين رداتك راجل كل هذا ما لازمش تنساه مهما يكون تعاملها معاك هذي امك تغيضك صح مي معليش انت لما تبر بيها راح ربي هو اللي يجازيك ولو هي ما تستعرفش مي معليش قابلك جفائها بالاحسان لانو هذي امك مهما يكون
عجبتني اخر جملة ربي يسامحها وانت سامحها ممكن هي نزت لولادها لخرين وخلات من حقك معليش
شكرا نورتني

 

[ليليا مرام]

رد: العجوززززززززز..... خصتني ..... والا اروحو تعرفو

السلام عليكم
اممم في اللول نقولك لطف عليك وسالامات واتولهي المرة الجاية في الطريق
ونرجع للظاهرة لي حكيتي عليها راهي شايعة بزاف ونحشم أنا في بلاصة لي جون
لي يديروها تلقاه طول وعرض مي يروح يشحت من عنند أمو الدورو باش يقضي
صوالحو بيهم ويستقهوى ويتكسى والله عيب وتلقاه ديفوا خدام وكلشي بصح يزيد
يدي تسمى عقلية بروفيتاج من اللخر وزيد تلقى الأم بعد يحن قلبها أي ما تكفيهش
شهريتو راهو راجل ويخرج برا باش ما يحسش بالنقص وكل مرة مبرر مي لوكان الطفلة
تطلب يعملولها تحقيق لواش تحتاجيهم ووقتاه وكيفاش ولاش حتى تندم لي طلبت تسمى المشكل
راكب على المجتمع تاعنا وتفكيرو لي يقدس الراجل هذا ماكان ومرسي اختي يعطيك الصحة
​

السلام عليكم اختي اهلا وسهلا نورتيني الله يسلمك مش كنت قاطعة انا اللي كنت نسوق سيارة زوج اختي تقلبت بيا
شكرا اختي الله يخليك
انت قلت نقطة مهمة راجع للمجتمع وتفكيرو يعني التفريق بين الذكر والانثى التفضيل فكل شي مانحكيش عاللي يحتاج امو تمدلو حتى بلاما هو يطلب تقولك ما يروحش يسرق ا ويمد يدو للناس تمدلو حتى بلاما يقول مي كاين والله ما يدي انا شفتهم يقراو فالجامعات ويخدمو وما يقدرش يقول ليماه مديلي وكاين خدام لاباس عليه ومتزوج ويبروفيتي والله شفت واحد كل شهر يجيب يماه لابويست تدي تقاعد باباه يديهم هو وهي مسكينة مشتاقة واش تاكل مسكنها عندو تعيشلو فولادو شادها على جال دراهمها الله يهديهم برك النوع هذا وشعال نكرهو عيب كبير خدمو علينا صغار واجبنا حنا نخدمو عليهم
الطفلة ولو هي مكفولة من اهلها لكن تحشم تقول مدولي ولو قالت يا حسراه الجيران قاع يسمعو العياط ولونكيت مخابرات وفالتالي لو قالت 100 يمدولها 30 وبالتنشناف والذل حتى تكره جدهم وتسمح والطفل يا حسراه يصرف فيهم على صحابو ولبنات ويديهم والبوس من الفوق والتعناق يخلي فيهم ويزيدو يبوسوه منين ذاك نقول الواحد يدير فيهم الشر خير :d

شكرا نورتيني

 

[ليليا مرام]

رد: العجوززززززززز..... خصتني ..... والا اروحو تعرفو

والله الأم حنينة حتى ولو كنا نخدمو تزيد تنحي من عندها وتمدلنا، انا شخصيا مانحبش نقول للوالدة اعطيني حتى لما كنا نقرى كنت نحي لخاوتي ربي يحفظهم والوالدة كانت تمدلي بالسيف المهم مصروف صغير قد جيبها مسكينة والآن مسكينة والله ماتحب تحكم علينا الدراهم تقوللنا عندي المهم ديرو لرواحكم حتى وليت نمد لأختي الكبيرة هي تشريلها بالسيف عليها وأما الرجال والسبوعة لي ينحيو لوالديهم خاصة الام ومباعد يدابزها هذا نهار يفرج عليه ربي تلقاه يمدهم لفلانة وامو حتى ويتفكرها يجيبلها خمار ب200 دينار الا من رحم ربي ، وهنا تفكرت حكاية كنا فالثانوية وواحد صديق عجباتو وحدة راح جاب دراهم من عند يماه أرملة مسكينة وزوالية وشرى للطفلة ريحة وخمار بسومة محترمة وفي عيد ميلادها عطاهملها وسط الليسي والناس تتفرج بهدلاتو قاتلو يادرى شريت ليماك ولا لا ؟روح مدهم ليماك تستاهل . هاذي ديما النهاية نتاع هاذ الأصناف، ومن جهة أخرى كاين رجال يتهلاو في والديهم وخواتاتهم البنات وشكرا

السلام عليكم خويا صفوان اهلا وسهلا نورتني
والله يا خويا انا اللي يقرا او الله غالب حاول وحاول ومالقاش خدمة معليناش مي كاين يبروفيتي لاباس عليه ويبروفيتي وكيما قلت لما تولي فيهم والله ما يخسر عليها خمار ويفورني على النسا هذا اللي قلت عليه راه ما يبانش والله انا نعرف حكايات راسك يحبس ينحي ليماه وخوتاتو يروح يفورني على صحاباتو اما لو مرتو يا حسراه كانت عندي صحبتي تخدم مسكينة تعرف كل شهر خوها يحقرها ينحيلها دراهم نص شهريتها وبالذراع ويروح يخرج خطيبتو تفطر ويديلها كادوات ولما ما تحبس يكسرلهم كامل الماعن فالدار حاقرها وحاقر يماه المشكل خاوتتو لخرين كيما هو مي هذا اكثرهم وحاط روحو راجل انا قتلها لو فبلاصتك والله ما يديهم لو يصرا واش يصرا هذا النوع انا نقصدو
اما اللي يقرا الله غالب الام وحدها تمدلو لانو حنينة وتحب اولادها
ربي يخليك الوالدة ويحفظها دايما يا رب
شكرا

 

[ليليا مرام]

رد: العجوززززززززز..... خصتني ..... والا اروحو تعرفو

الحمد لله على سلامتك حنونة توحشنااااك بزاف
و كما موالف جيتي مع موضوع هبااال يستاهل تقييم اكيد +
صح كاين بزاف هكدا و غير يطلعو شوية ينساو اهلهم و مشكلة الام تقولك ولدي اكيد هدا الكبدة تاعها
انا نقوللهم في زوج ماما و بابا ههههه و لا خويا الكبير على حساب واش نحتاج
ادا ماما ماشي معايا نطلب من بابا مرات يسقسو علاش مرات للركبة عادي الحمد لله ميقولوليش هكدا واش تحكي بيها ولا باسكو من بعد ماما تلفاهم عندي و لا نكون برا نشريلها
اما خويا صيف كان يخدم و في قرايا ميخدمش يمدوله مصروفه
و درك منقراش ادا لبسة نخرج مع ماما هي تخلص منضطرش نقوللها تمدلي و بابا مرات بارح مدلي 500 دج :p راهي عندي دوك نعرضكم للفطور 10 كران للواحد هع هع هع
و فليكسي هما يفليكسولي بالشهر و مرة تالية هما يحكو بيها هع هع هع (على بالهم بلي يلقاوهم غير هما )
انا تبانلي على حساب كفاش الاهل يوالفو انا عندي لي يشك في بنته و يقول هدا الكلام ام او اب او اخ معناها هما راهم خاااربيييينها بزاف
اكيد الحرص واجب مي بلا كلام يجرح
حتى و متمدلهاش خرج معاها و شريلها هكدا في دارنا معنداش هذي نخرج وحدي قليل غير كي كنت نقرا مي نشري واش نحتاج مع ماما
كاين اهل هكدا ميهتمو في البنت ولما يجي واحد من برة يولي يشريلها لي تحب من بعد يقولك علاش خانتنا عادي انتم قلبتو الموازين راجل رجعتوه مرا بطلباته و مرا راجل المهم تسكت وين ما تكون بحر عليها
مرات نحير وين رانا ربي يلطف و خلاص

السلام عليكم اختي هبة الله يسلمك اختي راني رحت قلت نخليلكم مجال تفكرو وتكتبو وتنشطو الحالة لا حكيم بان ولا السي سكر
اييه اختي شوفي ماشي المشكل ما يمدوش للطفلة شك فيها لالا والله لا علاقة لكن الذكر مخير عندهم عارفين وليدهم يعشق ونورمال يفرحو بيه شكون هي وبنت شكون يموتو بالسعادة لما يعرفو وليدهم مصاحب زعمى رجع راجل وكبر وااااااااااااع تفكير نتاع الفراعنة
الطفلة ما يمدولهاش وخلاص شوفي انا من كان بابا ربي يرحمو يا حسراه مقلشني اخر تقلاش نلبس غير الغالي والدراهم فجبي كالرجال كان زمان 20 ميل يا حسراه الورقة الكبيرة تعرضي قاع الدوار ندي صاحباتي ياكلو برا كي نخرجو من سويام نروحو بيتزيريا ما تتسماش بيتزيريلا زمان وماكانتش انواع من البيتزا نوع واحد واخرج ماكانتش نقول ليمى لانو خاطيها الدراهم عند بابا يمدلي بلاما نقول اما لو قلت يا حسراه اهدر يحضر الحمد لله وعارف تربيتي وعارفني وين نديهم وحتى لما نجي نقولو علاه يقولي شعال تحتاجي ديركت ويزيدلي زيادة وفالعطل يقولي اخرجي مع صحاباتك روحي تشري وندس دراهم ونروح نشري حوايج وندور مع لبنات والله عشت ايام روعة وبلا محاسبة مع امي ضرك نحافظ عليها لانو نعرفها تتعب عليهم وما عندهاش وقيس الدار والدوا نتاعي وانا ديما مريضة حتى لما نحتاج حجاب ونروح معاها والله نحشم نشري الغالي ولو نكون حاباتو مي اختي ربي يخليهالي ما تخليش عليا تمدلي دراهم وتقولي روحي اشري وحدك ونشري واش نحب
المهم مش قضية عدم ثقة لالا من بكري يحبو الولد على الطفلة متوارثة فالمجتمع نتاعنا والكارثة هو وجهو صحيح خدام وعندو ويبروفيتي هنا المشكل نقولو الوالدين حنان على ولادهم يمدو مي انت راجل من المفروض تحشم على روحك
شكرا هبة نورت الموضوع

 

[ليليا مرام]

رد: العجوززززززززز..... خصتني ..... والا اروحو تعرفو

اهلا مريومة ختي على سلامتك سلامة راسك والله لتوحشنا مواضيعك اللي مكانش لي ميحبش يتبعهم
بالصح جيتي بموضوع هايل كي العادة وانت قلتي زعما الولاد (الوحوش كيما يشوفهم البعض ) حاطين في عقاب يماتهم هاتي هاتي .. صح هادي الظاهرة كاينة وتغيضك واحد حيط يريبو ومبعد يروح ليماه تمدلو يشري بيهم دخان ولا يفليكسهم لمدامتو ولا يشري بيهم لاريني ويطيحلنا رجلة ويماه مسكينة تلقايها تظال تخيط ولا كاش ما مخبيتهم من الاف السنين .. هذا البوكيمون منجمش نقول ليه حتى كلمة ولا ناقشو علخاطر كي نحكي راه نتقلق ومنعرفش وش نهدر.
اما هادي تاع البنات او داك نيف عليهم برك وتالي هوما تاني عارف يظالو يسنسرو في يماتهم مسكينة اللي ديما رايحة ضحية .. وكاين بنات ميقولوش ليماهم علخاطر عندهم الميسيو سيد الرجال حبيبها اي تقلو عمري برك يفليكسي 100 الف ولا قاتلو نحبك يشريلها دنيا كامل ويحوس بيها في الابيزا اي عايشة في حبيبنا ما تحتاجش .. برك تعقيب نحكي على هاد نوع من البنات مقلتش كامل حتى متفهمش هدرتي غلط
ايه وعندك حق الام عادة قلبها حنين على وليدها سيرتو خلوه متقولوش او مزال صغير كيما يقول المثل كل خنفوس في عين امو غزال ... ههه سيرتو واحد عندو خياتو بنات ويروحو يقولو ليماهم عليه كاش حاجة مرات يقولولها يما بنك او يسكر قادرة تقلهم خلوه مزال صغير او يكبر ويعرف صلاحو ههه

نورنا رجوعك ختي مريم انت لي كنت خاصة في المنتدى توحشنا مواضيعك هادي ... موضووووعك تووووب كي العادة ديما نستناو في جديد تاعك
ربي يجيب الشفا ان شاء الله
تحيـــــــــــــــــــــــــــــــــــــــاتي
​

السلام عليكم هشام خويا اهلا وسهلا نورتيني خويا الله يخليك يا رب شكرا على الترحيب اييه وانا ما نصبرش عليكم ديت كونجي وزدت لاكسيدو رتحت شوي وهاني معاكم
والله يا هشام نعقب على ردك برك ولو انت ما تعممش ولا حنا نعمو فكل بلاصة كاين امليح والمش مليح ومش نحكو ظاهرة معناها نعممو لا ابدا ولا حنا محتاجين كل مرة نقولو حاشا البعض لا انا من ناحية هذي متفهمة ردك
نرجعو للبنات اللي تقولو عمري 100 الف او تقولو نحبك يشريلها الدينا اسمحلي هذا حمار وحشي او حمار لا خطوط حاشاك عندو عقل او بسينة فارغة في راسو وعثلو وين راه كي يفورني على مرا غير باه تقولو نحبك يا سيدي لا تعرفو قولي عليه ياو مش نحبو برك نموت عليه :d
ومش على جال دراهم لانو غاضني قسملي القلب مشتاق حنان جداه وخالتو وعمتو لالا خويا هذا هو متقوعر يوري في روحو البنات صح كاين يحبو الدراهم يبروفيتي فالرجال مي هذاك نوع ما عندوش علاقة باهليهم يمدولهم نعرف بنات انا طبيبة او مهندسة وتخلص مليح وطايحة مع واحد يفورني عليها او يقضيلها امورها لانو ناس في عقلهم ماديين ما عندهمش الشبعة وكاينة اللي ديرو عندو معارف حتى تقضي امورها مي انا هنا ما نلومش الطفلة فطل الاحوال المرا تطمع اللي زوالية قاع تمطع فوردة وقرعة ريحة هههه لانو تحب الراجل يمدلها حاجة عذي غريزة فينا ماكنش مرا ما تحبش راجلها او حبيبها يجيبلها كادو مي هنا لازم تفهم ردي كاني كادو من باب الحب وكادو من باب الطمع وهنا فرق وعن نفسي كادو من باب الحب يسوا عندي الدنيا كاملة ولو كان وردة نتاع 20 ميل المهم نعرفها من راجل يحبني وتفكرني وراني فقلبو هنا فرق
اما اللي يفورنو عليهم هذوك انا عندي الشح فيهم ويستاهلو السليخ لانو مش بنادم لو تقولو يماه شكارة حليب يكفر عليها ويخرج ويجي على الغدا ياكل ويشرب وفرحان ودارهمو يروح برا يصرف فيهم ياو كاين يصرف على وحدة تشوفها تقول جداه قتلك مونك حنان الجدة:d:d
آمين الله يخليك خويا هشام وينورك
جزاك الله كل خير

 

[ليليا مرام]

رد: العجوززززززززز..... خصتني ..... والا اروحو تعرفو

الحمد لله على سلامتكي ليليا ... يا بنتي خليتينا الفييييييييييييييييد
المهم نرجعو لموضوعكي
هههه تلفتلي منين نبدا بالكير و لا بالصغير و لا بالوسطي هههه هدو خوتي هههه
ممممم اا نديرو التسلسل
خاي لكبير كان يدي دراهم مرات قليل لانو كن يقرى و مرة مرة خدم على راسو بصح حبيب امو اكييييد هو يقها راه عندي و هي تقلو و الله لتدي 200 الف في السمانة يديها اجباري و تزيدلو في المناسبات ... بصح دوكا راه خدام و راه يمدلي ليا 200 في الشهر ههههه خير من والو
لي صغر مني تمدلو تاني 200 في السمانة و كينقلها و انا علاش منت حاقرتني تقلي هوما ولاد يحتاجو بزاف صوالح
الاصغر هدا كيما قالو اسكتو نغطيكم ياو الصرف كلو ليه ادا بعتو يشريلي بايباي لي يبقا و اكيد ماما كيف كيف جامي شفت هشام رد الصرف في حياتي و اكيد زيدلو مصروف الادوات ااااخر طراز
و انا و يا انااااااا ... منين كنت نقرا كانت تمدلي 100 الف و الله غير نحشم نشدها بصح الله غالب مرات هديك لبورس كانت تدخلنا من العام للعام .. و تاني قلييلة
اما ليوم ادا قتلة ماما نحتاج نشري الحاجة لفلانية تقلي اسم تديري بيها ياك راكي في الداااار او تقلي ياك خاك راه يمدلكي ... بصح يا بنتي عرس وليد عمي راهو قريب فاكيييييييد غادي نفشش خاطري ههههه
اختي تكوني وحدكي تكوني نتي و معاكي خواتاتكي بنات كيف كيف

السلام عليكم اختي زهور اهلا وسهلا نورتيني الله يسلمك اختي تعيشي
واله يا يماك قولها تتبناني 200 الف فالسمانة يا حسراه امك راهي مقلشتهم علاه يخدمو يبطلوخير هههه
نورمالمو يقلشوك راكي وحدك فوسطهم انا نوقلك ديري اضراب عليهم ولازم العدل وتدي 200 الف للشهر كيما هوما وهذي العنصرية فبلادنا الطفل ديما هو المخير عندو امو انا مرة درتلهم اضر اب وما طيبت ولا غسلت ولا والو فشت روحي وخليتهم اللي يهدر نقولو نوض وحدك وحتى يمى عاقبتهم معاها حتى تعرف قيمتي وخلي ولادها ينفعوها مي ضرك نتمنى نعاودو نتلمو كيما كنا لانو اي شي ما يعوض الاسرة والعايلة
شكرا لك

 

[ليليا مرام]

رد: العجوززززززززز..... خصتني ..... والا اروحو تعرفو

اهلا بيك راكي طولتي غيبة تصدقي اليوم تفكرتك وتفكرت مواضيعك وراكي رجعتي
المهم السوجي تاعك على الي يبروفيتو من الاهل عندك الصح كاين الي تلقيه قد الحيط واي يولي لوالديه اعطوني وخاصني ولو ما لقاش الدنيا تتقلب على راسهم ويولو في اللعياط لوكان يحشم شويه برك ويروح يخدم على روحه والمشكل لما يحب يتزوج باش يزوجوك ومن بعد تخدم عليها ولا تكمل يخدمو عليها هوما يجيبوها ويزيدو تتغلق في رقابيهم ومن بعد يرجعو يشكو منه وتسمعو خباره من الجيران وجيرانهم والي عنده علاقات معاهم ويوصلوك يوصلوك يا لو كان تكون في كوكب زحل ..

المهم الله يهدي ما خلق ويوفق كل انسان ويغفر لينا يارب ​

السلام عليكم اهلا وسهلا نورتيني املا خمي فيا ديما باه نخرجلك هههه
نعم هذي هي البروفيتاج يبروفيتو في اهاليهم وهوما عندهم وخدامين ولاباس عليهم اما اللي يقرا هذاك معذور مي كاين اخرين طماعين انا شفتهم متزوجين ويطمعو ديركت فوالديهم والاب وي مي يلزو للام بزاف
الله يهديهم شكرا لك