وتغبرطت البكالوريااا

[جليلوس]

رد: وتغبرطت البكالوريااا

بكالوريا 2016 تحت شعار حلوا في الدار وبلاك تجي روطار
هههههههه واه بالاك تجي روطار حل عينيك :d
الاقصاءات ليدارت حالة ،، سمعت البارح انتحار شابة بسبب اقصاءها من البكالوريا تأخرت عن الموعد
ايا ها شوفي ضيعولها حياتها بسبب امتحااان الدنياااا
ياربي تستر ياربي ... الله يرحمها ويصبر مواليها
كنت نفكر علاش دارت هذا القانون ؟ :s اممم تعلمنا الانضباط بالوقت
لا لا برك تعاند في الولاية رقم 49
راكي تشوفي ... تقول الوقت والإنضبااااط عندهم حبس
ياخي راها مطفرة غير في الزوالي مسكين ... يطبقوا القوانين عليه كيما يبغووو
في فرنسا اذا تأخرت وجبت لابوليس صايي دخلت نورمال للباك تفوتو
هاديك سموها فرنساااا ماشي لالجيري :s
عاندتها في نص القوانين علاش مكملتش اذا جبتي الدرك تدخلي نورمال
أما الامتحان رجع هاوم وورك .. أنا نقول الله يكون في عون لي تعب ومنبعد يشوف صاحبو
آمين ربي يفرح كل واحد تعب وخدم من قلبو وبمجهودووو
لي قعد يلعب العام كوملي دا خير منو
الرياضيات والفيزياء رجعو مواد حفظية
البارح كنت دايرة مراجعة مع أصحاب البكالوريا في الفيزياء
ياه وحدة راسلتني وكل دقيقة جيبلي سؤال وانا نجاوب بنيتي حسبتها برك استفسارات
كاين وحد الأسئلة مانيش قاريتهم لانو مازال موصلتش للباك كنت نسقسي يما ولا اختي
حتى قالتلي اختي راكي جاوبي في اسئلة الباك غلقت النت
ورحت نرقد وقلبي ضارني
هههههههه شفتي شفتي كيفااااش ولينا ووين وصلناااا :tongue02:
ياخي كرهوووونا ها بزااااف ها بن غوفريط من جيهة ها التسريبات من جيهة ماتفهم والووو
اتصلت بيا بنت خالي شعبة لغات تبكي وتقول حرام والله
انا كنت الاولى في قسمي ضك نرجع التاليا
مسكينة قوليلها تجيك في الصبر طاطاك نورية بغااات عليييك
ياه راحت بنة البكالوريا كنت نشوف الطلاب كامل خايفين ومقلقين
كي لي قراو وكي لي مقراوش
ضك الا الاقلية

قالو باه يعاودو الباك والله أعلم :regards01:
​

هادووو موالين الزرابي والكواااات هوما لي دارو كلش كاش وحدة من الوزارة سوووور

راح يعاودو الباك ونتمنااااو ماتكونش روبلة كيما الدورة الاولى

وربي يوفق الجميع

 

[جليلوس]

رد: وتغبرطت البكالوريااا

انا من اصحاب البكالوريا 2017
أيا هنّيتني من دوكا خخخخ:p:p
نقسر برك..انا قلتها : حتى ويسربو الاسئله منيش رح ننقل
الا اذا عماولي عينيا بيها راني نشوف السوجي ههههه
واش راح نقولو..انا عداوني بمرض التغبريط ثاني
الله يستر ما فهمنا فيها والو :s:s

هههههه ربي يسهلك ختي :up:
زيري روحك دوووك يوصلك السوجي في سبتمبر :p
ههههه صحا تغبريطكم وكل عام وانتم مغبرطيييين :yahoo01:
ربي يجيب الخير دوخونا

 

[جليلوس]

رد: وتغبرطت البكالوريااا

انها الجزائر ياولدي
و
تغبرطت البكالوريا
​

هههههه واه آآآ بوااا :d

وتغبرطناااا :yahoo01:

 

[جليلوس]

رد: وتغبرطت البكالوريااا

ربي يغبرطها ان شاء الله
ملي جات هي الدراسة باي باي
لي عودة أخرى إن شاء الله

هههههه آمين يااااربي :d

ياودي وجه النحسشا يجيك منوووو :p

مرحبا بيك الدار داركم :up:

 

[جليلوس]

رد: وتغبرطت البكالوريااا

طاطا بن غبريط قالت منعاودهش
باك علوم كلش خرج بنكهة واجب منزلي ..تقني رياضي خرج نص مع رياضيات و اداب
ربي يجيب الخير وين وصلنا لي يقرا و ميقراش كيف كيف
شعب تافه استاد تافه وزارة تافهة وين رايحين بعقلية ميكي ..ربي يجيب الخير برك

راحت بلادنا راحت بسلامة :down:
فلنهجر الى الموزمبيق ... لا تغبريط لا جد مواليهم :d

 

[جليلوس]

رد: وتغبرطت البكالوريااا

برلمانيون للحكومة: أقيلوا وزيرة التربية فورا

طالب نواب في البرلمان الحكومة بإقالة وزيرة التربية نورية بن غبريط رمعون، حسب منشور طرحه النائب عن جبهة العدالة والتنمية حسن عريبي، الأربعاء، على صفحته في "فايسبوك"، قال فيه إن نوابا فوّضوه لتقديم لائحة للحكومة تتضمن المطالبة بإقالة الوزيرة.

وقال النواب إنهم يتقدّمون بهذا الطلب على خلفية "الفضائح التي تلاحق الوزيرة بن غبريط وتسريب اختبارات البكالوريا ما يدل على أن هناك صراع أجنحة داخل وزارة التربية الوطنية قد يعصف بمصداقية منظومتنا التعليمية".
وأوضح النواب أنهم من مختلف المشارب السياسية، اجتمعوا وقدّموا لائحة لـ"إقالة زوجة رمعون فورا مع تشكيل لجنة تحقيق تكشف المتسببين والمتآمرين على مصالح الأمن القومي الجزائري والوقوف على ما تبقى من مصداقية المنظومة التعليمية قبل خرابها".


تسعة أسباب
وساق النواب تسعة أسباب قدّروا أنها تقف وراء مطالبتهم الحكومة بإقالة بن غبريط، ومما ورد فيها أن الوزيرة "حاولت تمرير مقترحات مشبوهة ومنها تدريس العامية بدلا من اللغة العربية"، وقال المنشور إنها "تراجعت بعد أن تحرك المخلصون عن قرارها رغم إصرار مهندس الإصلاحات المشبوهة المدعو بن رمضان الذي يلتقي معها في الفكرة بتنفيذ من المفتش العام مسقم نجادي".
وأضاف النواب "وقد ظهرت نوايا الوزيرة وفريقها في تطبيق مشاريع إصلاحات مشبوهة وصادقة لكن في كل مرة تواجه فيها الضمائر الحية تدعي الوزيرة أن الأمر يتعلق بتوصيات اليونيسكو.. ولا نفهم هل الوزيرة ملتزمة ببرنامج الدولة الجزائرية أم ببرنامج اليونسكو؟" وتساءل "لماذا تخش الوزيرة طرح إصلاحاتها للنقاش العام أمام الخبراء والمختصين وتتعامل معها بطريقة لصوصية ومشبوهة تزيد في قناعتنا إن ثمة مؤامرة تحاك ضد قيم الأمة في المدرسة الجزائرية التي ظلت الحصن الحصين لثوابت الامة".
واتهم النواب الوزيرة بـ"الانتقام من كل الكفاءات المخلصة والوطنية خاصة تلك المعربة أو التي تدافع عن ثوابت الأمة، فأقصت من أقصت وأنهت مهام من أنهت وأوعزت لجهات مختصة برفض ملفات من أرادت من المخلصين وجوعت من جوعت من حراس اللغة العربية المتوجسين من إصلاحاتها، وضغطت على من أرادت بطرق ملتوية بعيدة عن أخلاقيات المهنة وعن القانون، واستعملت حججا واهية منها التقاعد المسبق والسن وقلة الكفاءة لتقوم بتسريح الآلاف من الخبراء والمختصين الذين قامت على أكتافهم المدرسة الجزائرية، لا لشيء سوى لتتفرد لمحاصرة ما تبقى من قيم هذا الشعب في المنظومة التربوية فهذه الوزيرة لا تؤمن بلغة الشعب ولا بقيمه وتستعمل كل الوسائل لتغرس في المدرسة أفكارا وقيما غريبة عنا".

انفضاح "المؤامرة"
وحسب النواب فإن "المؤامرة المدروسة انفضحت باستقدام خبراء فرنسيين لغرض التكوين والتدريب وأيضا الإشراف على بعض الإصلاحات المستمدة من النموذج الفرنسي، وهي معطيات أثبتتها التقارير وأنكرتها الوزيرة بعد أن فجرها إطار سام في الوزارة انتقمت منه فيما بعد بطريقة وحشية، كما نؤكد عبر الوثائق المرسلة اليكم في قرص يتضمن محتوى الملتقى الجزائري –الفرنسي الذي استقدم فيه خبراء فرنسيون لدينا قائمتهم ومكان إيوائهم ورقم حجوزاتهم وبعض المعلومات الخاصة عنهم.. كان ذلك ما بين 28 فيفري و03 مارس من هذه السنة، والغريب أن الوزيرة استمرت في هذه المهزلة حتى بعد انفضاح المخطط واكتفت بتغيير مكان الملتقى من ثانوية حسيبة بن بوعلي إلى البليدة ليستقر الخبراء الفرنسيون بعد ذلك بثانوية القبة منذ أسابيع لحوصلة المراحل السبعة للانقلاب على المناهج والبرامج المدرسية واعتماد النموذج الفرنسي".
ورأى النواب أن "غموضا وتكتما مثيرين للتساؤل والحيرة حاما حول طبع الكتاب المدرسي للسنة المقبلة (المستويات الثلاثة) وتصميمه وتحضيره، وكيف وأين ولماذا سلمت الكتب الثلاثة إلى المفتشية العامة للبيداغوجيا لتصحيحه في وقت متأخر"، وأضافوا "يقال أن الكتب كانت مليئة بالأخطاء ولا ندري إلى الآن هل طبعت أم مازالت" وتساءلوا "فماذا نقول عن تلك التي ستحضر للسنة المقبلة.. وما هي الهيئات الأجنبية والوطنية التي ساهمت في وضع البرامج وكيف تم اختيارها وهل كل الفريق الخاص باللجنة الوطنية للمناهج ساهم في العمل..وما علاقة إقالة المدير العام بالنيابة بوبكر سمير من رئاسة الديوان الوطني للمطبوعات المدرسية بسبب رفض منحه الصفقات وفق قائمة فرضت من جهة عليا، لثلاث عشرة مؤسسة موصى بها يتم اعتمادها إما للمناولة مع المؤسسة الوطنية للفنون المطبعية أو بمنحها مباشرة الصفقات خارج الاطر القانونية.. هل يمكن إلقاء الضوء على هذا الغموض ولماذا لا تتم الأمور وفق قانون الصفقات عبر النشر الشفاف الواضح".

الفرنسية و"الأقليات اللسانية" في الجزائر
واعتبر النواب أن اللغة الفرنسية "تدرس للمتعلم الجزائري لا كلغة علم وليس عن طريق الترجمة عبر اللغة العربية - كما هو في إنجلترا- ولكنه يتم عن طريق القيم الثقافية والحضارية الفرنسية، وهو ما يخلخل قيم المتلقي الجزائري، وهو أمر خطير لا يجب السكوت عنه"، وقال النواب إن هذا المعلومات هي تصريحات أدلت بها متحدّثة باسم وزيرة التربية خلال اجتماع بوزارة التربية في الجزائر بحضور وزيرة التربية الفرنسية لدى زيارتها شهر ديسمبر من السنة الماضية في اجتماع مصغر لم تحضر فعالياته الصحافة الوطنية.
وقال البرلمانيون إن لديهم وثيقة من بين مجموعة من وثائق "تكشف تورط الوزيرة في تدخل سافر للفرنسيين في عملية وضع المناهج والبرامج في الملتقى الجزائري- الفرنسي، الذي عقد ما بين 28 فيفري و03 مارس بعنوان "ميثاق البرامج" من تقديم خبير فرنسي".
وأضافوا "وقفنا على تصريح خطير من طرف فريد بن رمضان (متوفر في الأنترنيت- فيديو) في سنة 2013 لمؤسسة فرنكفونية تدعى"إيفاديم" بأنه يهتم بهذه المؤسسة وهو يحضر باسم مؤسسة فرنسية ممثلا عن مديرها الفرنسي يعود اهتمامه بها لأن تلك المؤسسة تهتم بالأقليات اللسانية وهو قادم من بلد -أي الجزائر- فيه هذه الأقليات وهو منها".

شكرا لإضافتك خويا نورالدين بوركت
يعطيك الصحة

 

[جليلوس]

رد: وتغبرطت البكالوريااا

غير السجناء الذين يجتازون امتحان شهادة البكالوريا دورة ماي 2016 هم وحدهم من سينجحون بمثالية بعيدا عن الغش فمستقبل الجزائر فى سجونها وليس مدارسه

معكِ حق اختي ... هوما لي يستاهلو جوائز التهنئة ...

ومغادرتهم القيود بشرف :up: ..... المستقب في ايديهم

ياااا ربي وين وصلنا يااااربي .... ياربي تسلكها على خييير

 

[جليلوس]

رد: وتغبرطت البكالوريااا

البكاوريا سقطت مصداقيتها في الحضيض والمنظومة التربوية تعاني من قصور كلوي وفشل رئوي وسكتة قلبية من جميع النواحي
الطالب الجزائري تم اعدامه اخلاقيا بحيث اضبح يستصغر كل ما له علاقة بالنزاهة والشفافية مجتمع مظلم وطريق لا ندري اي اين ستصل بنا
وزراء اليوم سيكونون غدا ارحم من وزراء المستقبل في نظرنا وبن غبريط غبرطت المجتمع الجزائري لكن لا ننسى انه لا دخل لها باي شكل من الاشكال
الى الوزيرة والخطأ الوحيد الذي ارتكبته الوزيرة بن غبريط هي سنها للقوانين في اسبوع البكالوريا وكان لابد لها ان تحذر الطالب حتى ياخذ الامر في عين الحسبان
وكل الاخبار اليوم تنبأ بمستقبل كارثي للجامعات الجزائرية​

حكمتنا الروماتيزم في الكابي من جد هاد البااااك
وسوسونا كبير وصغير يهدر عليييه بزااااف :tongue02: رهجتنا رمعون
اكيييد الكارثة ستستقبلها الجامعااات الجزائرية.... فرغ منا وعمر ملهيه
الله يجيب الخير

 

[جليلوس]

رد: وتغبرطت البكالوريااا

كي نتفكر عندي باك 2014 نحمد ربي ونشكرو على النعمة
هاد العام في الباك راه كارثة عظمى تاع الصح
يعني من المؤسف جدا هاد الشي انا كي نسمع بالباك جسمي يقشعر تالمو اللي ولات الحالة محولة لاحول ولا قوة الا بالله العلي العظيم
انا نقول اكيد انها مؤامرة ضذ بن عفريت الله لا تربحها وخدت التلاميذ مساكن
ربي يعدل حوال البلاد
​

ههههه واه لحمد لله يااااربي .... تهنيتي من صدااع الراس
كارثة بام عينهاااا .... الوزارة عطاتهم في الوتر الحساس والطلبة تحداوها بليسوجي
ايا وخلااااات على الزوالي مسكين .... الله يجيبه ما يعفرتهااا :d:d وخدتهم كيما قلتي ههههه
آمين ويصلح الأحواال

 

[جليلوس]

رد: وتغبرطت البكالوريااا

راني زدت اسمي للقائمة ههه

هههههههههههههههههههههه الروكومبلومون :d:d مهبولة ليليااااا

يعطيك النو ضحكتيني :yahoo01:

 

[جليلوس]

رد: وتغبرطت البكالوريااا

بغيت نبكي
ندمت علاه معاودتش الباك هاذ العام
نخرج طبيبة. وكي يجيني لمريض يداوي
نقولو الجرح يبرا بالدوا ..

ههههههههه :d:d
مليحة هادي ... خسارة قالك لوكازيون تجي غي خطرة في العمر
طفرت يا حي عليييك ضيعتيها :p

 

[جليلوس]

رد: وتغبرطت البكالوريااا

بصراحة لي قرا قرا بكري ما بقات قراية دوك سي بون
انا جوزت باك ليبغ هاد العتم فريمون تجربة رائعة و الله نبات نعس في ليسوجي يخرجو خخخخ
ان شاء الله ربي بجيب الخير و خلاص ماهي الا مؤامرة لا غير الله يجيب الخير

واه القراية كان زمااان يا حسراااه
هاداك الوقت وين واحنا ويييين زعما طورنااا رانا بالطرواجي والويفي والكاتجي
والكوبيااااج داير حالة :d:d
آمين ياربي الله يلطف وخلاص :up:

 

[جليلوس]

رد: وتغبرطت البكالوريااا

ايه ربي يجيب الحفظ والسلامة في 2016 خرجوا لي سوجي في 2020 واش يدير
ناس تطور وحنا نولو لرول

آمين ياااربي .... 2020 نقولك يجيبولك البروف يصححلك في الدار

ماتعييش قاع روحك :d:d احنا ديما هاكا راجعين راجعين للور :tongue02:

 

[جليلوس]

رد: وتغبرطت البكالوريااا

السلام عليكم خويا جليل
اولا يعطيك الصحة على الموضوع لي شحال وهو غابني
ثانيا هذا يبقى موضوع شائك وواسع ولوكان نفتحوه ماناش رايحين نسكروه
اهلا بيك ماجدة نورتي يعطيك الصحة
ياودي ماشي غبنا راه داير سيركيلاصيون في مخاخنااا :d
نبداو بموضوع اقصاء المترشحين ...شوف خويا انا فوت الباك العام لي فات والعام هدا تاني ...وهاذي تع الإقصاء العام هذا ضيعت حق بزاف طلبة ...كيما نعرفو كامل أنو الباك نورمالمون يبدا على 8:30 ولكن لحقت اوقات وين فات الوقت هذاك ولي سوجي مازال ماتوزعوش فالأقسام نشفالها نهار العلوم والله بدينا على 9:00 يعني كي نحسبوها نلقاوها نصف ساعة روطار هاذوما ماكانش لي حاسبهم على الروطار تاعهم ولكن التلميذ بسبب تأخر خمس دقايق يضيعولو عام من عمرو وهو لي قعد عام كامل يوجدلو مابين تعب وتوتر وقراية
يعني تجيك في بالك تلميذ يقرى في مؤسسة معينة ومبعدة في وقت الإجراء يبعثوه لمؤسسة خلاف بعيدة على وين يسكن مانعرف بشحال علاه ماش كل واحد يفوت فالليسي تاعو طبعا مع تغيير الأساتذة
راكي تشوفي حلال عليهم حرام عليكم كلش بالمقلوووب سبحان الله
ياخي حالة ياخي :down:
وبالنسبة لقضة الاقصاء تاني انا من رأيي هاذي ترجع لرئيس المركز لأنو حتى ويجي الطالب روطار بخمس دقايق بسبب أمر خارج على يدو علاه مايخليهش يدخل يفوت عادي ...علاه بن غبريط رايحا تعرف اذا فلان ولا علان دخل روطار هاي ماكانش منها وصراحة انا المركز لي فوت فيه كانو طلاب يجو روطار ولكن يخلوهم يدخلو ....
واه هنا تدخل مسؤولية الشاف دو سونتر باسكو هو المكلف وهو المسؤول ... واللوم الأكبر عليه
شكون يسمعلنا شكووون رانا غير نطبطبوووو باطل :tongue02:
الآن نرجعو للطامة الكبرى ولي هي فضيحة تسريب مواضيع البكالوريا ....حنا قلنا بكالوريا 2015 كانت الأفشل بسبب واش صرا فيها ولكن ظهر العكس ...يعني تجي تشوف الغش عن طريق الانترنت راهو ارحم وابرك من أنو سوجي يخرج .....ولوكان مادة ولا زوج لا علينا راهي تحدث في ارقى الدول .تلحق انو مواضيع تع مواد اساسية تتسرب ....
تبهديييلاااسيون ملكباااار والله :tongue02:
نشفالها نهار الاثنين رايحين نفوتو رياضيات الناس سي بون عندها السوجي بالحل النموذجي من aحتى z وجايبينو معاهم ..واختك من هنا رايحا الصبحة هاذيك المورال بعد طايح ومديقوتية ...الناس تبكي بعد ماتشوف السوجي انا لالا بكيت قبل حتى ماندخل نفوت ههههه ..تزيد تكون تفوت وعبالك بروحك عاميها خلاه تشوف قدامك تلقى واحد عادي جبد ورقة الاجاية لي كان جايبها واطلق العنان للسيالة .مع العلم أنو الشعبة تاعي علوم تجريبية تسرب فيها موضوع الرياضيات .موضوع الانجليزية ..موضوع الفرنسية ...موضوع الاجتماعيات ...موضوع العلوم ...موضوع الفيزياء ..نزيدك من الشعر بيت ...سامحني خويا يمكن ردي طويل ولكن الله غالب القلب معمر وماكانش وين يفرغ .....
ياااا ربي بكيتي حوجي ياناااا :smile02: يتلفوهالك اولاد المملكة العاشورية
واحد يتعب ويضل يريفيزي ومايخدمش وواحد ضاربها بطالون يلقى سوجي يحفظ ليريبونس ويجاوب ويخرج
وانت مازالت مدابز معا جدهااا ... آآآ حوجي تقول نندبه بالفرشيطة ينعل بوها قراية قاااع
لالا ماعليش فرغي فرغي علابالي راكي مفوركة ومعمرة :d
تكون تفوت عادي في أمان الله يجيك استاذ بعد تقول كليتلو رزقو ولا رزق باباه ويطيحلك انا النزيه وانا الشريف ومانعرفش للغش طريق تقعد تفوت تلقى استاذ خلاف يدخل للقاعة ويجيب الحل النموذجي لتلميذ آخر ويعطيهولو والأستاذ لي كان داير درس أخلاقي يشوف ويسكت مايهدر والو أين هو حديثك عن محاربة الغش ايها الاستاذ مع انو ممنوع استاذ آخر يدخل في نصف الامتحان لقاعات اخرى ......
وزيد انا والله يلعن كلمة انا نحير في هاذو الناس لي يجرمو التلميذ على خاطر حل السوجي فالدار ورايح يفوت ويحملو التلميذ كل المسؤولية وناسيين انو التسريب الاول ماكانش من طرف التلميذ كان من طرف الاستاذ لانو نعرفو انو الاسئلة يديروها في سرية تامة بمعنى التلميذ ماهوش رايح يدخل معاهم
وزيد انا يحيروني لي يقولك كيفاه التلميذ يحل لي سوجي فالدار ويضرب طلة عليهم
ههههههه هبال والله مخك يمركي ايرور :s:s
انا ومن مكاني هذا ومانيش رايحا ندعي المثالية عليكم ونحط روحي أنو ربي خلق ملائكة فالسماء وخلقني انا فالارض ..انا لوكان طاح في يدي سوجي أي مادة ومهما كان نوعها نطل عليه ونطل على الاجوبة تاعو ...بالرغم من أنو من نهار بديت نفوت ماصادفني حتى سوجي لاني قبل مايبدا الباك ديزاكتيفيت الفايس تفاديا للبلبلة لي تؤثر على التلميذ بالسلب...انعم نقولها ...هذا ليس جهر بالمعصية لا تعودوا تجوني وكل واحد زيماه يفتي عليا .
لالا مكاش لي يفتي عليك درتي مزية والله بصح شكووون يعاندك يا حسرااااه
على خاطر هناك فرق بين انك تكون فالفايسبوك دور تشوف سوجي وتشوف الحل تاعو وبين انك تدي معاك الاوراق بالاجابات النموذجية ..لمركز الاجراء على خاطر هذا يعتبر غش ....كاين لي رايحين يقولولي علاه كي تشوفي الاسئلة برك ماهوش غش ..لا على خاطر كي يتحط السوجي يكون تضارب بين اذا كان صحيح ولا غالط بمعنى يبقى مقترح والتلميذ كي يطل عليه ماهوش يغش على خاطر التلميذ راهو يقرى 9 شهور وطيلة هاذيك المدة تكون مقترحات من طرف الاساتذة
واه واه افلاطون يعطيك الصحة جبتيها سوا سوا :thumb_up02::thumb_up02::bravo01:
ملخص الحديث السوجي كي يتحط يكون في هاذيك الحالة مجرد اقتراح ولكن بعد مايقرر التلميذ انو يدي معاه الاوراق ويجبدهم هنا تتحقق حالة الغش
وتاني بالنسبة لمن يتهم التلميذ الجزائري بأنه يفتقر الى الأخلاق ...اذا كان التلميذ هكا فكيف هو الحال بالنسبة للأستاذ الذي كادأن يكون رسولا .....ولهذا يجب تشخيص الداء لمعرفة الدواء في قطاع التربية
الله اكبر ... كملي كملي لبااااك ونديروك وزيرة خلاص بطلت مانترشحش راها لييييك :d
خويا جليل اسمحلي يمكن طولت عليك ولكن حاولت نختصر قد مانقدر
يعطيك الصحة انك طرقت للموضوع هذا
تحياتي ​

يا يمااا ردك كي شفتووو دوخني علابالك قبل مانقرااااه
بصح ماعليش خليتو هو التالي باش نستوعب مليح شا قلتي ههههه
يعطيك الصحة في كل كلمة قلتيها بارك الله فيييك

 

[sosobibicha]

رد: وتغبرطت البكالوريااا

سلام عليكم
كتبت gاع الرد و من بعد راحت النت وععععع
صحا رمضانك
اولا العنوان هااااايل الله يبارك
نرجعوا للموضوع ثاني الهايل ههههه للاسف هوما غبرطوها حنا رانا نتميزرو خصوصا شعبة علوم ياو ماساة اهائ اهائ انا تقرا معايا وحدة العام كامل جات خطرة و لا زوج و من بعد في التالي ولات تسقسي فيا اذا حابة ندير ميدسين باش تدير معايا هههه يعني ضمنا الباك و اون pليس ميدسين هههه :s و الله راني نشوف غير في العجب مي الصح انا نعرف شحال من وحدة نقلت و في التالي ما فاتتش 12 في المعدل
المهم ربي يجب الخير ان شاء الله
الله يعطيك الصحة على الموضوع بارك الله فيك
تقبل مروري
صحا فطورك
بالتوفيق للجميع ^^​

 

[مشتاقة الى الله]

رد: وتغبرطت البكالوريااا

والله غير عندك الحق تغبرطت البكالوريا

 

[جليلوس]

رد: وتغبرطت البكالوريااا

سلام عليكم
اهلا وعليكم السلام ورحمة الله
اهلا بيك اختي سليمة نورتي :up:
كتبت gاع الرد و من بعد راحت النت وععععع
راها تعيف الكونيكسيون هاد اليامات :tongue02:
حشمتناااا :down::down:
صحا رمضانك
الله يسلمك تقبل الله منا ومنكم
اولا العنوان هااااايل الله يبارك
يبارك فييييك خيتي :up:
نرجعوا للموضوع ثاني الهايل ههههه للاسف هوما غبرطوها حنا رانا نتميزرو خصوصا شعبة علوم ياو ماساة اهائ اهائ انا تقرا معايا وحدة العام كامل جات خطرة و لا زوج و من بعد في التالي ولات تسقسي فيا اذا حابة ندير ميدسين باش تدير معايا هههه يعني ضمنا الباك و اون pليس ميدسين هههه :s و الله راني نشوف غير في العجب مي الصح انا نعرف شحال من وحدة نقلت و في التالي ما فاتتش 12 في المعدل
هههههه ميدسين طيرلكم بصح في الجامعة مانضمنلكش :d:d
ربي يهنيكم ويوفقكم ان شاء الله
المهم ربي يجب الخير ان شاء الله
الله يعطيك الصحة على الموضوع بارك الله فيك
تقبل مروري
صحا فطورك
بالتوفيق للجميع ^^​

شكرا لتواجدك بارك الله فيك
صحا فطوركم
تحيتي :regards01:

 

[جليلوس]

رد: وتغبرطت البكالوريااا

والله غير عندك الحق تغبرطت البكالوريا

هههه دوخونا والله :-r :d