وش صرآ فالبآك ~

[همس الوُرود]

السلآم عليكم ورحمة الله وبركآته


اليوم جيتكم وقلبي معمر معمر معمر معمر معممممممممممممر ~
بون وجدوا مليح روحكم بيسك رآيحة نحكي نحكي نحكي نحكي حتى نبرد ~ وتزول الشحنآت الي عليآ ~
وعلآش حآجة بآينة علآش

جبتهآ عآم وأنآ نقرآ ومقلقة وكآرهة وحآبة نخلص البآك نخدم فيه وننجح ونتهنى و نفرح وووونضحك وووووووووووو المهم ~

كيمآ وصل السيد بآكآلوريآ قلت لروحي وش تآني 5 أيآم؟؟ ويفوتوا يآك؟؟ وخليك من اللمة يآك أيآمآت برك؟؟ لآزم تنجحيييي لآزم تقرآااااي يآك؟؟

ومبعد بديت نقرآ نورمآل النهآر الأول فآت مليح شوية المهم مكآن وآلو مآسمعنآ وآلو مش مليح

اليوم التآني صرآت بلبلة فالكلآصة وش هي؟؟ يآك قرينآ ريآضيآت مآعرف المهم كآن البروبلآم فالطول طويييييييييييييييييل طويييييييييييل المهم

الي يعGبوا معآيآ تقلقوا و كآين وحدة قدآمي شببعت بكآ و الي ورآيآ دآخت ~ المهم

ممبعد النهآر التآلت نورمآلمو سمعت بلي الي يتوخر ولو دقيقة خلآااااااات عليه يقصى و سيبووون وخلي وخلي

المهم النهآر التآلت رآح عليآ الحآااال بآبآ دآني في طريق مختصرة وأنآ نقولوا أكسيليري بآبآااا وقلبي المسكيين يخبط يخبط يخبط عشرآلآف دقيقة فالسآعة

المهم وصلت 15:00 آه ومين وصلت زربت دخلت الحمد لله يآاااااااااارب عبآلكم كون قآلولي مآتدخليش؟؟ كنت نورمآل تديرلي سكتة قلبية بصح والله مآيحشموا مآيحشموووش كيفآش العبد عآم كآمل وهو يستنى فهديك اللحظة ومبعد يجي متوخر بدقيقة سيبون؟؟ خلآص العآم الجآي؟؟

المهم إيييييييه و زيد مين ندخل لليسي كآمل يتولولوا بين بعضآهم أو خرج السيجي و نينينيييي ونآنآنآاااا

وكيمآ دخلت للكلآصة كآمل فرحآنين

قآااالك كيمآ حطوا ليسيجي نشوف فيهم كآمل فرحآنين ويقولوا وآااااااااي هو هو هو هو

أنآ وليت بلآ رآس غآضتني عمري كيفآش أنآ الليل مآرقدتوش نقرآ وهومآ يدوه بالوآاااجد

وكل يوم هكآ أنآ فالليل سآهرة و كآمل يتبآدلوا فالسيجيآت و يحلوا فيهم وأنآ رآني مكسرة رآسي مع كآمل الوحدآت ونحل فيهم

والله مرة غآضتني صح جيت للدآر شبعت بكآ قلتلهم هومآ كلش مدآيينوا بالوآجد وهكآك بالسريقة وأنآ قآتلة روحي وفالأخير هومآ فالنتآئج يولوا خير عليآ؟؟

مي الحمد لله المهم الإنسآن يمشي بنيتوا و مع ربي يكون صآفي

روح مآعليش ومش غير هكآ يآو يكوبييييو ومش غير كوبيآج بلعقل بالصوووووووت وبالعيآط هآديك تخرج هكآ يآك وزوج تبآدلوا بالورق

وكون تشوفوا الوقآحة تع التلآميد يآو قريب يضربوا الأسآتذة الي يعسوا فينآ

وآحد يقوللهم يآو والله حآااالف نجيب المعدل اليوم ويقلق فالأسآتذة سيرتو النسآ و البنآت ليجون الي يعسوا فينآ

مين تجي وحدة قدآموا يقوللهآ وشرآكي أشيخة مآعليكش؟؟ تبآني مقلقة وشبيك؟؟ أممم وش تقري؟؟ كي تولي تعيط عليه يولي يرفع في صوتو ويقول سبحآن الله يآك نسقسيك مآشي غش ؟؟

أععع

وفالفلسفة مآعرفوش يحلوا بيسك مين حطوا الورقة ولآو يقوولوا خآطيه خآطيه ويخبطوا فالدنيآ ويقولوا خلآص البآك رآح ويحكيو فالكلآصة أنآ وحدة قلقوني مقدرتش خلآص نركز

والأسآتذة يعرفوا غير شششششششششت شششششششششششت شششششششششششششششششت



حآشآ أستآذتين والله سgدوهم ~


بصح كآينة حآجة هآدوك يكوبيو بش ينجحوا فالبآك بصح نسآو بلي رآهم يغلطوا بزآف فالإختبآر تع الدنيآ نآسيين بلي الغش حرآم

مآعليه

المهم اللخرة فالفلسفة الأستآدة كآنت تعيط على وحدة كوبآت هي بدآت تعيط عليهآ ووآحد ولآ يعيط يسكتوا علينااا ديرونجيو فيآ وأنآ حآصل هنآ ونتومآ تقلقوا فيآ روحوا تقآبضوا بعيد

جآه وآحد من برآ قآلوا بلعقل يآ ولدي قآلو شوف أنآ مآنسكتش على حقي مآتجيش تعيط علينآ هنآ خلونآ نخدموا

صدقوني بقيت بلآ رآاااااااااس مشووووووووووووووكية وش هدآ الي قآعد يصرآ؟؟


خسآرة حكيت حكيت حكيت ومآبردش قلبي


نخليلكم الكلمآت ليكم و ربي ينجحنآ يآ رب ويجيب الي فيه الخير ~
​

 

[لؤلؤة قسنطينة]

رد: وش صرآ فالبآك ~

السلام عليكم
بما أنو الموضوع دارو الاخ جليل في قسم واش راك تهدر تم نقل موضوعك لقسم فرغ واش كاين في قلبك
بما انو راكي تحكي على تجربتك الخاصة، على كل حال بالعودة لموضوعك والله يا حبيبتي فرغي قلبك كيما تحبي، احكي حتى لغدوة
المهم تنحي على خاطرك وتخرجي الغمة هاديك لي راهي حاكمتني حتى انا ههه، المهم والله يا عبورة لازم تفرحي وتفتاخري بنفسك خاطر مازال فيك ضمير حي ومازالت فيك نزاهة وحابة تخدمي بجهدك وصدقيني ربي مارايح يخيبك ورايح يكافأك على هاد الجهد ان شاء الله ،اما لي يوجد من قبل ويروح كلي لواجب منزلي هادا بالنسبة ليا قلبو ميت ورحمة الله عليه وضميرو تدفن من زمان
اما الناس لي حابة تحطم وزيرة وتستغل التلاميذ وتسرب مواضيع فوكيلهم ربين البكالوريا كانت بشانها وبهيبتها درك ولات تافهة
لدرجة كن نروحو للخارج يقولك روح عاود القراية من الابتدائي خاطر راك زيرو في مخك، درك البكالوريا ماش رايح يتعاود والناس لي تعبت بالاك راهي في دائرة الخطر وواحد عمرو لا قرا وزيرو في مخو يجيب معدل 15 ويولي طبيب المستقبل هههه والله مهزلة
اما حكاية لي يتوخرو هادوك والله سترك ربي لي لحقتي بكري وهنا مانلومش الوزيرة خاطر نتا كحارس وين شافتك الوزيرة؟؟ جا واحد روطار خليه يدخل علاه حتى ديرو الرهبة في قلب الاولاد، هادي من جهة والطلبة تاني ماش قلال والله تحكيلي ختي قاتلي يكوبي عيناني وبلا حشمة الاستاذة تعيط وهوما يصمطو ويكوبيو عادي وهكاك وسكتو عليهم، قاتلي يزيدو معاهم الهدرة وكل يوم تقابيد لدرجة ختي ماقدرتش تركز خلاص ، الاساتذة مالقاو كيفاه يديرو معاهم ولاو يسايسو فيهم كي العضمة
ربي يهديهم برك، والله البكالوريا هاد العام اكبر من كارثة وخدة تاع الصح
المهم عبورة ربي او معاكم، لي فضل يمشي بجهدو وبضمير حي او يوصلو ربي ماتخميش ولي يحب الطرقا لملتوية اي حياتو تكون هكاك بعد وربي ينجحك اختي ويوفقك ان شاء الله
تحياتي
​

 

[Salah eddin]

رد: وش صرآ فالبآك ~

و
تغيرطت البكالوريا
​

 

[لآ شَيْـئَ مُهـمْ]

رد: وش صرآ فالبآك ~

السلام عليككم
ما تقلقيش روحك اختي ، الباك ان شاء الله يتعاود و اعقلي على هدرتي
قولي حسبي الله و نعم الوكيل

ربي يوفقك

 

[همس الوُرود]

رد: وش صرآ فالبآك ~

السلام عليكم

وعليكم السلام ورحمة الله وبركاته
​

بما أنو الموضوع دارو الاخ جليل في قسم واش راك تهدر تم نقل موضوعك لقسم فرغ واش كاين في قلبك
بما انو راكي تحكي على تجربتك الخاصة، على كل حال بالعودة لموضوعك والله يا حبيبتي فرغي قلبك كيما تحبي، احكي حتى لغدوة

ماعليه أختي ربي يخليك~
​

المهم تنحي على خاطرك وتخرجي الغمة هاديك لي راهي حاكمتني حتى انا ههه، المهم والله يا عبورة لازم تفرحي وتفتاخري بنفسك خاطر مازال فيك ضمير حي ومازالت فيك نزاهة وحابة تخدمي بجهدك وصدقيني ربي مارايح يخيبك ورايح يكافأك على هاد الجهد ان شاء الله ،اما لي يوجد من قبل ويروح كلي لواجب منزلي هادا بالنسبة ليا قلبو ميت ورحمة الله عليه وضميرو تدفن من زمان

ربي يهديهم ويعافينا ويثبتنا يآ رب شكرآ أختي مريومة
​

اما الناس لي حابة تحطم وزيرة وتستغل التلاميذ وتسرب مواضيع فوكيلهم ربين البكالوريا كانت بشانها وبهيبتها درك ولات تافهة
لدرجة كن نروحو للخارج يقولك روح عاود القراية من الابتدائي خاطر راك زيرو في مخك، درك البكالوريا ماش رايح يتعاود والناس لي تعبت بالاك راهي في دائرة الخطر وواحد عمرو لا قرا وزيرو في مخو يجيب معدل 15 ويولي طبيب المستقبل هههه والله مهزلة

إييييه وي بصح ربي مآيخيبنآش بإذن الله دوك يطلعوا للجآمعة و يرشآو تم والشي الي كتبو ربي مرحبا بيه
​

اما حكاية لي يتوخرو هادوك والله سترك ربي لي لحقتي بكري وهنا مانلومش الوزيرة خاطر نتا كحارس وين شافتك الوزيرة؟؟ جا واحد روطار خليه يدخل علاه حتى ديرو الرهبة في قلب الاولاد،

والله صح يآو مشي فدقيقة ولآ 5 قآيق آوو بعد مشي هكآ شوية قلبهم يرأف بحآلنآ كآين حتى الي مآتوا علآجآل هدي الحكآية ديجآ كآين موضوع فاللمة على وحدة مسكينة ماتت كيماخلاوهاش تدخل~
​

هادي من جهة والطلبة تاني ماش قلال والله تحكيلي ختي قاتلي يكوبي عيناني وبلا حشمة الاستاذة تعيط وهوما يصمطو ويكوبيو عادي وهكاك وسكتو عليهم، قاتلي يزيدو معاهم الهدرة وكل يوم تقابيد لدرجة ختي ماقدرتش تركز خلاص ، الاساتذة مالقاو كيفاه يديرو معاهم ولاو يسايسو فيهم كي العضمة

صح هكآك بالذآت والله يشوكيو ~ههه حنآ وحدة أستآذة وآقفة في وجهو تع واحد وهو يدور وجهو ويكمل يهدر وهي تزيد توقف في وجهوا هههه Gرآاااااااااف
​

ربي يهديهم برك، والله البكالوريا هاد العام اكبر من كارثة وخدة تاع الصح
المهم عبورة ربي او معاكم، لي فضل يمشي بجهدو وبضمير حي او يوصلو ربي ماتخميش ولي يحب الطرقا لملتوية اي حياتو تكون هكاك بعد وربي ينجحك اختي ويوفقك ان شاء الله
تحياتي
​

صح أختي عندك الحق مريومة

وشكرآ على الرد والإهتمآمغاليتي ربي يحفظك ويخليك:regards01:
​

 

[همس الوُرود]

رد: وش صرآ فالبآك ~

و
تغيرطت البكالوريا
​

إيييه وي ربي يسترنآ برك ~

شكرآ على الرد​

 

[همس الوُرود]

رد: وش صرآ فالبآك ~

السلام عليككم
ما تقلقيش روحك اختي ، الباك ان شاء الله يتعاود و اعقلي على هدرتي
قولي حسبي الله و نعم الوكيل

ربي يوفقك

وعليكم السلآم أختي

الي كتبوا ربي مرحبآ بيه ربي يستر برك

ربي يخليك أختي ​

 

[hadil2044]

رد: وش صرآ فالبآك ~

ربي يفرج عليكم جماعة الباك
اللي صرا بهادل
وشكون راح سلكها فقط الطلبة الذين لاحول لهم ولا قوة
​

 

[مشتاقة الى الله]

رد: وش صرآ فالبآك ~

كيما قالو شخبط شخبيط نورية بن غبريط دخلتنا في حيط

 

[prince of love]

رد: وش صرآ فالبآك ~

السلام عليكم

والله انا مالقري ما جوزتش الباك بصح ما عجبنيش كامل واش صرا

بويسك كيما حكيتي .. راهي تخلطت الحابل بالنابل .. والمشكل انو الجماعة هادو لي نقلو ما عجبوهمش الحال كي عاودو الباك وزيد كي تهدرلو هكدا يقلك هادا ماشي غش .. كي شغل تجيه نورمال يدي معدل كيفو كيما واحد عام كامل وهو يقرآ


.
ودرك مالقري مهزلة كبيرة مي كي عاودوه على الأقل ما يروحوش الجماعة لي يقراو ويتعبو ضحية


بالتوفيق للجميع ​

 

[PrinCe of PrinceS]

رد: وش صرآ فالبآك ~

السسسسسسسسلام عليكم ورحمة لله وبركآته
اآنآ الحمدلله ميم قريت وأجتهدت ودرت لـي عليآ والحمدلله ميم بآغي ولـوكآن نجيبو بـ 10 من مجهودي ومستقبلآ رآيح نعآودو
أدآ جبتو هدآ أو العام العآم الجآي *’*
أنآ ماني معآك وماني معاهم
زعمآآ دوكآ غآضكم الحآل على المنظومة التربيوية يآو راه من زمان اهي فسسسسسسسآدة وشآبعة فسسسسسسآد
القوييييييي يآكل الضعيفففففففففف .. حسبي الله ونعم الوكيل
زعمآ ك خرج هدآ العآم للنآس عآمة غآضكم الحآل وعلأش مآيغضكومش في بكآلوريآ 2007 المليئة بآلفضآئح ؟
أو السوجيآت تخرج ف الخفآء الى المسؤولين وأبنآء الجنرلآت .؟
السآكت عن الحق شيطآن اخرس ... يتهدرو يتكون البكآلوريآ عآدلة يعني لـ يجيبو يستآهلهآ
مآشي بن دآك ودآك يجيبهآ والزوآلي يآكلو الشآرع
يمآ نكن أو لآنكون ؟
مجرد رآي

 

[PrinCe of PrinceS]

رد: وش صرآ فالبآك ~

نوصيكم
بلآمآ تصطآدو في الميآه العكره ،,’ ــــــــــــــــ
لـ نطآلبو بحقوقنآ كآمل يإمآ نسكتو
المسؤولين راهم شآبعين فسآد
وربي يهدي ...

 

[مرام التيبازية]

رد: وش صرآ فالبآك ~

السلام عليكم و رحمة الله تعالى و بركاته،إيه يا أختي كرهونا في هاد الباك و الله غير كرهناه أنا من شعبة آداب و فلسفة و الله ما فهمت لحد الآن كاين اللي يقول خرجوا المواضيع و كاين اللي يقول لالا مفهمنا والوا و يا أختي و الله غير تحيري كاين ناس مقراتش كامل و في الأخير لقات المواضيع و حلتهم و راحت اجوز نورمال تقول واجب منزلي على كل حال نحبس الهدرة هن خير على خاطر كي نبدى نهدر مانسكتش.
المهم ربي يجيب الخير و ربي يحمي بلادنا هذا ماكان و ربي يوفقنا إن شاء الله.

 

[imaneBBA]

رد: وش صرآ فالبآك ~

انا تاني عقبت الباك وانت لاه تحوسي على لي نقلو وغشو بينهم بين ربي انت اخدمي على روحك ومايهمكش في الناس حتى لو يجيبوه ب 18 المعدل ... وتاني كي تسرب المواضيع هاكم تعاودو فيه ربي ينجحكم ويوفقكم ان شاء الله
وكامل ناجحين يإذن الله
​