وتغبرطت البكالوريااا

[جليلوس]

رد: وتغبرطت البكالوريااا

وعليكم السلام

اهلا بيك خالتووو ام ياسمين

والله ياخويا مفهمنا فيها والو انا الفايس بووك هاذا دهشني

المواضيع خرجت ولولاد حلوها في الدار وراحو الصباح
شغل واجب منزلي برك

تبقى حاير في هاد البلاد .... بلد الغرائب والعجائب

كي تسربت من مدراء المراكز واش بقى

هنا منلوموش الدراري قلنا كوباو بالتراو جي وكاين لي عاونهم

اللوم على لي فوق منهم

وهنا ينطبق القول ادا رأيت الأب ضاربا بالدف فلا تلومن الصغار بالرقص

انا شفوني الحق يتمسخرو بيهم ويلعبو بيهم خلاوهم يصدقو روحهم

وحنا الباك في دزاير بقاتلو مرة وحدة ويرجع غير معترف بيه

كيما زمان لي صرات في عهد وزير سابق خرجو المواضيع تنحى !

لكن بن غبريط شكون يقدر ينحيها !!
وزيد كان تنحات والتلاميذ واش ذنبهم !!

راح التعليم في بلادنا وزادت جات القوفريطة كملت عليييه
واش نقولوا ربي يستر وخلاص

من رايي كون ينجحوهم كامل وخلاص وعلاه يقصيو في البعض

مادام الروس لكبيرة ندبت للدنيا

تبا وألف تبا وخذولنا الحالة وحطمولنا الأخلاق قبل التعليم رجعنا مهزلة العالم .

الوضع راه غير رايح ويزيد يفسد والنيفو راها طايح ملياااار
ربي يلطف بينا وخلاص .... ويصبر هاد الطلبة لي قصاوهم ويشوفولهم حل
شكرا لتواجدك خالتووو سماااااح الهدرة غابتلي والله

 

[فيتامين سي]

رد: وتغبرطت البكالوريااا

واش نقول غير حسبيا الله و نعم الوكيل
صعب تلقا روحك انت قريت و غيرك يديا و هو مريح
بصح واش راح يستفادو بالنسبة ليا لي غش و لي خلاهم يغشو انسان حقير ...تافه .غبي
من بعد يقولك اليابان نونونو مطيحوش بيها و تحطو اليابان قدام بلادنا اوووو بغيتو يجو يحتلوكم
قالك رواح بكري مزال ميشوفو طريق كي تتبلع مي نسيت هما يركبو في الطائرات ديراكت
من الخوف ولات تروح مع صحاباتها ساعة من قبل و هما برا غير باش ميلقاولهمش سبة
و مساكن لي بعاد راحت عليهم هنا طردو بزاااااف ...وكيلهم ربي ظالم ميربحش
وفرولهم ركبة عاد يحلو فامهم مي هما يعرفو غير بلا بلا بلا بلا
و تطبيق والو ..ربي يجيب
يجي داك الحمار لي عام كامل ماشي في عقله شراب ///خلي البير بغطاه //يقولك ساهل خدمت رسلوهلي في الليل و التلميذ لي عام كومبلي هو يتعب تتطفر فيه
حسبنا الله و نعم الوكيل فيهم و في لينقل و في لي غش و في لي خرج الموضوع
الظلم ظلمات يوم القيامة .....تغش و ترجع طبيب و تبقا حقيييير متسواش بصلا
انا هذا الموضوع يخنقني يغمني ......و لي يحكي على النظام و الوقت انهم يستاهلو نقولك لي رجليه في الما ماشي كما لي رجليه في النار


....مراكش عارف لي يسكن بعيد و طريق كي تتبلع ساعة لنحلت
و الأهم رانا في بلاد مسلمين+كاين حاجة اسما الإنسانية لي مكايناش في بلادنا

 

[AmiR@RoRo]

رد: وتغبرطت البكالوريااا

السلام عليكم
عاش من شافك جليلو هادي غيبة
بون بالنسبة لرمعون هادي كل مرة تخرج بحاجة جديدة
بصح كامل لي صمطت فيها الاقصاءات هادي
والله بزاف عليهم مساكين شحال عام كامل وهما اجبد جبد وفتالي 5 ولا 10 دقايق روطار اقصاء
تعب تع عام كامل راح
والله غاضوني وحدين قصاوهم جابوهم فالاخبار يحكيو والله يشفوو صح وحدة بلاك شفتها الفيديو تعها راه يدور فكل بلاصة قريب هبلت وهي تخبط وتوغ وتزقي كي ما خلاوهاش تدخل
ولي تشبط مع الصور تع الثانوية ولي نقز من الحيط ولي ولي ... كل واحد وظروفو يعني ما تعرف كامل كفاش وتتقدر تصرى حاجه وتجي روطار ،، الله لا تربحها قهر وحقرة عيناني زعما
بنتها تاني راها تفوت الباك هاد العام شوفوها وكان تجي نص ساعه روطار يدخلوها نورمال باينه ويزيدوها نص ساعه فتالي باش تكمل فغرضها
ادا كان الشعب ووصلو السوجي للدار وحلو وشافو يتسمى بنتها راها علابالها بلي سوجي من نهار اتخدمو
السوجي لي يتخدم يروحلها ليها تحلو وتوجدو وتحفظو ونهار الباك غير تكوبيي وش كتبت وخلاص هههه
هادي تع تسريب المواضيع قبل حتى ما يدخلو لمراكز الاجراء باين بلي وراها ريسان كبااااار كبااار حابيين يتهناو من رمعون هادي ايا راهم يديرولها فالعراقيل
(ربي يكون معاهم :sport02
الله يجيب الخير برك كل خطره تبان حيه على طبع
صحيت خويا جليلو راه باين طلعلك التغبريط للراس وجيت تفرغ قلبك هههه

 

[ليليا مرام]

رد: وتغبرطت البكالوريااا

السلام عليكم اهلا وسهلا نورتنا جليلوس
شوف نقولك اول شي هذي غش ما غش ياخي ما نكذبوش هي باه جات وزيرة شبعت كوبياج زيد خويا بوتفليقة وراه كوبا مع خوه السعيد كيفاه واحج شعبي ما يكوبييش ايا خلينا
والله شوف خويا السوجيات خرجو وخرجو من الوزارة هي مش هي ما يهمناش باه تقولي زوالي راح حطهم فالفايس احوجي منين هذا طالب نتاع الهند حتى يعرف ياو هوما في هوما وزكارة فيها الصراحة هي فالاقصاء كثرتها ومرقتها مش من حقها تحرمهم علاه الواحد يتعب وتجي هي تضيعلهم مستقبلهم نورماملو لو جيت انا منهم واهاليهم نوضو نحرقو الدنيا الزوالي هذا ديما متفرة فيه علاه والفو بينا ساكتين نشفى زمان كنت نقرا خرجو مراقب كنا نحبوه متربي وعاقل بطلوه من الخدمة على جال كلمة حق نقولك الليسي كلو وقف برا التلاميذ كل الاقسام وما حبيناش نقراو ودرنا اعمال شغب واش نقولك اختك جرات المدير بالحفا وجبنا الصحافة حتى جاو من لاكاديمي اعتذو وردوخ للخدمة وزدنا زكارة فالمدير درنالو حفلة واش نقولك ورقاو فالادارة لما سمعونا وحكينا عليه وشكرناه طلعوه لمراقب عام بلادنا تحب الصوت العالي الزوالي ساكت خلي يعفسو عليه
الله يديهم من الكبير للصغير برلمان العجايز

 

[الورد الأحمر]

رد: وتغبرطت البكالوريااا

السلام عليكم ورحمة الله وبركاته

هذو لحوايج لي هوما في الصح كارثة بصح نضحكو عليهم هوما لي نقولو عليهم شر البلية ما يضحك والله ما تتصور شحال راني مغزلة من الموضوع هذا ومحتقرة الناس المتطئين في الظاهرة هذي الجديدة لي طلت علينا من 3 سنين تقريبا ... وأنا ما نشوفلهاش خلاص من الناحية الدينية على خاطر مانيش أهل للفتوى ونبدا نخرط على الشعب ونقول الغش ومعرف واش ونهانا عليه الرسول وأنا أصلا فيا عيوبي ... الموضوع أنا نشوف فيه من ناحية أخرى تاني ولي هي بهدلو بينا وطيحو شان التعليم في الجزاير لوكان هذا الشي صاير بلا واحد يسمع بينا نقدرو نبلعوها مام ما تتبلعش بصح الأخبار هذي راهي توصل آخر الدنيا والناس الكل تسمع بينا بلي الباك تاعنا رجع مهزلة وأنا الشي لي يشوه سمعة لبلاد نكرهو ونبغضو ... غدوة منداك لوكان واحد جزايري يحب يكمل قرايتو برا يرجعوه يبدا يقرا من الابتدائي والله ما نحير على خاطر يقولو التعليم تاعهم مهزلة والبارك تاعهم مهزلة ... على خاطر هذو لي راهم ينقلو أصلا تفكيرهم محدود وعينهم نظرها قصير راهم غير حابين يجيبو الباك برك ويطلعو للجامعة مي كاين راهي عينهم بعيدة النظر وحابين يكملو قراية برا وبسبة كومة جاهلين يخلصوها غالية ... والله نتمنى من كل قلبي كل واحد عملها يخرجها فيه ربي وما يديش الباك ولا يفيقو بيه ويقصيوه ان شاء الله .

 

[آمِيْرَتُه]

رد: وتغبرطت البكالوريااا

السلام عليك
مرحبا عاش من شافك
جا عليك الإسم نيشان ههه
المشكل مش فيهم الطلبة المشكل في القماقم الكبار كيما قلت
شكون سرب السوجي ؟ شكون راه يخلي الطلاب ينقلو ؟
و شكون شكون شكون

 

[قرصان الساحل]

رد: وتغبرطت البكالوريااا

والله وش راح نقول لخويا الباك يا الباك بكري كان صح باك
كان عندو قيمتو شكون لي كان يجيب الباك تروح تشوف تلقى نسبة نجاح ضعيفة بزاف ما تقليش الجيل تاع دوكا عندو الوسائل وهاديك الخزعبلات .. دوكا راهم ردوه خردة ما عندو حتى معنى تعرف واش يغيضني من هاد الحكاية غياب مبدأ تكافؤ الفرص واحد مسكين يجبد ليل مع نهار ويخدم بنيتو وبلا غش بالسيف يدي بعرقو وحبيبنا راقد وسوجي عندو والله حرام هاد شي واحد قاتل روحو ولاخر يطلع بالكوبياج ومش عارف
تعرف جاليلوس خويا انا ما نلومش بن غبريط ولا فلان قد ما نلوم رواحنا احنا لي خسرنا خويا في كلش ننهبو نسرقو نكوبييو كلش بريكولاج علاه وين راح نوصلو بهاد العقلية ونقولو جيل الغد وشباب المستقبل .
والله ربي يهدينا برك
يعطيك الصحة خويا طريقة طرحك للموضوع مميزة
تحياتي صديقي
​

 

[ثَسْكُورْثْ نَثْدُوكْلِي]

رد: وتغبرطت البكالوريااا

سلام عليكم خيو جاليلوو عش من شافك هذي غيبة ...

المهم والله كارثة تع الصح وش راهي صاري مهزلة وتبهدايلة تع الصح ...

راهم لحابو يهردو التعليم ف الجزائر وافساده نجحو وهردوه باستعمال كل الوسائل وكانت بن غبريط المرسول والمدعم من طر‏‎فهم والتلاميذ ضحيه خصوصا المجتهدين واللي تعبو غاضوني صح ..اما بخصوص اللي غشو وسربو المواضيع هذوك ان شاء الله يعذبهم ضميرهم وربي يهدي ماخلق ...

حسبنا الله ونعم الوكيل في كل من ساهم في تشويه وفقدان مصداقية التعليم ف الجزائر ...

ربي يصلح الاحوال على كل حال..

الى متى ...؟....؟؟؟

شكرا ع الموضوع خيو..
بالتوفيق..​

 

[أشــواق 19]

رد: وتغبرطت البكالوريااا

عـــــــــــــــــاجل :
تسريب قائمة الناجحين في الباكالوريا : - شارجور نوكيا السعيد
_ حشيشة مسقية رقية
_علام بوعلام
_حيزية دار سبيطار
_بالبلوتوث خالد
_الكيتمان عائشة
_خرجت السوجي فتيحة
_ميسنجر عمر
_شعبان رمضان
_21 ماي زوبير
_نعاود الباك حتى نجيبو فضية
_اخت مرت لي دار السوجي مليكة
_الشابة لي معندهاش الزهر ميمي _شارلمونتي حليمة
_الصامط عبد الباسط
_البهلول جلول
_عواشير ذهبية
_اقصاء لمياء
_روطار عمار
_نقتل روحي خديجة
_فيديو وكيلكم ربي تاج الدين
_البراح فراح
_نرمي روحي يوسف
_حرام عليكم ليلى
_الحافظة ربيحة
_الخباشة كنزة
- 3جي خالد
- كي يخرج 4جي سمير
- مول الزربية فريد
- دخلت مور 8ونص سعاد

 

[FATIMA 19]

رد: وتغبرطت البكالوريااا

السلام عليكم
موضوع الحدث هو تسريبات الباك
والله غير كارثة انا كي سمعت كل مرة الموضوع يسربوه نبقى حايرة
هذا هو العالم الثالث يستعمل التكنولوجيا في غير محلها
​

 

[*مواطن بسيط*]

رد: وتغبرطت البكالوريااا

سلالالام عليكم

يمشي في الحومة سمع خرج خرج خرج ياك تفجع وقال المسيح الدجال هو الي خرج كسقسا قالولو بلي سوجي الباك هو خرج =p


هدي النكتة تعبر على المنظومة الغبريطية التربوية التعليمة الي زعما جات باه تصلح الاوضاع وتقلبنا نافسو دول

العالم المتقدم حتى ولينا نافسو في الدول المتخلفة على المرتبة الاخيرة في الفساد .

بن غبريط -كونفشيوش الجزائر- من اول مجات وهي مركبا الشكوك على اصلها وشكون هيا ومنين جات هدا الكل معليش نتجاوزوه بصح

انك كل مرة تخرج بخرجة من اللغة العامية الى نحو التربية الاسلامية الى تلاميذ الي قراو في المدارس القرآنية معندهمش

المستوى هممم مفهمنهاش كيفاه تخمم وين رايحا وين ؟!! قالك يقولو خذ الحكمة من افواه المجانين لالا تبدلت تو ولت خذ الحكمة من

افواه منظومة بن غبريط .!

قالك علاه اقصيتوهم هدوك المتأخرين قالو باه يتعلمو الانضباط في الوقت والباك لازم يكون حارص عليها ويجيها قبل

نص ساعة طيب كلامك معقول مي وش ندير اذا صرا اكسيدو صرا مشكل كبير ياك قادر يصرا كلش الواحد مش عالم

الغيب بلي راه طريقو راه ميسر مفيه حتى اشكال وفوقها متقوليش قوانين وعقوبات وصرامة اها راك انسان القوانين

هديك تمشي على آلة مبرمجها مي راك انسان تحس وتشوف وتخمم خذها ببساطة شوي خاصة على روطار تع زوج

دقايق 3 دقائق تحوج الطالب في عام كامل هدا مش منطق تجي تحكي على التسريبات ويفتحو المواضيع ويتعمدو

الروطار هي المواضيع مسربة مسربة الجماعة راه السوجي راقد معاه في دارهم جاي حافظو جاي يكتب ويروح اك

الفجعة وحكة الراس متجيهش او فايق بالعفسة.

هي البلاد وحدها عوجة وداخلا في حيط ها خليهم يفوتو الباك على رواحهم وش ضر في تأخر بسيط

غاضوني والله نشوف فيهم ونقول وعلاه القانون يطبق غير على الزوالي الي معندو والي يساندو اما جماعة السلطة

يجو بعد ساعة نورمال ميضرش الحال عندو سبة مقنعة

اودي دخنا في هد البلاد معرفناش اللوم على من على التلاميذ ولا على الاولياء انتاعهم ولا على التربية ولا على

وسائل الاتصال الحديثة ؟ شغل وش ادانا للتقدم والعصرنة كون بقينا في عصر ابو جهل خير ولا زعم هدي اياداي داخلية جايا كونطر الوزيرة

حابة تطير المخلوقة قاعدين يفسدولها ويديرولها في الفتنة ولا هدي الايادي الخارجية الي يحكو عليها قبل وصدعونا بيها والي يزيد

يحيرك الرد انتع الوزيرة قالتلك سوف نحاسب المتسببين في هذه التسريبات هدي الهدرة سمعناها من العام الي فات ولا الي قبلو

ومكان والوا لازمها المحقق كونان يحلنا هدي القضية راها صعيبة على المحققين انتاعنا هدا كن حققو وهي باينة بلي او مجرد

كلام فقط شبعونا مقروط .:-r

والله ولينا في عجب وعجاب الطلاب كانو يخممو في سبور ضك ولاو يشوفو في المدسين حاجة ساهلة قادر يوصللها

برك بتعويذة صغيرة اسهر لل4 في الفايس بوك تلقا غير الطايب راح المحرم في جرة المجرم مسكين شقا عام كامل يقرا

وفي الاخير يحطمولو الحلم انتاعو بسبة واحد غشاش هزلو بلاصتوا .

هاذم طبة الي راح يداوونا انا وانت وانتِ و ووزراء ومحامين المستقبل ربي يلطف ويستر الموهم والاهم رد بالك تداوي عند طبيب ناجح باك 2016 =p

امزح ليس الكل او الشاطر يجي نهار وينصفو ربي غير ميخافش مش راح يضيع مجهودو هكاك:regards01:

هممم ان شاء الله مطولتش بزاااف

ومرسي خويا على الموضوع الباهي

ربي يحققلك وش كاينة في الخاطر


سلالام عليكم :-h





لقد تغربطنا

 

[اسيل الحياة]

رد: وتغبرطت البكالوريااا

السلام عليكم اخوتي
عجبني الموضوع بزززززززززاف ومعاك كلمة بكلمة والله رانا نبهدلوا كلشي مادارتو ديك اليهودية وحبيت نقولك على البنت لي راك كاتب عليها "منع دخول مترشحة لإجتياز الامتحان لأنها تأخرر و سبب التأخر كان حادث مرور و المترشحة تم منعها رغم انها جاءت رفقة الدرك الوطني " خلاص دخلوها وفوت البارح عادي ولي خلعتني ان المعدل تاعها 18 وكامل وحرموها منو ربي يحرمهم الجنة ان شاء الله
وفي الختا ادعو معايا
يارب يتحقق هذا نورية بن غبريط، ستقدم استقالتها،

 

[فيتامين سي]

رد: وتغبرطت البكالوريااا

السلام عليكم اخوتي
عجبني الموضوع بزززززززززاف ومعاك كلمة بكلمة والله رانا نبهدلوا كلشي مادارتو ديك اليهودية وحبيت نقولك على البنت لي راك كاتب عليها "منع دخول مترشحة لإجتياز الامتحان لأنها تأخرر و سبب التأخر كان حادث مرور و المترشحة تم منعها رغم انها جاءت رفقة الدرك الوطني " خلاص دخلوها وفوت البارح عادي ولي خلعتني ان المعدل تاعها 18 وكامل وحرموها منو ربي يحرمهم الجنة ان شاء الله
وفي الختا ادعو معايا
يارب يتحقق هذا نورية بن غبريط، ستقدم استقالتها،

حتى و تقدم استقالتها تجي اكثر منها
المشكل فينا حنا

 

[فيتامين سي]

رد: وتغبرطت البكالوريااا

السلام عليكم اخوتي
عجبني الموضوع بزززززززززاف ومعاك كلمة بكلمة والله رانا نبهدلوا كلشي مادارتو ديك اليهودية وحبيت نقولك على البنت لي راك كاتب عليها "منع دخول مترشحة لإجتياز الامتحان لأنها تأخرر و سبب التأخر كان حادث مرور و المترشحة تم منعها رغم انها جاءت رفقة الدرك الوطني " خلاص دخلوها وفوت البارح عادي ولي خلعتني ان المعدل تاعها 18 وكامل وحرموها منو ربي يحرمهم الجنة ان شاء الله
وفي الختا ادعو معايا
يارب يتحقق هذا نورية بن غبريط، ستقدم استقالتها،

و بالنسبة للطالبة مراهيش هي اختي
الباك تروحلك مادة اقصاء لابغا تروحي في المواد التانيين++++++ مراهيش غير هي لي خرجوها في ثانوية حدانا قالولي 7 مخلاوهمش يدخلو يعني هكدا لازم يدخلوهم كامل+يعاودولهم امتحان لي فاتهم و هدا مستحيل
و هديك الطفلة لي صوروها تشبهلها و غير شوية لو تركزي مليح فيها لا علاقة ابدا ابدا

 

[حلم يعانق السماء]

رد: وتغبرطت البكالوريااا

بكالوريا 2016 تحت شعار حلوا في الدار وبلاك تجي روطار

الاقصاءات ليدارت حالة ،، سمعت البارح انتحار شابة بسبب اقصاءها من البكالوريا تأخرت عن الموعد
كنت نفكر علاش دارت هذا القانون ؟ :s اممم تعلمنا الانضباط بالوقت
لا لا برك تعاند في الولاية رقم 49
في فرنسا اذا تأخرت وجبت لابوليس صايي دخلت نورمال للباك تفوتو
عاندتها في نص القوانين علاش مكملتش اذا جبتي الدرك تدخلي نورمال

أما الامتحان رجع هاوم وورك .. أنا نقول الله يكون في عون لي تعب ومنبعد يشوف صاحبو
لي قعد يلعب العام كوملي دا خير منو
الرياضيات والفيزياء رجعو مواد حفظية
البارح كنت دايرة مراجعة مع أصحاب البكالوريا في الفيزياء
ياه وحدة راسلتني وكل دقيقة جيبلي سؤال وانا نجاوب بنيتي حسبتها برك استفسارات
كاين وحد الأسئلة مانيش قاريتهم لانو مازال موصلتش للباك كنت نسقسي يما ولا اختي
حتى قالتلي اختي راكي جاوبي في اسئلة الباك غلقت النت
ورحت نرقد وقلبي ضارني

اتصلت بيا بنت خالي شعبة لغات تبكي وتقول حرام والله
انا كنت الاولى في قسمي ضك نرجع التاليا

ياه راحت بنة البكالوريا كنت نشوف الطلاب كامل خايفين ومقلقين
كي لي قراو وكي لي مقراوش
ضك الا الاقلية

قالو باه يعاودو الباك والله أعلم :regards01:
​

 

[حفيدة الخنساء]

رد: وتغبرطت البكالوريااا

المهم صحاب البااااك 2017 وجدو رواحكم السوجياااات يمدهوملكم في سبتمبر هههههههه :d:d ماتشقاوش تعييو رواحكم
هههههههه هم يضحك وهم يبكي والله

​

انا من اصحاب البكالوريا 2017
أيا هنّيتني من دوكا خخخخ:p:p
نقسر برك..انا قلتها : حتى ويسربو الاسئله منيش رح ننقل
الا اذا عماولي عينيا بيها راني نشوف السوجي ههههه
واش راح نقولو..انا عداوني بمرض التغبريط ثاني
الله يستر ما فهمنا فيها والو :s:s

 

[Salah eddin]

رد: وتغبرطت البكالوريااا

انها الجزائر ياولدي
و
تغبرطت البكالوريا
​

 

[الفتى المغامر]

رد: وتغبرطت البكالوريااا

ربي يغبرطها ان شاء الله
ملي جات هي الدراسة باي باي
لي عودة أخرى إن شاء الله

 

[فيتامين سي]

رد: وتغبرطت البكالوريااا

بكالوريا 2016 تحت شعار حلوا في الدار وبلاك تجي روطار

الاقصاءات ليدارت حالة ،، سمعت البارح انتحار شابة بسبب اقصاءها من البكالوريا تأخرت عن الموعد
كنت نفكر علاش دارت هذا القانون ؟ :s اممم تعلمنا الانضباط بالوقت
لا لا برك تعاند في الولاية رقم 49
في فرنسا اذا تأخرت وجبت لابوليس صايي دخلت نورمال للباك تفوتو
عاندتها في نص القوانين علاش مكملتش اذا جبتي الدرك تدخلي نورمال

أما الامتحان رجع هاوم وورك .. أنا نقول الله يكون في عون لي تعب ومنبعد يشوف صاحبو
لي قعد يلعب العام كوملي دا خير منو
الرياضيات والفيزياء رجعو مواد حفظية
البارح كنت دايرة مراجعة مع أصحاب البكالوريا في الفيزياء
ياه وحدة راسلتني وكل دقيقة جيبلي سؤال وانا نجاوب بنيتي حسبتها برك استفسارات
كاين وحد الأسئلة مانيش قاريتهم لانو مازال موصلتش للباك كنت نسقسي يما ولا اختي
حتى قالتلي اختي راكي جاوبي في اسئلة الباك غلقت النت
ورحت نرقد وقلبي ضارني

اتصلت بيا بنت خالي شعبة لغات تبكي وتقول حرام والله
انا كنت الاولى في قسمي ضك نرجع التاليا

ياه راحت بنة البكالوريا كنت نشوف الطلاب كامل خايفين ومقلقين
كي لي قراو وكي لي مقراوش
ضك الا الاقلية

قالو باه يعاودو الباك والله أعلم :regards01:
​

طاطا بن غبريط قالت منعاودهش
باك علوم كلش خرج بنكهة واجب منزلي ..تقني رياضي خرج نص مع رياضيات و اداب
ربي يجيب الخير وين وصلنا لي يقرا و ميقراش كيف كيف
شعب تافه استاد تافه وزارة تافهة وين رايحين بعقلية ميكي ..ربي يجيب الخير برك

 

[الفتى المغامر]

رد: وتغبرطت البكالوريااا

برلمانيون للحكومة: أقيلوا وزيرة التربية فورا

طالب نواب في البرلمان الحكومة بإقالة وزيرة التربية نورية بن غبريط رمعون، حسب منشور طرحه النائب عن جبهة العدالة والتنمية حسن عريبي، الأربعاء، على صفحته في "فايسبوك"، قال فيه إن نوابا فوّضوه لتقديم لائحة للحكومة تتضمن المطالبة بإقالة الوزيرة.

وقال النواب إنهم يتقدّمون بهذا الطلب على خلفية "الفضائح التي تلاحق الوزيرة بن غبريط وتسريب اختبارات البكالوريا ما يدل على أن هناك صراع أجنحة داخل وزارة التربية الوطنية قد يعصف بمصداقية منظومتنا التعليمية".
وأوضح النواب أنهم من مختلف المشارب السياسية، اجتمعوا وقدّموا لائحة لـ"إقالة زوجة رمعون فورا مع تشكيل لجنة تحقيق تكشف المتسببين والمتآمرين على مصالح الأمن القومي الجزائري والوقوف على ما تبقى من مصداقية المنظومة التعليمية قبل خرابها".


تسعة أسباب
وساق النواب تسعة أسباب قدّروا أنها تقف وراء مطالبتهم الحكومة بإقالة بن غبريط، ومما ورد فيها أن الوزيرة "حاولت تمرير مقترحات مشبوهة ومنها تدريس العامية بدلا من اللغة العربية"، وقال المنشور إنها "تراجعت بعد أن تحرك المخلصون عن قرارها رغم إصرار مهندس الإصلاحات المشبوهة المدعو بن رمضان الذي يلتقي معها في الفكرة بتنفيذ من المفتش العام مسقم نجادي".
وأضاف النواب "وقد ظهرت نوايا الوزيرة وفريقها في تطبيق مشاريع إصلاحات مشبوهة وصادقة لكن في كل مرة تواجه فيها الضمائر الحية تدعي الوزيرة أن الأمر يتعلق بتوصيات اليونيسكو.. ولا نفهم هل الوزيرة ملتزمة ببرنامج الدولة الجزائرية أم ببرنامج اليونسكو؟" وتساءل "لماذا تخش الوزيرة طرح إصلاحاتها للنقاش العام أمام الخبراء والمختصين وتتعامل معها بطريقة لصوصية ومشبوهة تزيد في قناعتنا إن ثمة مؤامرة تحاك ضد قيم الأمة في المدرسة الجزائرية التي ظلت الحصن الحصين لثوابت الامة".
واتهم النواب الوزيرة بـ"الانتقام من كل الكفاءات المخلصة والوطنية خاصة تلك المعربة أو التي تدافع عن ثوابت الأمة، فأقصت من أقصت وأنهت مهام من أنهت وأوعزت لجهات مختصة برفض ملفات من أرادت من المخلصين وجوعت من جوعت من حراس اللغة العربية المتوجسين من إصلاحاتها، وضغطت على من أرادت بطرق ملتوية بعيدة عن أخلاقيات المهنة وعن القانون، واستعملت حججا واهية منها التقاعد المسبق والسن وقلة الكفاءة لتقوم بتسريح الآلاف من الخبراء والمختصين الذين قامت على أكتافهم المدرسة الجزائرية، لا لشيء سوى لتتفرد لمحاصرة ما تبقى من قيم هذا الشعب في المنظومة التربوية فهذه الوزيرة لا تؤمن بلغة الشعب ولا بقيمه وتستعمل كل الوسائل لتغرس في المدرسة أفكارا وقيما غريبة عنا".

انفضاح "المؤامرة"
وحسب النواب فإن "المؤامرة المدروسة انفضحت باستقدام خبراء فرنسيين لغرض التكوين والتدريب وأيضا الإشراف على بعض الإصلاحات المستمدة من النموذج الفرنسي، وهي معطيات أثبتتها التقارير وأنكرتها الوزيرة بعد أن فجرها إطار سام في الوزارة انتقمت منه فيما بعد بطريقة وحشية، كما نؤكد عبر الوثائق المرسلة اليكم في قرص يتضمن محتوى الملتقى الجزائري –الفرنسي الذي استقدم فيه خبراء فرنسيون لدينا قائمتهم ومكان إيوائهم ورقم حجوزاتهم وبعض المعلومات الخاصة عنهم.. كان ذلك ما بين 28 فيفري و03 مارس من هذه السنة، والغريب أن الوزيرة استمرت في هذه المهزلة حتى بعد انفضاح المخطط واكتفت بتغيير مكان الملتقى من ثانوية حسيبة بن بوعلي إلى البليدة ليستقر الخبراء الفرنسيون بعد ذلك بثانوية القبة منذ أسابيع لحوصلة المراحل السبعة للانقلاب على المناهج والبرامج المدرسية واعتماد النموذج الفرنسي".
ورأى النواب أن "غموضا وتكتما مثيرين للتساؤل والحيرة حاما حول طبع الكتاب المدرسي للسنة المقبلة (المستويات الثلاثة) وتصميمه وتحضيره، وكيف وأين ولماذا سلمت الكتب الثلاثة إلى المفتشية العامة للبيداغوجيا لتصحيحه في وقت متأخر"، وأضافوا "يقال أن الكتب كانت مليئة بالأخطاء ولا ندري إلى الآن هل طبعت أم مازالت" وتساءلوا "فماذا نقول عن تلك التي ستحضر للسنة المقبلة.. وما هي الهيئات الأجنبية والوطنية التي ساهمت في وضع البرامج وكيف تم اختيارها وهل كل الفريق الخاص باللجنة الوطنية للمناهج ساهم في العمل..وما علاقة إقالة المدير العام بالنيابة بوبكر سمير من رئاسة الديوان الوطني للمطبوعات المدرسية بسبب رفض منحه الصفقات وفق قائمة فرضت من جهة عليا، لثلاث عشرة مؤسسة موصى بها يتم اعتمادها إما للمناولة مع المؤسسة الوطنية للفنون المطبعية أو بمنحها مباشرة الصفقات خارج الاطر القانونية.. هل يمكن إلقاء الضوء على هذا الغموض ولماذا لا تتم الأمور وفق قانون الصفقات عبر النشر الشفاف الواضح".

الفرنسية و"الأقليات اللسانية" في الجزائر
واعتبر النواب أن اللغة الفرنسية "تدرس للمتعلم الجزائري لا كلغة علم وليس عن طريق الترجمة عبر اللغة العربية - كما هو في إنجلترا- ولكنه يتم عن طريق القيم الثقافية والحضارية الفرنسية، وهو ما يخلخل قيم المتلقي الجزائري، وهو أمر خطير لا يجب السكوت عنه"، وقال النواب إن هذا المعلومات هي تصريحات أدلت بها متحدّثة باسم وزيرة التربية خلال اجتماع بوزارة التربية في الجزائر بحضور وزيرة التربية الفرنسية لدى زيارتها شهر ديسمبر من السنة الماضية في اجتماع مصغر لم تحضر فعالياته الصحافة الوطنية.
وقال البرلمانيون إن لديهم وثيقة من بين مجموعة من وثائق "تكشف تورط الوزيرة في تدخل سافر للفرنسيين في عملية وضع المناهج والبرامج في الملتقى الجزائري- الفرنسي، الذي عقد ما بين 28 فيفري و03 مارس بعنوان "ميثاق البرامج" من تقديم خبير فرنسي".
وأضافوا "وقفنا على تصريح خطير من طرف فريد بن رمضان (متوفر في الأنترنيت- فيديو) في سنة 2013 لمؤسسة فرنكفونية تدعى"إيفاديم" بأنه يهتم بهذه المؤسسة وهو يحضر باسم مؤسسة فرنسية ممثلا عن مديرها الفرنسي يعود اهتمامه بها لأن تلك المؤسسة تهتم بالأقليات اللسانية وهو قادم من بلد -أي الجزائر- فيه هذه الأقليات وهو منها".